|
|
 لو ما كان عندك دقن وبتاع جزاكم الله خير حقك راح
|
لقد اصبحت الا ضطرابات النفسيه شيء عادي في مجتمعنا السوداني ولو تم حصر عدد المواطنين السودانيين الذين لهم حالات نفسيه لوجدنا ان ثلث البلد تعاني من هذه الاضطرابات ما تعرف السبب من شنو!!!! ارتفاع الاسعار ام زيادة المطلبات اليوميه وصعوبة الحياة .
هنالك. اشياء لا يمكن وضعها في الحسبان او تكون سبب لهذه الظاهره مثل ارتفاع وانخفاض البورصه التي ادت الي افلاس كثيرين في دول الممتاز علي وزن الدوري الممتاز السوداني .... باعتبار ان الشعب السوداني فرق روابط ...
والاتجاه المعاكس لهذه الحالات النفسيه البلد اصبحت يديرها نظام اقطاعي ممكن في دقيقه اكون عندك ملايين الجنيهات من عائد ورقة اعفاءات جمركيه تتحصل عليها من اصحاب النفوذ اذ كانو ورقتين او ثلاثة انت من اصحاب المليارات ليس بالجنيه بل بالدولار.
والحالات النفسيه تتعدد ولها انواع كثيره مثلا الانفصام نجد مسبباته اذ ذهبت لدائرة حكوميه لقضاء بعض حوائجك وما كان عندك دقن وبتاع ((جزاكم الله خير)) يعني باختصار تبع الحكومة ، اولا تلقي صرت الوش معاها مدت بوز من الموظف ده لو ما نهرك نهره تخليك تفكر ده ما انت وتدخل في جدل يا ربي ده انا الزمان ولا واحد تاني مما يؤدي الي الانفصام وبما أن نسبة المواطنين الذي يتعرضون لكل هذه المواقف ويقرأون بل ويرون كل هذه الأحداث بشكل يومي كبيرة، لو عندك قريشات وقلتا تلحق نفسك تمشي لي طبيب نفسي هناك احتمال كبير جداً أن يكون الطبيب النفسي الذي ستذهب للعلاج عنده مصاباً باضطرابات نفسية هو أيضاً، تخيّل أن تذهب إلى عيادة نفسية لتتأكد من “وضعك النفسي” فتجد الدكتور جالساً خلف مكتبه مُرتدياً عراقي وفوقه ربطة عنق (( كرفته)) وشايل في يدو كنش بتاع ملاح ده اعالجك كيف .....
اغلبية الغير متزوجين نجدهم بحالة نفسيه وسط ليست متوازنه بل ممكن تقول بمشو الحال الواحد علي روحو ...اكل ما اكل ما فارقه معاهو وهؤلاء اخذوا بنظرية امام المسجد في البوس وهي التي تقول:
ان الشيخ قال اي واحد متزوج هو داخل علي البيت يبوس يد زوجتو وذلك لاعتبارات فروض الطاعه والولاء وعدم المطالبه بمستلزمات فوق الطاقه تحاشيا للحالة النفسيه واحد من القاعدين قال ليهو يا شيخنا انا ما متزوج ... قال ليهوا انت بوس ايدك تحت وفوق عشان ما اتزوجت لسع ..... وإن لم تتبع هذه الطريقه اتوكل علي الله وخش مستشفي مجانيين وانسي انك كنت زمان عاقل ...
من النكات الجميله بتاعت المجانيين تحس فيها زي نكات وقت احنا كنا صغار بتاعت ود نفاش دخل القراش اتقلب فشفاش ... اب قبوره دخل الكوره اتقلب بنضوره...
في طبيب نفسي بتاع مجانيين عايز اعمل اختبار لكل المجانيين الكويس وشفي من المرض منو.
وقف في شارع الظلط وقال ليهم البرمي نفسوا في الشارع عشان العربيه تقتلو بديهوا قطعة حلاوة شوكلاته ...
الجماعه كلهم رمو روحهم في الشارع ما عدا واحد .
احتار الطبيب قال ليهو لي ما رميت نفسك في الشارع للعربات عشان تقتلك ...
المجنون قال ليهوا منتظر شاحنه كبيره عشان تديني العلبه كلها بتاعت الشوكلاته.
ياخ والله انت العاقل فيهم.
يا ربي الدولار اليوم وصل كم ......
|
|
 
|
|
|
|
عباس الدسيس
فيس بوك
تويتر
انستقرام
يوتيوب
بنتيريست