|
|
|
 Re: ابحثوا معى عن صديقى عضو البورد فارس موسى (Re: Kamal Elmahi)
|
التقيته و اختفى
ويوما كنت فى حفل زواج
وكان عندليب الحفل الراحل المقيم
وردى
بمدينة الدندر
خرجت بعد الفاصل الاول
عند منتصف الليل
وفى طريقى
فجأة سمعت صوت يستوقفنى بلهجة التحدى
كانو اربعة
كنت اعرف واحدا فقط منهم
كان يريدون شرا
استعديت للمضاربة ( اجيد فتون الدفاع الاعزل)
فجأة سمعت صوت ينادى الحاصل شنو
و كان بلهجة من يريد دخول المعركة
دون انتظار الاجابة
كان ذلك هو فارس موسى
| |
 
|
|
|
|
|
|
|
|
Re: ابحثوا معى عن صديقى عضو البورد فارس موسى (Re: Kamal Elmahi)
|
مرة اخرى
بعد اختفئه بأكثر من سنة
فى
ايام حظر التجوال
وانا قادم من امبدة الى بحرى
برفقة احد الاصدقاء
فى سيارته
عرجنا على الموردة
فى طريقنا الى بحرى ضرب لينا لستك
وما كان عندنا اسبير
وحظر التجوال اصبح قاب قوسين او ادنى
لا احد يريد الوقوف لمساعدتنا
فجأة توقفت سيارة
من غير ما نأشر
سالو ان شاء الله خير و نساعدتكم بى شنو
ادونا لستكهم الاسبير ( صديقى قام باعادته فيما بعد)
كانت المفاجأة
هو ايضا فارس موسى
| |
|
|
|
|
|
|
|
|
|
Re: ابحثوا معى عن صديقى عضو البورد فارس موسى (Re: Kamal Elmahi)
|
حبابك ألف يا كمال الماحى , فارس عضو فى هذا المنبر والأيام دى منقطع شوية لظروف الدراسة حنوصلك بيهو ان شاء الله
ما ذكرته عن الصديق فارس هو قطره فى بحر مآثره يفكر فى الآخرين قبل نفسه , قيل لكل انسان نصيب من اسمه وفارس اسم
على مسمى زول حارة وحلال شبك وزول قدامى عندما يحمى الو ط ي س , لك ولفارس كثير المودة والتقدير .
| |
|
|
|
|
|
|
|
|
|
Re: ابحثوا معى عن صديقى عضو البورد فارس موسى (Re: Dawalbait Hamid)
|
الحى بلاقى ولو إسفيريا !! نجره من عندى
د كمال ... حمدلله الذى جمعنا مره اخرى ..
اشكرك غاية الشكر على الكلمات النبيله فى حقى .. وما كان يا حبيب فى داعى للمداعى الإسفيريه دى
وجدت رساله من الصديق على جويلى وهو احد كمنداناتى فى بلاد اليانكى من دغش الجمعه .. اشكره إنابة عنك لتنبيهى بهذا البوست.
شكرى ايضا موصول للاحباب والاصدقاء :
استاذى ونوارة جيلنا عادل عبد العاطى
صديقى واستاذى ايضا فيصل الحسن
وحبيب الكل كيكى ( النجار)
والصديق فضل الصادق
ول ابا ضوالبيت حامد
شكرى الجزيل على كلماتكم الطيبه فى حقى وكلكم شهادتكم فينى مجروحه والله لا جاب يوم شكر اى واحد فيكم .
توقع منى تلفون بعد قليل يا دكتور كمال.
شكرا تانى
فارس موسى
| |
|
|
|
|
|
|
|
|
|
Re: ابحثوا معى عن صديقى عضو البورد فارس موسى (Re: فارس موسى)
|
Quote: و فارس صديق لسنين طويله و اخر عهدي به في هولندا في اواخر التسعينات
في هولندا ,, اظهر و بان اخونا فارس موسى |
معقوله بس !! ماهر الحويرص ذات نفسو .. ياخى مشتاقين .. مشتاقين .. مشتاقين ومشتاق لكل المعاك وخاصه اهلى ناس سنجه
ياخى مرحب بيك كصديق قديم ومعتق .. ومرحب بيك كبوردابى جديد لنج ..
وين إنت حاليا يا حبيب فى هولندا ولا مرقت منها؟
ياخى رسل لى تلفونك فى الماسنجر خلينا نخابرك ونسالك عن كل الطيبين والاحباب
تانى شكرا ليك يا دكتور .. أهو واحد من الاصدقاء القدامى ظهر وبان .
