كتب الكاتب الفاتح جبرا المتوفرة بمعرض الدوحة
|
|
 خازوق ود الحجير
|
ود الحجير طلعت الشمش وحمارتو المكايدية والكنار ويا تلاتة سفر جاك زول
كتح كاس الدقة الضواقة ومسح شنبو وضحك وصنقر قعد
طلب عبار كبير صفيحة ووضعها في ركن قصي من الغرفة الخاصة التي يطلق عليها الجنة
وهي خاصة بكبار الشخصيات فقط ولكن الدنيا صباح وكبارهم لم يأتوا بعد
وضعها في ذاك الركن البعيد خوفا من العاقب اللعمى كما احتج ود عاول على تسكعه بين العبابير
حينما كشح عباره فقال عنه تلك العبارة الشهيرة
عمي الدنيا ديل كلهم في الجوامع اكان عمينا نحن الحايمين وسط اللنداي
ففرك ود الحجير كفيه فرحا مترنما ببعض ابيات الدوبيت المتداولة حينها
وخرج ليشتري ربع كيلو لحم كامل مع قليل من البصل اب حلوق بالاضافة للعجور والتبش
واحضر كل مسلتزمات الجلسة التي قد تمتد الى مغيب الشمش
ويكون يوما تاريخيا من ايامه من طلعتا لغيبتا
ولكنه لايدري بما تختفيه له الاقدار التي اتته على حمار هذه مرة مقرب قربة
يمطتيه ابن اخته جعفر ود عجبت
خالي موسى جدي ود الحجير مات
فنظر اليه خاله موسى ود الحجير وقال قولته التي سار بها ركباننا حتى كتابة هذه السطور
والله خازوق
|
|
 
|
|
|
|
|
|
|
|
Re: خازوق ود الحجير (Re: عبدالله ود البوش)
|
الصدفة جمعتي مع صديق مهنة قديم
حق الله بق الله وعامل كيف وككيف
لما لقى محلي في نفس الوتد المربوط فيهو من سبعطاشر سنة
قال لي معليش للتشبيه لكن لو كان حمار كان مات ههههههه
قبلت منو التشبيه لانو عرض علي وظيفة لمن قلت العنز دي جنت ولا شنو
وحكاية العنز المجنونة دي نحكيها في وقتها المناسب اسع خلونا في حكاية الحمار الميت دي
ونواصل
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
طبعا عمكم مختار ( اللهو انا ) ما بحب المجاسفات كلو كلو لانو عمكم مختار محمول وذو عيال
مجاسفة يوم واحد بدخلو في حيص بيص
يازول لو لقيت طريقة وانفيك ليك من جماعتي ديل كلامك دا مضمون ام دلدوم في ضهر ؟ ولا لبعدين نبقى في حاو وهش ؟
ياخي انا القرار في يدي دي وانا اتحمل المسئولية
طيب اديني نفس ... الموت فيهو فجة خليني اتلبج ثم الله اهوينيني
| |
|
|
|
|
|
|
|
|
 Re: خازوق ود الحجير (Re: حسين ديقول)
|
الحبيب ود البوش التحايا ليك ولى كل اهل العتامنه وكلامك السمح ده لا تقطعو اها فى يوم المفتش كان لافى بى عربيتو فى الحواشات وكان الوكت حصاد قطن ...وكل التقى ..جمع تقا ..ملانة شوالات قطن دا جاب 10 ودا جاب 12شوال ....المهم لافى لقى ليهو واحد جاب شوال واحد بس ...قال ليهو انت خبارك انت جبت شوال واحد ...وكل الناس 10و12 ...قال لى انا جبت شوال واحد لكن ملان شديد !
| |
|
|
|
|
|
|
|
|
|
Re: خازوق ود الحجير (Re: سامى عبد المطلب)
|
| Quote: قال لى انا جبت شوال واحد لكن ملان شديد ! |
سامى عبدالمطلب يا ود أخوي الرائع الكيبوردو ما معلمو الهوبان
سلام وتحية واشتياق حت كمان
حاجة عجيب يا سامي
العبارة الفوق دي انا لمن سمعتها وانا صغير قالوا لي دي قالها ابوك للمفتش لمن جاب شوال واحد
.
.
يا حليل شوال الكبس يا سامي
.
.
