|
|
 إستشارات معمارية للمقبلين على البناء
|
أو من يرغب في معرفة المزيد عن مجال العمارة بصورة عامة . ما دعاني لإفتراع هذا البوست هو الرغبة في الإفادة والاستفادة ، والمساهمة بما استطيع في خدمة الاعضاء والقراء ، لذا أرجو من أصحاب الخبرة الا يبخلو علينا بها .
أهداف البوست:
1- تقديم إستشارات مجانية في مجال العمارة والبناء وذلك قدر المستطاع .
2- التعريف بالمعماري والفرق بينه وبين التخصصات الاخرى وذلك نظرا للخلط الشائع بين المعماري والمهندس المدني.
3- رفع الوعي بأهمية المعماري عند الإقدام على البناء
ملاحظة: أرجو عدم طلب عمل مخططات أو خرط وذلك لعدم وجود زمن كافي لذلك .
لابأس من الترحيب بي كعضو جديد لنج 
لايفوتني شكر الريس بكري أبوبكر لاتاحته هذه الفرصة
تحياتي للجميع ، ويشرفني وجودي بينكم
|
|
  
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
والمعماري هو المسئول من توزيع فراغات المبني وتحديد مواد التشطيبات الداخلية والخارجية وشكل العلاقة بينها ، كما انه مسئول من جعل كل عناصر البناء (كهرباء + تمديدات صحية + التصميم الانشائي ...الخ) من ان تعمل بتناغم يؤدي الى خروج المبنى بالصورة المثلى .
وما مفروض نخلط بينو وبين المهندس الانشائي البقوم بتصميم الخرسانات وحديد التسليح (قواعد + اعمدة + سقفوفات) ، ويقوم بالاشراف على الصبة وكده يعني ....
للأسف الشديد أغلب الناس انا لاحظت إنها في السودان ما بيدو تصميم البيت او المبنى اهمية كبيرة وممكن عادي الواحد يمشي لود جيرانهم طالب العمارة او المهندس المدني عشان يعمل ليهو خرطة !!
ده لو ما اوكل المهمة دي للمقاول أو قرر يوزعها براهو .
لو انت استخسرت تدفع لمعماري جيد يعمل ليك (الخرطة الجيدة ) ده بياثر في جودة المبنى وغالبا ما يكلفك اكتر ويخرج اقل جمالا ....
حاجة غريبة انو الواحد تكون ميزانيتو مئات الملايين لبناء منزل مثلا ويمشي لى ود الجيران عشان يعمل ليهو خرطة لانها ملح مثلا او بأقل تكلفة !!!
| |
|
|
|
|
|
|
|
|
|
Re: إستشارات معمارية للمقبلين على البناء (Re: الامين موسى البشاري)
|
الامين موسى البشاري
Quote: رغم إنك عصرته علينا شديد في الحته دي
لكن نقول مرحب بيك في الحوش
وعشان الحتة الفوق الرجاء عدم طلب أي مساعدة تقنية
متابعين شديد |
الفينا اتعرفت مش
حقيقة الواحد معصور في الزمن حبتين ،، بس ما مشكلة ممكن نساعد بالراي ، ممكن تطرح انت عايز تبني شنو وأرضك ابعادها كم والجيران والشوارع (الكروكي) وبتوقع انك ممكن تطلع بافكار تقودك لنتائج طيبة ،،،
وفي رأيي أول خطوة مفروض ييبدا بيها الانسان هي جمع المعلومات وعمل تصور محدد لي هو عايز شنو وهل ده ممكن والا... لا. بعدين يطلب من المعماري يبلور ليهو التصور ده في شكل خرطة مع ترك مساحة حرية كافية للمعماري لصياغة التصور وتطويره.
*مهم جدا انو الواحد قبل ما يبدأ ينفذ يكون عارف هو في النهاية حا يحصل على شنو بالظبط كده .
| |
|
|
|
|
|
|
|
|
|
Re: إستشارات معمارية للمقبلين على البناء (Re: محمد جبره)
|
الأخ الكريم/ أيمن
تحياتي وسلامي الحار
أولا نرحب بيك في البيت العامر وسط أخوانك وأخواتك والأعمام والعمات والأخوال والخالات وإن شئت الدقة الجدود والجدات كمان
وشكلنا كده بنكون قاعدين متابعين بوستك دا حتى النهاية
وبنجيك راجعين كان الله مد في العمر وتسهلت الأمور
مرحب بيك مرة أخرى
والتحية للمتداخلين والمتابعين
أخوك
فضل الله خاطر
| |
|
|
|
|
|
|
|
|
|
Re: إستشارات معمارية للمقبلين على البناء (Re: فضل الله خاطر)
|
مرحب يا هندسة وبوست في الصميم
وكدي ابدأ لينا بالاطار العام للمباني وقوانين السودان الحالية لاقل ارتدادات مع الجيران من كل الاتجاهات
الشغلة دي مهمة جدا للحصول على تصريح البناء
وقبل ذلك عرفنا بي نفسك
ويا برالمة "كملوا" بروفايلاتكم
| |
|
|
|
|
|
|
|
|
|
Re: إستشارات معمارية للمقبلين على البناء (Re: الشفيع وراق عبد الرحمن)
|
شهاب الفاتح عثمان
Quote: حبابك بالحوش ,
وخارطة دخول كاربة دي .. :) |
