|
|
 ركاب سودانييرمتجهين الى جدةورياض منذثلاثةايام في المطار صورفيديو+ صوتي
|
في هذا الصباح من مطار الخرطوم ركاب يظهر في وجهوهم انهم من خارج ولاية الخرطوم فقط جبرتهم ظروف المعيشة للبحث عن عمل خارج البلاد
ركاب سودانيير منذ ثلاثة ايام متواجدين في مطار الخرطوم في طريقهم الى المملكلة العربية السعودية والشركة السودانية تتهرب من سفرهم منذ يوم الجمعة
ركاب متجهين الى جدة والرياض واغلبيتهم من الاقاليم حضرو الى الخرطوم للبحث عن العمل في خارج البلاد ومازال مدير سودانيير بالمطار يكذب عليهم ويمارس الكذب حتى هذه اللحظات
|
|
  
|
|
|
|
|
|
|
 Re: ركاب سودانييرمتجهين الى جدةورياض منذثلاثةايام في المطار صورفيديو+ (Re: محمد عوض السيد)
|
ماساة بحق
والمتضرر الوحيد فيها المواطن المغلوب علي امره
ليتهم توجهو بشكوي رسمية ضد سودانير لاخذ حقهم
ـــــــــــــــ
محمد عوض السيد
مرحب بك اخي الكريم
ديل ما بتوبو من العلل
وكل واحد مغلوب على امرو
لو كان نظمو نفسهم شوية كان ممكن يعمل ليهم حاجة
لكن اي واحد براه
واخيرا كل زول شال قروشو واتجه الى الامارتية
نقول لي بورداب الرياض وجدة استقبلو هولاء المنكوبين
وازرعو فيهم الابتسامة
| |
|
|
|
|
|
|
|
|
|
Re: ركاب سودانييرمتجهين الى جدةورياض منذثلاثةايام في المطار صورفيديو+ (Re: مصعب عوض الكريم علي)
|
انا شخصياً لو اقطع البحر (عوم ) ما بركب سودانير ..
مرة واحدة بس .. وبعد نزولها للمطار بقيت اقول : ( يا الله تنزلها بالسلامة )
الطيارة تقع وتجي تبريرات فطيرة من شاكلة ( الحظر الاقتصادي ) .. (قطع الغيار ) .. والشغلانة تبقى في لجان منبثقة ويروح الموضوع شمار في مرقة .
ـــــــــــــ
مرحب بيك
مصعب عوض الكريم علي
انت عارف يا مصعب السودانيين مساكين وربنا الحافظنا
مشكلتنا الاساسية نجامل والمجاملات ما من مصلحة
وكل واحد يخاف من التاني ويوقل الزول دا بقطع لي اكل عيشي
والمسكن ما عارف معشتو من ربنا
ايمانهم بالمسؤل اكثر من الله
ولا حولا ولاقوة الا بالله
واخير ليك العوم بدل البهدلة
| |
|
|
|
|
|
|
|
|
|
Re: ركاب سودانييرمتجهين الى جدةورياض منذثلاثةايام في المطار صورفيديو+ (Re: Mohamed Foto7li)
|
سلام يا ذو اليد وتحية مستحقة ليك على فضحك واحدة من مؤسسات السودان الفاسد الهامل
واستغرب من الذين يلومون الركاب وعينهم في سودانير، فطالما سودان زفت دي باعت تذاكر
فيبقى هي ملزمة بتوفير طائرة واستضافة الركاب في حالة تأجيل السفرية في فنادق مريحة
لكن الفساد الإداري لحكومة اللصوص أغرى المفسدين وأشاع الظلم، و صار القوي يأكل الضعيف
ولا يوجد قانون أو محاسبة أو أي جهة يمكن أن تحاسب سودانير أو غيرها..
فأغلب الجالسين على إدارة دفة الأجهزة التنفيذية والتشريعية هم مجموعة من اللصوص،
ولا أمل يرجى من دولة سقط جهازها القضائي وهذا ما حدث في السودان..