سامي من وين ات عليك الله ؟
غايتو كان بعيد طب تكون من النخيرة الفكي عثمان ولا ردها ولا دون جاي شوية لحدي ام بوشات
| |
|
|
|
|
|
|
|
|
|
Re: خازوق ود الحجير (Re: فيصل محمد خليل)
|
Quote: ود الحجير طلعت الشمش وحمارتو المكايدية والكنار ويا تلاتة سفر جاك زول
كتح كاس الدقة الضواقة ومسح شنبو وضحك وصنقر قعد
طلب عبار كبير صفيحة ووضعها في ركن قصي من الغرفة الخاصة التي يطلق عليها الجنة
وهي خاصة بكبار الشخصيات فقط ولكن الدنيا صباح وكبارهم لم يأتوا بعد
وضعها في ذاك الركن البعيد خوفا من العاقب اللعمى كما احتج ود عاول على تسكعه بين العبابير
حينما كشح عباره فقال عنه تلك العبارة الشهيرة
عمي الدنيا ديل كلهم في الجوامع اكان عمينا نحن الحايمين وسط اللنداي
ففرك ود الحجير كفيه فرحا مترنما ببعض ابيات الدوبيت المتداولة حينها
وخرج ليشتري ربع كيلو لحم كامل مع قليل من البصل اب حلوق بالاضافة للعجور والتبش
واحضر كل مسلتزمات الجلسة التي قد تمتد الى مغيب الشمش
ويكون يوما تاريخيا من ايامه من طلعتا لغيبتا
ولكنه لايدري بما تختفيه له الاقدار التي اتته على حمار هذه مرة مقرب قربة
يمطتيه ابن اخته جعفر ود عجبت
خالي موسى جدي ود الحجير مات
فنظر اليه خاله موسى ود الحجير وقال قولته التي سار بها ركباننا حتى كتابة هذه السطور
والله خازوق |
يا فيصل خليل
الاستاذ ود البوش قال داير يعمل مكتبة لمثل هذا الكلام الذي يصعب على ناس الخلاء الزي فهمه ؟ تلقى اب احمد هسي قاعد يدردق من الضحك
يا بوش من هسي وظفني مترجم في مكتبتك دي
وا شرطة عينا قدام اهل المدائن 
| |
|
|
|
|
|
|
|
|
|
Re: خازوق ود الحجير (Re: محمد عمر الفكي)
|
| Quote: وا شرطة عينا قدام اهل المدائن |
اهل المدائن لحم الراس نحن قالوليك ساعلين فيهو
مدائنن بهرتا تجيب الضهبان
.
.
محمد عمر
شكرا لمرورك الكريم لكن لامن تديها طبزة
تحياتي
| |
|
|
|
|
|
|
|
|
|
Re: خازوق ود الحجير (Re: سليمان القرشي)
|
اولا بالتبادي سلام عليكم كل الضيوف الجوة والبرة
اها تاني شئ انا ذاتي ما بحب الشحتفة والجرجرة اكب ليكم الحكاية كلها
شوووووووو كيلة عيش في شوال
وتاني اجيكم واحد واحد اطايبكم واساليكم
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
الحكاية دي فيها فوائد للناس الفي السعودية هنا بالذات
الواحد فيهم ما اسوي زي عماكتي دي وانترح ليهو في محل واحد
اعمى ومسكوهو عكاز علي الليمان انا فت قعدة في شركة واحدة 17 سنة
دا شنو دا هو شبع اصلو
طبعا انا شغال بمثل السعية غير المتطور مع الزمن
وهو الرتيعة شبيعة
واكتشفت انو مثل رواعية سجمان ساهي
لازم الواحد اكون عندو طموح وابقى زي العنز ام دنقوس هههههههه
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
زولنا قدم لي عرض ضعف ما استلمه الان دبل دق عديل كدي
يا زول انا ما كنت ميت
وبكرة من الصباح عرضحال كبير للسيد المدير وهو زول فريطيق ساهي
استغليت فرطقتو ثم استغليت انو معاي زي الشحمة والنار
وكتبت مطالبا بزيادة كبيرة دونها او يعتبر هذا الخطاب بمثابة استقالة
بالله التقول الزول قاعد ليهو فوق نفسو
طوالي كتب تم قبول الاستقالة واخر يوم عمل 30 يناير ( طبعا الناس ديل ما بعرفوا شهور ربنا زي ما قال المصري )
ما صدقت
دقايق بس وكتبت خطابات نقل الكفالة مع صورة من العقد بها بند واضح وصريح
في حالة انتهاء العقد بين الطرفين وبالتراضي يتم نقل كفالة الطرف الثاني
