|
|
 إجازة من العمل ... إجازة من سودانيز أون لاين
|
كنا بنقرأ وبنسمع إنو الاجازة مهمه للزول الشغال .. اول حاجه راحة من ضغوطات العمل .. قضاء امور اتاخرت بى سبب العمل .. ثم العوده للعمل بى روح جديده ونفسيات جديدة .. ولما بقيت .. على راس العمل .. والعمل بقى على راسي لما ياقارب الان من 17 سنه .. اتأكدت تمام من صحة هذه المقوله وفوائدها .. ففى الحالات البستمر فيها لاكتر من سنتين مواصل بدون اجازة .. تكثر الاخطاء .. والضغوطات .. ويبدأ الواحد يتضايق من الحوالينو .. ويبدأ يضايق برضو الحوالينو .. وفى النهاية يتضايقو منو الحوالينو ..
وبرضو ومن خبرة طويله فى المنتديات .. وجدت الامر متشابه جدا .. فكلما واصلت بدون -اجازة- من المنتديات دخلت فى نفس - وضعية - العمل المتواصل بدون اجازة .. وتبدأ الاخطاء .. والمضايقات .. وقراءة ما فى نفوس الناس بدل قراءه ما يكتبون .. ووووووووو الكثير من الواوات المؤدية لنفس النتيجة .. الواحد يتضايق من الحوالينو .. ويبدأ يضايق الحوالينو .. وفى النهاية يتضايق منو الحوالينو ...
|
|
 
|
|
|
|
|
|
|
|
Re: إجازة من العمل ... إجازة من سودانيز أون لاين (Re: وضاح عبدالرحمن جابر)
|
| Quote: الواحد يتضايق من الحوالينو .. ويبدأ يضايق الحوالينو .. وفى النهاية يتضايق منو الحوالينو ... |
حقيقة والله يا باشمهندس.. وانت الصادق في النقطة دي..
الواحد بقى يتذمر لأي سبب مهما كانت بسيط..
لكن سودانيز دي بقت لينا زي الدودة.. أو الإدمان
يمين بالله يوم الجمعة الواحد يقول متين الإمام ده يسلم عشان نمشي نشوف الحاصل شنو في البورد..
| |
|
|
|
|
|
|
|
|
|
Re: إجازة من العمل ... إجازة من سودانيز أون لاين (Re: رانيه محمد الشيخ)
|
Quote: حقيقة والله يا باشمهندس.. وانت الصادق في النقطة دي..
الواحد بقى يتذمر لأي سبب مهما كانت بسيط..
لكن سودانيز دي بقت لينا زي الدودة.. أو الإدمان
يمين بالله يوم الجمعة الواحد يقول متين الإمام ده يسلم عشان نمشي نشوف الحاصل شنو في البورد..
|
يالورد ...
زمان كنا بنقرا قبل نسجل .. والواحد خاتى فى بالو لو سجل ... بفش كل غباينو هههههههههه فى المواضيع
لكن الفرامل مفيده ياخى
| |
|
|
|
|
|
|
|
|
|
Re: إجازة من العمل ... إجازة من سودانيز أون لاين (Re: وضاح عبدالرحمن جابر)
|
Quote: والله صدقت يا وضاح
غايتو انا مشترك فى منتدى سودانت من 2002
مريت عليه فتره اتجننت فيها لمن صاحب الموقع حظرنى
ههههههههههههههههههههههه
ادونى اجازه اجباريه
الغريبه فى الشغل لحسى ما ادونى برغم انى فعليا فقدت المنطق والصواب وبقيت شبه طاشه شبكه نهائيا من الشغل
الاجازه ما شى ترفيهى
دا اساسى وخصوصا للمهن البتحتاج تركيز واعصاب
يعنى حسى انا شغاله فى الحسابات
وصلت مرحله وشى بدى ينبعج فى المرايا من التنشنه الزول بيقول عايشها
عشان كده انا اشيد واندد بفكرتك واخذ اجازه حتى من الزواج
من البيت
من الاصحاب
من نفسك
لكن ما من ربك وعبادته وصلاته
اى شى تانى بيحتاج اجازه عشان يستمر بطريقه سليمه وواعيه
|
مرحب رانيه
كتير من المشاحنات هنا قى سودانيز سببها المتابعه اللصيقة لتفاصيل التفاصيل .. والمداومه على كده بدون - اجازة - اكيد مشكله
 واهم حاجه الزواج ده الواحد ياخد منو اجازة .. حتى لو يوم فى الشهر
| |
|
|
|
|
|
|
| |
وضاح عبدالرحمن جابر
فيس بوك
تويتر
انستقرام
يوتيوب
بنتيريست