|
Re: سيد الحوش راقد لو فوق رأئ (Re: بدرالدين الطائف)
|
ألف مبروووووك العضوية يا بدر عارف دفعتكم دي بالذات دفعة قوية وبعرف فيها ناس كتار فطاحل في الاسافير وبيكم إن شاء الله حال المنبر يستعدل وبعدين سيد الحوش دا الله يعينه لأن السودانيين ديل وخصوصاً اعضاء المنبر لا يقودوا ولا ينقادوا .... والله صحي بعدين الريس بكري ســايق دفارو دا براهو وهو نفسو البخلص حقو ويطقطق ليك الركاب هنا .. يعني لا ديمقراطية ولا انتخابات ولا بتيخ ()
| |
|
|
|
|
|
|
Re: سيد الحوش راقد لو فوق رأئ (Re: الامين موسى البشاري)
|
Quote: ألف مبروووووك العضوية يا بدر عارف دفعتكم دي بالذات دفعة قوية وبعرف فيها ناس كتار فطاحل في الاسافير وبيكم إن شاء الله حال المنبر يستعدل وبعدين سيد الحوش دا الله يعينه لأن السودانيين ديل وخصوصاً اعضاء المنبر لا يقودوا ولا ينقادوا .... والله صحي بعدين الريس بكري ســايق دفارو دا براهو وهو نفسو البخلص حقو ويطقطق ليك الركاب هنا .. يعني لا ديمقراطية ولا انتخابات ولا بتيخ () |
عليك الله يا بشارى اول حاجه ورينى الوشوش الضاحكه المدردقه دى بيعملوها كيف.
والله صحئ ________________________________ اتفق معاك انه فى ناس فطاحله فى الدفعه دى و ماداير اسمهيم ليك وفعلا هم اضافه حقيقة للمنبر. الايام الجايه حا تكشف ده. بس الاستراتجيه بتاعت بكرى اتغيرت وفى رأى جديد وهو شنو ده السؤال.
| |
|
|
|
|
|
|
Re: سيد الحوش راقد لو فوق رأئ (Re: بدرالدين الطائف)
|
كدي احصروا لينا برالمة 2013 ..بالتقريب في حدود كم كدا؟
اتمنى ان تطيب لهم جميعا الاقامة هنا
برالمة لما تجي من واحد زيي كدة بتذكرني بنكتة اليماني القالو من عقود مقدم للجنسية السعودية .. ربنا وفقو وفي النهاية اخد الجنسية ... يوم ما استلم الجنسية سُمع وهويقول اثناء ما بيخت الجنسية في جيبو العلوي: الاجانب ذبحونا
| |
|
|
|
|
|
|
Re: سيد الحوش راقد لو فوق رأئ (Re: مهدي صلاح)
|
تحياتي يابدر الدين
ومرحب بيك في المنبر؛؛؛
المهندس بكري شغّال بنظرية المرّة بدقوها بي أُختها ؛؛
والسناير قبل كده عملوا فيها مُهمين وقالوا نحنا اصحاب المنبر ونحنا القام علي أكتـــــــــــافهم المنبر
وناس كانت حردانة الكتابة ؛؛؛
وبالدفعة الجديدة بكري برسل رسائل للجماعة ديل (الباب بيفوّت فيل عديل كده)
| |
|
|
|
|
|
|
Re: سيد الحوش راقد لو فوق رأئ (Re: بشير أحمد)
|
Quote: كدي احصروا لينا برالمة 2013 ..بالتقريب في حدود كم كدا؟
اتمنى ان تطيب لهم جميعا الاقامة هنا
|
سلام وتحياتى اخى مهدى وشكرا لترحيبك الجميل. ................................. الفقاسه لسه شقاله والعداد بيعد. بعدين بنجى نعمل ليك نمره كامله عد.
| |
|
|
|
|
|
|
Re: سيد الحوش راقد لو فوق رأئ (Re: بشير أحمد)
|
Quote: تحياتي يابدر الدين
ومرحب بيك في المنبر؛؛؛
المهندس بكري شغّال بنظرية المرّة بدقوها بي أُختها ؛؛
والسناير قبل كده عملوا فيها مُهمين وقالوا نحنا اصحاب المنبر ونحنا القام علي أكتـــــــــــافهم المنبر
وناس كانت حردانة الكتابة ؛؛؛
وبالدفعة الجديدة بكري برسل رسائل للجماعة ديل (الباب بيفوّت فيل عديل كده) |
شكرا يا بشير على الترحيب .
