|
|
|
 Re: اغاني الانداية .. جنس خمج !! (Re: محمد عوض السيد)
|
..
وذات يوم ..
بينما كنت عائداً من المدرسة الابتدائية .. كان لزاماً علي ان اعبر بحلة فور ذلك الحي الشهير بالحصاحيصا ولسكني باقصي شمال المدينة
وجدت 3 اشخاص اثملتهم الخمرة ام دق يترنحون كما الهدم الفي السلكة ويتلفظون بشئ الالفاظ التي تشبه حالة سكرهم .. عندها تشابكت كل افكاري بكيفيه الهروب وباي زواية
فعقدت العزم علي الهرولة بعيدا منهم ومن ثم اعاود طريقي مرة اخري بعدما يذهبون لكي لا احتك بهم ولصغري وتهويل الامور ائنذاك ..
وهم كانوا ينشدون بصوت جهور مازل يرن في راسي كلما تذكرته :
سكرانين والسكره طينه
عرقى العيش سواها فينا
واطلقت الريح لارجلي والخوف يوعزني للمضي بعيداً عنهم والعرق يتصبب .. غايتو كانت بشتنة العدو اليوم داك 
يتبع ..
| |
 
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
..
وقيل ان ايقاع التم تم اول ماظهر كان في (الانادي) وظهر بجانب الدهلة والدلوكة ..
والدلوكة هي ايقاع معلوم في الثلاثينات ..
وكثيرا مايدور من غناء بالانداية يكون من الشعر الحماسي .. حيث يعلو الصخب والضجيج وضارب الدلوكة ومعه الكورس يشرعون في الغناء :
الليلة والومي
الليلة والومي
هي الليلة والومي
الكنان بريد عجبي
في ود عيسي ادفنوني ..
وعندما تأتي الخمرة اكلها برؤس الشاربين يصيح احدهم :
عاوزين دلوكة يابت غني !!
فتشرع به بصوت جميل وان كان اجش فهم يرونه عكس ذلك :
العوبة بلالي
هي العوبة بلالي
جنيات الزمن خسارة ترباتن
لارعيو البقر ولا وجبو حياتن
واللا كان تومي في شق العجاج فاتن
يقرعن الضحي رضيع عجيلاتن
هي العوبة بلالي
وتاني العوبة بلالي
جنيات الزمن البشربو ام بلبل 2
غراهن الزمن وقالوا مابنضل
واللاكان تومي في زي الصقر يقدل
يقرعن الضحي ويمسك رسانت البل
هي العوبة بلالي ..
2- ام بلبل اسم من مسميات المريسة .
يتبع ..
| |
|
|
|
|
|
|
|
|
 Re: اغاني الانداية .. جنس خمج !! (Re: محمد عوض السيد)
|
زمن عجييب والله والغريبة في الموضوع الناس البفارقوا المريسه تاني مابرجعوا ليها نهائي سبحان الله
بالله لاحظته للناس ديل لمن يقرطعوا المريسه في الاول يظهروا ليك الالم من مرارتها وبعدها بثواني يستمتع بمزاقها ويقول ليك اااااااااااااااااااااح
تحياتي يا محمد عوض
| |
|
|
|
|
|
|
|
|
|
Re: اغاني الانداية .. جنس خمج !! (Re: almogira alemam)
|
الاخ محمد ..
سلام
الراحل الطيب محمد الطيب ابدع في التوثيق للانداية التي كانت تمثل جزءً من حقب معينة في تاريخ السودان..
كان عندي نسخة من الكتاب وللاسف الشديد ضاعت منذ سنوات ولحدي اليوم ما قدرت الم في نسخة تانية..
ينوبك ثواب لو بتعرف لينا طريقة عشان نلقى نسخة ..
مع ودي
| |
|
|
|
|
|
|
|
|
|
Re: اغاني الانداية .. جنس خمج !! (Re: ياسر منصور عثمان)
|
..
Quote: زمن عجييب والله والغريبة في الموضوع الناس البفارقوا المريسه تاني مابرجعوا ليها نهائي سبحان الله
بالله لاحظته للناس ديل لمن يقرطعوا المريسه في الاول يظهروا ليك الالم من مرارتها وبعدها بثواني يستمتع بمزاقها ويقول ليك اااااااااااااااااااااح
|
المغيرة ازيك ياااخي
سمعنا والعهدة علي الراوي .. انه كان زمن غريب وعجيب حيث كانت للاندايات شنة ورنة 
غايتو انا بعيني ماشفتها يامغيرة عشان احس الاحساس ده
لكن جدي كان بقول لي انها كانت بمثل الغذاء لهم يشربونها منذ الصباح وقبل الذهاب الي الحواشات للزراعة
وكانت بكل بيت وتزيد في حالات المناسبات المفرحة .. وبجهزوها بالبراميل .. وبختوها في زير وبغطوها بي خيش وبرشوه عشان تبردها ..
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
..
وتسمع الضجيج والهمهمات الغير مفهومة منهم .. اللهم الا علو اصواتهم المزعجة وهم في قمة النشوة ..
وياحليل بيت الكيري (هو بيت الشراب وكانو يطلقون ليه ذلك الاسم )!!
وكانت ربه البيت تترنم باغنية مناسبة للحال :
اللابس العراقي
انا منو واحراقي
هوي الليلة
موتي الليلة
وهلاكي الليله
وتطوف الساقيات الحسناوات بالخمر فيشربون ويحكم الكيف بالغناء (الدكاكيني) ويطلق احدهم صوته :
الشويدن الكاتلني ريدن
وخلفة الكورس مردداً : الشويدن الكاتلني ريدن
الرتعن صعيدن
الشايل بريقن
الشولق وريدن
كلو الحي يريدن
الشويدن الليل يالشويدن
الشويدن الكاتلني ريدن
وتنتهي الاغنية بعبارت الاستحسان ويدور الكأس والمزه ويطلبون من اخر ان يغني لهم (السيسبان) وهي اغنية مشهورة رجات بذلك الزمان :
السيسبان مال واتكأ
البريدو عبا وليناجا
السيسبان مال واتكا
سكرة وجلسة في ضل الضحا
المابينا مايرجا العشا ..