حبابك عشرة ، والحال طائري مايزال محلقا وسحابتي ماتزال خفيفة 
محمد جبره
Quote: ارحب بيك وارحب بروحي انا ذاتي ( مفرتق من الكيس جديد )
بداية موفقة جدا واتوقع نجاح كبير للبوست لاهمية الموضوع للكثيرين
يا ريت لو تركز على الطرق الحديثة و الاقل تكلفة و مشاكل التنفيذ
بالتوفيق |
شكرا على رفع المعنويات وكلو جاي في الطريق
فضل الله خاطر
Quote: تحياتي وسلامي الحار
أولا نرحب بيك في البيت العامر وسط أخوانك وأخواتك والأعمام والعمات والأخوال والخالات وإن شئت الدقة الجدود والجدات كمان
وشكلنا كده بنكون قاعدين متابعين بوستك دا حتى النهاية
وبنجيك راجعين كان الله مد في العمر وتسهلت الأمور
مرحب بيك مرة أخرى
والتحية للمتداخلين والمتابعين
أخوك
فضل الله خاطر |
شرفتتنا ونورت بوستينا فضل وخليك متابع مش حا تقدر تغمض عنيك
الشفيع وراق عبد الرحمن
Quote: مرحب يا هندسة وبوست في الصميم
وكدي ابدأ لينا بالاطار العام للمباني وقوانين السودان الحالية لاقل ارتدادات مع الجيران من كل الاتجاهات
الشغلة دي مهمة جدا للحصول على تصريح البناء
وقبل ذلك عرفنا بي نفسك
ويا برالمة "كملوا" بروفايلاتكم |
هلا ومرحبا يا هندسة ، وبالنسبة لمقدار الارتداد عن الجار فهو متغير حسب نوع المبنى وتصنيف المنطقة وارتفاع المبنى المراد انشاءه وموقعه بالنسبة للجيران والشوارع . ولائحة تنظيم البناء لسنة 2008 ( ممكن أرسليك ولكل الاخوان نسخة pdf منها ) فيها كل الاشتراطات القانونية المتعلقة بالموضوع وأي استفسارات احنا حاضرين .
ولو عايز تعرف مقدار الارتداد لارض معينة وريني مساحتها ودرجتها ، الجيران والشوارع المحيطة بيها وحا تطلع كم طابق ونوع المبنى وانا بوريك مقدار الارتداد من الجهات الاربعة.
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
مرحباً بك في سودانيز اون لاين الوطن الجميل
كلنا دفعة 2013
شكراً لك و انت تقدم مثل هذه المساحة الجميلة من زمنك الغالي مع العلم ان المهندس المعماري يستغرق منه زمن الرسم الكثير من الزمن و تجهيز الخارطة و توزيع الكهرباء و الصرف الصحي و التغذية وما يتبع ذلك من الاعمال المعمارية و الانشائية وتقفيلها وعمل الmax في حال وجود فيلم يمثل الواقع عن ال plan ,=ويستغرق الساعات الطوال حتى ينتج عملاً جميلاً .
كما اشكر لك خدمتك المجانية هذه
وكضربة بداية :
ياريت لو ممكن تقول لينا نبذة عن توزيعات الصرف الصحي و الكهرباء و التغذية و ان تمدنا ولو بخيوط يمكن الرجوع اليها كنماذج وما هي المعايير المتبعة في تغذية الكهرباء ان امكن ذلك حيث انه من ضمن اختصاصات المهندس الكهربائي و لكن اعتقادي ربما عندكم المام بها ايضاً.
ليس معمارياً و ليس لي علاقة بالهندسة ولكن تجارب و احتكاك ولي رغبة بالتعرف اكثر و التطور
نتمنى لك التوفيق وفي الانتظار
احمد
| |
|
|
|
|
|
|
|
|
|
Re: إستشارات معمارية للمقبلين على البناء (Re: محمد عبد الماجد الصايم)
|
مرحب بيك يا هندسة
بما ان من اهداف البوست التعريف بالمهندس المعماري و بين التخصصات الاخري ( وذلك نظرا ) للخلط الشائع بين المعماري و المهندس المدني)
هاك اقسام الهندسة المدنية الرئيسية
1/ هندسة الانشاءات و تهتم (المباني , الجسور و السدود ,.......)
2/هندسة التربة (خواص التربة و انواعها و مقدار تحملها
3/ هندسة الطرق
هندسة المياه ( جوفية , سطحية )
مهمة المهندس الانشائ حيث من المفترض ان المعماري قام برسم التفاصيل الجمالية و الشكلية للمبني او المنشاة
مهمة الانشائ هي تخليق هيكل عظمي للمنشاة يسطيع حمل المنشاة
| |
|
|
|
|
|
|
|
|
|
Re: إستشارات معمارية للمقبلين على البناء (Re: محمد عبد الماجد الصايم)
|
شكراً يا هندسة على الاستشارات المجانية والموضوع الهام.. ومرحب بيك في البورد..
ألا تتفق معي أن أغلب البناء في السودان تقليدي..
مع أنه بإضافة القليل جداً من اللمسات الفنية يمكن أن يخرج الشكل العام بصورة أجمل..
ماذا عن أهمية (مهندس الديكور) في مسألة الانشاءات؟
وهل تنصح بتقنية البناء الرخيصة (ثري دي بانل)..