غايتو تحليلك هو الاقرب للمنطق . ولو دى النظرية الشقال بيها صاحب الحوش ما اظنها تنجح حسب ظنى . وذلك على المستوى القريب اما فى المستقبل ربما. ليس لعدم ثقى فى امكانية الاعضاء الجدد ولكن يظل الاصل هو الاصل . وهناك اعمدة فى هذا المنبر لايمكن الاستقناء عنهم.
| |
|
|
|
|
|
|
Re: سيد الحوش راقد لو فوق رأئ (Re: بدرالدين الطائف)
|
Quote: غايتو تحليلك هو الاقرب للمنطق . ولو دى النظرية الشقال بيها صاحب الحوش ما اظنها تنجح حسب ظنى . وذلك على المستوى القريب اما فى المستقبل ربما. ليس لعدم ثقى فى امكانية الاعضاء الجدد ولكن يظل الاصل هو الاصل . وهناك اعمدة فى هذا المنبر لايمكن الاستقناء عنهم. |
برلوم بسنونو و الله و بنظر تنظير صحيح مرحب بيك و انتا هسه زعلان عشان ما لقيت تراجي تشاركها و الامير الكوشي بشاشا و عزاز شامي و ماما دوما و الزول و اشراقة مصطفى و الانثى الاستثنائية منال الخ
بالله ديل يجيبوهم من وين ؟ منو البقدر بغطي مكانم ؟!!
| |
|
|
|
|
|
|
Re: سيد الحوش راقد لو فوق رأئ (Re: الصادق ضرار)
|
Quote: برلوم بسنونو و الله و بنظر تنظير صحيح مرحب بيك و انتا هسه زعلان عشان ما لقيت تراجي تشاركها و الامير الكوشي بشاشا و عزاز شامي و ماما دوما و الزول و اشراقة مصطفى و الانثى الاستثنائية منال الخ
بالله ديل يجيبوهم من وين ؟ منو البقدر بغطي مكانم ؟!! |
مرحب الصادق ضرار طبعا انت كسنير كلامى بيكون ريحك فى حنانك غايتو برالمه 2013 ديل ما مضمونين اتوقع منهم اى حاجه. ممكن يقلبوا الطاوله. ............................ بالنسبة للاسماء الذكرتهم فوق ديل منو.
| |
|
|
|
|
|
|
Re: سيد الحوش راقد لو فوق رأئ (Re: الصادق ضرار)
|
Quote: برلوم بسنونو و الله و بنظر تنظير صحيح مرحب بيك و انتا هسه زعلان عشان ما لقيت تراجي تشاركها و الامير الكوشي بشاشا و عزاز شامي و ماما دوما و الزول و اشراقة مصطفى و الانثى الاستثنائية منال الخ |
مع كامل الاحترام لمن ذكرتهم من الاعضاء البعيدين الان عن سودانيز اونلاين ... بس انا كبرلوم عدم مزاملتي ليهم ما مزعلني
ما تنسى تصحح لي مشاركتي دي يا الصادق ضرار وتوريني درجتي كم
معليش يا اخ بدرالدين المفترض دا بوست للترحيب بيك
| |
|
|
|
|
|
|
Re: سيد الحوش راقد لو فوق رأئ (Re: مهدي صلاح)
|
يا اخي بدرالدين السلام عليكم خليني استغل الفرصة و ارحب بيك وبكل الجديدين و زي ما بقولوا الجديد شديد و انشاء الله تكون الاضافة دي دماء جديدة تضخ في شرايين المنبر و تزيد قوته و مناعته و ابعدوا من الشلليات وخليكم في المكتوب شنو وليس الكاتب منو
اصلو انا داخلة حرب ضد موضوع الشلليات دا ودايرة انتصر فيها رغم انو بقولوا انو كل الناس الفي المنبر دا خشو المعركة دي وانتصرت الشلليات من قبل. اها دا محلي صناعة الاصنام(سودانيزاونلاين نموذجاً)
| |
|
|
|
|
|
|
Re: سيد الحوش راقد لو فوق رأئ (Re: مهدي صلاح)
|
Quote: مع كامل الاحترام لمن ذكرتهم من الاعضاء البعيدين الان عن سودانيز اونلاين ... بس انا كبرلوم عدم مزاملتي ليهم ما مزعلني |
برلوم مكابر بشكل ! طيب المزعلك شنو ؟
Quote: ما تنسى تصحح لي مشاركتي دي يا الصادق ضرار وتوريني درجتي كم |
يبدو ان صاحب البوست اكثر واقعية منك .. دي درجتك ..
| |
|
|
|
|
|
|
Re: سيد الحوش راقد لو فوق رأئ (Re: الصادق ضرار)
|
Quote: ابعدوا من الشلليات وخليكم في المكتوب شنو وليس الكاتب منو
اصلو انا داخلة حرب ضد موضوع الشلليات دا ودايرة انتصر فيها رغم انو بقولوا انو كل الناس الفي المنبر دا خشو المعركة دي وانتصرت الشلليات من قبل |
شكرا الاخت نازك على الترحيب .
موضوع الشلليات ده افة المنابر وهو وباء لافى على الكل ومن الصعب استئصاله. انا عن نفسى ضد فكرة التشرذم . وضد فكرة الوقوف والدفاع عن بعضنا فى الحق والباطل. الله يعينك وينصرك.
| |
|
|
|
|
|
|
|