|
Re: مبروك.....مكتبة smart_ana2001 اسمارت برعي اسمارت (Re: Elmoiz Abunura)
|
عادل الباهي عبدالرازق...كل سنة وانت طيب. الله يبارك فيك. نبارك ليك نجاح الاولاد يا رب
اخوى الاوبامى المعز ابو نورة شخصيا??? كل سنة و انت طيب. اوباما نزل مسخن فى الفترة التانية دى. قدامه كتير يعمله عشان يرفع راسنا. هسى عنده حرب طاحنة مع تجار الاسلحة و اصحابها. الميزانية و ما ادراك ما الميزانية. قوانيين الهجرة و اشياء اخرى كثيرة ربنا يعينه
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: يحي قباني)
|
أخونا هاني الحقاني. من منازلهم، من راسهم، ما فارق. البوست ده ح ارفعوا من ربع لربع -------------- احتمال طبعا بكري يرفض يشيلوا لي من الربع ده. :(
كستاوي، الخرده اب صلعة( أوبس، قصدي وجيه وجهاء الحلفايا و أريزونا ) غلبني كلو كلو احنكو. كورتي طبعا فكت. كان ما كورتي فكت مستر قنواي بيبرمج بي في مكتبتي كمان !!!!
مستر قنواي، ينقطع كي بوردي لو قلت انك ما نصيح تاني. تووووووبة. -------------------------------- لكن طلعتا حقود بشكل !!!!
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: يحي قباني)
|
العزيزة سمارت، عشان بكري يديك مكتبة لازم تديهو اسمك الحقيقي وأظن أن هذا هو أس المشكلة لكن سمعت تحت تحت كدا من كتابات دينق إنو فردتك فرانكلي عندو مكتبة وما كاتب اسمو الحقيقي
ومشيت بروفايلك علشان أشوف رابط مكتبتك لقيتك كاتبة عدد الأطفال أربعة وما فوق غايتو نبارك ليك الأطفال ديل والمكتبة ملحوقة لوووووووووووول
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: smart_ana2001)
|
Quote: قباني، قصدي مصحح الغلطاوي. |
والله فكرة ... اجيب لي بسطونة و الف في المنبر ده للتصحيح ...
Quote: شنو يا قباني يا أخي؟ هسي بكري يشوف كلامك ده، حتي تأنيب الضمير يروح منه. مالك علي؟ |
بالعكس يا هندسة ... حسي عشان يكاويني بكره تلقي مكتبتك جاهزة ...
وقولي قباني قال ...
Quote: طبليتي اللي فرشتا فيها بوستاتي دي، قعدتا تصحح لي!!! |
معليش ... آخر مرة ... ما بقدر ...
( اللي ) دي ما عرفت اصلحها ...
( فرشت ) وليس ( فرشتا )
( قعدت ) و ليس ( قعدتا )
والله بقيتي وضاحة بس الليلة ...
دعواتنا ليك بالتوفيق ... وكل مكتبة و انتي طيبة انشالله ...
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: يحي قباني)
|
ان شاء الله -يا قباني يا ابن ام قباني - بكري يكون عندو مزاج يكاويك.
Quote: وكل مكتبة و انتي طيبة انشالله |
لكن كلو كوم و ( انشالله) بتاعتك دي كوم برااااها. أغلط في ( هظار) و في ( ود البشري) و كل الحجات دي. لكن ( ان شاء الله) دي ما قاعده أغلط فيها. دي بالغتا فيها. هسي أحسن ليك تحصل تمسح كل أجزاء مداخلاتك اللي فيها بتصحح لي. و انا أوعدك امسح الجزء ده. سمعتك في المحك يا مستر قباني. :)
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: smart_ana2001)
|
كنت قايلك حريفة ...
(ان شاء الله ) حقتك دي ...معناتها اني ادعوا الله و اتضرع له
ان يتكرم بكري بانشاء مكتبة خاصة بِكِ ...
اما ( انشالله ) حقتي ...فدي حقة فض المجالس ...
اضحكك ..
من كتر ما الناس بتقول لاولادها
لما الولد او البنت يكونوا دايرين حاجة
والوالدين مشغولين و دايرين يفوتوهم
الرد بيكون ...( انشالله انشالله )
زمان ولدي كان داير حاجة و انا مشغول جدا ...
فقلت ليهو انشالله ...
قام رد علي وقال ... ( أيوه حنمشي )
ولاانشالله ؟؟؟؟
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: يحي قباني)
|
الحكيم بلير، كل سنة و انت طيب. ده ما أمر الحكيم، ده عدم الموضوع.
