كتب الكاتب الفاتح جبرا المتوفرة بمعرض الدوحة
|
|
 الأســـــطــورة ...
|
بِكُلِّ صُبحٍ وَكُلِّ إِشراق أَبكي عَلَيكُم بِدَمع مُشتاقِ
قَد لَسَعت حيّة الهَوى كَبدي فَلا طَبيب لَها وَلا راقي
إِلّا الحَبيب الَّذي شغفت بِهِ فَإِنَّهُ رقيَتي وَترياقي
السهروردي
محبة في الله يخلدها الزمان
ودعوات صباح مساء بالرحمة والمغفرة الابدية
لكم طيب الجنان ولنا الصبر والسلوان ..
|
|
  
|
|
|
|
|
|
|
 Re: الأســـــطــورة ... (Re: محمد عبد الماجد الصايم)
|
استاذ محمد السني
لهم الرحمة والمغفرة ولكل من احبهم الصبر وحسن العزاء
اللهم اغفر لهم وارحمهم واغفر لنا وارحمنا
نحول الحزن دا من بدري لعمل جميل ليهم بالله
اذا اتلاقينا يوم نتكلم شوية في امل برضوا نقدم ليهم الكتير زي ما هم قدموا للناس الكتير
| |
|
|
|
|
|
|
|
|
|
Re: الأســـــطــورة ... (Re: محمد سنى دفع الله)
|
قُل لِأَصحابٍ رأَوني مَيتا فَبَكوني إِذ رأوني حزنا
لا تَظُنّوني بِأَنّي مَيّتٌ لَيسَ ذا المَيت وَاللَه أَنا
أَنا عصفورٌ وَهَذا قَفَصي طِرت مِنهُ فَتَخلى رَهنا
وَأَنا اليومَ أُناجي مَلأ وَأَرى اللَه عَياناً بِهنا
فَاِخلَعوا الأَنفُس عَن أَجسادِها لِترونَ الحَقّ حَقّاً بَيّنا
لا تَرعكُم سَكرة المَوتِ فَما هِيَ إِلّا اِنتِقالٌ مِن هُنا
عُنصرُ الأَرواحِ فينا واحدٌ وَكَذا الأَجسامُ جِسم عَمَّنا
ما أَرى نَفسي إِلّا أَنتُم وَاِعتِقادي أَنَّكُم أَنتُم أَنا
فَمَتى ما كانَ خَيراً فَلَنا وَمَتى كانَ شَرّاً فَبِنا
فَاِرحَموني تَرحموا أَنفسَكُم وَاِعلَموا أَنَّكُم في إِثرِنا
مَن رآني فَليقوّ نَفسهُ إِنَّما الدُنيا عَلى قرن الفَنا
وَعَلَيكُم مِن كَلامي جملةٌ فَسلامُ اللَهِ مَدحٌ وَثَنا
الــســـهروردي
| |
|
|
|
|
|
|
|
|
|
Re: الأســـــطــورة ... (Re: محمد سنى دفع الله)
|
ود سليمان اخوي
ليك التحية والتقدير
المهم عمل من اجل اسرته الصغيرة
محمود كان ويا الله من كلمة كان
كان لايملك في الدنيا سوى ان يعطي
علينا ان نعمل من اجلهم
لك مودتي ولابد ان تلاقى
| |
|
|
|
|
|
|
|
|
|
Re: الأســـــطــورة ... (Re: محمد سنى دفع الله)
|
الأسطورة :
في يوم من الايام والمغني عبد العزيز المبارك يغني واحدة من اجمل اغانيه
نظرت سارة الى المغني وهي فرحة بايقاع الاغنية وسالت بعفوية طفلة بريئة وهي طالبة جامعية
ده منو البغني ؟ التفتت امها سوسن اختي وببرود اجابتها ،، ده تامر حسني وضحكت للنكتة ولكني بعدها بدقائق فجعت اذ اكتشفت ان سارة شاعرة وبتكتب اغانيها بالمصري وفنانها الاول تامر حسني وبعدو كاظم الساهر واكتشفت ان كل جيلها لايفتح تلفزيون السودان وهذه محمدة ولكنهم لايسمعون الغناء السوداني
وحينما ظهر محمود ونادر النادر واحمد الصادق وطه تغيرت البوصلة قليلا
ولكن بعد فترة وجدت ان سارة تغني وتكتب بالسوداني وتطرب لاغاني الحقيبة التي سمعتها عند محمود عبدالعزيز . اسطورة مش .؟
الأسطورة :
| |
|
|
|
|
|
|
|
|
|
Re: الأســـــطــورة ... (Re: محمد سنى دفع الله)
|
تعرف يا السني
الكتابة في أو عن محمود ليست بالشيء السهل.
