يا كمال ترباس يا ( مجنون ) ... جننت الغنا و جننتنا معاك ...

Quote: ختير إنت ومجايبك تسلم تسلم تسلم وميرسي

Quote: يديك العافية يا قبّاني من امس كليب حور الجنان ما سكت, عجيب ياخي ترباس دا ما بتلقى لي حمامة الغصون مغروض فيها مع الفالانتاين القرب دا :)

Quote: اللواء أركان حب يحيى قبانى التختارو لاشك جميل ياجميل تحيات ياسعادة

Quote: قباني ياخ شفت الدرر دي كيف و ترباس جودها تمام. ما عارف يخيل لي اغنية الفطن الوسيم ما بصوت ترباس

Quote: يا عراب يا صانع الجمال مطلوب اغنية ما منك من العليك فورا

Quote: يا قبانى يا زول يا جميل هسه عليك الله المجنون منو انت ولا ترباس ياخ بطريقتك دى يوم بتعمل ليك جريمه فينا اصبحت من المدمنين لبوستاتك المترعه بالجمال واصل هذا الغوص الجميل واستخراج هذه الدرر لتجمل ايامنا التى اصبح يلفها الكدر التحيه لك مرارا وتكرارا

Quote: تشكر يا قبّاني يا ملك قلت لي يكتبها المسّاح ونـ" فلنتن" بيها بعد تسعين سنة

Quote: وليد ابكم بوست رائع يا يحي...بس لو تلحقنا بلنك الحفظ تحياتي كيمان مروان يوسف قباني ياخ انت جميل شكرا كتير

Quote: كمال ترباس مش مجنون وطبعا دائما بيتأخر عن مواعيده ، مرة مواعدنا نقعد في البيت وهو تأخر شديد فقمنا شغلنا شريط لأحد المبدعين برضو وكله حقيبة وبصوت عالي .. جاء كمال وجلس وقلت ليه عليك الله سوف الزول ده بيطرب الحقيبة دي كيف ؟؟ قام كمال قلع العمة الكبيرة دي وقعد بسروال وعراقي وطاقية وبدينا وأنا بسجل ،، حوالي الساعة 5 صباحا جبت شريط جديد للتسجيل قال لي ده الكم ؟؟ قلت ليه السادس قال لي علي الطلاق أرشيف الأذاعة ما عنده غنا قدر ده خلاص كفاية .... للحق الغنا من شدة سماحته هو زاته شال نسخ من الشرايط،،،، كمال فنان بجد

Quote: يااخى ترباس ده فعلا نابغة فى الغناء تلقاه بالصباح بغنى بسلم - طبقة صوتية - وبالليل فى سلم آخر مرة طلوع ومرة هبوط زى ماهو عايز يختار السلم ده او داك على كيفو ويكيفك لمن تتسطل زاتووووو. هذا الرجل ملك محكر فى التطريب

Quote: حيتو وجلسته ... قول ليهو بجمالك سحروك ولا مالك. تسلم ياقباني بفتش للاغنية دي بصوت ترباس ... بوستاتك دائما رائعة.

Quote: يا سلام يا ود قباني حاجه ترد الروح وتنعش البال يديك العافية يا اخي

Quote: عارف قاعدة لي كم هنا في البوست ده؟؟ ترباس فنان جد.. زمان ناس كتيرة ما كانت ما بتحب أغانيه.. بس هو كمان إتطور كتير فنيا وعمل لنفسه مكان كبير جدا ومميز.. شكرا ود قباني..