مستر قباني. مع أني مربية في السودان الحبيب. و أهلي سودانييييين. لكن أبوي - عليه رحمة الله- كان جادي في موضوع ان شاء الله. وعلمنا أي شيء نقول ان شاء الله قبل ما نوعد بيه او نتمناه حتي. المشكلة ان اغلب الناس ذيك كده، ان شاء الله تقال للاختصار. و لأني بقولها كتير بيبقي شكلي مستهبلة. شكرًا علي الدعوة، و ان شاء الله بكري يكون قارش ملحتك عديل كده. :) ----------------- و ذي ما قالت الست فيروز: الله يخلي الولاد( الأولاد).
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: Elhadi)
|
بكرى ابوبكر ده شكلو اتعاقد مع بعضنا بعضوية مقطوعة يا اسمارت .. والعضوية المقطوعة طال عمرك هى كما الراتب المقطوع فى نواحى الخليج .. فقط راتب اساسي ودونما مخصصات غير ضرورية كالسكن والتعليم والتذاكر الخ .. وهكذا هى العضوية المقطوعة .. دونما مخصصات تعليق بوست او مكتبة او نحو ذلك من المظالم الاسفيرية ..
أخوك قيقراوى ومحمد حيدر ..
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: محمد حيدر المشرف)
|
Quote: بكرى ابوبكر ده شكلو اتعاقد مع بعضنا بعضوية مقطوعة يا اسمارت .. والعضوية المقطوعة طال عمرك هى كما الراتب المقطوع فى نواحى الخليج .. فقط راتب اساسي ودونما مخصصات غير ضرورية كالسكن والتعليم والتذاكر الخ .. وهكذا هى العضوية المقطوعة .. دونما مخصصات تعليق بوست او مكتبة او نحو ذلك من المظالم الاسفيرية ..
|
وإنت الصادق يا دكتور مليكنا بكري - قدس الله سره - شغال بحكمة السلف
" إننا لا نعطي ( المكتبة ) لمن يطلبها "
تجربة أساسي مثال مثال ثاني أنا واحد من الناس لا سعيت لى مكتبة ولم أر في ما أقدمه مستحقاً لمكتبة جيت يوم دورت المنبر كلو ما لقيت لى حاجة أقراها ما عارف ليه هفّ على أشوف ( الأسماء الفي حياتنا ) المنبرية أصحاب المكتبات هم منو أقوم ألقى نفسي منجعص في نصهم ليك أن تتخيل الموقف
________________
بالله يا سمارت إنت لسع ما عندك مكتبة ؟؟؟
___________
تحياتي وسلامات سمارت وضيوفها اللذاذ
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: محمد عبد الماجد الصايم)
|
اسمارت يعلم الله من قريت عنوانك دا قلبي قال فررررر........... اسمارت ادوها بالله معناها بكري اداني انا برضو وقلت اكيد زي ما فك التسجيلات في موضوع الاعضاء الجدد الرحمة وصلت للمكتبات طوالي مشيت البرفايل حقي و المفاجأة لقيتو ليك مشلع زي حالتو الاولى عندها قلت لنفسي (حسد وكدا ) ادا سمارت و ما اداني ...طيب......اها تغير الغضب و الحسد بعد قراءة بوستك لتعاطف و احساس بالتضامن و اقترح انو حتى لو بكري اداك مكتبة ما تقبلي الا رفاق الدرب في النضال من اجل المكتبات ينالوا الحقوق كاملة
---------- كلام البروفايل الكامل دا مفروض بكري يكون واعي ليه....اعتقد ان المطلوب يجب ان يكون اكمال البروفايل عند بكري وليس في الشبكة (اختياري) ما عارفة بكري الحتة دي دقس فيها كيف.
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: محمد حيدر المشرف)
|
Quote: سؤال جانبي .. هى المكتبة دى كيف ووين .. وهل فى اى احتمال قيقراوى يكون عندو مكتبه وهو ما عارف ؟!! |
المكتبة دي يا دكتور في حى كدا زى ( المنشية ) ، ( مدينة النيل ) ، ( كافوري ) كدا تتلفت يمينك شمالك تلقى الأسماء الحواليك كلها من المشاهير إنت قايل شنو ؟؟
الصيت ولا الغني يا حبيبنا
ومن ناحية أخرى
" ترقبوها أيام التسجيلات الجديدة "
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: عاطف عمر)
|
اسي يا بت عم برعي فكرة البوست دا الاسمارت فيها شنو!؟
قيل!
-----
باللاهي اقيف في الصف .. وبطلي خرخرة انا والكاشف اخوي واقفين لمن وقف حالنا وبكري ولا خصاهو!