بدأ بقوة، وتربع في قلوب الملايين بقوة أيضاً..
العديد من الناس يطلقون عليه "فنان الشباب"، نعم هو
كذلك ربما لأن السواد الأعظم من معجبيه من الشباب،
لكن العديد من الناس الذين تجاوزوا مرحلة الشباب
أُعجبوا بمحمود، صوته، وأدائه، ولذلك لم أندهش
عندما قال لي الراحل الأستاذ حسن دبلوك "عندما تزاملنا في
العمل في الملحقية الثقافية السعودية في منتصف (كان يعمل سفيراً
بجامعة الدول العربية قبل أأن يزاملنا) أو أواخر التسعينات"
أن محمودا كان فنانه المفضّل، وحكى لي العديد من ذكرياته
مع هذا الفنان اليافع.
ومن جيلي، كتب الصديق أسعد قبل أيام قليلة معزياً بعض
الأصدقاء في رحيل محمود:
تاني جيتكم،
في شتاء 2001 وانا جديد لنج في البلد دي - بريطانيا - زرت سيف بشير، أمضينا الامسية متآنسين،
وفي الصباح ركبنا عربيته هو في طريقه للشغل وانا لي محطة فكتوريا (وعالم جين موريس) راجع لي شيفيلد.
أربط الحزام والذي منو، أها بتسمع منو (سألني سيف، وكأننا نواصل حديث
انقطع قبل 10 سنوات لاهتمامات ومواضيع مشتركه)، والله بالدس كده بسمع محمود عبد العزيز.
بالدس؟ وليه بالدس! وفتح درج العربيه وقال لي دي كلها شرايط محمود.
رغم الكلام السنكال (الغير مخفي فوق) الا اني قصدت اقول انه كان في "وهمه" كده في السودان،
إنو المابسمع وردي ده راسو دايش، والمابسمع ابو الامين ده ماناقش حاجه،
أما عثمان حسين داك خلي ساي، لو ماشنطّت قميصك وخاتي ليك
قلم في الجيب وكمان نضارة نظر حتى لو نظرك سليم، ماتهوّب.
أها مع "الوهمه" دي ضاعت في الرجلين "عهد الوداد خنتو" مجذوب أونسة
و"البلبل الصداح" محمد سلام، وغنا كتير سمح.
تطربني لو وشوش صوت الريح في الباب يسبقنا الشوق قبل العين في "شال النوار" ابو الامين،
وتفرطق ضلعي ياصبية الريح وراي خلي من حضنك ضراي في "جميلة ومستحيلة" وردي.
لكن، من الظروف ماتشيلي هم بكره الزمن ليك ببتسم بالميلودي الفي صوت محمود
بتقعدني في الـواطـه من غير مايكون ده خصم على اي زول والعجبو عجبو والماعجبو "بجروفو".
قال فنان الشباب الأول قال، شباب منو يا....(طبعا الشباب محفوظ وكده). يامان ده فنان عدوى،
الحاجه الوحيده البتخارجك منو انك ماتسمعو. لكن تلحق تسمعو الله قال بي قولك.
وعشان خاطرك يامحمود وأي قعدة واطه أهديتنيها انا ح امشي ابحت
ليك ناس حماده بحري وعشه ام رشيرش وحاليا بسمع طه سليمان جدا. اها شن ليك
عذرا ياحبايب ومن لنا غير صدور بعضنا البعض لغسل الاحزان
والاحتفاء بايامنا القادمات بعد ازاحة الكوابيس.
لكم المودات وزاكي التحايا والتعازي
انتهى كلام أسعد،،
وحا أواصل معاك
"كنت بفتش لي على حته افرغ فيها مخزون حزني علي محمود،،
ولقيتها..
| |
|
|
|
|
|
|
|
|
|
Re: الأســـــطــورة ... (Re: saif basheer)
|
الرائع السني
ملاحظتك رائعة لولا هؤلاء الشباب لضاع الكثير من الفن السوداني من ذاكرة جيل الشباب وخاصة
في الاغتراب .. طبعاً ناس قطر والامارات محظوظين لامكانية استضافتهم للفنانين
في السعودية في شوية ملاحظات وبعض التردد من إقامة الحفلات الغنائية ..