ياخى دا كمين شكلو ح يكون ولعه !!
| |
|
|
|
|
|
|
|
|
|
Re: ابحثوا معى عن صديقى عضو البورد فارس موسى (Re: فارس موسى)
|
| Quote: فارس موسى لكن ما بطلعنا من البلد عديل كدة |
يا سيف جبريل يا حبيب مشتاقون .. ممكن اطلب اغنيه ؟ أقصد طلب .. ما تشوف كمال اوسلى وين ! وخالد الايوبى!
معقوله يا سيف انا اطلعك إنت من البلد !! شن لما بابنوسه على الجريف ( رغم إنو بابنوسه احيانا تقرأ العرضه شمال وجنوب!!)
الجريف مركز وبابنوسه هامش
يا جماعه انا الجابنى البورد سيف جبرين قبل 9 سنوات ..فشكرا لسيف وشكرا لدكتور كمال تانى .
| |
|
|
|
|
|
|
|
|
|
Re: ابحثوا معى عن صديقى عضو البورد فارس موسى (Re: فارس موسى)
|
الاخوة الاعزاء
كل من مر على هذا البوست
لكم التحية
الاخ فارس نعم الاخ
و يبدو ان الجميع يشاركوننى نفس الاحساس
الحمد لله انى التقيته بعد طول غياب
و اجد نفسى عاجزا عن شكر كل الاخوة الذين
دلونى عليه
و اتمنى ان تستمر العلاقات الطيبة
و التواصل المثمر بيننا
| |
|
|
|
|
|
|
|
|
|
Re: ابحثوا معى عن صديقى عضو البورد فارس موسى (Re: Kamal Elmahi)
|
سلام اخونا دكنور كمال الماحي
وسعيدين بانضمامك لهذا المنبر العملاق
ابوي عندو مقولة يقول ليك
ماكويس الكويس كويس البيعرف الكويس
ويبرر الزول الكويس ده ماداير يشكروه لانو اصلو كويس لكن الانسان الذي يقدر هذا الانسان الكويس هو الكويس
كم من شخص كويس الناس اكلوه اوانطة ساكت يقول ليك ياخي الزول ده طيب مابقول حاجة ماترجع ليه الحاجات دي
ففارس بشهادتك وشهادة الجميع زول كويس وانت لمعرفتي الشخصية لك زول كويس جدا جدا
نتمنى لك وله دوام الكواسة بين الناس
يافارس ياكويس لو جيت منطقة فرجينيا طالبنك جية وطلة
نشم فيك ريحة د.كمال
| |
|
|
|
|
|
|
|
|
|
Re: ابحثوا معى عن صديقى عضو البورد فارس موسى (Re: بدر الدين مهدي)
|
الاخ فارس
لك كامل الود و الترحاب
لم ارك في سالف الخمسة عشر الماضيه .
فارس لمن لا يعرفه هو آخر الجيل الجميل ...لاتكتئب و انت في حضرته ... بسيط ، وديع، بشوش، ضاحك الثنايا ابلجها، ثم اديب اريب(مش بتاعة كمال حسن بخيت).
عهدي به كاسمه كما كناه لنا البعض هنا..
احببته لله في الله ، فهو يجبرك على احترامه بدماثة خلقة و كريم خصاله.
هنيئا لكل من يعرفه و كل من يتنفس ذات الهواء الذي يتنفس.
اين انت يا صديقي....؟
| |
|
|
|
|
|
|
|
|
|
Re: ابحثوا معى عن صديقى عضو البورد فارس موسى (Re: Mohammed Mahdi)
|
يا عادل خيارى
سلامات ..
| Quote: يافارس ياكويس لو جيت منطقة فرجينيا طالبنك جية وطلة |
أنا بديك خبر لو ظهر .. لأنى عارف منزلته وين ..
يا عادل، الما عارفنه الناس عن فارس .. أنه زول بقارى، وبرقص المردوم جنس رقيص، فى حلفة وداع بالنسبة له، ردم الوطاه لما كانت العمارة تهتز من الردم تقول تسقط.
بريمة
| |
|
|
|
|
|
| |
Kamal Elmahi
Abdel Aati
عبدالكريم الامين احمد
على جويلى
فضل الصادق
Dawalbait Hamid
Saifeldin Gibreel
فارس موسى
عادل خياري
هيثم طه
بدر الدين مهدي
بريمة محمد
فيس بوك
تويتر
انستقرام
يوتيوب
بنتيريست