ثم أين ناذر الخليفة من هذا البوست؟؟
| |
|
|
|
|
|
|
|
|
|
Re: إستشارات معمارية للمقبلين على البناء (Re: محمد عبد الماجد الصايم)
|
محمد عبد الماجد الصايم
Quote: أيمن هوي .. ألحق موسم الاعترافات دا
وقول كنت بتكتب باسم منو!! |
اعترف ان لي في محبتكم شهود أربع ،،، وشهود كل قضية اثنان
خفقان قلبي واطراب مشاعري ونحول جسمي وانعقاد لساني !
| Quote: يا كمان بسحب واسطتي وأخلي أب صلعة يشيل العنوان من فوق!! |
انا كنت عارفك حاقد بس ما كنت قايلك للدرجة دي 
| |
|
|
|
|
|
|
|
|
|
Re: إستشارات معمارية للمقبلين على البناء (Re: احمد عمر محمد)
|
أحمد عمر محمد
| Quote: ياريت لو ممكن تقول لينا نبذة عن توزيعات الصرف الصحي و الكهرباء و التغذية و ان تمدنا ولو بخيوط يمكن الرجوع اليها كنماذج وما هي المعايير المتبعة في تغذية الكهرباء ان امكن ذلك حيث انه من ضمن اختصاصات المهندس الكهربائي و لكن اعتقادي ربما عندكم المام بها ايضاً. |
هلا يا ابو حميد نورتنا والله . بصراحة انا ما بميل للإفتاء في تخصصات ما من تخصصي بس بصورة عامة التمديدات بتكون حسب الحوجة ونوع المبني وياريت اصحاب الاختصاص لو يمدو يدهم معانا في مختلف فروع الهندسة وبرضو انت كمان خلى اسئلتك محددة شوية لانو التعميم ما بسهل الاجابة .
عموما تمديدات الكهرباء بصممها مهندس الكهرباء والتمديدات الصحية بصممها مهندس الميكانيك والخرسانات والتسليح بصممها المهندس الانشائي و المعماري بقول رايو فيها كلها ويطلب تعديلها اذا تعارضت مع التصور المعماري النهائي كتيم ليدر
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
شكرا المهندس أيمن محمود
وفعلا نحن بحاجة لثقافة في مجال البناء
غالب بيوت السودان مبنية بالهبتلي (دون أي دراسة ولا دراية)
أتمنى أن نرى المباني كلها قد قامت على أسس هندسية سليمة
البنك يكون بنك والمطعم يشبه المطاعم والمبنى الحكومي
والسكن بأنواعه المختلفة كذلك
| |
|
|
|
|
|
|
|
|
|
Re: إستشارات معمارية للمقبلين على البناء (Re: جعفر محي الدين)
|
Mortada Adam
ياسلام عليك يامرتضي ولو كنت مهندس إنشائي بالله إعتبر البوست بوستيك واخد راحتك في الرد على الاستفسارات المتعلقة بالمجال الانشائي .
أيمن دياب
حبابك يا سميي
Quote: ألا تتفق معي أن أغلب البناء في السودان تقليدي..
مع أنه بإضافة القليل جداً من اللمسات الفنية يمكن أن يخرج الشكل العام بصورة أجمل.. |
بصراحة انا ما عارف انت قاصد شنو تحديدا بي بناء تقليدي بس لو قاصد انو متشابه ومافيهو ابداع معماري فده لدرجة كبيرة صحيح ،، والسبب في زعمي بيدأ من المالك في الاساس وعدم اعطاؤه اهمية للتصميم المعماري زي ما قلنا فوق ،، ومن قربي من المجال في مباني تكلف بناؤها مليارات ولكن مستوى تصميمها كان ضعيف اما بالنسبة للبيوت فحدث ولا حرج
المبنى ده مبني من الطين صممو معماري مصري معروف اسمو حسن فتحي واظنك بتتفق معاي انو مبني جميل ،، رغم انو العناصر التصميمية ومواد البناء تقليدية محلية
| Quote: ماذا عن أهمية (مهندس الديكور) في مسألة الانشاءات؟ |
لا اختلاف على اهمية مهندس الديكور خصوصا لمن الواحد يكون مريش
| Quote: وهل تنصح بتقنية البناء الرخيصة (ثري دي بانل).. |
انا شخصيا ما اتعاملت مع التقنية الجديدة القديمة دي بس حسب علمي التجارب الاستخدمت التقنية دي ناجحة بشهادة عدد من المهندسين الذين اعرفهم بس يبقي عامل التنفيذ بيلعب دور كبير
| Quote: ثم أين ناذر الخليفة من هذا البوست؟؟ |
ناذر مطلوب حضورك لتفتينا من خلال تجربتك
جعفر محي الدين
Quote: شكرا المهندس أيمن محمود
وفعلا نحن بحاجة لثقافة في مجال البناء
غالب بيوت السودان مبنية بالهبتلي (دون أي دراسة ولا دراية)
أتمنى أن نرى المباني كلها قد قامت على أسس هندسية سليمة
البنك يكون بنك والمطعم يشبه المطاعم والمبنى الحكومي
والسكن بأنواعه المختلفة كذلك |
للأسف الحال محصل بعضو في كل المجالات !
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
ألف مرحب يا أيمن يا دفعة ، أحيك علي البداية القوية الجادة
وأتمني لك كل التوفيق
Quote: ملاحظة: أرجو عدم طلب عمل مخططات أو خرط وذلك لعدم وجود زمن كافي لذلك .
|
_____________________________________
بيني وبيك مافي زمن ولا دا البزنس ذاتوو
| |
|
|
|
|
|
|
|
|
|
Re: إستشارات معمارية للمقبلين على البناء (Re: Amin Tayson)
|
يا سلام عليك
ياخي لو كل عضو جديد طوالي ربط كوز لوريهو وعشق
داي داي داي داااااااااااااااااااي
والبنسلين يا ترمجي نادوا الحكيم يطعني
ويا اب شام وراء وقدام
كان اكون عرفنا حاجة
احييك والله يا هندسة
مع اني ما عندي شغلة في شغلتك دي
بيت طين ملان عجيب
بردلب وقعت حيطة نبنيها نفير طوالي
ونشتغل بالمثل البقول
ود العيس ابني واليس بنيانو اطلع كويس
بالله المثل دا سمعتا بيهو
بالله رايك فيهو شنو ؟
لكن عمارات الخرتوم دي كلها من قصيباتنا ديل ما عافين ليهن المنجَمين لاعندهن ضحوة ولا ضهرية
| |
|
|
|
|
|
|
|
|
|
Re: إستشارات معمارية للمقبلين على البناء (Re: عبدالله ود البوش)
|
Quote: كتب ايمن محمود :ملاحظة: أرجو عدم طلب عمل مخططات أو خرط وذلك لعدم وجود زمن كافي لذلك .
