|
حادثة ضياع ابن علي عثمان ...(رؤية منامية في زمن النبؤات الجديد*)
|
ليلة الخميس العاشر من يناير 2013 رأيت انا نازك الطيب في النوم لاتي: ان خلقا محترمين عديدين قد تجمعوا بشاطيء النهر ، كان يبدو انه النيل الازرق الي الغرب من كبري المك نمر (بالقرب من القصر الجمهوري ) لكن قيل لي في الحلم انه النيل الابيض لا ادري كيف! كانو يرتدون جلابيباً نظيفة و سفاريهات و ملابس رسمية (فل سوت ) ومعهم بعض النساء و كانو ينظرون من اعلى ضفة النهر الي اسفل كان النهر قد اصبح جافا في معظمه الا من برك قليلة وكان الطمي اللين يغطي قاعه البعيد اقتربت من احداهن وكان يبدو انها صحافية قلت لها - في شنو؟ - ود علي عثمان محمد طه ضاع وداك سلفاكير بفتش فيه - وينو سلفاكير؟ ونظرت فوجدت رجلا طويلا يبحث بهمة في الطمي يغرس عصاته في قاع النهر و يتبعه رجلان او ثلاثة و يتجه من الغرب الي الشرق. وقبل ان اقول لها انه ليس هو كان قد اصبح قريبا بحيث تأكدت من انه سلفاكير ميارديت رئيس دولة جنوب السودان و تعجبت من اهتمامه بامر ضياع ابن على عثمان لم اتسال لم يبحث في الطين و الطين لا يغرق (نادوا ناذر الخليفة يفسر اصلو متخصص في احلام ضياع ابناء اصحاب السلطان) ثم انتقل مشهد الرؤية الي مكان فسيح فخم تناثرت فيه الارائك المنجدة باللون (البيج) وقوما يأكلون في صواني من الاستنالس ستيل مستديرة قطر كل واحدة نصف متر , كل يمسك بصينيته و ياكل منها وهي عامرة بأصناف الطعام بالشكل الذي نراه في الافلام و رجال الخدمة يروحون ويجيئون بين الضيوف المنهمكين في الاكل بدون ان يتحدثوا او ينظروا لبعضهم البعض ٍسالت في الحلم المناسبة شنو رد صوت لا اعلمه -( ود علي عثمان لقوه ودي العزومة بتاعة عودته) كان معي في تلك اللحظة صديقة قديمة لي لم التقيها لاكثر من عام تسمى سارة و اخرى زميلة لي تكون معي دائما تسمى عزيزة وبينما نحن نحاول النزول مستخدمين مصعدا كهربائيا او سلما لا ادري في مكان الدعوة الذي بدا اشبه بفندق 7 نجوم توقفت و قلت لسارة انزلي انتي و تناولي الطعام مع علي عثمان (اصلو صاحبك) انا و عزيزة حنقعد نأكل هنا و تركناها تنزل . مع انه لا علاقة لسارة هذه بعلي عثمان الا من خلال التلفزيون لكن نقول شنو في الاحلام العجيبة و الغريبة هي يا مؤمن يا مصدق نزلت اها انا و عزيزة بنفتش على اريكة نقعد فيها عشان نستلم الصواني بتاعتنا يدق جرس منبه الموبايل و الاذان بقول الله اكبر ضغضت على زر snooze (ما مستنية الصينية لسه ما جاءت) ... خمسة دقائق تاني الجرس دق برضو عملت snooze (برضو الصينية ما جات ) لكن قررت اني اقوم والعن الشيطان ونستعين على شقاء يوم العمل الطويل بالله. مطلوب مفسرين اصلا اليوم داك لا شفت تلفزيون قبل ما نوم ولا سمعت بعلي عثمان ولا سلفاكير بوقت طويل. الخلاهم اجو في احلامي القليلة شنو و يضايقوني فيها ؟ الله اعلم.
Quote: *رأت عاتكة بنت عبد المطلب قبل قدوم ضمضم الذي ارسله ابا سفيان يستصرخ اهلها لانقاذ العير لمكة بثلاث ليال رؤيا أفزعتها. فبعثت إلى أخيها العباس بن عبد المطلب فقالت له: يا أخي ، والله لقد رأيت الليلة رؤيا أفظعتني، وتخوفت أن يدخل على قومك منها شر ومصيبة فاكتم عني ما أحدثك به. فقال لها: وما رأيت؟ قالت: رأيت راكبا أقبل على بعير له حتى وقف بالأبطح ثم صرخ بأعلى صوته ألا انفروا يا آل غدر لمصارعكم في ثلاث فأرى الناس اجتمعوا إليه ثم دخل المسجد والناس يتبعونه فبينما هم حوله مثل به بعيره على ظهر الكعبة ثم صرخ بمثلها: ألا انفروا يا آل غدر لمصارعكم في ثلاث ثم مثل به بعيره على رأس أبي قبيس فصرخ بمثلها. ثم أخذ صخرة فأرسلها فأقبلت تهوي، حتى إذا كانت بأسفل الجبل ارفضت فما بقي بيت من بيوت مكة ولا دار إلا دخلتها منها فلقة قال العباس والله إن هذه لرؤيا، وأنت فاكتميها، ولا تذكريها لأحد. انتشار حديث الرؤيا في قريش ثم أخرج العباس فلقي الوليد بن عتبة بن ربيعة وكان له صديقا، فذكرها له واستكتمه إياها. فذكرها الوليد لأبيه عتبة بن ربيعة ففشا الحديث بمكة حتى تحدثت به قريش في أنديتها. قال العباس فغدوت لأطوف بالبيت وأبو جهل بن هشام في رهط من قريش قعود يتحدثون برؤيا عاتكة فلما رآني أبو جهل قال يا أبا الفضل إذا فرغت من طوافك فأقبل إلينا، فلما فرغت أقبلت حتى جلست معهم فقال لي أبو جهل يا بني عبد المطلب متى حدثت فيكم هذه النبية؟ قال قلت: وما ذاك؟ قال تلك الرؤيا التي رأت عاتكة قال فقلت: وما رأت؟ قال يا بني عبد المطلب أما رضيتم أن يتنبأ رجالكم حتى تتنبأ نساؤكم قد زعمت عاتكة في رؤياها أنه قال انفروا في ثلاث فسنتربص بكم هذه الثلاث فإن يك حقا ما تقول فسيكون وإن تمض الثلاث ولم يكن من ذلك شيء نكتب عليكم كتابا أنكم أكذب أهل بيت من العرب.
|
منقول بتعديل قليل
|
|
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: طارق جبريل)
|
سلام يانازك
إبن على عثمان هو اتفاق نيفاشا ضاع بمعنى أنه لم يؤتى أكله الذى كانت ترجوه منه البلاد عموما والحكومة خصوصا البلد كانت راجية سلام ووحدة والحكومة كانت راجية استقرار ومال..
سلفا كير قاعد بفتش فيه مع البشير فى أثيوبيا(ودا بيعنى سلفا كير جادى أكتر من البشير, أو البشير أزيح وقتها) التفتيش من الغرب للشرق يعنى الحلول بتجى من الغرب(أمريكا) للشرق لأديس مكان الإجتماع..
كونهم لقوه وشفتى الولايم دا بيعنى أن ضخ البترول سيبدأ واحتمال يتم ضغط من نوع ما يحقق وقف الحرب بين الجبهة الثورية والحكومة..
أنتن التلاتة بتمثلوا المعارضة عشان كدا على عثمان شال منكم واحدة أخفاها غالبا بتكون الجبهة الثورية وانتى وصاحبتك التانية حاتكونوا قوى الإجماع الوطنى تظلن فاتحات خشومكن ومنتظرات السلطة والثروة لحدى ماجرس حكومة المؤتمر الوطنى يضرب ويستلم حد تانى يزازيكن مزازاة المخدم لمخدومه.
| |
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: Balla Musa)
|
اذكر انه فى العام 1998 والحرب فى الجنوب مشتعل اوراها وتلفزيون السودان يصور الراحل جون قرنق كشيطان رجيم رايت فيما يرى النائم ان الراحل جون قرنق يرتدى عراقى وسروال ويلتفح بثوب ابيض ووجهه يشع نوراً وضياءاً وهو جالس على سجاده على مسطبه مرتفعه قليلاً وما ان رايته الا وارتميت على يديه اقبلهما وهو يقول لى ربنا يبارك فيك يا ولدى .. ربنا يبارك فيك يا ولدى ، و لا استطيع ان اصف لكم مقدار المحبه التى امتلأ بها قلبى ساعتها وصحوت من نومى و الفرحه تغمرنى بهذه الرؤيه ..... وقصصتها على زملائى فى الداخليه فاستنكروها وما هى الا سنوات وعاد ذات الرجل الذى صوروه لنا كشيطان ليستقبله السودان استقبال الفاتحين وتحولت الكراهيه الى حب جارف فسبحان مقلب القلوب ....
| |
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: Balla Musa)
|
يا دكتور بلة تحياتي الله يستر من تفسيرك دا لكن يبدو منطقياً بشكل كامل لكن انا لم ارى البشير في هذا الحلم باي صور من الصور....مش حاجة غريبة
قصة نحن الثلاثة معارضة دي حقيقة لكن سارة جبهة ثورية ههههه دي جديدة بس مش شايف انو على عثمان لقا ولدو الرايح لو قرينا الحلم دا مع بتاع ناذر الخليفة بتاع ضياع ابنة حسني مبارك وما لقوها و منو قامت ثورة 25 يناير مش ممكن نفهم حاجة ههههه لكن بيني وبينك قوى الاجماع الوطني بحالتن دي ياهم المرقو خشمهم ملح ملح
| |
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: طارق جبريل)
|
الاخ العزيز طارق جبريل
Quote: انا بهناك قلت ليك اكتب واقري وسدي الجهاز وما توجعي قلبك
|
انا بقيت شغالة في المنبر دا بمبدأ اسبوع قراية اسبوع كتابة والاسبوع بتاع الكتابة بكتب فيه بس في نهاية الاسبوع يعني كل عشرة يوم ....اها كدا كيف؟ لكن اقتراحك على اليعن والراس و هو مفيد قطعاً بالنظر لحال المنبر هذه الايام
Quote: تليشة: يا نازك عنوانك فيهو مطاعنة ما لذيذة ياخ |
ههههههه شكلها جات غصباً عني
| |
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: Nazik Eltayeb)
|
سلام نازك ..
Quote: ادوا ناذر الخليفة يفسر اصلو متخصص في احلام ضياع ابناء اصحاب السلطان) |
Quote: لو قرينا الحلم دا مع بتاع ناذر الخليفة بتاع ضياع ابنة حسني مبارك وما لقوها و منو قامت ثورة 25 يناير مش ممكن نفهم حاجة ههههه |
احلامي الاتتين ديلاك مش أبناء السلطان وبس .. ديل اطاحوا بي السلطان والحاشية والسلطنة زاتا هههههه ..!
والحلم الظهر فيهو عمر سليمان رئيس المخابرات المصرية واختفى وتاني ما ظهر .. تم التأكيد في الاخبار قبل أسبوع تقريبا أنو واحد من قتلى تفجيرات خلية الأزمة في سوريا ..!!
غايتو ما عندي ناقة أو جمل في تفسير الأحلام لكن الظاهر حلمك في منتهى الوضوح عشان كدة أنصحك بالرجوع لي بوستي داك عشان حا تلقي فيهو ناس خطرين في التفسير ممكن تستعيني بيهم زي كيكي وغيرو ما متذكرم ...!!
| |
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: ناذر محمد الخليفة)
|
سلام ناذر وكل عام وانتم بخير بعد ان زالت من الوجود دول و امبراطوريات تبعاً لاحلامك جاي تقول الكلام دا
Quote: غايتو ما عندي ناقة أو جمل في تفسير الأحلام لكن الظاهر حلمك في منتهى الوضوح عشان كدة أنصحك بالرجوع لي بوستي داك عشان حا تلقي فيهو ناس خطرين في التفسير ممكن تستعيني بيهم زي كيكي وغيرو ما متذكرم ...!! |
ماعندك ناقة ولا جمل ؟ ياخي انت القافلة كلها طلعت حقتك اها الحقونا بكيكي التفكيكي و رفاقه من اصحاب صفوة التفاسير من ناحية منتهى الوضوح واضح لمن محيرني انا ذاتي
| |
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: أسامة البيتى)
|
سيذكرني قومي اذا جدّ جدهم وفي الليلة الظلماء يفتقد البدر أضاعوني وأي فتى أضاعوا ليوم كريهة وسداد ثغر
Quote: اذكر انه فى العام 1998 والحرب فى الجنوب مشتعل اوراها وتلفزيون السودان يصور الراحل جون قرنق كشيطان رجيم رايت فيما يرى النائم ان الراحل جون قرنق يرتدى عراقى وسروال ويلتفح بثوب ابيض ووجهه يشع نوراً وضياءاً وهو جالس على سجاده على مسطبه مرتفعه قليلاً وما ان رايته الا وارتميت على يديه اقبلهما وهو يقول لى ربنا يبارك فيك يا ولدى .. ربنا يبارك فيك يا ولدى ، و لا استطيع ان اصف لكم مقدار المحبه التى امتلأ بها قلبى ساعتها وصحوت من نومى و الفرحه تغمرنى بهذه الرؤيه |
| |
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: أسامة البيتى)
|
سلام وتحايا الاستاذة نازك الطيب..
Quote: اصلا اليوم داك لا شفت تلفزيون قبل ما نوم |
لكن شكلك كدة قريتي الانتباهة بعد خبر ميثاق الفجر الجديد ولا حضرتي حضرتي خطبة للكاروري قريبات
كدي نحاول لمجرد الضحك نمسك مفاتيح حلمك على طريقة اسحق فضل الله اصلو كتابتو منبعها احلام وتهويمات.. ( مجرد بمزح بس ما يجي زول يعمل لي فيها يا شيخنا :) :)
Quote: كان يبدو انه النيل الازرق |
Quote: لكن قيل لي في الحلم انه النيل الابيض لا ادري كيف! |
جنوب كردفان والنيل الازرق .. سلفاكير وفك الارتباط مع الحركة الشعبية قطاع الشمال..
Quote: كانو يرتدون جلابيباً نظيفة و سفاريهات و ملابس رسمية (فل سوت ) ومعهم بعض النساء |
احزاب الجلابة وجلابيبهم وسفاريات الحركات المسلحة وقادتها واحزاب اليسار العلمانية وأناقتهم ومبادرات الحركات النسائية..
Quote: اقتربت من احداهن وكان يبدو انها صحافية قلت لها |
نجلاء سيد احمد..:)
Quote: - ود علي عثمان محمد طه ضاع وداك سلفاكير بفتش فيه |
الطيب مصطفي ومجموعته بيحملوا على عثمان وزر اتفاقية نيفاشا وفصل الجنوب .. وبيعتقدو الان ان الحركة الشعبية تسعي لضم النيل الازرق وجنوب كردفان.. بيظنو انه سلفاكير بيسعي لمن يشابه على عثمان في تحقيق ذلك.. فلعل سلفا بيبحث عن شبيه لعلى عثمان ( ومن اشبه بالشخص اكثر من ابنه ) وسط مشهد قوى الاجماع والجبهة الثورية ..
Quote: لم اتسال لم يبحث في الطين و الطين لا يغرق |
الامل في الحصول على المراد بذهاب قمل وجراد الانقاذ مهما كلف ذلك ..
Quote: انتقل مشهد الرؤية الي مكان فسيح فخم تناثرت فيه الارائك المنجدة باللون (البيج) |
البيج لون فاتح ومُبهج ويدل على الانشراح الذي يحدث بانبثاق الفجر ... وإجتماع القوم في مكان واحد يدل على الاتفاق .. وصينية الاستيل تمثل ما تواقع عليه القوم باتفاقهم..
Quote: كل يمسك بصينيته و ياكل منها وهي عامرة بأصناف الطعام بالشكل الذي نراه في الافلام و رجال الخدمة يروحون ويجيئون بين الضيوف المنهمكين في الاكل بدون ان يتحدثوا او ينظروا لبعضهم البعض |
غالبا ما يُعبر عن السلطة بالكيكة او الكعكة .. واستئثار كل واحد منهم بصينيته دون غيره واهتمامه بالاكل منها دون الحديث مع غيره دلالة على التفرقة بعد اتفاق والشتات بعد تجمع والطمع في الفوز بالنصيب الاكبر من مائدة هؤلاء الخدم الذين يروحون ويجيئون بين صواني هؤلاء السادة ..
Quote: توقفت و قلت لسارة انزلي انتي و تناولي الطعام مع علي عثمان (اصلو صاحبك) انا و عزيزة حنقعد نأكل هنا |
الشك والحرص مع الرغبة في معرفة وتذوق ما تحتويه المائدة.. والرغبة في الاكل تدل على العشم في ان تكون المائدة دسمة وتنالي نصيبك منها كضيفة..
Quote: اها انا و عزيزة بنفتش على اريكة نقعد فيها عشان نستلم الصواني بتاعتنا يدق جرس منبه الموبايل و الاذان بقول الله اكبر |
ليس كل ما يتمناه المرء يدركه .. تأتي الصواني بما لا تشتهيه الانفس..
هذا والله اعلم،،،
| |
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: HAIDER ALZAIN)
|
الاستاذ حيدر الزين لك كل التحايا و التقدير
Quote: لكن شكلك كدة قريتي الانتباهة بعد خبر ميثاق الفجر الجديد ولا حضرتي حضرتي خطبة للكاروري |
يعلم الله لا اقرأ الانتباهة مطلقاً ولا احضر او اسمع لهذا الكاروري ابداً. دا تفسير عجيب جدا و مخيف خاصة موضوع النيل الازرق الذي قيل انه النيل الابيض لهذا دلالاته بالتاكيد
Quote: ليس كل ما يتمناه المرء يدركه .. تأتي الصواني بما لا تشتهيه الانفس.. |
ياخي المنبه دا فوت علينا و وليمة فاخرة
| |
|
|
|
|
|
|
Re: حادثة ضياع ابن علي عثمان ...(رؤية منامية في زمن النبؤات الجديد*) (Re: Nazik Eltayeb)
|
Quote: القال ليكي ده النيل الابيض بكون ود سيدنا الميرغني و الله اعلم :-) |
هلا يانازك وكدي خليني اتم ضحكتي في التعليق ده الفي الفيس بووك تحت ده وبجيك برواقة للتفاسير لانو الحلم بتاعك ده فيهو كلام قلبي اباااهو ..مربوط بود علي عثمان الرايح لانو الود ده ممكن يكون نيفاشا علي قولة دكتور بله وممكن يكون (بشة) في مقولة اخري كونه نتاج حقيقي لفكر ومنهج علي عثمان ورهطه
وبجيك صادي بعد التامل والشورة مع شيخي شكر الله معشوق الرياح
| |
|
|
|
|
|
|
|