|
Re: إحبااااااااااااااط 2 (Re: زياد جعفر عبدالله)
|
بالنسبة للسياسة... ميثاق الفجر الجديد (مع انو محاولة جيدة) لكن طلع دفن الليلة أب كراعاً بررا..والاحزاب الديناصورية أتملصت منو واحد تلو الاخر.. خليك من الوثيقة زاتا الي فيها عجلة واضحة في صياغتها ووجود اخطاء بها..في ناس كدا موقعين عليها يخلوك تقول في نفسك...ياخوانا انا لسا فيني باقي عقل؟ +الترابي عراب الانقاذ +عقار و مناوي كانوا في القصر وشاركوا اهل الانقاذ ال(عيش و الملح) زيهم و زي نائب الرئيس الهسي دا (الحاج ادم) +السيد عرمان (احبط مؤيديه فيهو بشدة في الانتخابات الاخيرة و اداها لي ناس الانقاذ مقشرة) +السيد عبدالعزيز خالد بتاع لواء السودان الجديد كنا بنشجعو ايام المرحوم التجمع..جا راجع و بالاحضان مع ناس الانقاذ (في نظري لا يفرق من البشير شيئاً و كان سيفعل ما فعله لو صار رئيس) +السيد مبارك الفاضل (فرتك التجمع و رجع دخل في حكومة الانقاذ لحدي شكلته مع الجاز) +السيد الصادق من تهتدون الي تفلحون الي توقعون الي تنسحبون الى.........!!!!! +السيد المرغني (لا تعليق) لانه لا يعلق اصلاً!! +احزاب البعث (تنادي بالقومية العربية..طيب كيف الكلام دا مع سوداننا الافريقي؟) المهم غايتو..وقعَوا بي هنا..نافع اداهم ليك نهرة بي هنا طيّر جنهم...خلاهم نكروا الموضوع تاني يوم.. >>> نواصل
| |
|
|
|
|
|
|
Re: إحبااااااااااااااط 2 (Re: زياد جعفر عبدالله)
|
ناس الانقاذ مفدوغين في بعضهم..ناس نافع عاملين لي ناس (شيخ) علي سهر الجداد ولا نومو!! وواضح انو تيار الانتهازية هو الاقوى و الغالب في الانقاذ.. البشير ليهو شهور مكضّم...لا مع دا ولا مع دا...همو في الابتلاء الربنا ابتلاهو بيو دا!! البلد بقولوا بقت اسعارا نار و الاقتصاد ماشي من سيء لي اسوأ ... نواصل
| |
|
|
|
|
|
|
Re: إحبااااااااااااااط 2 (Re: زياد جعفر عبدالله)
|
الفتن الدينية زادت و الوهابية و المتطرفين الدينيين لقوها عايرا و ادوها سوط..و عايزين يقبلوا على الصوفيين كمان بعد ما كملوه مع الجنوبيين و الاقباط. >>> احباااااااااط على قول ابوحسين
| |
|
|
|
|
|
|
Re: إحبااااااااااااااط 2 (Re: زياد جعفر عبدالله)
|
محمود عبدالعزيز مسكين ربنا يواليهو بالعافية..وضع بصمته في الغناء السوداني الحديث..حالته الصحية يرثى لها ... المناضلين في بنبر سودانيز واقعين مع بعض كبسيبة شديدة ... ...يعني غايتو عكة شديدة خلاس... فأين الحل؟..أين الحل؟..أين الحل؟؟
| |
|
|
|
|
|
|
Re: إحبااااااااااااااط 2 (Re: زياد جعفر عبدالله)
|
الامم اتطوروا ووصلوا عنان السحاب ونحن نلت و نعجن في الهوية...وهل نحن عرب وللا افارقة و بوستات يتبارى فيها ال(مثقفين) من الاكثر عنصرية...مليئة بعنصرية و عنصرية مضادة وفي النهاية محصلة صفر ...
| |
|
|
|
|
|
|
|