لك التحية
| |
|
|
|
|
|
|
|
|
|
Re: الأســـــطــورة ... (Re: علي عبدالوهاب عثمان)
|
Quote: رحل ..
والحزن يقهقه من عينيه
قبل الرحيل ..
رحل بصمت..وإباء
مثل زهرة داهمتها أصابع الشتاء
غادرت ..ولم تفارق الإناء
رحل مثل عصفور فاته سربه
حلق بعيدا في السماء
لاحق الشمس عند المغيب
عله ينسل خيطاً من ضياء
وما درى بأن النجوم تقلد مشيته ..
وأن بريقها من ضفائر الغناء
وأن القناديل ترقص لتغريده
وأن البحر ينام على دعة أنغامه
وأن الريح تغسل المواسم من حنينه
وأن الرعد يغمس الهمس في أنينه
وأن الجبال تغني خلفه ..ويردد الفضاء
رحل خلف حفنة شموس وما درى ..
بأن الضياء يقص أثره
وأن العنادل تهاجر إلى صوته
وأن الصمت بعده ..
تناسل في حنجرة الغناء
وأن الأسى أصبح من جوهر الأشياء |
صادق التعازي أخي وأستاذي السني ..والبركة في الجميع ...
وأشكر لك اللفتة النبيلة تجاه أسرة المرحوم ..فهذا أقل الواجب تجاه من لم يدخر جهداً ولا إبداعاً لمساعدة الآخرين...
وهذا دأب المتحضرين ...
وأتمنى أن تجد مبادرتكم تفاعلا وتجاوباً يليق بمكانة الفقيد في وجدان هذا الشعب المكلوم ، بل و الشعوب المجاورة ...
وأتمنى على بكري أبوبكر أن يرفع هذا النداء اللفتة على أستار المنبر ...فهو سباق في مثل هذه الأمور ...ولن يكون غريباً عليه فعل الخيرات ...
تسلم يا حبيب
| |
|
|
|
|
|
|
|
|
|
Re: الأســـــطــورة ... (Re: محمد سنى دفع الله)
|
الله يرحمهم ويوسدهم الباردة إن شاء الله
يشهد الله إتذكرتك يا السني لحظات المرض ولحظة سماع الخبر الحزين
الدوام لله
والبركة في ذريته الصالحة إن شاء الله
تحياتي لك وللحبيبة حلوم ولي ولي العهد ربنا يحفظه إن شاء الله
وللغالية سوسن ولكل العقاب
| |
|
|
|
|
|
|
|
|
|
Re: الأســـــطــورة ... (Re: Mohamed Abdelgaleel)
|
اللهم ارحم اخونا محمود عبد العزيز وارحم اخونا نادر خضر واغفر لهما وتوفهم مع الابرار ..
فقد جلل يا استاذ السني حزن وشح كل سكناتنا وآهات صدرت منا واحدة تلو الاخرى فنادر رجل فعلا نادر ومحمود فعلا اسطورة لن تتكرر في عالم الغناء مهما طال عصر الغناء .. ولكن هي ارادة الله لا مفر منها نسال الله ان يتقبلهم قبولا حسنا وان يستجيب لكل دعوات محبيهم ومعجبيهم وان يجعل قبورهم روضا من رياض الجنة ,, لا استطيع ان اكتب اكثر من ذلك استاذنا السني فالحزن يعتصرني ..
واتمنى ان يقدرنا الله على رد جميلهم بعمل شي يكون ريعه لهم ولاسرهم ..
