|
**** ونــســـة نـاس الـحـكــــومــة ****
|
البشير في مكتبه و في يده موبايل و هو يلعب في إحدى لعبات الموبايل يدخل عليه عبدالرحيم عبدالرحيم : سلام البشير و هو مشغول مع الموبايل : أهلا عبدالرحيم : كيف الحال البشير : أهلا يا اللمبي .. عبدالرحيم (بي إستغراب شديد) : اللمبي دي شنو ...؟؟ البشير : ما بتدخل نت ...؟؟؟ عبدالرحيم : نت شنو ..؟؟ البشير يضع الجوال جانباً و يلتفت إلى عبدالرحيم : يا زول ما بتعرف النت شنو كمان ..؟؟ عبدالرحيم : و الله يا ريس بسمع بيه لكن هو وين ما عارفو ...؟؟ البشير : كدي فتش دربو وين و بالله أدخلو شوف الناس كاتبين عنك شنو ..؟؟ و الله فضحتنا عبدالرحيم : كاتبين شنو يعني ...؟؟ البشير : يا زول فضحتنا ضربات إسرائيل و تبريرك ليها ... عبدالرحيم : أسوي ليكم شنو ..؟؟؟ ناس ما بجونا إلا بالليل ... و طافين الأنوار كمان ... البشير : الله إسألك دا عذر ...؟؟ عبدالرحيم : عايزني أقول شنو يعني ...؟؟؟ البشير : يا زول إنت عوير و ل شنو ...؟؟ يعني لو جوك بالنهار كنت حا تعمل ليهم شنو ...؟؟ عبدالرحيم : كدي لم إجونا بالنهار بعدين بنشوف لينا عذر... البشير : يا زول قول الليلة دي جوك بالنهار حا تقول ليهم شنو ...؟؟ عبدالرحيم : بنقول ليهم و الله الشمس جهرتنا و ما قدرنا نشوف الطيارات ...!!!!!
|
|
|
|
|
|
|
|
Re: **** ونــســـة نـاس الـحـكــــومــة **** (Re: ود الباوقة)
|
عبدالرحيم : و شنو حكاية اللمبي دي كمان ....؟؟ البشير : ما بتعرف اللمبي ...؟؟؟ عبدالرحيم : أبداً و الله.... البشير : اللمبي دا إسم ممثل مصري بتعاور زيك كدا ...؟؟ عبدالرحيم : عليك الله عوارتي دي ما نفعتكم ...؟؟ البشير : و الله فعلاً نفعتنا لأنو الناس برمو اللوم علي عوارتك ما علينا نحن ... ها ها ها عبدالرحيم : إنت يا زول أنا مش كنت وزير داخلية و إستقلت و جيت حنستني علشان ترجعني تاني..؟؟ البشير : ها ها ها تصدق يا عبدالرحيم رغم عوارتك لكن وجودك مهم معاي... عبدالرحيم (مبتسماً) : يعني عارف أهميتي كويس ..؟؟ البشير : كدي بيني و بينك الحصل شنو بالضبط لم الطيران الإسرائيلي ضرب في بورتسودان عبدالرحيم : و الله بي صراحة يا ريس ناسنا مشو إجيبو الفول ... البشير (ضاحكاً) : فول ...؟؟؟ عبدالرحيم : آي و الله الجماعة قالو في بتاع فول كااااااااااااارب و مشو إجيبو منو العشاء..!!!