..
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
| Quote: نحيك علي الاهتمام بالتراث الغنائي للسودان وفعلا كان زمن جميل لاكذب لادجل لاتجار دين |
تسلم ياحمدي للمشاركة عبر الفيس بوك
وما انا الا ناقل لهذه الاغاني بزيادة علي السرد
والشكر للباحث الذي قام بكتابة " الانداية "
وكان زمن خمجان خمج شديد لكن نرجع ونقول انه عهد وانتهي
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
..
الكيري عرفتها امدرمان من ضمن المدن الاخري وكان يرتادها اناس اولي باس ويحتلون مراكز في الدولة ..
وعندما جاءت المهدية حرمت رواد اللذه من شراب المريسة فانشدو فيها ما استطاعوا من هجا تغنو به ومنها :
واي انا الليل
ليلي انا الليل
يامهدية حكمك مابقالي
سويتي العبد راس دلالي
يطير اب رقعه يسكن في الضهاري
ويجي التمباك محمل بالرحالي
ونشق السوق نعلب في السجاري
ويقج شرموطنا بينات الجُراري
ونطير نندق نصفق للعسالي
ويجي اب زرة مار فوق الاهالي
وفي القصيدة مكايدة لعمال الخليفة كما هو ظاهر ومثل هذه تغني علي انغام (الربابة) والطمبور
..
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
..
ومن الاغاني (حليل موسي) وهي من التراث وقيل انها لفارس من قبيلة بني جرار ..
فزعم محفل من الشايقية باحدي الانادي ان احدهم جاء اليهم من الصعيد وعليه سيماء (الفلقصة) ودار الشراب وانتشي صاحبنا وغناها علي شرفهم :-
حليل موسي ياحليل موسي
حليل موسي للرجال خوسة
وغناهم حتي وصل الي المقطع :
ما بياكل الملاح اخضر
ولا بيشرب الخمر يسكر
فصاحوا به حليلو في شنو اقيف يا اخينا زولا لا بياكل الملاح الاخدر ولابيشرب المريسي يقولوا ياحليلو اما عجايب !! 
والمناصير يتميزون بخفة الروح عمن حولهم ويمل السامع حديثهم الطريف الصادق ولهم اغاني في غاية الطرافة ايضاً ولكن كثير منها يخرج عن نطاق الذوق :
ام دقري
الليلة يا ام دقري تبرشتي
الليله يا ام دقري تبرشتي
وتجيبي حق التموين تجي
الليله يا ام دقري تبرشتي
تجيبي حق السكر تجي ..
..
وام دقري احدي الجواري الاتي يصنعن الخمير ويتغنين بما يشتهي الندماء ..
..
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
Quote: في الضواحي وطرف المقابر
يلا نشرب كاس الصباح
ان سكرنا بنسكر مرايس
وان عشقنا بنعشق عجايز
وفي العجايز الجقق الكبار
|
تسلم اخي حيدر
مرات الناس ديل بتقلو في العيار شوية لامن كلامهم بيبقي خمجان خمج شديد يااااخي
وهناك الكثير الكثير من الاغاني التي حرفت من قبلهم وما في حكمهم
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
..
وايضا من الاغاني التي وجدت رواجاً كثيراً ويرددها الشباب الفتوات وهي تغني علي لحن المديح :
عيب شبابي الفاتني غش
والله ما ظار العشش
ماادوه كاس قطع العطش
حمر عيونو واترعش
جابو البصل حشوه حش
والكبدة زين رقدت فقش ..
وايضاً مايتغنون به علي نغمات الدلوكة :
يايمة دُوب ليهن
كدي يايمة دُب ليهن
معوجات طواقيهن
يايمة دوب ليهن
وسجم البلاقيهُن
يايمة دوب ليهن
كضاب البكازيهن
يايمة دوب ليهن
اخوان ريه ناديهن
انا ليا زول فيهن
يايمة دوب لهن
سجم البلاقيهن
قولين سي علي عصيهن
حود لا تصل ليهن
يايمة دُوب ليهن
الشيالين علي سريهن
يايمة دُوب ليهن
نمي وغناي ليهن
يالساني جيب ليهن
المعوجات طواقيهن
سجم ام البلاقيهن
..
| |
|
|
|
|
|
|
|
|
|
Re: اغاني الانداية .. جنس خمج !! (Re: عبد الناصر الخطيب)
|
..
ولهذه الجماعة وزن خاص في دنيا الانادي وعندما يتحولون من مكان الي اخر يتركون اثراً كبيراً علي من تحولوا منها لذا يتبارين الفتيات بالانادي لخدمتهم بشده ..
ولابد ان تكون الجارية حافظة لأغاني كثيرة حتي اذا طلب منها اغنية لا تجدها براسها .. وهن يفرحن للاطراء الذي يجدنه من الندماء ورواد الانداية بمختلف الفئات ..
ولجلستهم طعم اخر لما تحوية من نشوة وطرف تطال كل الجالسين من متعة ..