طلب مني خطاب من الشركة المعنية وهواء اجي الخطاب بالفاكس
وتم التوقيع
ويا غرفة تجارية جاك زول غنيان
وتم التصديق
وعووووووووووك يا معقبنا الممتاز تيزة جد تعال شيل الورق
وبالمناسبة ائ زول عندو نقل كفالة معقد اقول عوووووووك فهذا المعقب عندو تجديد الكفالة زي ملصة المركوب
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
اليوم التالي بدت المعاكسات
الجواز منتهي
كربت كربت كربت حاو هش جوة السفالة السودانية ( حمودي ولدي زمان بقول لي يابا ماشي معاك السفالة )
وصدق حمودي حينما كان عجمي
ادفعك ادفعك حتيت الجيب وجددت الجواز اللخدر علي الليمان الجواز منتهي كلو كلو فوق العشرة سنوات
وتم تجديدو كدي بس .... جوازات جديدة ماف
الووووووو يا معقب الغفلة الجواز جاهز تعال ياخي خارجنا
وانا في عجلة من امري لاني عارف الشاكوش الكبير لايدري بما يجري
فلو درى الامور ربما تنقلب رأسا علي عقب
ما شغال معاهو ود ابرخيصة عاد بفكني ؟
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
معقب نجيض خلاص
قال لي ادفع الرسوم ما تعطلنا بكرة بسلمك نقلك جاهز زول نجيض خلاص
والتلفونات اشتغلت دي النقلة التانية رسوم بس 4000 ريال
كيف كيف يا اخينا كيف كيف ياهو زي دا
وتم جمع المبلغ بقدرة قادر
وتمت عملية الدفع
ويا يوم بكرة ما تسرع تريحنا من التلتلة دي
ويا جدي الفكي ود صباحي تطرش الشاكوش وتعمي ما اسمع بي الا وانا غيرت حتى رقم الهاتف
وتاني ان شاء الله اغني بالليل دا ماشي وين بالليل دا ماشي وين
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
ات يا الشاكوش الكبير وهو زول نافذ نفذة جد تقوم تستعدي المدير العام لاجتماع طارئ
وقعدتم كدي اقوم أسألوا مني عشان يطمئن على فاعلية الشحمة والنار وطبعا في صالحو الشحمة والنار دي
اقوم مدير الهناء اقوليهو قدم استقالة وقبلناها والان شغال في اجراءات نقل الكفالة
تفركش الاجتماع وانقلب تلفونات
رررررررن يا الكشاف ترن
مما شفت الاسم
طوالي رددت عبارة ود الحجير
والله خازووووووووووووووووق
وقد كان وانتهت كل الامال زي الحلم
وتاني رجعت لرابطي القديم لكن حارن حرنة شينة خلاص
--------------------
انتهت وانشبطت
شيخ الجماعة كان جاكم بتدوا شنو ؟
| |
|
|
|
|
|
|
|
|
|
Re: خازوق ود الحجير (Re: علي محمد الفكي)
|
الحبيب علي ود الفكي
ياخي الجميل وجودك هنا وسمح ات دا البتقول الكلام السمح وزين
| Quote: القطن والفول والذرة والقمح |
الله الخبت غزل اللخبت غزل الجزيرة وتلاتاتها الكانن تلاتة بس وبقن اربعة
يا حليل
لق لقيط
قل قليع
ار ارباح
عل علاوات
والوصل المكتوب فيهو صـــــــــــــــــــــــــــورة والجزلان الذي يحمل صورة علم السودان
ضرانا الله اضروا
.
.
ود الفكي ياخي ممتن جدا لمرورك هنا مع تحياتي
| |
|
|
|
|
|
|
|
|
|
Re: خازوق ود الحجير (Re: عبدالرحيم أبراهيم العبيد)
|
الحبيب عبدالرحيم زول هببنا
تحياتي واشواقي
يا حليلك وحليل المطامير وملاح الرز
والله اجازي الكان السبب وضرانا في القروانة
شكرا لمرورك البارد زي نفحات الصباح ناحية هببنا وراس الفيل والخير بجيك وام بجيك
| |
|
|
|
|
|
|
|
|
|
Re: خازوق ود الحجير (Re: سليمان القرشي)
|
Quote: اهااااااااا
ياعمنا سلام عليك اول حاجه
وتاني حاجه ماتشحتفنا
اصلو نحنا مانصدق نلقي
اسم ودالبوش في بوست
ياخي دا ماعيد عديييل
يلا واصل بدون فواصل |
سليمان القرشي ود أخوي الكلس
حرم عشان كلامك السمح دا شوووووووو كبيت الحكاية
.