تحياتي : ياسر العيلفون
| |
|
|
|
|
|
|
|
|
|
Re: الأســـــطــورة ... (Re: بله محمد الفاضل)
|
اشعار: ود المجذوب
======
سمحة الصدف .. حلوة الظروف
بكت القصـــائد والحـــــــــــروف
يا نشــوة الروح (الــــــــــــــوداع)
(بعد الغيـــاب) الحلم ضـــــــــــاع
(والشوق لهيـــــب) ليك يا حبيب
(ساب الـــبلد) ... قسمة ونصــيب
منــــك طــــلع (خوف الوجــــــــع)
(سكت الرباب) ... ما عاد سجـــع
(الفات زمان) واعلن رحيــــــــل
(بعد الفراق) و(حلمو الجميل)
(القسوة) كانت في البعاد
(نور العيون) والابتعـــــــــاد
(كدة برضو) يا زولي (الوسيم)
فقدك صعب قاسي وأليم
من الظروف (ما تشيلي هم)
ليت الزمن لينا ابتسم
يا ريت (شذي الايام) يفوح
ننسي المواجع والجروح
وانا يا (تبارح الهــــوي)
كانت (سلامتك) لي دواء
بس (خلي بالك) يا قليب
ما تنسي زول غالي وحبيب
شوق (السنين) جواي بحور
واحزاني (في ستين) تغور
ذكري الفرح لازم تكون
يا حوتة يا (نور العيون)
| |
|
|
|
|
|
|
|
|
 Re: الأســـــطــورة ... (Re: saif basheer)
|
كان أيقونة وحده
شمال وجنوب
غرب وشرق
وفوق وتحت
كان صوفى فى توب عربيد
ويمكن كوز فى شكل شيوعى
وكان حاجاتو فريده ونوعى
كان دينكاوى بيرطن نوبى
وكان فوراوى وكان ادروب
وكان مسطول بى حب الناس
وكان فى الحاره بيملا الكاس
ولما يشوف انوار الشهره
يجرى بعيد
وناس للشهره باحته بحت
لما يشوف الناس محتاجة يرقد طينه
ويكشف ضهرو
للناقصين الدين والبينة
ويجلد دهرو
دهرو الخاين
وناس بتعاين
وكان مغلوب
وكان الغالب
وكان ايقونة وحده ونجده
وامكن عدى
دون يتسدى
لأنو أبدا مابطالب
وعارف سلفا الله الغالب.
Re: محمود عبد العزيز: ....يابلابل بعده لاترسلى نغما ولاتترنمى
محمد سنى ياحزين
أحسن الله عزاءك
ولمحمود رحمة بقدر كلمات الله !
| |
|
|
|
|
|
|
|
|
|
Re: الأســـــطــورة ... (Re: Balla Musa)
|
اللهم ارحمهما واغفر لهما
اللهم اغفر وارحم عبدك محمود وانزله الجنة مع الابرار
يا عزيز يا غفار
الدوام لله وحده ولا حول ولا قوة إلا بالله
انا لله وانا اليه راجعون
| |
|
|
|
|
|
|
|
|
|
Re: الأســـــطــورة ... (Re: معتز القريش)
|
كتب اخي هشام الطيب
في حفلات محمود كان هنالك شاب معاق دائماً ما يجلس في منتصف جمهور محمود الغفير، وهو مداوم على الحفلات بصورة مستمرة
كان ذلك الشاب دائماً ما يحاول الوصول إلى المسرح ليحظى بفرصة لتحيّة محمود
لكنه لم يستطع نسبةً لإعاقته الحركية، وكثرة الجمهور في المسرح، فكان يرفع العصايتين التي يستعين بهم في الحركة يرفهمها بشكل متشابك على شكل علامة الضرب
(×)
ولفتت هذه الحركة انتباه محمود
وأصبح يُشير للشاب المعاق بنفس الطريقة بيده على الحفل
ليسأل الشاب
لماذا يعمل هذه الحركة
ردَّ عليه الشاب:
انا مكسر ومابقدر اتحرك في الزحمة دي يامحمود
وداير اصلك واسلم عليك بالأحضان
وعشان ما قادر
برفع العصايتين ديل وزي اني بسلم عليك بيهم
ومنذ يومها جعل محمود من الحركة شعاراً
واحتراماً للمعاقين
وخدمتهم وسندهم
عبر الحفلات الخيرية التي يقيمها لصالحهم
| |
|
|
|
|
|
|
| |
محمد سنى دفع الله
محمد عبد الماجد الصايم
الفاتح سليمان
saif basheer
علي عبدالوهاب عثمان
ibrahim fadlalla
اسماء الجنيد
مزمل خيرى
Mohamed Abdelgaleel
ياسر السر
بله محمد الفاضل
Balla Musa
معتز القريش
هاشم الادريسى
فيس بوك
تويتر
انستقرام
يوتيوب
بنتيريست