وتزغرد الجوارب ويطلب احد الظرفاء فاصلاً غنائيا فتمسك الفتاة الدلوكة وينساب الصوت الرخيم المتكسر الذي تشوبة البحة وهي تقول :
الصافي دهب الخزانة
الدولة ام فوت سد بكانه
بريدو ود شيوخ البطانة
حمر زاد فوق حدودو
مرق السبلات عُرضو
عبد له يبلغ قصودو
متل حاتم يحكو جودو
فيطرب ويدق احدهم الارض برجلة طاخ طاخ ابشري بالخير ويخرج الفتي جزلانه الضخم ويطبع علي جبين المغنية ويتبعه اخوان البنات
كل واحد يريد ان يتفوق علي اقرانه والجارية تتحمس للغناء ويرتفع صوتها ويهبط وهي تردد :-
الصافي دهب الخزانة
الدولة ام فوت سيد بكانه
ودشيوخ البطانة
ينتر دابي الرضايم
منع البي ردو حايم
عبد له قاد النعايم
علي (الهايكوت) ضعنو قايم
والمرددات يكررن :
الصافي دهب الخزانة
الدولة ام فوت سد بكانه
بريدو
ودشيوخ البطانة ..
واي مال اذا غنيت هذه الاغنية يذهب ادراج الرياح لما فيها من حماسة تستشري باوصال الشاربين وتدفعهم الي القا كل مال لديهم لدي المغنية ..
وياله من غناء جميل تطرب له الابدان وان داخله احيانا بعض الخروج عن النص بخدش الحياء العام
..
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
..
سلامات عوافي
اخي عبدالناصر الخطيب
شاكرا لك مداخلتك الثرة حول الكاتب والكتاب ..
فانا اتفق معك في كل ماقلته .. وقد كتبت ما قمت باقتباسه انت في مجمل ردي وتوضيح رؤيه من يراه عكس ذلك
الراحل الطيب محمد الطيب (رحمه الله) اتابعه عبر كتاباته والاذاعة ولدي تسجيلات كثيرة له من الحلقات رفعت جزء منها في عدة مواقع اسفيرية
وللاسف انا خارج البلاد حيث تركت معظم مكتبتي بالسودان .. وهذه الاغاني قمت بتدوينها قبل اكثر من عام بموقع الحصاحيصا دوت نت
ونقلتها الي هنا للفائدة ومزيد من التوثيق والقا الضوء علي هذه الحقبة من الزمان بالسودان ..
وليتك انزلت مافي ذاكرتك هنا
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: عبد الناصر الخطيب)
|
شكرا يا محمد عوض كلام زي العسلية
Quote:
وياحليل بيت الكيري (هو بيت الشراب وكانو يطلقون ليه ذلك الاسم )!! |
الكيري حسب علمي تقال للشئ المسروق أو السعرو أقل
مثلا اللحمة عندنا في الغرب لمن تكون رخيصة يقولو ليك اللحمة دي بتكون كيري يعني مسروقة عشان كدا سعرها أرخص من السوق العادي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
..
وبدارفور وتلك اللهجة اللطيفة التي يتخاطبون بها وحين ياتي دور الاخر بالشراب :-
انِتي يمينك
لو كان خصيمك ..
وبنفس اللهجة يشرعون يالغناء حين تدور الكاس بينهم :
فــــــــــرارا في ايدا
جنس ديل عــــــبيدا
كان جئ نوريكم ليُ
وللنساء بكل مكان دور بارز وينادون بما يدور براسهم من تقويم للسلوك العام والاغنية القادمة هي لعجوز توجه اللوم للشباب لعزوفهم عن الزواج وانصرفوا لملاذاتهم :
عيال توادي ابُو ولاده
بدور دلنق بي لحم جدادة
المخسرين
بسوو الشين
ثم يعودون الي اللهو والمزاح بعد الحكم والمواعظ وبعد كاس كاسين :
ميرم دربكي
العاشق يبكي
يبكي ويشكي
ياميرم دربكي
يامريم دربكي
يابت البندر
مريم دربكي
ويقف احدهم ويتنبر قائلا(هاي دا ولا غني ياخي دا كلام هبوب) وهو لايعجبة غناء من سبقة !! ويغني بمفرده :
ندوري دواس
هاي هاي ندوري
الدواس ندوري
ودوماً تنتهي بعراك من الطرفين الموجودين داخل الانداية ..
وبينما هم كذلك ياتي ياتي عسكري الحيكومة وتعلو الصيحات والهرج والمرج ..
وياخذهم الخفير لبيت كاتب المحكمة فيدون اسماءهم ويحدد مخالفتهم وكذلك اسماء صاحبات المريسة ..
والاغاني مثل هذه كثيرة ولكن هذا ماوصلنا من عهد لم تسعنا الايام حضوره لنقتفي اثر مابه من ضروب غناء
وشكراً للراحل الباحث في التراث / الطيب محمد الطيب ..
الذي طرق كثيراَ من الابواب لاشياء مسكوت عنها مع انها جزء من موروثاتنا التي مضت التي لايجب ان نتنكر لها ..
..
انتهي ..
..
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
Quote:
ان للغناء طعم خاص بكردفان حين يتغني به داخل الانادي ولما فيهم من جمال وحنين جارف بكل مايمت بصله اليهم ..
واغلب سكانها عرب بدو اهل أبل وماشية واغنام ولسانهم العربية اذا استثنيت جزء من جنوبها ..
ولاتختلف ثقافتهم في مشاربها وروافدها عن ثقافة اهل الوسط والشمال رغم التمايز الذي تمليه عليهم البيئة الجغرافية احياناً كاللهجة ومخارج الحروف ..
وان افضل مايتغني به عندهم هو غناء الجراري , عذب مثير ..
