|
نداء لكل الإخوة شاركونا تجاربكم التجارية الخاصة
|
بعد خمسة سنين قضيتها بره السودان ناوي ارجع ان شاء الله واعمل مشاريع تجارية خاصة بعيدا عن الإستعباد الوظيفي لكن راسي جايط فعلا بسبب وضعي وظروفي الشخصية و بسبب الكلام البسمعه وبقراه عن الوضع في السودان ولأني ضد فكرة اني ابدأ من الصفر بشغلة بسيطة عشان اجمع رأس مال لقناعتي الشخصية اني حا اضيع وقت طويل عشان اوفر مبلغ بسيييط ما بتناسب و المجهود و الوقت البضيعو فبقى قدامي خيار واااحد و هو اني القى فكرة مشروع او اكتر واعمل ليها دراسة جدوى بشرط يكون مشروع مربح وعائده سريع طبعا وابحث عن ممول وشريك. فحاليا عندي مشكلتين لازم احلهم الاولى هي المشروع والتانية التمويل والتمويل من وجهة نظري ما صعب لو لقيت المشروع المجزي و المقنع للمول ولأني بعيد عن السودان وما حصل عملت مشروع خاص ده غير انو الوضع في السودان اتغير شدييييد في ظرف الخمسة سنين دي واكيد في ناس كتيرين هنا عندهم نفس تفكيري ده انو يكون عندهم مشاريع خاصة وفي منهم من حاول ونجح وفي منهم من حاول و لم يحالفه الحظ عشان كده كتبت الموضوع ده بغرض نستفيد من تجارب بعض ورأيهم في الموضوع ده ونستفيد من خبرة الناس العملت مشاريع ونجحت ونعرف شنو ساعدهم ينجحوا ومن تجارب الناس اللي ما نجحت ونعرف شنو عملوه وخلاهم يفشلوا وشنو كان ممكن يعملوه عشان ينجحوا وما عملوه كمان نعرف المشاريع الممكن تنجح في السودان حاليا شنو بالنسبة لشاب في وضعي ده ولشباب كتيريين ذيي ده غير الاخوة الاقتصاديين اللي ممكن يشاركونا بعلمهم وخبرتهم فياريت اي واحد عنده خبرة وفكرة عن الكلام ده ما يبخل علينا بيها وخلونا نساعد بعض ونستفيد من خبرات بعض وحابي اشكر الاستاذ صلاح نزلاوي لانو شاركنا تجربته في تربية الابقار وما بخل علينا بيها ليه شكر كبير بقدر ما يستحقه ودي روابط لمواضيعه
تجربتى فى تربية الابقار الحلوب - الجزء الثانى (توجد صور)
فكرتى فى تصنيع مشتقات الالبان ( توجد صور)
|
|
|
|
|
|