.
ياخي كلامك دا من الهوشة اخلي الزول اقع فوق كيبوردو اكسرو كع
الله اجبر بخاطرك ياخي
وانا هنا اكتب لاجلكم انتم الغبش اولاد الغبش ابان مسوحا مي
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
| Quote: يا ود البوش كيفنك اخوى والله لى زمن متابعك وحاسس انا بعرفك وكت قلت يا جدى ود صباحى رررررب وقعت لى فى عبى هااا جنى نحن ما اهل عدييييييل كده على الجزيمه انا جدى الفكى صباحى لزم ااااخوى الدنيا مى معروفه اخير نتشاوف ونتعارف وانا معاك فى مطورة جده ده ترا الله يمرقنا منها |
أحمد ود عمي عبدالقادر
عوافي يا زول
اها خليني احدد ليك حلتكم بالزبط
اولا بالتبادي
محصورة بين الهدى والعزازي وسرحان وكان ما أخاف الكضب اقول العقدة ام شارع ام طمبورا قارع
ولا كمان ود اغيبش او عثمان فرح وبالكتير طب ود المنسي ولا السانية
ضروري تلفون منك يا أحمد
تلفوني في البروفايل
ولا كمان اسهل ليك 0554009464
| |
|
|
|
|
|
|
|
|
|
Re: خازوق ود الحجير (Re: بكري اسماعيل)
|
سلام وتحية اخونا بكري اسماعيل
شفت مثل اهل السعية دا ما تهملوا كلو كلو ولا كمان تنتكل عليه
يعني دارق واعمل حسابك من الكدة
ويمكن ان تستعين بمثل التجار البقول لازم تبقى زي القرد بعد امسك العصن بيد حتين افك العصن الماسكو
.
.
الطموح يا بكري مطلوب ونسبة نجاحه تتناسب مع نسبة مخاطره
ولو بقيت ما زول مخاطر وزولا محمول ومرق بيت اخير تركز وترتع
.
.
شكرا اخي بكري مع تحياتي
| |
|
|
|
|
|
|
|
|
|
Re: خازوق ود الحجير (Re: سامى عبد المطلب)
|
| Quote: على بالطلاق يا ود البوش ات فكى يزوروا فوقك |
دا تأكيد عزوبية ما يشبه الرغبة في العرس
الحمد لله جات علي كدي
قال فكي قال
Quote: كدى استعدل عربيتك دى النرفع لك الشلابى ديل ...!
|
هههههههههههههههههههههههههههههههههههههههههههههههههههههههههههههههههههههههههه
مبالغة
ياخي ديل ملح الارض وفاكهتها
يا ود اخوي تسعلني انا من المعيلق ؟
المابعرف المعيلق حرم مابعرف التعليم في الجزيرة دي لمن كان فيها الوسطى تاني علا كاب الجداد والحصاحيصا
سامي ود اخوي اشكرك كثيرا وتدوم المودة بيننا
مع تحياتي
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
الاخ عبدالله ودالبوش
تحياتى لك
يا اخي شكرا لك لسردك لكل ما هو جميل زمان فى مشروع الجزيرة وزكرتنا شوال الكبس المكتوب عليه بمحتويات حجر البطارية وذكرتنا بالانداية والكنابي التى تتوسط الحواشات والكل فرحان بوضعه لا هامش لا جلابة
المرة الجاية اكتب لينا عن ترعنا والبلابيط السابحة فيها وعن النقنقر وشوى الفول الاخضر وعرج على السعية ويوم الراعى ما سارح وتتوكل بالغنم والبقر مع بعض وتقوم اربعة معزة يلدن ليك فى الخلاء
اما الوظيفة ان شاء ربنا يبارك لك فيها ويعوضك احسن
| |
|
|
|
|
|
|
|
|
|
Re: خازوق ود الحجير (Re: شمس الدين محمد)
|
الاخ العزيز شمس الدين محمد
سلام واحترام
ومبروك عليك دخول المنبر واربى ببوستاتك وســـخيلاتـك وسواسيوك بعيدة من الحدية هههههه