تقف البنات نصف دائرة ويكمل الدائرة الرجال ثم تبدأ الغناء اعذبهن صوتاً ويتبعنها زميلاتها يرددن المقطع تلو المقطع مع الاصطفاق
اما الرجال فنصيبهم في تلك اللحظة هو (الكرير) بالصدر والحنجرة وافلب اغاني الجراري تدور حول الفروسية والتحريض ومن امثلته : |
لن أنسى حين كنا صغارا نتعلم إيقاع الجراري بنغم
جيبي دُلَق جيبي كاس
ومع كاس دي تدُق رجلك خاصة في الجراري (التحتاني)
غيتو رجعتنا زمن (حكوهو) لينا عشان ما تقول كبار
زمان كانت الدلالق والكؤوس مدورة وماف زول شغال بالتاني
اسي الشفع ديل واحدة يشفط ليهو شريط (خط) يخرب ليكم الحفلة ويعمل فيها (أبو نواس)
شكرا يا ود عوض (صاحب إسمي)وكان لقينا فرقة بنجيك
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد حامد)
|
كتب حمدي جابر :
Quote: شكرا استاذنا محمد عوض الله قرات كتاب للراحل جمعة جابر يتناول فية اغاني التمتم وتناول فية بعض هذة الاعمال وفعلا اشعار الانداية تصور ما كان يحدث في ذلك الزمن من احداث وثانيا نحي سردك الشيق برضو وشجاعتك في التناول للموضوع في هذا الزمن الشائك
|
..
تسلم كتير للمداخلة
وانا قراته كذلك .. و لهم الرحمة والمغفرة ..
وكذلك الهسيس والجراري كلها ضروب من ضروب الغناء في السودان شاسع الاطراف والقبائل
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
كتب ياسر عبدالباقي :
Quote: شكرا لمجهودك الرائع ومشاركاتك القيمه اخى محمد عوض الله...كتاب الانديه للراحل الرائع الطيب محمد الطيب من اجمل كتب التوثيق فى التراث السودانى..ولا ادرى سبب ندرة الكتاب فى السوق ؟؟؟ يبدو انو الميل الدائم لتحريف التاريخ والواقع كما حدث فى كثير من احداث ووقائع فى تاريخنا..
|
..
تسلم صديقي ياسر
كتاب قيم بحق .. وكما ذكرت انفاً ان الكتاب تمت طباعته مرة اخري تبع المجموعة الكاملة للراحل / الطيب محمد الطيب ..
قبل عام او عامين تقريباً ..
وما لي الا اجر النقل الي هنا
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: نادر السوداني)
|
Quote: لن أنسى حين كنا صغارا نتعلم إيقاع الجراري بنغم
جيبي دُلَق جيبي كاس
ومع كاس دي تدُق رجلك خاصة في الجراري (التحتاني)
غيتو رجعتنا زمن (حكوهو) لينا عشان ما تقول كبار
زمان كانت الدلالق والكؤوس مدورة وماف زول شغال بالتاني
اسي الشفع ديل واحدة يشفط ليهو شريط (خط) يخرب ليكم الحفلة ويعمل فيها (أبو نواس)
شكرا يا ود عوض (صاحب إسمي)وكان لقينا فرقة بنجيك |
..
يامحمد كلامك ده فيه ريحة دقة او عسلية ماعارف غايتو
هههه تنسي كيف وانت اتعلمت بمتل النضمي ده
الجراري حبيب الي نفسي وكنت اتغني به ابان زيارتي الي مدينة الفولة مع احد اصدقائي الذي تمتد جذوره اليها
وماتخاف مانا مكبرنك تب 
وشفع هسي بقت عندهم موضه الشراب مع الحفلات وهاك ياكرسي طراخ كبعك ويشيلو كم نفر للمستشفي وناس للقسم .. زمن ..
وفي انتظار جيتك ..
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
..
Quote: البارح جيت من الانداية مفلق
لقيت عشاي معلق
ملاح تكتوك من الايدين اتزلق ....
|
..
تسلم اخي عبدالمنعم
والزول دا بكون من النوع البشرب ليه كم دلاق مريسة
لكن ملاح تكتوك ده ماخبرته تب والله ؟
يكون يا الله نوع من المزه !!
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
..
Quote: تعرف يامعلم حتي غني انداية الخواجات لة طعم خاص بة واصل متابعين يامعلم
|
تسلم يامعلم
وحقو تسولفنا بواحدة من اغاني اندايات الخواجات ديل
تعرف انا زمن الجامعة عيوني الحمر ديل كانن جايبات لي الهواء علي قول الشباب
ياما وياما كم نفر بجوني ليك واي واحد فيهم بطريقته في الدخلة للموضوع ويوم كنت بالنهار في الكافتريا خارج سور الجامعة قاعد اشرب لي في جبنة كاربة
اها اللذيذه واحد فيهم جاني وقام رماها لي ررب في عبي وقال لي :
عليك الله لفيتها بي كم كرت دي يامعلم الخلت عيونك عاملات كده
وانا ولا اتلفت رديت ليه طوالي وقلت ليه ب 3 .. الزول لامن نطط عيونه لي بره وقال لي خلاص يا معلم بكرة الرصة معانا في كولمبيا
وانا لي يوم الليلة بسأل من كولمبيا دي وين
في انتظارك
مع الود
| |
|
|
|
|
|
|
|
|
|
Re: اغاني الانداية .. جنس خمج !! (Re: إبراهيم عبد الحليم)
|
Quote: لكن ملاح تكتوك ده ماخبرته تب والله ؟
|
الرجل رجع في المساء جدا ، وراسه مفلق
وقد وجد عشاءه معلقا غالباً في المشلعيب ؛
التكتوك هو نبتة اقرب لفصيلة الملوخية ومن لف لفها ،
الا انها نوع رديء من الاكل ، واظن ان ملاح التكتوك انقرض الان لم يعد ياكله احدا ،
الفكرة ان الرجل جاء في حالة صعبة ،
ووجد العشاء كمان تعبان ،
Quote: يكون يا الله نوع من المزه !!
|
المزة يا محمد اثناء الطقس ، وجزءا لا يتجزأ من البهجة نفسها ،
تسلم ياحبيب ؛
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
سلامات محمد عوض السيد
أولا أحب أذكر أن أخونا وحبيبنا الطيب رحمة الله عليه لم يكن يتعاطى الحرام أبدا
( ما بياكل الملاح اخضر
ولا بيشرب الخمر يسكر )
المعنى أنه يتعاطى الخمر ولكن لا يصيبه السكر أى ذهاب العقل ؛ وهذا للفخر .