ذاتو بعد دا ما داير لي مكتبة .. دا كان قبل الاربعين .. كإنجاز ثقافي مع عضوية الفورسيزونس لكن جلت .. اللتنين!
غايتو بعد دا كان ادوني مكتبة ح اغني ليها (عهد جيرون):
يا بنت عشرين ماذا تريدنا من موعدي خمسيني؟ قد كان لي فيك قبل هذا اليوم هواً .. اطيعه .. وحديسن ذو افانين
بعد دا دايرن ننقطع للذكر والعبادة وخلي كلامنا غثاء تذرؤه الرياح ساي
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: عاطف عمر)
|
هههههههههههه ..
Quote: تتلفت يمينك شمالك تلقى الأسماء الحواليك كلها من المشاهير |
بالحيل آ عاطف .. واول مره تراودنى نفسي للمشي بى هناك .. وياربى ليك الحمد لقيت ليك كل المشاهير من لدن حاصف ليييى قاصف بى هناك .. الصلاة على النبي والف على الحبيب ..
الذ حاجه آخر حاجه لقيت مكتبه للمواضيع غير المرغوب فيها .. هو ياهنده الخور آ عاطف ؟! غايتو آخر مداخله فيهو لى ابوحسين!!
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: محمد حيدر المشرف)
|
Quote: ولكنه موضوع ذو شجون .. |
فعلاً ذو شجون يا دكتور
أول ما لقيت إسمي منجعص وسط الجماعة ولقيت بوستاتي الما بتغباني وكعادة ( المغتربين ) - الواحد لو قرصتو نملة ينادي بعلتو - جري وصحيت ليك المدام من سابع نومة " النايمة ليها شنو بكري أبو بكر أداني مكتبة ؟؟ " ردت على دون أن تكلف نفسها بفتح عيونها
" مكتية شنو كمان البيدوك ليها إنتا كمان ؟؟ ، تلقاهو إسم على إسم "
إمتلأت غيظاً على البشر الذين لا يقدرون ( المواهب ) ورددت عليها
" طيب إذا عندك شك في إسمي ، برضو عندك شك في صورة ولدك الموجودة في كل البوستات ؟؟ "
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: سامى عبد المطلب)
|
دينق، كل سنة و انت طيب. كيف كان كرسمسك؟ لقيت عروس و لا لسه؟ :) (مبروك) ما في يا دينق يا أخي ! العشوائ ده ذاتو بيباركو ليه. مكتبتي دي ذي قصر علي الحاج ( رد الله غربته). صاح عشوائية لكن قاااااااعدة في نص الخرطوم. :)
مصطفي بشار، يا أخي اول شيء I am not a dude المكتبة في طريقتين لعملها. ربنا يرض عليك و يلهم بكري أبو بكر يعمل ليك واحده طوب و خرسانة. او تعمل واحده طبلية ذيي كده. المشكلة في الطبلية ان بكري ممكن يعمل كشه و يشيلها.
راوية، خليني أفطر الناس ديل و اضرب ليك تلفون عشان نشوف الترك. كستاوي كان عندوا اقتراح كده، لكن اب صلعة طلع مفتح :(
الهادي، كيفك؟ الله يبارك فيك. السودان صعب شديد يا أخي. عاوزه زمن طويل لحدي ما استعيد لياقتي. مع انك في السودان بتكون بتمارس في الجمباز الفكري طواااالي( امشي امبده في الأول، ام الكلاكلة؟ طيب الحلفايا أحسن اخليها بعد الغدا؟؟؟).
اساسي، بكري عمل ليك مكتبة قبل 7 سنوات و انت ( شخصيا ما مصدق و) لحدي الان مخلوع بيها. ده، و لما زول ذي اخونا المخضرم عاطف عمر يكون مندهش من كونوا انا لحدي الان ما عندي مكتبة! الحاجتين ديل بيوروا الحاصل شنو. بعدين انت ادوك مكتبة زمن المؤلفة قلوبهم. الان بكري انت ذاتك لو جيت ممكن يقول ليك سورررري.
محمد حيدر، باين ان الحديث عن المكتبة ذو شجون. ما مهم المكتبة في كافوري ام في مايو. المهم المكتبة. بالجد بكري بالغ. ود المشرف شخصيا ما عندوا مكتبة!!!!! و علي رأي كوستاوي، و بريمة عندو مكتبة؟؟؟؟؟؟ لا تيأس، اعمل ذيي. ابني مكتبك بعرق جبينك، الحقوق لا تعطي، الحقوق تقتلع. ( مش بيقولوا كده ؟؟) بعدين ما تحوم بالنواحي ديك، ما كويس علي صحتك.
ود الصائم، اجار؟ بدل ما تقول لي بدفعها ليك تقول لي اجار ؟ هسي امسخ عليك السنة الجديدة و افتح ليك بوست باسمك تاني. سوري قصدي تالت. ~_~ ناذك الطيب، شنو؟ شنو ؟ شنو؟ يدوني مكتبة و احردها عشان رفاق النضال ؟؟؟ شفتي منو في السودان أدوه وزارة قال ما عاوز عشان رفاق النضال. موضوع المكتبة ده انا ح امارس فيه كل أنواع الخيانة و البيع. بس وجيه وجهاء أريزونا يحن علينا !!!
قيقراوي، انا صغيرة و جااااهلة. لو ادوني مكتبة بعد عشر سنوات بشيلها و اقشر بيها ذي قشرة اساسي دي. بكري و الله اتلوم معاك انت و الكاشف أخوك داك. غايتو انا طبليتي دي كويسه و نشوف بكري ح يعمل فيها شنو.
سامي عبد المطلب. شرفتنا يا أخي. رف واااااحد. هسي مكتبة تخت شنو فيها؟؟؟؟ إحنا يا ابني 10 سنوات خدمة في البورد. كنتا وين انت قبل 10 سنوات؟ في الأساس صح؟؟؟
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: smart_ana2001)
|
Quote: الذ حاجه آخر حاجه لقيت مكتبه للمواضيع غير المرغوب فيها .. هو ياهنده الخور آ عاطف ؟! غايتو آخر مداخله فيهو لى ابوحسين!! |
لا لا لا لا يا دكتور
أمش في الشارع طوالي ما تلف شمال المنطقة البتتكلم عنها دي ( القماير ) نسأل الله السلامة ياخ بالنهار الزول ما بقدر يشقها إنت ماشي ليها أنصاص الليالي
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: عاطف عمر)
|
Quote: سامي عبد المطلب. شرفتنا يا أخي. رف واااااحد. هسي مكتبة تخت شنو فيها؟؟؟؟ إحنا يا ابني 10 سنوات خدمة في البورد. كنتا وين انت قبل 10 سنوات؟ في الأساس صح؟؟؟ |
مشكوره على الترحيب يا باشمهندسه بالنسبه لسؤالك قبل عشره سنه كنت وين ؟ فاحب اؤكد ليك انى ما كنت فى الاساس بل كنت قاعد فى المنبر ده باسم ..............
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: سامى عبد المطلب)
|
الاخت اسمارت سلامات...مكتبة فى العشوائى بعد كل هذه الخدمة الطويلة الممتازة دى...... عندى اختى معلمة قدمت للاراضى ادوها قطعة فى خلا امدرمان قريب للشمالية...وكانت زعلانة عندى قال ليها شيليها علشان نحن لمان نجى من الشمالية نريح عندكم ونواصل سفرنا لامدرمان...
ياخى شوفو لينا اليوست بتاع الاوزان داك امورنا تدهورت
مع التحية
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: Elhadi)
|
Quote: أثناء قيام الملياردير الشهير بيل جيتس بإلقاء كلمته في معرض (سيبيت ) في هانوفر عام 1995 م قام أحد الحضور برفع لوحة مكتوب عليها Alt+F4 |
معليش غادرت البوست وجيت راجع ... المغادرة كانت من غير قصد ... قلتا اجرب alt+f4 لقيت نفسي خارج التغطية انا في الاختصارات ضعيف ... حدي كنترول سي كنترول v
مبروك (المكتبة) اسمارت انا
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: مريم بنت الحسين)
|
تعرفي يا سمارت مرة بكري كتب قال لو عايز مكتبة اكتب مواضيع مفيدة وشنو ما عارف قمت كتبت بوست ويحيد وفي البال كان مشروع سلسلة من البوستات الجادة و المفيدة اها اول بوست كان عن تفكيك و نقد لنص غنائي ما - ما في زول يسألني منو :) وحاتك مداخلتين اظنهن وغلبني وجليت الفكرة قلت حسب شروط بكري دي النرجا يومنا حينها بتجيك المكتبة تتهادى براها بلا يوما ما اكتشف لي نوبي انو عندي مكتبة ورسل لي الرابط فرحت النصيحة ليك يا الله حتى اساسي يومها عمل زي حركته دي وقال اتلاحقت الكتوف و قل المعروف و خت رابط مكتبته الفرحان بها كدا التقول مكتبة جرير ههههههههه اها وبقيت كل ارشفة بمشي على بورد خاص بالناس العندهن مكتبات - ما اظنك سمعتي بيه ولا قيقرا ولا المشرف :) - و بخت الروابط و مشكور يا هندسة ومش عارف ايه ربعين تلاتة كدا قام الباصويرد ضاع -AKA اتوقفت - المهم جيت راجع بطني طامة وكدا ونسيت ليك حنان المكتبة و بقيت ما شغال بيها, كان عندي بوست رايح بقع سيرش الله و الرسول وعمك قوقل ما بقصّر المسالة صدقيني اشاعة ساي وما تهتمي بيها دا من ناحية ومن ناحية تانية من الشروط البكراوية عند منح المكتبة كتابة اسم صاحبها الحقيقي مع اليوزرنيم و المسألة دي ما شغالة معاك طبعا غايتو إلاّ تقدمي لإستثناء وكدا, كدي خليها التجي اول يحلّهات الف حلّال حينها
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: يحي قباني)
|
Quote:
اها وبقيت كل ارشفة بمشي على بورد خاص بالناس العندهن مكتبات - ما اظنك سمعتي بيه ولا قيقرا ولا المشرف :) - و بخت الروابط و مشكور يا هندسة ومش عارف ايه
|
يسمعن!!
كدي اسأل ود الصايم .. وعزاز شامي*
انت قايلني مقدم للمكتبة دي في مصلحة الاراضي بشرق النيل ول شنو؟ كدي امش شوف "ماشين في السكة نمد“ او نحو ذلك بهناك
Quote: ربعين تلاتة كدا قام الباصويرد ضاع -AKA اتوقفت - |
-------
* عزاز شامي ما كانت عارفة اسمي .. وملصقاهو لي بكري " شنو يا بكري عامل لينا فتح الرحمن“
اسي ود المشرف عاملين ليو فتح الرحمن الرحيم .. او قول فتح مالك الملك ذو الجلال والاكرام عديل كدا!
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: ابن النخيل)
|
ده كلو كوم و كلام سامي عبد المطلب كوم تاني. علييييييك الله اسمك كان شنو؟؟؟؟
ابن النخيل. أخبارك؟ و الله انا أموري ادهورت لدرجة مبالغة فيها. و يا الهادي ما تسألني من مقاسات. ~_~ النصري عمل ليه عربية هوت دوق و اختفي. بس ما يكون قاعد يأكله كله براه. ^_*
مريوم، الله يخليك لي. شفتي اللي بقت علي!!! مستر قباني كل ما الدنيا تعصر في أمريكا الشمالية يجي يضحك فيني. خلاص يا زولة ختيهم في مكتبتك طوالي.
سلامات مهدي صلاح. الله يبارك فيك. ما تكون ان ذاتك عندك مكتبة !!!!!
ود البشرى، بكري قال لازم يعرف الاسم كاملا، لحدي سيدنا ادم. قال دي مشكلتو الوحيدة في موضوع مكتبتي( تكون مشكلتو شنو مع ود المشرف و قيقا!!!!!!) ^_^ و متذكرة انه قال حاجه كده كويسه برضو عن بوستاتي لكن نسيتها و الله. المشكلة أني ما هان علي افكها فيه و اقطع ليه اسم من راسي. الأمانة كاتلاني يعني!!!!
مستر قباني، و الله الكشف يحصل 500 دولار بس أبيع موضوع المكتبة ده تماماً. 1000 دولار و اسيب ليكم البورد كلو نهائي.
قيقا، النصيحة لله بكري عامل ليكم* فتح أسماء الله الحسني كلها ال 99 أسماء بالإضافة لاسم الله الأعظم. ( ده اسأل منو الصوفية)
*( ليكم) ده لانه انت و صحبك ود المشرف بكري عاااارف أسماء كم و برضوا رافض او مطنش :)
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: محمد عبد الماجد الصايم)
|
Quote: من أيام لقينا (فتح الرحمن) كابي التلج لي بكري بالدس!!
|
لكن ما جابت يا عمك
دي مكتبة منو ياقيقا......!!
-------
الله يبشبش الطوبة التحت راسك يا د. مجدي
لكن عليك الله شوف سواد قلب البروف والبدري ديل
Quote: خبر السواد الجبتو ده يا دوك ... "إنا لله و إنا إليه راجعون" ........... الواحد كان بالي قيقا بقصة إنو مستو سخ في هذا المكان ولا مكتبة له ... هسي إلا نشوف لينا حنك تاني !!
بعد ده ما فضل إلا يدو البدري مكتبة !!
|
مافي حاجة حاتة ليهم شعر راسم برا الحسادة دي
كمفكر شاب -بارتايمر- قاعد اثث في نظريتي في العلاقة الطردية بين الشعور (اقراالاحساس) وشعر الرأس اسي.
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: قيقراوي)
|
سمارتي إنتي يا حبيبة.. كل عام وإنتي والمعاك كلهم بخير
طبعا يا مؤمنة يا مصدقة جيت داخلة أبارك. لقيت الموضوع مكتبة (دكاكيني).. كان في كلمة بتتقال على اللحم البيشتروه الناس من غير الجزارين (ما قدرتا إتذكرها خالص) هي المناسبة.. هههههههه
كيب ذا قود سبيرت آند يو ويل قيت إت إفينشويلي..
ــــــ يتهيأ لي مشكلة بكري مع إسم (برعي) ده.. حاولي جربي إسم مودرن شوية... هيثم بينفع غايتو
رجا
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: محمد البشرى الخضر)
|
Quote: الحركة دي مش ممنوعة كانت
|
سجمنا....ممنوعة بالجد???? كل شيء و لا الممنوع. انا زولة ماشه جنب الحيطة ( خاصة فى مواضيع بكرى دى). عليك الله تغيير العنوان ممنوع ???? الكوسة( بالجد) ريحتا لسه ما طقت. لما تطق ح تعرفها طوالى...او ح اوحشكم. ^_*. بكرى, كامل اسفى على تغيير عنوان البوست (لو ممنوع) . احسن غيروا ذى ما كان ام اخليه بعد كده ????* _________________________ *ايوه.... جرسة شديدة
| |
|
|
|
|
|
|
Re: مبروك.....مكتبة smart_ana2001 اسمارت برعي اسمارت (Re: smart_ana2001)
|
لا سوري يا سمارت خاني التعبير مش ممنوعة بقصد انها حاجة مخالفة او كدا قصدي كونها ممنوعة بفهم انها غير متاحة للجمهور, زمان تغلط في العنوان تبكي بدموعك عشان بكري يعبرك ويصلحو ليك فما تقلبيها غم و اعتذارات و بتاع بكري شكلو مع السنة الجديدة عمل تغييرات شايف في فيس بوك تحت وكدا شكلو البورد شوية شوية ماشي على ناس عضو ماسي و عضو ذهبي وعضو برّاي :)
و .. في انتظار ريحة الكوسة هههههههه
| |
|
|
|
|
|
|
Re: مكتبة اسمارت حسن اسمارت (Re: صلاح ليون)
|
صلاح ليون، اذيك ؟ معقولة بس أكون فاكرة راوية و ود البشرى عاملين الجوطة دي كلها في العناويين الداخلية؟؟؟ انا ذاتي اقصده عنوان البوست البره في الصقيعة المريعة داك.
| |
|
|
|
|
|
|
Re: مكتبة اسمارت أنا اسمارت (Re: يحي قباني)
|
Quote: انا ذاتي اقصده عنوان البوست البره في الصقيعة المريعة داك |
Quote: موضوع تغيير العنوان ده انا لاحظتا ليه من الربع الفات يا اخى |
كمان !!
طيب بيان بالعمل مرة تانية
| |
|
|
|
|
|
|
Re: مكتبة اسمارت أنا اسمارت (Re: Rawia)
|
Quote: كان في كلمة بتتقال على اللحم البيشتروه الناس من غير الجزارين (ما قدرتا إتذكرها خالص) هي المناسبة.. هههههههه |
كيري الكلمة هى كيري يا رجويةQuote: فالعنوان بيتغير برررراحة بـ () من المداخلة الاولى |
مباااالغة يا رواية فعلاً ( نفسك قصير ) ياخ ما شايفة سمارت ( متقلة ) الموضوع كيف ؟؟ وبتتعامل معهو بغموض حير ود البشرى بجلالة قدره تجي طاااااااخ تفتيهو بالبساطة دي ؟؟
سمارت يا سمارت ... واصلى كفاحك .. ما ضاعت مكتبة وراها مطالب
________________
لحدي الآن .. دا بوست الربع الأول .. جمع أحلى ناس
_____________
سمارت بالجد بالجد
سمعتي بى كلمة كيري ؟؟
| |
|
|
|
|
|
|
Re: مكتبة اسمارت أنا اسمارت (Re: Rawia)
|
هههه حلوة وملعوبة ياأستاذة راوية ما انا متابع بي هناك ومنتظر!! ده بكري يكون دقس دقسة لو عمل الحاجة دي بالذات مع الكشحة البرلومية العملها في 2013 يعني لو كاجي ليك زول وماعايزو يدخل البوست بتاعك تقوم من الصباح تغير العنوان 180 درجة والزول يكون كايس ولافي في الصفحات بيفتش على برعي وهو ما جايب خبر انو صار هيثم
| |
|
|
|
|
|
|
Re: مكتبة اسمارت أنا اسمارت (Re: قيقراوي)
|
غايتو يا قيقرا ما بعرف قصة حسّاس دي لكن النصيحة أمس بعد رجع البورد كان في حركة بتاعة اضف تعليق بتاعة الفيس بوك تحت المواضيع حتى في بوست كان فيه حوار عديل كدا واشي لايكات ومش عارف ايه اها علّقت تعليقي الفوق دا دقايق البورد قطع تاني لمّا رجع كانت الحركة دي اتشالت ما عارفها صدفة ولا حساسية من المعلم المهم جات كدا :)
اسمع .. بالمناسبة كنت عارف قصة تغيير العنوان دي ولاّ ما ليك في الكوسة زيّنا:)
| |
|
|
|
|
|
|
Re: مكتبة اسمارت أنا اسمارت (Re: محمد البشرى الخضر)
|
Quote: اسمع .. بالمناسبة كنت عارف قصة تغيير العنوان دي ولاّ ما ليك في الكوسة زيّنا:)
|
لا نحن تخصص بامية سااااي
من وش البامية يبقى ما يهو بنعرفو ليكم طوالي
------
حركة غير مدروسة -كالعادة- وما ليها اي معنى بدل ما يمنع العنواين الفرعية، مشى فتح تعديل العنوان الرئيس لاهواء الناس! كدا فقد البوستات أي خاصية توثيقية، او بحثية (اقرا سيرشية) بعد انها كانت بيده وحده لا شريك له، ودي ديكتاتورية حميدة لو كان التغيير مقنع وضروري، فالضرورات تبيح المحظورات لكن تغيير سمارت دا لزومو شنو اسي يعني الاسمو (برعي) جد جد ينتحر ول كيف يا رجا؟
والاسمم (فتح الرحمن خلف الله*) يقعوا البحر؟
* بالمناسبة خلف الله دا اسم علم .. ما صفة
ح تشوف البلع الرئاسي براك يا ود البشرى .. احساس بتاع فنيلتك؟ وتظل نظريتي الشعورية صحيحة في قانونها العام بالله عاوزين دعم (علمي) .. كل واحد يجري تطبيق للقانون في الحولو ويقارن (اتجاه) تناسب الشعور والشعور .. ويفيدنا باك
والله لا يضيع اجر من احسن عملاً
| |
|
|
|
|
|
|
Re: مكتبة اسمارت أنا اسمارت وين بوست النصري الأمين (Re: قيقراوي)
|
التحايا الأخت سمارت
أولا: نطالب وبشدة الأخ بكري بتخصيص مكتبة مكربة ليك
وثانيا: وين بوست النصري الأمين ياخي دا من اجمل وأعظم البوستات
وثالثا: من أحد فوائد هذا البوست إعادة قراءة بعض البوستات القديمة ومنها حق محمد فاروق سليمان وطبعا ناس الدويم والمروا على الدويم زينا وزيك كده بعرفوا محمد فاروق كويس أظنو هو دفعة ناس كيكي نحن كنا قدامهم في النيل الأبيض الثانوية وهو فعلا من قادة المستقبل في السودان وحنفخر بيه حينها
| |
|
|
|
|
|
|
Re: مكتبة اسمارت أنا اسمارت وين بوست النصري الأمين (Re: جعفر محي الدين)
|
جوجو....الريس ده عارع ممكن يكون هلالابي. اصلا الناس الظاف كلهم هلالاب
مستر قبانى....Quote: مسكين صاحبي ... قاعد مع رباطي ... |
صحبك.... لقيته وين??? زمان علمنى السواقة مكنيكى فى الطرمبة الجنبنا. و كنا مرات مرات بنمشي سوق الاخوان (بتعرف سوق الاخوان?) نشتري بناطلين الجنز....يااااه زمان يا اخى.
اجى يا راوية ???? نفسك مش قصير بس...نفسك مكتوم كلو كلو....هسي مالك ناشرة اخبر يا فردة ??? هسي بكري يقول انا اللى خربتا عليه البورد. غايتو كان طردنى تستحملى...كل يوم تونسينى ساعة كده
عاطف عمر...راجع ردى لرجاء العباسي. عرفتها طوالى كيرى. انا زمان لاصقه فى امى اى شىء تقولوا بعرفه
صلاح ليون....برعى ده منو??? احنا ناس هيثم
قيقراوى...مداخلتك دى مبااالغة
Quote: مش خالص اوي كدا يعني .. ماااا تضمني ليك ثعلوب عندي صلعة .. لكن حريف ما كيشة زي امين وبكري* قدس الله سره بعدين هي ذاتا مساعداني، ما بتظهر الا للناس الوراي، واكون مدبراً (اقري صلعة غدارة) لكن ما مشكلة ابداً .. ديل اصلاً اي دونط كيييير بيهم كزول جدي كليب بن ربيعة التغلبي، ما بتلفت لي اقل من 30 فارس ذاتو
وكزول متأسي بالامام علي، لا افر ممن يكر
[هل كلما ناولتك يدُ الروحِ سوسنةً من دمي تَقْشَعِرُّ؟ وأنت الذي قلت لي: لا تَفِرْ!؟]
وهكذا
ياخي ما بلقى لي عندكم وصفة لتطويل الشعر؟ ما لي انا بناتي -بقرن في مدرسة هندية- جاتن نفسيات عديييل كدا! وجن المسكينة -السغيرة- حننتني عديل كدا .. يوم الجمعة كتلتها بالجرجير تاكل وتدمع .. وتقيس في شعرا! ولا حياء لمن تنادي |
قلت لى صلعة شنو كمان البيخافوا منها ??? و الوصفة للبنات ??? *-^
ود البشري...بكري حساس يا اخى. احس زول. و موضوع الفيس ده كان شغال كيف? يعنى زول ما عضو يخت الموضوع فى حيطه و يبدا يلعق و اصحابه يعلقوا معاه? و الله فكرة كويسه يا اخى
| |
|
|
|
|
|
|
Re: مكتبة اسمارت أنا اسمارت وين بوست النصري الأمين (Re: smart_ana2001)
|
قيقراوي...تغيرر العنوان فعلا ح يعمل لخبته...عشان كده قلنا نسكت عليه لحدى ما بكري يغيير رايه
جعفر محي الدين....وينك يا اخونا???/ النصري عمل ليه عربية هوت دوق و قعد اكه براه بدل يبيعه للزبائن. عاوزه اعمل بوست ذى البوست داك...لكن مكسلة. لو بتوعدوا انت و مريم و غباشي و نجاة العوض و ابتهال و امير و النصري شخصيا تساعونى او عدك افتحه...اها???? محمد فاروق فعلا فخر لينا كسودانيين. ربنا يديه العافية
| |
|
|
|
|
|
|
Re: مكتبة اسمارت أنا اسمارت وين بوست النصري الأمين (Re: smart_ana2001)
|
سلام smart_ana هناك حل ثانى. نسخ جميع روابط مواضيعك إلى مدونة مثل غوغل بلوغ بوست أو مكتوب، مع تحديث المدونة أول بأول بروابط مواضيعك الجديدة ووضع رابط المدونة كرابط لمكتبتك فى البروفايل. صراحة ما جربت الفكرة دى لسبب بسيط هو إمتلاكى لمكتبة (ما عارف املاها بشنو ههههه). ودمت بخير.
| |
|
|
|
|
|
|
Re: مكتبة اسمارت أنا اسمارت وين بوست النصري الأمين (Re: Rawia)
|
السلام عليكم يا جماعة بخصوص بكري و مزاجه تعرفي يا ست النفر ... اقصد سمارت عضويتي للمنبر جات بطلب مباشر من العبد لله ... بعد يومين القى ليك بكور باعت الباس ويرد .. بعدين الزمن داك الواحد كان في سنة اولى غربة و كدة هسي باقي ليكم لو كنت نشيط و كتَّاب زيكم كدى ما حسي بقيت من ملاك المكتبات
شبابنا اللوزرس ... مريم , ابن النخيل , الهادي , ابو الجعافر Complements of the new season حاولت ارفع البوست قبل الارشفة الفاتت لكن مافي زول عبرني
______________________________________________________________________________ ست النفر .. بي تحت تحت كدة ... في مستجدات ... و ساوافيك قريبا بالاخبار
| |
|
|
|
|
|
|
Re: مكتبة اسمارت أنا اسمارت وين بوست النصري الأمين (Re: محمد عبد الماجد الصايم)
|
Quote: تعرفوا يا رجاء و قياقا..... انا قنعتا خلاص. واصلا كده احسن..... مكتبتى تكون فى صدر لمنبر دائما ...احم ...احم.
|
سمينها (رضينا) خلاص في الحالة دي الشعب يريد تغيير اسمك لـ ست النفر ذات اليدين عديل كدا
------
سميها -مكتبتك الوهمية دي- (بوستـــة) .. لزوم التأنيث ؤ كدا
حفظ الحقوق الفكرية -خصوصاً الاسمارت الزي دي- لازم برضك خلي بالك -هنا- في خفة يد منبرية .. والحبشي قاااعد، ومكبشر كلو شيء .. وكيمو جاااهز بحقنة (الحقيقة) فانتبهوا
| |
|
|
|
|
|
|
|