عليك الله يا شمش الدين اخوي حصل اتغتيت بشوال الكبس واتكرفت ريحتو ؟
وحصل يا الشمش سكنت في الباجور وجاتك زيفة الصباح بين القصيبات وضبانك انوني ؟ ههههههههه
ياخي عشنا كفاح طويل التيلة عشان سودانا ابقى فوق
لكن اولاد البقس ديل حتو ورتابة مشروعنا حت وحتو درج الخزنة جت
| Quote: اكتب لينا عن ترعنا والبلابيط السابحة فيها وعن النقنقر وشوى الفول الاخضر وعرج على السعية |
هو انا برا ديل شن بدور اكتب احسن منهن ....... وبكم تحلو حكاياتنا
شكرا جزيلا اخي شمس الدين
مع تحياتي
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
Quote: ود البوش الرجل الجميل جمال بلادي وجزيرتها ست الجمال كلو
يا حبيبنا
تاني ما تطول علينا جنس الطولة دي
خليك دايما قريب عشان تفرج علينا هموم الغربة دي
تسلم لينا يابوشنا وعيشنا
بقينا قراب تحت كرعيك |
أخي العزيز شمس خليفة
سلام يا زول وعوافي واريتكم طيبين وجركم ملان عجين
يا زول انتم فوق رؤسنا وانتم لكتاباتنا زاد وسند
سمح ات دا والله يا شمس ومرورك اسعدني جدا وحسسني باني ارسم بسمة على بعيد هجر البلد عشان استر الحال المال
تحياتي يا شمس
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
وكف النخرة في الوطا ههههههههههههه
كيفن يا أحمد ما بعرف جلوكة ؟
يا قلبي السلوكا باللوري ودوكا وجلوكة سكنوكا
لا حولااااااااااااااا
يا زول اتا زولي طب
حبابك والله وحباب اليوم الجابك
شكرا اخي احمد عبدالقادر مع تحياتي
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
Quote: فنظر اليه خاله موسى ود الحجير وقال قولته التي سار بها ركباننا حتى كتابة هذه السطور
والله خازوق |
في التمانينات ، كان السودانيين في العراق
اكتر من العراقيين الذين هم بالجبهة ،
حكي اخي عبدالوهاب : انه سال العراقي كبير السن ، ياعم اولادكم بالجبهة ، بالله جيت السودانيين دي هنا ماورطة ،
اجاب عمك العراقي وقد مر سريعا على احبابه الذين هم في الحرب ، اجاب :
والله ورطة ونص ...
عبد الله ودالبوش يازول ياخ ، سعيدين جدا بالاسافير هذه ، التي جمعتنا بالمبدعين امثالك ،
ابداع سوداني طويل وعريض بلا فسفسطة ، يزوزي بيك وانت محلق ،
ياخ اي كلمة في محلها ، ولا شخشخة ،
يو ميد ماي دي ؛ كما يقول المثقفون ،
دوما في انتظارك ، ونهمون
| |
|
|
|
|
|
|
|
|
|
Re: خازوق ود الحجير (Re: عبدالمنعم الطيب حسن)
|
سعيد جدا لوجودك هنا أخي عبدالمنعم الطيب حسن
وسعيد اكثر باني جعلت يومك سعيدا
هي كلمات نكتبها تعبر عبر نفوسكم وتتغلغل في دواخلكم وتصنع ما تصنع
نحن البسطاء في الارض زادنا كلمة طيبة وضحكة تزيح عنا بعض الكدر
تعجبك كلماتي لانك ابن بيئتي
اشكرك جدا على الاطراء الذي قد يكون اكثر مما استحق
مع تحياتي
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
الاخ علي حامد شاطر
تحياتي واحترامي
شكرا جزيلا ياخي لمتابعتك كتاباتي المعولقة دي
موضوع العمايك دا اتخيل لي كتلناهو كتل وما خلينا عميكة ما هبشناهو
لكن دا ما بمنع بعد فترة من الزمن
.
.