فى تلك الأزمان وما قبلها لم يكن تعاطى المسكر نقيصة للإنسان ؛ بل كان مكملا للفتوة والرجولة
وكانت للأنس والتجمع والتنادى . وربما كان الجلوس فى الأندية يعتبر نوع من العيب والتبطل ؛ بعكس
الذهاب فى الإنداية وكان كبار الشخصيات من شعراء وموظفين كبار هم رواد الأنادى خاصة فى مناطق الريف
والمدن الصغيرة .
ملا حظة صغيرة :
ولديهم طريقة في دورة الكاس باليمين وهي من التقاليد المرعية لديهم .. ولعل هذا من اثر الدين لديهم !!
لا دخل للدين فى هذه الموبقة ؛ إنما كانت عادة حتى من أيام الجاهلية ، ولتنظر لعمرو بن كلثومفى
معلقته :
صبنت الكأس عنا أم عمرو وكان الكأس مجراها اليمينا
وشكرا ليك أخونا محمد عوض السيد
| |
|
|
|
|
|
|
|
|
|
Re: اغاني الانداية .. جنس خمج !! (Re: صديق_ضرار)
|
Quote: الرجل رجع في المساء جدا ، وراسه مفلق
وقد وجد عشاءه معلقا غالباً في المشلعيب ؛
التكتوك هو نبتة اقرب لفصيلة الملوخية ومن لف لفها ،
الا انها نوع رديء من الاكل ، واظن ان ملاح التكتوك انقرض الان لم يعد ياكله احدا ،
الفكرة ان الرجل جاء في حالة صعبة ،
ووجد العشاء كمان تعبان ،
|
تسلم اخي عبدالمنعم
الاكلات السودانية كتيرة جداً .. وسمعت من احد الاصدقاء من الفاشر بانه في ملاح بعملوه من الكركدي
اي الكركدي العامل ليه ود المدير اعلان في المنبر
بعدين المزه دي ممكن تكون اي طعام لكن ناس الانداية بحبو الاكل الفيه الخمج زي ام فتفت والكمونية ومصارين الجداد والقوانص وماشابه ..
لحدي ماواحد فيهم يقع ليه في مصران اعور يجيب اخره
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: khaleel)
|
سلامات عوافي
اخي صديق ضرار
الراحل الطيب محمد الطيب .. انا احبه جدا ولم اقرا له الانداية وحدها بل كل ما خطته يداه واغلب برامجه الاذاعية
Quote: المعنى أنه يتعاطى الخمر ولكن لا يصيبه السكر أى ذهاب العقل ؛ وهذا للفخر .
|
وعدم السكر ده الخلا الجماعة يقولوا شن طعمه
Quote: ولعل هذا من اثر الدين لديهم !!
|
وهذه الفقرة تحديدا نقلتها كاملة وهي تخص ما توصل اليه الكاتب ورؤيته للامر من منظوره ..
وانا شاكرا لك مداخلتك بحق 
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
محمد محمود ازيك يااخي
| Quote: جهجت باكاتنا ...مشينا نقابالك مع المرحوم (احمد ربشة )... جينا لقيناك في الأنداية ...عموماّ حياك الله وين ما كنت ...تحياتي |
الله لا جاب جهجهة يا اخوي
بس بوست ربشة قديم وتوره من قبرة سامي عبدالمطلب
والرحمة والمغفرة للفنان احمد ربشة ..
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
خليل ياخليل
Quote: والبدور طولة العمر
يشرب من عرقي التمر
يسكر لامن ينكفي
|
ههههههه العرقي البخلي الزول ينكفي عنده قصص عجيبة في الكتاب
لامن الزول يركب حمارة بالمقلوب 
وكما جاء في الكتاب : برغم ان التمور شمالية المنبع الا انهم لا يجيدون صنعها مثل اهل غرب السودان
مع الود
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
وكتب صديقي طفشان بحائطي بالفيس ايضاً :
Quote: ولا تنس الوصايا العشر بالله:ـ
1. لا تنوم في الإنداية .
2. لا تجلس جوار الباب .
3. أقعد فوق سرجك .
4. ضهرك يكون على الحيطة .
5. عكازك فوق كرعيك .
6. حمارك لا تمرقو من عينك .
7. لا تملص نعلاتك وكان ملصتهن يكونن تحت رجليك .
8. لا تنضم كتير .
9. لا تقسم الشراب .
10. لا تفوّت كاسك |
تسلم ياحبيب
بالله الحكاية فيها وصايا كمان !!
والفقرة التاسعة دي كيف كيف باقية لي !! لانو ناس الشراب ديل كمان كريمين كرم شديد في الامور دي
ولو عندك او ماعندك قروش بتسكر .. الا من كان فظا غليظا
..
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
الاخ محمد عوض السيد
شكراً لك على هذا الخمج الجميل
النادي او المنتدى
او الانداية كما حرفها اهل السودان ..
كانت لها قوانينها وطقوسها ..
كما ذكر شيخنا الطيب محمد الطيب ..