| |
|
|
|
|
|
|
Re: **** ونــســـة نـاس الـحـكــــومــة **** (Re: ABUHUSSEIN)
|
البشير : أها ضربة مصنع اليرموك تبريرك ليها شنو ....؟؟؟ عبدالرحيم : يا زول إنت مالك الليلة كلامك كلو بقى مشاكل ..؟؟ البشير : مشاكل شنو إنت مش وزير الدفاع ... و دا شغلك ..؟؟؟ عبدالرحيم : يا ريس الناس ديل برضو جو بالليل و لو حاولنا نضربهم إمكن ... إمكن شنو أكيد صواريخنا ما حا تضربهم و تقوم تقع ليها في بيت ناس و بعدين إطلعونا كيشه ساكت عبدرالرحيم : بعدين أقول ليك حاجة نحن الناس ديل راصدنهم من ما دخلو الحدود لكن قلنا نشوفهم عايزين إضربو شنو بالضبط علشان نعرف شنو الخايفين منو الناس ديل ....!!!! البشير : عبدالرحيم إنت بتجيب الأفكار دي من وين ...؟؟؟؟
| |
|
|
|
|
|
|
Re: **** ونــســـة نـاس الـحـكــــومــة **** (Re: ABUHUSSEIN)
|
البشير : أها يا عبدالرحيم عملتو شنو عشان الناس ديل تاني ما إجو إضربونا في الخرطوم عبدالرحيم : و الله يا ريس لغاية الآن ما عملنا حاجة... البشير : مافي طريقة نتفاهم معاهم ...؟؟؟ عبدالرحيم : ما فهمت حاجة ...؟؟ البشير : إنت ياتو يوم كنت فاهم حاجة يااااااااااااااا اللمبي .. عبدالرحيم : كدي قول لي كيف نتفاهم معاهم ..؟؟؟ البشير : يا زول الناس ديل إتفاهمو مع المصريين و الأردنيين كيف ...؟؟ عبدالرحيم : و الله يا ريس كان عملتو عملية ز ي دي تكونو ريحتونا من حكاية كل يومين ضاربننا ... البشير : إنت عارف أنا بفكر نقدم دعوة لي تسيفي ليفني تجينا زيارة سرية ...!! عبدالرحيم (ضاحكاً) : يا ريس دي كبيرة ... البشير : كبيرة شنو ...؟؟؟ عمرها كم ...؟؟ عبدالرحيم : أنا ما بتكلم على عمرها يا ريس ... البشير : طيب كبيرة كيف يعني عبدالرحيم : يا ريس إنت عايز تتفاهم و ل .....
| |
|
|
|
|
|
|
Re: **** ونــســـة نـاس الـحـكــــومــة **** (Re: ABUHUSSEIN)
|
البشير : يا زول هوي شوف ليك طريقة على الأقل تحمي بيها الحتات المهمة ما كل مرة الناس ديل داخلين تووووش ضاربين ليهم حاجة و طالعين زي ا لما حصل شي و تجي إنت تتعاور لي كدا ... عبدالرحيم : و الله يا ريس نحن ساعين علشان نعمل حاجة لكن قروش مافي .. البشير : قروش شنو يا زول هوي .... أوع تجيب لي سيرة قروش إنت عارف كل شئ عبدالرحيم : أها كيف يعني نعمل شئ بدون قروش كمان في أسلحة بوزعوها زكاة ..؟؟ البشير : يا زول هوي بطل لماضة ... عبدالرحيم : يا ريس شوفو ليكم أي حاجة بيعوها خلونا نشتري بيها مضادات كويسة .. البشير : هو فضل شئ ما إتباع ... ما إنت شايف براك عبدالرحيم : طيب ساعدوني فكرو معاي على الأقل.. البشير (بعد تفكير ) : طيب أقول ليك حاجة ... تجيبو كشافات قوية جداً تركبوها في حتات متفرقة كدا أول ما تحسوا بي إنو في حاجة جاياكم تقومو تشغلو الكشافات و تخلوها ضاربة فوووق في السماء عبدالرحيم (مقاطعاً البشير) : و دي بتعمل شنو يا ريس ...؟؟ البشير : أنا ما قلت ليك إنت عوير ...!! دي بتجهر الطيارين و ما بتخليهم إشوفو الهدف... عبدالرحيم : طيب و لو جو بالنهار يا ريس ....؟؟؟ البشير : بسيطة يا اللمبي ... بدل الكشافات تستعملوا مرايات ..... عبدالرحيم : دا حلك يا ريس ....؟؟؟ البشير : مالو حلي كمان ...؟؟؟ عبدالرحيم : أقول ليك حاجة ...... قوم لف
| |
|
|
|
|
|
|
|