لكن زولك سطلتو شينة تب
| |
|
|
|
|
|
|
|
|
|
Re: خازوق ود الحجير (Re: عبدالله ود البوش)
|
البوش الختري
بشوف اخونا ود خليل دلا البيرق ظنيتو بدور اتفوجج فينا بي باقي صفيحة ودالحجير
علا اني اب سدير دا بقولك حر.....( ما ظنيتك طالبني حليفة) الليلة مريسة الكمبو كلها بسقيك ليها انت وضيوفك
وضبيحتي بتعرفا ما متل ضبيحة ود الهرو وكت زروهو ناس الكشه تاكي الكديسة ورا الصريف للضبح
وقال للامباشي عجبني جلدا دا قلت النسوي مركوب قالو مركوب فردة واحدة ؟
_____________________________________________
انضم عليك الله وتاني لا تغيب
| |
|
|
|
|
|
|
|
|
|
Re: خازوق ود الحجير (Re: محمد جبره)
|
Quote: اصلو نحنا مانصدق نلقي
اسم ودالبوش في بوست
ياخي دا ماعيد عديييل
|
التحايا حبيبنا ودالبوش
ماشاءالله بقى لك رابطة معجبين من البرالمة 
| |
|
|
|
|
|
|
|
|
|
Re: خازوق ود الحجير (Re: حمزه بابكر الكوبي)
|
Quote:
يا حليل
لق لقيط
قل قليع
ار ارباح
عل علاوات |
هههههههههههههه والله ياود البوش انت مبدع ، بصراحة ذاكرتك مميزة ،، اعتقد ان الكثيرين لا يعرفون لق لقيط وعل علاوة
ياخي ده كان زمن بهيج ،، كانت الجزيرة في قمة ازدهارها ونشاطها الاقتصادي
اتذكر الخرج الكان ملان يوم الصرف ،اللحم والعجور والرغيف وكلهم محشورين في كيس الورق بتاع الاسمنت
والحواشات كانت منتجة انتاج وفير ، ياخي اليوم الحواشات اصبحت هم كبير ، خمسة فدان بتجيب اربعة شوالات عيش ،، بالله شوف العملية وصلت وين
ياحليل تلكم الايام الجميلات
متعك الله بالصحة والعافية ياود البوش
| |
|
|
|
|
|
|
|
|
|
Re: خازوق ود الحجير (Re: عبدالمطلب محمد عبدالرسول)
|
| Quote: والله ياود البوش انت مبدع |
والله المبدع ات دا يا عبدالمطلب لكن ما عارف لمتين نكون في انتظارك
| Quote: اعتقد ان الكثيرين لا يعرفون لق لقيط وعل علاوة |
غيرك ات مالاقاني زول عرفا كلو كلو
عشان كدا متمني منك بوست عن دوحتكم العجيبة وحكاويها
شكرا جزيلا أخي عبدالمطلب محمد عبدالرسول
مع تحياتي لناس الدوحة كلهم واحد واحد
| |
|
|
|
|
|
|
|
|
|
Re: خازوق ود الحجير (Re: حمزه بابكر الكوبي)
|
| Quote: ماشاءالله بقى لك رابطة معجبين من البرالمة |
حبيبنا وقريبنا حمزة الكوبي
السلام والاحترام وايضا كذلك الاشواق
ياخي الاعضاء الجدد ديل اصلا هم المتابعين كتاباتي قبل الانضمام للمنبر
وهذا يعني يا دوب الريس عرف يختار من اهلنا الغبش عشان تعرفوا حاجة يا عيال بندر المنجمين ( من الانجمامة )
يعني مايخدين راحتكم لا ضحوة ولا ضهرية هههههه
.
.
تحياتي للاسرة وخاصة صاحبي الباسل بابكر
| |
|
|
|
|
|
|
|
|
|
Re: خازوق ود الحجير (Re: محمد جبره)
|
اخونا محمد جبره
تحياتي واحترامي الذي تعلم
ضبيحة ود الهرو دي بالله اعمل لينا منها ملاح بوست مكشن
| Quote: انضم عليك الله وتاني لا تغيب |
ياخي انا زول عيشتي في ضراعي ومحمول والمنبر دا بهيف
لكن برضو ما يمنع الطلة علي الحلوين من حين لحين
شكرا يا جبره اب كيس ياخد غالي ويبيع رخيس
| |
|
|
|
|
|
|
| |
عبدالله ود البوش
أمير محمد ادريس
فيصل محمد خليل
حسين ديقول
سامى عبد المطلب
محمد عمر الفكي
سليمان القرشي
عبدالرحيم أبراهيم العبيد
علي محمد الفكي
شمس الدين محمد
عبدالمنعم الطيب حسن
محمد جبره
حمزه بابكر الكوبي
فيس بوك
تويتر
انستقرام
يوتيوب
بنتيريست