واغاني الانداية هي جزء من هذه الطقوس ..
فهي بمثابة الاعلان على ان المريسة اصبحت جاهزة وان الانداية اصبحت على استعداد لاستقبال الزبائن ..
وتاتي بعد ذلك الاغاني اثناء سير العمل بالانداية وهي بمثابة عملية تنشيط المبيعات ..
وكذلك زيادة الايراد من خلال ما يجود به الزبائن على المغنيات ..
وتمثل الاغاني كذلك منبر اعلامي ترد به الانادي على بعضها ويتم من خلالها تصفية الحسابات ..
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
| Quote: حيث يري نقاده انه ما كان ان يظهر هذا الجانب غير المشرق من السودان وما كان يسود فيه |
العكس كمان
دي خطوة موفقة جداً من المؤلف
إنو يعرف الناس.. حتى السودانيين أنفسهم
بالشي الكان حاصل في الزمن داك
وكيف الناس كانوا عايشين حياتهم
زمن عجيب والله
تشكر مولانا
| |
|
|
|
|
|
|
|
|
|
Re: اغاني الانداية .. جنس خمج !! (Re: نافع الكوماوي)
|
تسلم يانافع النافع
نعم وفق في كتابة هذا التاريخ والتوثيق له وكذلك مؤلفه (المسيد) واخريات
والف رحمة ونور تنزل علي روحه
زمن عجيب وغريب
فقد كانت المريسة حاضرة في كثير من البيوت واساسية في المناسبات بالازيار والبراميل
مع ودي
واشواقي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
| Quote: فقد كانت المريسة حاضرة في كثير من البيوت واساسية في المناسبات بالازيار والبراميل |
بمناسبة حضور المريسة في المناسبات زمان
قالوا في بلدنا زمان كان في مناسبة
عملوا ليك المريسة دي بالبراميل
والأزيار
وختوها جوه راكوبة
وجابوا مرة كبيرة في السن
عشان تحرس الشغلانة دي لحد الصباح
الدنيا كانت ليل طبعاً
الجماعة قاعدين يجوها:
ياحاجة كاس واحد بس عليك الله
عمتك طبعاً قاطعاها معاهم قطع ناشف
واحد تفتيحة كدا من الجماعة ديل
قال ليهم دقيقة..والله أطبق ليكم فيها نظرية
لمن تآمن
الراكوبة كانت مبنية بالقصب
وهي راقدة قدام الباب
صاحبنا داك مشى جاب ليهو خرطوش موية
مشى ورا الراكوبة وخشش الخرطوش بين فتحات القصب
بالله شفطوا ليك المريسة دي شفط عجيب مع الشلة بتاعتو
ومقلبوا ليك باقي الجماعة
| |
|
|
|
|
|
|
|
|
 Re: اغاني الانداية .. جنس خمج !! (Re: نافع الكوماوي)
|
Quote:
اعدت قرأة كتاب الانداية للمرة الخامسة من شدة ما اعجبت به بحق .. ودوماً كنت اسرح بخاطري لزمن كانت العادة تطغي علي الدين
|
شكراً ود خال العوض
والله الكتاب دا ما لقيتو تب تب أنا
بالله كان عندك ليهو سكة ورينا ليها
بجيك صاد إن شاء الله
_____
الحليلة
| |
|
|
|
|
|
|
|
|
Re: اغاني الانداية .. جنس خمج !! (Re: إبراهيم عبد الحليم)
|
Quote:
..
سلامات عوافي
ياسر منصور
الكاتب والباحث الطيب محمد الطيب له الرحمة والمغفرة وثق لهذه الحقيبة برغم ما لاقاه من نقد لذلك
حيث يري نقاده انه ما كان ان يظهر هذا الجانب غير المشرق من السودان وما كان يسود فيه ولا اري في نقدهم شئ من المنطق ..
وليتني كنت موجود بالسودان لابحث معك عن هذه النسخة .. ولكن السنة القبل الفائته حضرت له تدشين المجموعة كامله بعدما اعيدت طباعتها
|
السلام عليكم
لو بتتكلمو عن النسخة الوردت منها صورة في اول مشاركة في البوست .....فانا بتذكر اشتريتها هي نفسها من دار عزة للنشر شارع الجامعة وكانت بـ15 الف جنيه بالقديم
وكان ذلك في 2009 او 2008
فعلا تم طباعة الاعمال الكاملة للمرحوم الطيب محمد الطيب ....لكن نسخة دار عزة دي جميلة وليها وقع خاص في النفس
اتذكر انو اصلا ما كنت ماشي اشتري الانداية ولا كنت بعرفو....كان معاي واحد صحبي وماعندو اي اهتمام بالكتب ولا شغال بيها ...بس لغاية ما انا اخلص بقى يقلب من طرف ووقع في يدو كتاب الانداية دا ووراني ليهو
وفعلا لقيتو ليك حاجة انتيكا خالص...واقرا واضحك ....ارقد يا عيش انا جرابك ....ههههههههههههه