|
Quote: كتب الامين البشاري :رغم إنك عصرته علينا شديد في الحته دي
لكن نقول مرحب بيك في الحوش
وعشان الحتة الفوق الرجاء عدم طلب أي مساعدة تقنية
متابعين شديد |
كتير من الناس يا الامين ما بمشو للمعماري زى ما ذكر الباشمهندس
والكتير من الناس برضو بفتكرو انو مساله عمل الخريطة حاجه سريعه وما فيها تعقيدات وبغيب عن بالهم حاجات كتيرة
فعمل تصميم لبيت كامل بكل الخدمات ويلبى رغبه وحاجه صاحبو .. بيتطلب وقت وتواصل بين المصمم والمالك لتقريب وجهات النظر بين رغبه المالك والاسس المعمارية السليمة مع مراعاة التكلفة ووووووووووووووووو
والمفروض اى زول عاوز يبني بيت يمشى للمعمارى عشان يخت ليهو بصمة خاصة بى بيتو ... وما تكون المبانيى نسخ مكررة
عندنا فى السعودية مرات بتلقى البيت مستنسخ قريب الف مرة
لو عاوز سااااى توصف لى واحد بيت الا تفتش ليك غنماية تحت الضل ... ولا عربية واقفه ههههههههههههههههههههههههه
لكن برضو للعاوز يصمم بيت ممكن الناس تديهو افكار عامه .. واسكتشات وحلول لمشاكل ووووووووووو
| |
|
|
|
|
|
|
|
|
|
Re: إستشارات معمارية للمقبلين على البناء (Re: عبدالله ود البوش)
|
Amin Tayson
Quote: ألف مرحب يا أيمن يا دفعة ، أحيك علي البداية القوية الجادة
وأتمني لك كل التوفيق
Quote: ملاحظة: أرجو عدم طلب عمل مخططات أو خرط وذلك لعدم وجود زمن كافي لذلك .
_____________________________________
بيني وبيك مافي زمن ولا دا البزنس ذاتوو |
حبابك يا امين واتمني انو تكون الجدية في الطرح جزء اساسي من وجودنا في الحوش ده ..
وبالنسبة لعدم وجود زمن كافي دي حقيقة ليها علاقة بالشغل الصباحية والدراسة في المساء وصدقني الواحد يسعدو دايمامساعة الاخرين
عبد الله ود البوش
Quote: بيت طين ملان عجيب
بردلب وقعت حيطة نبنيها نفير طوالي
ونشتغل بالمثل البقول
ود العيس ابني واليس بنيانو اطلع كويس
بالله المثل دا سمعتا بيهو
بالله رايك فيهو شنو ؟ |
بيت الطين ممكن يطلع جميل جدا لو اتصمم بطريقة جميلة ،، هاك عاين الجاي ده مبني بالطين ،،، والمثل ما بعجني زيو وزي المثل المصري ( عك عك ... ربك بفك)
ده بيت من الطين والحجر ومواد محلية
قبل كم سنة ود عمنا فكر يبني بيت جاني قال عايز البيت طابقين قلنا ليهو كويس ممكن تبنيهو حوائط حاملة ((load bearing walls ،،، حلف يمين الا يبنيهو أعمدة !!
ولسا الاعمدة مشرورة في الحر !
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
بالنسة للزول العايز يبني بيت عشان (يسكن) ،،،
قطعة ارض مساحتها 300 متر مربع (جيران من الثلاث جهات) ممكن تسكنك بارتياح في الطابق الارضي حسب الفراغات الاتية:
1- غرفة نوم رئيسية
2- غرفة نوم للاولاد
3- غرفة نوم للبنات
4- صالون
5- هول
6- 3 حمامات
7- مطبخ
8- موقف سيارة واحدة (صالون)
ده كلو في الطابق الارضي بمساحات مناسبة جدا
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
المعماري ايمن سلام واحترام
خيط رفيع وجميل وموفق
ارجوان تدخل في الموضوع على طول ولتعميم الفائدة للجميع ماتضيع وقتك الغالي للرد على الاخوان فرد فرد ليس استهانة بطرحهم ولكن لتكرار وتشابه كثير من الاسئلة والاستفسارات دايرين منك تدي الناس فكرة عن اسس تصميم المساكن الخاصة في السودان عامة وفي الخرطوم بصفة خاصة في شكل مبسط للشخص العادي الذي يرغب في بناء بيت.
ايضا المواد المستعملة حسب الطقس في مناطق مختلفة.
طرق البناء بمواد محلية رخيصة واقناع الناس بذلك .
العامل الاقتصادي واهميته وتأثيره في طريقة البناء والمساحات المطلوبة والتوفيق ما بين تطلعات واماني المالك ومقدرته الاقتصادية ودور المعماري في ذلك.
التوفيق مابين البساطة في التصميم وجماله.
اخذ تقاليد واعراف الناس في الحسبان بما لا يتعارض مع الرغبات الشخصية.
شكرا يا با شمهندس ولك التحية.
| |
|
|
|
|
|
|
|
|
|
Re: إستشارات معمارية للمقبلين على البناء (Re: عبدالمنعم العوض)
|
عبد المنعم العوض ،، ليك الف تحية
| Quote: دايرين منك تدي الناس فكرة عن اسس تصميم المساكن الخاصة في السودان عامة وفي الخرطوم بصفة خاصة في شكل مبسط للشخص العادي الذي يرغب في بناء بيت. |
راحة وصحة المستخدمين للمبني هي أساس التصميم وتعتمد علي البيئة الداخلية والخارجية للمبنى ، فتقليل الإضاءة الاصطناعية والإعتماد على الإضاءة الطبيعية يؤثر إيجابا في صحة السكان وفي دراسات علمية كثيرة اثبتت فوائد الاعتماد علي التهوية والاضاءة الطبيعيتين، كذلك تحقيق الراحة الحرارية للمستخدمين داخل المبنى مهم جدا في مناخ كمناخ ولاية الخرطوم بسبب شدة الحرارة وجاف الهواء.
| Quote: العامل الاقتصادي واهميته وتأثيره في طريقة البناء والمساحات المطلوبة والتوفيق ما بين تطلعات واماني المالك ومقدرته الاقتصادية ودور المعماري في ذلك. |
كتير من الناس بكونو ما واقعيين والواحد ميزانيتو مثلا بتسمح ببناء طابق ارضي حوائط حاملة وتشطب ليهو البيت كمان ،، يقوم بعدم واقعية وعدم التخطيط السليم يكبها في القواعد ويقعد يحرسها عشرة خمسطاشر سنه ،، وللزمن داك يا مات الملك يا مات الحمار او مات هو ذاتو
مرات كتيرة المعماري ما بكون عارف ميزانية المالك كم او ما عايز يعرف اساسا باعتبار انو دي حاجة بتخص المالك ،،، والحقيقة المعماري مفروض يعتبر نفسو مستشار المالك في حته قرارات التصميم والبناء !
| Quote: التوفيق مابين البساطة في التصميم وجماله. |
| |
|
|
|
|
|
|
|
|
|
Re: إستشارات معمارية للمقبلين على البناء (Re: ناذر محمد الخليفة)
|
تسلم باشمهندس ايمن واحده من مشاكلنا فى السودان هى عدم الرجوع لاهل التخصص لاستشارتهم
يعنى مثلاً كثيراً ما يلجأ لى العديد من المعارف لعمل خارطه لهم ويستحيل تقنعهم بانو ده شغل المهندس المعمارى
لانو حيفتكر انك ما عايز تشتغل ليهو ......
الملاحظ فى السودان ضعف الاهتمام بجمال الواجهات والديكور الداخلى رغم انها لا تكلف شئياً مقارنه بتكلفه المبنى الكليه
متابعنك بكامل الاهتمام
| |
|
|
|
|
|
|
|
|
|
Re: إستشارات معمارية للمقبلين على البناء (Re: سامى عبد المطلب)
|
سلام يا هندسه
بستغرب ليه لازم الغرف تكون 4 X4 متر , و ليه ما كل غرفه (علي الاقل غرفة البنات) يكون فيها حمام داخلي
بتمني لمن ابني بيتي اخصص مساحه متر فى متر او متر فى مترين (تحت السلم لو البيت اكتر من طابق) مصلي لجميع ناس البيت و كمان لقراية القران
شفتا فى دول الخليج بيكون عندهم عدد 2 صهريج موية و احد فى الارض التاني فى السطح , و مابيستعملوا موتور لسحب الموية من الخارج انما بين الصهريج التحت و الصهريج الفوق فقط .
| |
|
|
|
|
|
|
|
|
|
Re: إستشارات معمارية للمقبلين على البناء (Re: Yasir Aloob)
|
Yasir Aloob
Quote: سلام يا هندسه
بستغرب ليه لازم الغرف تكون 4 X4 متر , و ليه ما كل غرفه (علي الاقل غرفة البنات) يكون فيها حمام داخلي
بتمني لمن ابني بيتي اخصص مساحه متر فى متر او متر فى مترين (تحت السلم لو البيت اكتر من طابق) مصلي لجميع ناس البيت و كمان لقراية القران
شفتا فى دول الخليج بيكون عندهم عدد 2 صهريج موية و احد فى الارض التاني فى السطح , و مابيستعملوا موتور لسحب الموية من الخارج انما بين الصهريج التحت و الصهريج الفوق فقط . |
مقاس الغرفة 4x4 ده ما مقاس مقدس غير انو فراغ كافي للغرفة وزيادة - لوائح البناء في الخرطوم ، دبي ، الشارقة بتحدد الحد الادنى لبعد للغرفة ب3.5 متر
خزان الموية الارضي في البنايات السكنية اجباري في الامارت (جزء من الموية للاستخدام في حالة الحريق والجزء التاني للاستخدام اليومي) ودي حاجة بتريح الشبكة العامة للمياه - بحيث انو الخزان الارضي بيتملئ بالانسياب التلقائي للماء من شبكة المياه العامة ومن ثم ممكن تستخدم موتور للضخ في الخزان العلوي وده عشان مايحصل اجهاد للشبكة العامة ،،، جزء كبير من مشكلة المياه في السودان انو في ناس عندهم مواتير موية وبجرو مباشرة من الشبكة العامة وده بكون على حساب ناس تانية ما عندها مواتير !!
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
تحياتي ايمن وضيوفه
| Quote: عندهم مواتير موية وبجرو مباشرة من الشبكة العامة |
هذا في حال كانت الشبكة سليمة
أمّا إذا كان في ماسورة مكسورة أو ضاربة فغالباً الموتور بيجر المياه الراكدة من عند اقرب بركة ماسورة مكسورة مش لبيته فقط ولكن لبيت الجيران كمان بتلويثه للخط الناقل
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
Quote: كتير من الناس يا الامين ما بمشو للمعماري زى ما ذكر الباشمهندس
والكتير من الناس برضو بفتكرو انو مساله عمل الخريطة حاجه سريعه وما فيها تعقيدات وبغيب عن بالهم حاجات كتيرة
فعمل تصميم لبيت كامل بكل الخدمات ويلبى رغبه وحاجه صاحبو .. بيتطلب وقت وتواصل بين المصمم والمالك لتقريب وجهات النظر بين رغبه المالك والاسس المعمارية السليمة مع مراعاة التكلفة ووووووووووووووووو
والمفروض اى زول عاوز يبني بيت يمشى للمعمارى عشان يخت ليهو بصمة خاصة بى بيتو ... وما تكون المبانيى نسخ مكررة
عندنا فى السعودية مرات بتلقى البيت مستنسخ قريب الف مرة
لو عاوز سااااى توصف لى واحد بيت الا تفتش ليك غنماية تحت الضل ... ولا عربية واقفه ههههههههههههههههههههههههه |
وضاح يا حبيب كيفك
عارف ثقافتنا في حكاية المباني دي نفسها ضعيفة
ويا دوب بدت تتطور وتمشـــي لي قدام
قبل 15 - 20 كل البيوت في السودان اوضتين وبرندتين خلف خلاف
والله صحي ()
انتوا عايزين تأكلوا قروشنا ولا شنو ههههههههه
هسي يا وضاح انا عايز افكار وبعدين نشوف حكاية المعماري دي
غايتو للضمان كدا عندي 2 من اشقائي مهندسين مدنيين يعني باختصار كدا
ماف زول يعشم في التنفيذ ولا حتى ناذر الخليفة
المهم أنا عايز نماذج اقتبس منها الافكار وكدا فشنو ادينا النجيضة وما تأكلني حنك ساي
الايميل والتلفون في البروفايل .. جادي جداد شديد في الحكاية دي
..
..
عارف زمان كان عندنا مدرس رياضيات ونحن في الابتدائي
ومرة سأل الفصل أنت بعدين لما تكبر عايز تطلع شنو؟
اجابتي كانت أنا عايز اطلع مهندس
فقام قال لي : مهندس لشنو؟
يعني عايز تبني لينا اوضة (غرفة) شبه منحرف
فشكلها الحكاية دي مغروسة في عقول كل السودانيين
براحة علينا ياخ .. والمعمار دا لما كنا في الجامعة ما بقروها الا الحناكيش
واولاد الناس المترفين ............... والله صحي
تحياتي وأنا البوست دا ما فايتو الا اطلع لي بخرطه كاااربه للبيت
| |
|
|
|
|
|
|
|
|
|
Re: إستشارات معمارية للمقبلين على البناء (Re: smart_ana2001)
|
smart_ana2001
Quote: 1-القطعة اللى وصفتها دى فيها حوش???
2-نفس الوصف اللى قلته ده بيكلف كم اذا كان الاساس معمول ل 3 طوابق (نفس الشكل) لكن التشطيب للطابق الارضى بس. التشطيب يكون باحسن ادوات فى السوق. انا عارفه صعب تقدير الاسعار لكن عازه رقم تقريبي.
3-ممكن اشترى قطعة ارض فى حى درجة تالته (المزاد بحرى مثلا) و ابنيها كم طابق? ما هى الشروط البناء فى حته ذى دى?
شكرا ليك على البوست و ربنا يقدرنا نخدمك برضو |
1- لا ما فيها حوش (الارتدادات القانونية بس وباركينغ العربية).
2- بالنسبة للاسعار لو سألتي مقاول عديل ما حيديكي سعر مع الاسعار المتقلبة كل يوم فما بالك وانا اعل في الاستشارات الهندسية وخارج السودان كمان ! ،،، بس اتمنى واحد من ناس السوق في السودان يديكي رقم تقريبي.
3- على ما اعتقد المزاد بحري مافيها درجة ثالثة ! على العموم اراضي الدرجة الثالثة لو كانت مساحة الارض أقل من 1000 متر مسموح ببناء طابق أرضي + 2 طابق+ ملحق لا تتعدى مساحته 50% من مساحة الطابق الاخير.
شروط البناء للدرجة الثالثة.
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
هنالك اخطاء يقع فيها كثير من المقبلين على البناء وهي:
1- الواحد بكون عايز يبني افضل شي بأقل التكاليف وده ما دايما بكون ممكن (الغالي بي غلاتو .....الخ)
2- الواحد بعد ما يتحصل على تصميم جميل يقوم يمشي يعدل بناءا على كلام الاهل والاصحاب بدون الرجوع للمصمم.
3-عدم الاستعانة بمهندس مشرف على الأعمال الإنشائية و-أو المعمارية و-أو التشطيبات.
4-عدم اختيار موقع البيت بالشكل الصحيح ( الأرض ). فعلا في اماكن مرات بكون فيها مشكل تلوث ومشاكل تربة
5-عدم اختيار المقاول المناسب وذلك من خلال اعتماد أقل الأسعار.
6-عدم كتابة عقد مقوالة مع المقاول يكون واضح وعن طريق مكتب استشاري .
نصائح عامة للمقبلين على البناء
1- ما تصر انك تعمل التصميم المعماري بنفسك وتفرض على المكتب الهندسي او المعماري التقيد به
2- تجنب التصاميم الجاهزة وخلي بيتك عندو خصوصة واصر انو التصميم يكون فريد ومميز.
3- اعمل ميزانية مالية للمشروع بالكامل وشوف انت بتقدر تكمل المبنى ده والا... لا. وخلال كم سنة ؟
لأنك لو رميت قروشك في الاساسات مثلا وانتظرت خمس سنوات عشان تكمل كان الاولى تشتري بيهم قطعة ارض مثلا ولم يتلم عندك المبلغ كامل مثلا ... ابدأ الشغل في البيت وخلصو طوالي او على الاقل الطابق الارضي عشان تستفيد منو .
4- حكاية انك تبني وتأجر عشان تجي تسكن بعد خمس او عشر سنوات دي حكاية غير مجدية اقتصاديا .
6- اهتم بكل تفاصيل التصميم (ابعاد الغرف والحمامات والفرش بتاعها و الدواليب وتفاصيل المطبخ ....الخ) امسك التصميم غرفة غرفة واتخيل وضع الاثاثات - التلاجة والتلفزيون ، الغسالة ، الدواليب ...الخ
7- اهتم بالاضاءة والتهوية الطبيعية . انا ملاحظ مثلا شبابيك الحمامات بتتعمل في السودان صغيرة جدا ومرات بتكون على قدر مروحة الشفط في حين انو شباك الحمام مفروض يوفر اضاءة طبيعية كافية خلال النهار والزول ما يحتاج بفتح النور !
8- نوع مواد التشطيب الداخلية والخارجية مفروض انك تكون محددها من الاول .
9- اهتم بالتشجير وأبدا تشجر في اسرع فرصة ممكنه - بس اختيارك للشجر يكون مدروس .
10- اختيار الالوان الخارجية ادرسو كويس وحاول انو لون البيت يكون فاتح اكتر عشان الحر.
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
مرحب بيك يا هندسة والله في هذا الحوش السوداني الأصيل
لو ما عاوز تعمل لينا خرط مجاني مافي مشكلة بندفع ليك الدايرو بس ورينا كم ونحن جاهزين لكن عاوز لي خرطة ما تخرش المية (زي ما قالوا الجماعة المطلعين زيت ابو السودان).
لو موافق برسل الابعاد والحركات على الايميل
| |
|
|
|
|
|
|
|
|
|
Re: إستشارات معمارية للمقبلين على البناء (Re: الصادق صديق سلمان)
|
Quote: مرحب بيك يا هندسة والله في هذا الحوش السوداني الأصيل
لو ما عاوز تعمل لينا خرط مجاني مافي مشكلة بندفع ليك الدايرو بس ورينا كم ونحن جاهزين لكن عاوز لي خرطة ما تخرش المية (زي ما قالوا الجماعة المطلعين زيت ابو السودان).
لو موافق برسل الابعاد والحركات على الايميل |
شكرا يالصادق على الترحيب ، حقيقة سبب رفضي عمل خرط عائد للزحمة الانا فيها ولو ملاحظ بتلقي مداخلاتي محصورة في البوست ده تقريبا . اذن خيار بقروش ده غير مطروح بالنسبة لي .
بس ممكن لو نزلت الكروكي هنا ،، ممكن نعتبرو case study ونتكلم في الخيارات المتاحة ليك وانت ممكن تحصل على شنو وبعض التوصيات الممكن تفيدك والقراء في تحديد خياراتهم وده بيعتبر مرحلة الدراسة (دي حاجة مهمة جدا بالنسبة للمصمم) وممكن أعمل ليك اسكتش سريع لو لقيت زمن .
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
من الخيارات الممتازة لتقليل تكلفة السكن ، اعتماد نظام التاون هاوس: ممكن اتنين اخوان مثلا يشتروع قطعة ارض واحدة ويبنو اثنين townhouse
ده مثال على التاون هاوس ( ارض 300 متر مربع ممكن تعمل 2 تاون هاوس وتسكنك في امان الله !
الطابق الارضي (استقبال)
1- جراج (ممكن يتعمل صالون)
2- مطبخ
3- مكان للغسيل والكوي
4- حمام
5- مكان لتناول الطعام
6- هول للجلوس
الاول
1- ثلاث غرف نوم
2- حمامين
طبعا هنالك خيارات عديدة لعمل التاون هاوس بس ده مثال واحد من النت يحتاج لمراجعة التهوية + بلكونة او اكثر ...الخ ،، انا شخصيا بعد التعديل ممكن اسكن فيهو .
| |
|
|
|
|
|
|
|
|
|
Re: إستشارات معمارية للمقبلين على البناء (Re: يحي قباني)
|
Quote: حكاية انك تبني وتأجر عشان تجي تسكن بعد خمس او عشر
سنوات دي حكاية غير مجدية اقتصاديا |
حبابك يا باشمهندس
يمين الله اديت هندسة المعمار روح...ونحن كنا فاكرنها
بناء وصخور صماء...(بوست في غاية الأهمية والتشويق)
بارك الله فيك...
وقعت في نفس مطب نصيحتك الفوق دي...
ما كان تجي تقول كلامك دا من زمان
عموما ألف مرحب بيك ونورت المنبر
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
لا ..هسي فيها شنو يعني لو مثلاً البوست المهم دا خليتوهو معلق فووووق مع العناوين؟؟
ما في فَرَقة مثلاً؟؟ ما ياها دي الحتة وااااااااااااااسعة...موش؟؟
مرحب بيك باشمهندس أيمن..وقد سبق لي متابعتك في منابر مجاورة..
لك كل المودة..ونحن ناس 300 متر في مربع 26 حي النصر..وناس 600 متر في الريف الشمالي الجزيرة اسلانج وكدي..
حبينا نسلم وكدي..
..
.
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
حبابك يا باشمهندس
يديك الصحة والعافية على هذا المجهود ....زى ما عرضت بعض الواجهات الرجاء عرض بعض الواجهات لبناء من اربعة ادوار الارضى مينى على 337 متر مربع والمساحة الكلية 500 متر مربع والادوار الثلاثة فى كل دور شقتين بمساحة تقريبا 168 متر لكل شقة والعمارة مطلة على ميدان ....وينوبك ثواب
كن بخير
| |
|
|
|
|
|
|
|
|
|
Re: إستشارات معمارية للمقبلين على البناء (Re: حامد محمد حامد)
|
حامد محمد حامد
| Quote: يديك الصحة والعافية على هذا المجهود ....زى ما عرضت بعض الواجهات الرجاء عرض بعض الواجهات لبناء من اربعة ادوار الارضى مينى على 337 متر مربع والمساحة الكلية 500 متر مربع والادوار الثلاثة فى كل دور شقتين بمساحة تقريبا 168 متر لكل شقة والعمارة مطلة على ميدان ....وينوبك ثواب |
لكن ما عصرت علي شديد
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
| Quote: ولو عايز تعرف مقدار الارتداد لارض معينة وريني مساحتها ودرجتها ، الجيران والشوارع المحيطة بيها وحا تطلع كم طابق ونوع المبنى وانا بوريك مقدار الارتداد من الجهات الاربعة. |
شكرا يا هندسة
المهندسين/امدرمان/750م م/اولى/سكني تفتح على شارع واحد شمال 10م
ادينا ارتداد 3 طوابق ، 4 طوابق
هل ملحق السطح بيدخل في الحسبان؟
ولو سمحت رسل اللائحة، [email protected]
مع خالص التقدير
| |
|
|
|
|
|
|
|
|
|
Re: إستشارات معمارية للمقبلين على البناء (Re: الشفيع وراق عبد الرحمن)
|
هلا يا الشفيع
ارتدادات الثلاث طوابق
1- من الجار الشرقي والغربي 1.5 متر من حد أرض الجار . (الحد بكون في سنتر الحيطة بينك وبين الجار)
2- من الجار الجنوبي 3.3 متر من حد أرض الجار
ارتدادات الاربعة طوابق
1- من الجار الشرقي والغربي 1.5 متر من حد أرض الجار .
2- من الجار الجنوبي 3.9 متر من حد أرض الجار
عموما الارتداد من الجارين الشرقي والغربي 1.5 متر والجارين الشمالي او الجنوبي 1/3 الارتفاع (باعتبار ارتفاع الطابق 3 متر + البرابيت Parapet )
| Quote: هل ملحق السطح بيدخل في الحسبان؟ |
نعم
يحسب حسابو في الارتداد ضمن ارتفاع المبنى
| |
|
|
|
|
|
|
|
|
 Re: إستشارات معمارية للمقبلين على البناء (Re: زول ساكت)
|
مرحب بالباشمهندس ايمن والف مرحب بمحمد جبرة... واضح انو بكري أتوفق جداً في التسجيلات الجديدة
وكانت على الفرازة...
يا باشمهندس ياخ انا عندي شقة ليها سنة أبت تخلص.. وكل الخرط الكان عاملها المهندس طلعت مخستكة :)
كنت طالبة منو يعمل لي tow different levels في الصالة .. في الاول قال كويس وخصوصا انه هو الكان مسئول عن
البناء من مرحلة الأساس .. بعد كم شهر قال ما بيقدر يعملها..
كنت طالبة منه يعمل فراغات جوة الأعمدة وبعض الجدران وصرفت كتير جداً عشان نذيد سمك الحيط .. وللأسف برضه لما جينا
للتنفيذ قال ما بيقدر يعملها..المشكلة يا ايمن انك تدفع. دم قلبك للمهندسين وفي النهاية يخليك خشمك ملح ملح :(
| |
|
|
|
|
|
|
|
|
|
Re: إستشارات معمارية للمقبلين على البناء (Re: أيمن محمود)
|
| Quote: يا باشمهندس ياخ انا عندي شقة ليها سنة أبت تخلص.. وكل الخرط الكان عاملها المهندس طلعت مخستكة :) |
هلا يا رشا
مرات اللوم بيقع لى الطرفين او احدهما - بس نصيحتي الدايما بقولها - ما تبدا تنفذ شئ قبال ما انك تكون متخيلو تماما حا يطلع كيف ،،، والهندسة كاي مهنة اخى فيها الصالح والطالح ،،، وانا ما بقدر احكم على المهندس بتاعك ربما تكوني ظالماهو حرقة قروش ساي
| |
|
|
|
|
|
|
|
|
|
Re: إستشارات معمارية للمقبلين على البناء (Re: زول ساكت)
|
بوست كامل الدسم تسلم يا هندسة
بسال قطعة بالعشرة 344 متر درجة اولى ناصية تفتح على ميدان ما هو اقصى مساحة بناء من الممكن التشييد بها
وما هو اقصى ارتفاع مسموح به
بحثت عن اشتراطات البناء بالنت ولم افق بالحصول عليها ان امكن تدلنى على الرابط
| |
|
|
|
|
|
|
| |
أيمن محمود
محمد البشرى الخضر
شهاب الفاتح عثمان
الامين موسى البشاري
محمد جبره
الشفيع وراق عبد الرحمن
رشا سالم
احمد عمر محمد
محمد عبد الماجد الصايم
جعفر محي الدين
Amin Tayson
عبدالله ود البوش
وضاح عبدالرحمن جابر
ناذر محمد الخليفة
سامى عبد المطلب
Frankly
smart_ana2001
الصادق صديق سلمان
يحي قباني
Mahmoud Mustafa Mahmoud
زول ساكت
فيس بوك
تويتر
انستقرام
يوتيوب
بنتيريست