وشوف الناس ديل ليهم تلاتة يوم في المطار ورغم ذلك ما فيهم واحد تصرف بردة فعل عنيفة،
طيب هم منتظرين شنو عشان يثوروا ويحتجوا؟ هل في يوم أسود أكتر من التلاتة يوم دي!!
أنا لو كنت معاهم كنت حرقت مكتب سودانير وخليهم بعد كده يدخلوني في قزازة..
| |
|
|
|
|
|
|
|
|
|
Re: ركاب سودانييرمتجهين الى جدةورياض منذثلاثةايام في المطار صورفيديو+ (Re: مصطفى محكر)
|
شكرا لذو الوليدسليمان مصطفى ،على اثارة هذه القضية ..
وتبقى المسألة في دائرة المواجع .. العجيب المدهش "تعالي" ادارة سودانير وموظفيها على التحدث الى هؤلاء الغلابة عن طبيعة الموقف الحقيقي لهذه الشركة المرهقة لعباد الله.
ـــــــــــــــــــــــــــــــ
مصطفى محكر
شكر على واجب
التعالي اصبح شي طبيعي
ولا يستحو هؤلاء اللصوص
ولايتذكرون الله
وقلوبهم كالحجارة
| |
|
|
|
|
|
|
|
|
|
Re: ركاب سودانييرمتجهين الى جدةورياض منذثلاثةايام في المطار صورفيديو+ (Re: Nasruddin Al Basheer)
|
سلام يا ذو اليد وتحية مستحقة ليك على فضحك واحدة من مؤسسات السودان الفاسد الهامل
واستغرب من الذين يلومون الركاب وعينهم في سودانير، فطالما سودان زفت دي باعت تذاكر
فيبقى هي ملزمة بتوفير طائرة واستضافة الركاب في حالة تأجيل السفرية في فنادق مريحة
لكن الفساد الإداري لحكومة اللصوص أغرى المفسدين وأشاع الظلم، و صار القوي يأكل الضعيف
ولا يوجد قانون أو محاسبة أو أي جهة يمكن أن تحاسب سودانير أو غيرها..
فأغلب الجالسين على إدارة دفة الأجهزة التنفيذية والتشريعية هم مجموعة من اللصوص،
ولا أمل يرجى من دولة سقط جهازها القضائي وهذا ما حدث في السودان..
وشوف الناس ديل ليهم تلاتة يوم في المطار ورغم ذلك ما فيهم واحد تصرف بردة فعل عنيفة،
طيب هم منتظرين شنو عشان يثوروا ويحتجوا؟ هل في يوم أسود أكتر من التلاتة يوم دي!!
أنا لو كنت معاهم كنت حرقت مكتب سودانير وخليهم بعد كده يدخلوني في قزازة..
ـــــــــــــــــــــ
نصر الدين البشير
هذا هو الواقع وما يدور داخل المؤسسات الحكومية
والكتير أمر واوجع وكاد عن تموت بلا مواعيد
ربنا يصلح الاعمال
| |
|
|
|
|
|
|
|
|
|
Re: ركاب سودانييرمتجهين الى جدةورياض منذثلاثةايام في المطار صورفيديو+ (Re: طاهر قرشي)
|
ما عارف ليه يا بكري إتذكرتا نكتة المسطول لمّا سألوهوا عن أكتر زول متفائل
و قال ليهم :المستني هيفاء وهبي في قناة إقرأ !!
Quote: اختشوا يا ناس سودانير .. الناس ديل على الأقل مفروض تودوهم فنادق يستريحو بدل البهدلة دي
بكري سلامات
و مشكور ذو اليد
ــــــــــــــــــــــــــــــــ
طاهر قرشي
ديل يحلمو بالفنادق
خليهم ينومو داخل مكتب الحجز زي ما شايفهم نايمين في الكراسي
| |
|
|
|
|
|
|
| |
ذواليد سليمان مصطفى
بدر الدين مهدي
سليمان القرشي
محمد عوض السيد
rani
طاهر قرشي
Mohamed Foto7li
Nasruddin Al Basheer
صديق الموج
مصطفى محكر
فيس بوك
تويتر
انستقرام
يوتيوب
بنتيريست