ومن اجمل الاشياء فيهو برضو نصيحة الانداية...هي عبارة عن 10 بنود ولا 8 ما متذكر
اقعد فوق نعلاتك
خلي عكازك جنبك
,,,,,,الخ
ولمن الجماعة كانو سامين الطيب محمد الطيب سيد الصندوق لانو كان بجي بمسجل عشان يسجل احاديثهم دي وبعداك يكتبها في الكتاب وحتى منعوه من تشغيا الصندوق هههههه
كتاب والله قمة الابداع
رحم الله الباحث الطيب محمد الطيب رحمة واسعة واسكنه فسيح جناته
| |
|
|
|
|
|
|
|
|
|
Re: اغاني الانداية .. جنس خمج !! (Re: احمد سيد احمد)
|
سلام يانافع
Quote: وجابوا مرة كبيرة في السن
عشان تحرس الشغلانة دي لحد الصباح
الدنيا كانت ليل طبعاً
|
ماكانو محتاجين للتعب دا كلو والشفقة ياااخي
لو صبروا عليها شوية بس لامن تقرطع ليها كم كوز مريسة وقطع شك بترقد سلطة
مع ودي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
سلامات عوافي
تسلم اخي الحليله
Quote: بالله كان عندك ليهو سكة ورينا ليها
بجيك صاد إن شاء الله
|
والله ياريت الواحد لو قاعد في السودان كان فتشو وجابو ليك لحدي عندك
وزي ماقال ليك اخونا احمد بتلقاه في دار عزه .. وبرضو لو فتشت في البوسته
قطع شك بتلقاه لاني كنت مداوم علي الذهاب الي هناك للبحث عن اي من الكتب القديمة وخصوصا مكتبة الزهراء لصاحبها محمد صالح
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
تسلم اخي احمد للمداخله
Quote: ولمن الجماعة كانو سامين الطيب محمد الطيب سيد الصندوق لانو كان بجي بمسجل عشان يسجل احاديثهم دي وبعداك يكتبها في الكتاب وحتى منعوه من تشغيا الصندوق هههههه
كتاب والله قمة الابداع
رحم الله الباحث الطيب محمد الطيب رحمة واسعة واسكنه فسيح جناته
|
الكتاب قيم وفيه توثيق جميل لحقبة من الزمان كانت سائدة
والوصايا العشرة مكتوبة فوق باقتباس من احد الاصدقاء في الفيس بوك
والمجموعة تم تدشينها بعام 2010 تقريباً لاني كنت حاضر التدشين ده
وكانت المجموعة كلها لدي من ارشيف البوسته طبعاً الذي لا يخيب ظن باحث
وربنا يرحم الكاتب والباحث الطيب محمد الطيب ويغفر له
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
بوست لذيذ،
اسع انا حاسي بي نعوشة كده،
اكون جغمت حاجة بالغلط؟
،
وفي موقع البركل وفي حديث عن أغنية "الله هوووي ليلي انا" الشايقية، كنت قد كتبت:
Quote: أغنية "ليلي أنا" تشبه أغنيات أخر في مختلف بقاع العالم تم تداولها شعبياً وتمت الإضافة لها وفق مقتضيات الحال والظرف ككل فعل شعبي خالص.
بدأت كلماتها في مكانٍ مؤكد لا يعلمه سوى الخالق وبدأ تداولها عفوياً في باقي المنطقة وهي من نوع يسمى بغنا "المَرَّاسَة" بمعنى أنها تبدأ في بيت مريسة "إنداية"، وبين مجموعة نُدامى "تاية"، وذلك طقس آخر ينبغي فرد مجالٍ واسعٍ له ههنا إن أردنا التوثيق لمجمل أدبياتنا الشعبية.
يعرف هذا النوع من الغناء أيضاً بغناء "الحقة والطربيزة" وهذا إحالة على الطريقة التي كان يدار بها في "بيوت المريسة". وتايات الملمات.
يبدأ الغناء هنا بأبيات يتم تداولها في هذه الجلسة وتنتقل كالحمى من "تاية" لأختها ومن إنداية لأخرى، وفي كل مرة تتم إضافة بعض الكلمات لها وأحيانا تضاف ابياتٍ كاملة ومقاطع، أما المفردات فيتم التلاعب بها حسب مقتضيات الحال وحسب اختلاف تداولها من مكان لآخر.
|
،
رش الزير ده وخلي يلوليهو الهنبريب إن بقيت دايرنا نجيك راجعين..
،
| |
|
|
|
|
|
|
|
|
|
Re: اغاني الانداية .. جنس خمج !! (Re: بدري الياس)
|
شكراً محمد عوض السيد على البوست الجميل والهام.
وتحية وترحّم على الراحل الطيب محمد الطيب الباحث والرقم في التوثيق للتراث.
ما يقوله العديد من الأخوة هنا، من أن هذه العادات كانت وكانت ... وكانت ليس سوى نكران لها، كما كان ينكر وجوها من ينكر وكما رفض نشر الكتاب من رفض.
يا ناس ... هذه الأشياء لا تزال موجودة ... فقط هي انحسرت وأصبحت في الخفاء، خوفاً من المسلمين الجدد الذين تولوا السلطة ... أخفوها ولم يقضوا عليها .. فهل نفعل مثلهم وننكر وجودها؟
___
جاء في كتاب الإنداية أن الحادي كان يتغنى فيقول:
حليل موسى يا حليل موسى
حليل موسى الـ للرجال خوسى
ما بياكل الملاح أخدر
ولا بشرب الخمُر يسكر
فانبرى له الشايقي قائلاً:
ما بياكل الويكي ... ولا بيشرب مريسي؟
نان حليلو في شنو؟
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
محمد عوض السيد شكرا لهذا الخمج المُسكر
المريسه لا زالت تقدم في بيوتات ( العرقي )
واعتقد انها حكرا علي شيوخ السكرجه من كبار السن الذي كانت لهم صولات وجولات
ايام الاندايه .. فبعضهم يبتدر جلسته ب ( نص عرقي ) وما تبقي من مزاجه ( يتمو مريسه )
لا زالت صورة جردل المريسه داخل مزيرة عمنا مرحوم لم تفارق مخيلتي
وكما قال احد المتداخلين عن قوانين الاندايه
فما تحكم به ست الاندايه لا تملك فيه حق النغض
الصوره من صفحة احدهم بالفيس بوك
| |
|
|
|
|
|
|
|
|
|
Re: اغاني الانداية .. جنس خمج !! (Re: أبوبكر محمد عثمان)
|
بدري الياس
راسك خفيف اظنو
من الكلام ساكت نعنشت
| Quote: اكون جغمت حاجة بالغلط؟ |
مالك عاوز تجيب لينا الكشة لحدي عندنا
| Quote: بدأت كلماتها في مكانٍ مؤكد لا يعلمه سوى الخالق وبدأ تداولها عفوياً في باقي المنطقة وهي من نوع يسمى بغنا "المَرَّاسَة" بمعنى أنها تبدأ في بيت مريسة "إنداية"، وبين مجموعة نُدامى "تاية"، وذلك طقس آخر ينبغي فرد مجالٍ واسعٍ له ههنا إن أردنا التوثيق لمجمل أدبياتنا الشعبية. |
اغاني الانداية ليس لها احكام معينة فهي تنبع بحكم السكرة لدي كل فرد ويبدا في الغناء بشكل عشوائي
ولقد كان هناك شعراء ينسجون مثل هذه الاغاني .. غير التي يتم تحريفها وقد ذكرنا لها عدة امثلة انفاً
والسكرة لامن تربط ممكن تكون اسد ولو كنت نعامة
قيس عليها اي حد مابعرف يكتب يكتب اغنية وتتغني كمان .. مش اندية وفيها مريسة
ورش الزير دايرنو بس بنخاف ريحة الكشنة تمشي بعيد وتجيب لينا الهواء كمان هههه
وارقد عافية ..
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
محمد ابوالعزائم
زارتنا البشارة والله
| Quote: هذه الأشياء لا تزال موجودة ... فقط هي انحسرت وأصبحت في الخفاء، خوفاً من المسلمين الجدد الذين تولوا السلطة ... أخفوها ولم يقضوا عليها .. فهل نفعل مثلهم وننكر وجودها؟ |
شاربي الخمر تنؤ المحاكم بهم كل يوم وفتر الجلاد .. ولكن ظهر ماهو اسواء من الخمر ويتمثل في المخدرات التي لا رائحة لها ولا طعم !!
Quote: فانبرى له الشايقي قائلاً:
ما بياكل الويكي ... ولا بيشرب مريسي؟
نان حليلو في شنو؟ |
وفي رواية اخري :
فانبري له الرباطابي قائلاً :
زول لا بياكل الاخدر ولا بشرب بسكر
شن طعمه
مع ودي
واحترامي
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
ابوبكر سلامات
Quote: المريسه لا زالت تقدم في بيوتات ( العرقي )
واعتقد انها حكرا علي شيوخ السكرجه من كبار السن الذي كانت لهم صولات وجولات
ايام الاندايه .. فبعضهم يبتدر جلسته ب ( نص عرقي ) وما تبقي من مزاجه ( يتمو مريسه )
لا زالت صورة جردل المريسه داخل مزيرة عمنا مرحوم لم تفارق مخيلتي
وكما قال احد المتداخلين عن قوانين الاندايه
فما تحكم به ست الاندايه لا تملك فيه حق النغض |
الشئ البعرفه انو المريسة دي عند بعض القبائل شئ اساسي لافتتاح اليوم من الصباح ويعتبروها كغذا بالاول
وياحليل المريسة ام جرادل .. انا كان حضرت الزمن داك ما عارف كنت حا اكون شنو غايتو
وقد كتب في جرادل المريسة اشعار واشعار اليك احداها :
الجرادل طلعنا ..........
في دقايق من غير كلام
فرحات ودكا وصحابن
ساقو تيسُن وشدو ركابن
راح صباهم ورايح شبابُن
حوا قالت مرحب حبابن
الرجال الكرما العظام
شوف شرابن وشوف الفضائح
شربو جردل وتلات صفائح
داكا كورك ولي حواء صائح
احجزي الموجود يام زمام
حواء قالت لي قجة مالك
يعمينا ماشفنا مالك
عاين يمينك وعاين شمالك
تلقي فرحات حافظ للنظام
شوف السر واحمد عطية
شالو كيسن ومشوا للرضية
اللاعيسر قال لسه نية
الجعيص قال ماعليه
كبو لينا وخلو الكلام
........
الشاعر : عبدالله محمد زين - مضيف بالخطوط الجوية السودانية
| |
|
|
|
|
|
|
|
|
|
Re: اغاني الانداية .. جنس خمج !! (Re: محمد عوض السيد)
|
كتب ايمن عبر الفيس بوك :
| Quote: شكرا ياصحب البوست الجميل----و احقاقا لاهميه الاندايه في الزمن الجميل داك طرفه تقول ان الجماعه في احدي قرانا في الجزيره اجتمعوا علي ان يبنوا لهم مسجدا في الحله من اجل اقامه الفرائض الدينيه بدلا عن الزهاب لمساجد خارج القريه وعندما زهبوا لكبيرهم في الحله ليخبروهم عما انتوه نهرهم وقال اول تبادي اعملوا ليك كمبو في الحله شان مااولادكم كل يوم يجبوهم مفلقين من كنابي الحلال والصلاه دي ربنا بقبلها في اي مكان |
تسلم ياحبيب للتعليق
لكن بالغ شيخ الحلة الخمجان دا
مع ودي
واحترامي
| |
|
|
|
|
|
|
| |
محمد عوض السيد
almogira alemam
ياسر منصور عثمان
حيدر حسن ميرغني
محمد حامد
عبدالمنعم الطيب حسن
نادر السوداني
إبراهيم عبد الحليم
محمد محمود محمد
حبيب نورة
khaleel
علي محمد الفكي
نافع الكوماوي
elhilayla
احمد سيد احمد
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست