كتب الكاتب الفاتح جبرا المتوفرة بمعرض الدوحة
|
Re: (الحور العين) و أزواج و زوجات سودانيز اون لاين (Re: منير عثمان)
|
Quote: سلامات يا دفعة ,,, مالك جايب سيرة البحر . استعد للطوفان .
|
هابي نيو يير يا صديقي
والله يا سيف قال ليك ومعاها فرحة كمان
مريم بت الحسين قالت في بوست العائلات
( مريم و نادر )
جات راجعه تاني وختت اسم نادر صاحبي بالكامل
يعني المسكين لو داير يعيش ليهو يومين حلوين ما يقدر
انكتم نفسو ...
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: زمااااان ... واحد اخونا الله يطراهو بالخير ... زوجته قالت ليهوا انت عارف انو يوم القيامة كل واحد فيكم حيلقي ( مرته ) الفي الدنيا هي زاتها ( الحور العين ) حقته ... صاحبنا هاج و ماج ... قال ليها يعني انا بعد الاجتهاد الفي الدنيا ده كله اطلع الآخره ... القاكي انتي زاتك ؟؟؟؟ |
تحياتي وسلامات عزيزنا يحيي
أعادتني هذه الطرفة لقصة حقيقية أحد أبطالها عضو معنا في البورد تعود للنصف الأول من التسعينات
ربطتني صداقة أسرية متينة بالأخ الحبيب ( ع . ع ) ، هو رجل موسوعي بمعنى الكلمة ، قارئ نهم ، لقاءاتنا الإسبوعية كانت خصبة وجميلة ، قال لى مرة أنه يريد أن يعرف عن الأستاذ محمود محمد طه و( الفكرة الجمهورية ) من المصادر الأصلية ... أجبته على الفور أنه من حسن الحظ أن صديقي الجمهوري - عضو هذا البورد - د. حيدر بدوي صادق كان يعمل أستاذاً في جامعة الإمارات في مدينة العين .. بسرعة تمت الترتيبات .. وبسرعة عرفتهم على بعضهم .. سر وأعجب د. حيدر بصديقنا ( ع ع ) وإطلاعه العميق .. تكررت اللقاءات مرة عندي في دبى أو عند ( ع ع ) في الشارقة أو عند د. حيدر في مدينة العين .. على الدوام كان ( ع ع ) هو المبادر بطلب هذه اللقاءات . في أحد اللقاءات تطرق د. حيدر لمفهوم ( الزوجة في الحقيقة ) في الفكرة الجمهورية وهو مفهوم قريب من جملة صاحبك هذا إنصدم صديقنا ( ع ع ) وهو يسمع هذا المفهوم ورد منزعجاً
" يعني يا دكتور أنا لو بقيت جمهوري ودخلت الجنة تقوموا تلصقوا لى ( ... ) تااااااني ؟ "
أعتبرناها قفشة وأنهينا بها ذلك اللقاء
لاحظت لاحقاً أن صديقي ( ع ع ) قد بدأ يتكاسل عن قراءة الكتب التي كان يزوده به د. حيدر .. بل و لا يحضر لقاءاتنا في دبى ويعتذر عن الذهاب للعين ذات مرة صارحته يازول إنت مالك ؟؟ ما كنت متحمس لمعرفة الفكره الجمهورية .. الحصل ليك شنو ؟؟
فرد على بقنبلته
" والله ما أكضب عليك أنا من د. حيدر قال أنو ( ... ) دي ح تباريني تاني في الآخرة ،الأستاذ محمود وفكرتو مرقوا لى من نفسي "
________________
حبيبنا د. حيدر سلامات إن مررت على هذا البوست أرجو أن لا تذكر إسم صاحبنا فقد تعمدت إخفاؤه
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: محمد عبد الماجد الصايم)
|
Quote: مريم بت الحسين قالت في بوست العائلات
( مريم و نادر )
جات راجعه تاني وختت اسم نادر صاحبي بالكامل
يعني المسكين لو داير يعيش ليهو يومين حلوين ما يقدر
انكتم نفسو ... |
انت يا عمو قبّاني ما تقول مريم الحسين عديل، معمم الشغلانه مالك... انا الوحيدة الجيت اتبرعت وقلت اسمو ندورات.. قلت لي كتمته نفسه... غايته النطمّنك عليهو، انا زاتي ما ظنّيتني اخش الجنة.....
نادر، الغدا شمار بي مرقه الليلة! (وش بريء وغيّر رأيه من حلّة المحشي بتاعت الليلة)
النشوف الصحوبية دي بتستمر لمتين...(الوش لسه بريء)
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: مريم بنت الحسين)
|
الاخ عاطف عمر لك التحيه حبيبنا د. حيدر سلامات إن مررت على هذا البوست أرجو أن لا تذكر إسم صاحبنا فقد تعمدت إخفاؤه
بالغت . اللبيب بلاشاره يفهم . احرز الاخ الدكتور حيدر بدوي المرتبه الاولي علي ولاية النيل الابيض في امتحانات المرحله المتوسطه . كان طالبا مميزا اكاديميا في جامعه الخرطوم .
لك ودي
صاحب البوست الاخ قباني ان عرفت الفرق بين الحور العين الائي يعشن الان في الجنه و بين النساء اللائي نعش معهم الان ، حا تكنكش بيديك و رجليك في زوجتك الحاليه ، و تبكي بدعموعك و تقول للملائكه في شان الله تدخلوها معاي . اخوك الزبير
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: الزبير بشير)
|
تحياتي وسلامات عزيزنا الزبيرQuote: الاخ عاطف عمر لك التحيه حبيبنا د. حيدر سلامات إن مررت على هذا البوست أرجو أن لا تذكر إسم صاحبنا فقد تعمدت إخفاؤه
بالغت . اللبيب بلاشاره يفهم . احرز الاخ الدكتور حيدر بدوي المرتبه الاولي علي ولاية النيل الابيض في امتحانات المرحله المتوسطه . كان طالبا مميزا اكاديميا في جامعه الخرطوم .
لك ودي |
حبيبنا د. حيدر هو ماذكرت أنت وزيادة أنا ما عارف إنت آخر عهدك بيهو متين لكن أقول ليك
" عندو شوتات ضفارية تجعل الحليم حيران "
أسميناها في أيام وصالنا " الحيدريات "
وبرضو فيك الخير
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: الزبير بشير)
|
Quote: صاحب البوست الاخ قباني ان عرفت الفرق بين الحور العين الائي يعشن الان في الجنه و بين النساء اللائي نعش معهم الان ، حا تكنكش بيديك و رجليك في زوجتك الحاليه ، و تبكي بدعموعك و تقول للملائكه في شان الله تدخلوها معاي . |
الأخ الزبير بشير .. سلامات .. وكل سنة وإنت طيب يا حبيب ..
معليش .. وبالرغم من إنه كلامك الفوق ده موجَّه لصاحب البوست ..
بس يا ريت والله تورينا الفرق الإنت قاصدو في مداخلتك دي .. بين الحور العين .. والنساء اللائي نعيش معهن الآن ..
لتعم الفائدة .. (مع ملاحظة تفضيلك لنساء الحياة الدنيا ...على الحور العين ) ...
وعشان نكب الزوغة من قباني .. ونخليهو يتمقلب براهو ..
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: عبد الله كسلا)
|
يا يحيى قباني
الله يجازي شياطنك
ذكرتني مناقشة دارت بين إتنين بخصوص الحور العين
والإتنين ما سودانيين بس من جنسية كدا أشكالهم زي ما بيقولوا جميلة
واحد قال التاني طيب لمن نحنا بعدين نتزوج الحور العين نسوانا ديل يمشوا وين
رد عليهو التاني قال ليهو نسوانا ديل حيتزوجوهم السودانيين لأنهم حيكونوا بالنسبة للسودانين زي الحور العين
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: وضاحة)
|
Quote:
ان شاء كية فيك ربنا يديهم اولاد حور يملوهم رومانسية |
يا وضاحة إزيك
صدقيني بعد العيال وناس سيك ميك والمدارس والذي منه
لا في رومانسية لا يحزنون كل الرومانسية تنقلب إلى مسؤوليات ينوء أولو العصبة من الرجال تحملها
قال رومانسية قال
رومانسية دي في الشاشة والسينما الغشاشة
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: Asim Fageary)
|
عام سعيد عليك ياود قبانى
انت مالك علينا ياخوى ؟؟
ما مريحنا لا دنيا ولا آخرة !!!! __________________
فى زيارة قريب دة لدبى لاقانى شاب يشبهك شبه شديد ( طبعا صورتك الكنت خاتيها فى الأول )
لمن افتكرته دة انت، وفى دبى مول ألاقىليك لافتة كبيرة : ( افتتاحفكتوريا سيكرت قريبا ) , اتذكرتك وضحكت
تحياتى
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: Muna Khugali)
|
Quote:
والله مشكلة!
نفس الرجال برضو وراهم هناك؟!
طيب في حالة التعددية هايحصل شنو؟؟ وكمان الواحدة الإتزوجت أكتر من مرة..هاتكون لياتو زوج؟؟
لازم يا يحي وكل الرجال هنا تردوا لينا.. مش علشان نعرف بس.. لكن كمان علشان نجتهد أكتر نخش الجنة!
......... ......... |
يا منى إزيك
تعرفي بالنسبة للمرأة الإتزوجت أكتر من واحد حيكون آخر واحد في ذمتها
وبالنسبة للراجل المتعدد الزوجات كلهن وراهو
يعني الشغلة زي حساب الجبر
أو زي القوائم المالية
أحسبيها بالطريقة البتريحك وفكري كويس قبل القيم ما ينتهي
هههههههههههههههههه
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: والقاليكم منو هن عايزات يباروكم؟
____ غايتو التحية ليك وللمعاك يا قباني على التفاؤل المدهش.. |
نجوان ...
بركة الجابت لينا ... والله مشتاقين ...
ما في تشاؤم ابدا وحياتك ...
امس حكيت الحكاية لواحد صاحبي ...
كان زمان بيحب الشراب و بطّل من 20 سنة
وكل ما تجي سيرة الشراب ريقو يجري لي حسي
فقال لي يا قباني انا ما فارقه معاي تكون هي ( حوري العين) ولا غيرها
اخوك حيكون راقد اليوم كلو جنب انهار الخمر ومغبّي ...
خليها تكون هي زاتها .. مع السكرة ديك الفارق معاهو منو !!!
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: انت يا عمو قبّاني ما تقول مريم الحسين عديل، معمم الشغلانه مالك... انا الوحيدة الجيت اتبرعت وقلت اسمو ندورات.. قلت لي كتمته نفسه... غايته النطمّنك عليهو، انا زاتي ما ظنّيتني اخش الجنة..... نادر، الغدا شمار بي مرقه الليلة! (وش بريء وغيّر رأيه من حلّة المحشي بتاعت الليلة) النشوف الصحوبية دي بتستمر لمتين...(الوش لسه بريء) |
بت الحسين يا صديقة ...
عليك الله غديهو كويس ... الدنيا ويك اند ...
بعدين انتي الشفقه العليك شنو ؟؟؟
يعني نادر ما عنده كيبورد ؟؟؟ ولا ماشاف البوست ؟؟؟
مالو ما جا وقال نادر ومريم ؟؟
اها انا ما عرفت انو نادر " صاحبي " زوجك الا من البوست ده ...
وما كنت عارفك متزوجة زاتو ....
الاخيره دى طبعا كضبه عشان اخش النار " احتياطياً "
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: صاحب البوست الاخ قباني ان عرفت الفرق بين الحور العين الائي يعشن الان في الجنه و بين النساء اللائي نعش معهم الان ، حا تكنكش بيديك و رجليك في زوجتك الحاليه ، و تبكي بدعموعك و تقول للملائكه في شان الله تدخلوها معاي . اخوك الزبير |
والله يالزبير ياخوي الا نكون صعايده بس ...
قالوا الصعيدي مشي اتزوج علي مرته ...
طلعت هي زاتها ...
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: يا يحيى قباني الله يجازي شياطنك ذكرتني مناقشة دارت بين إتنين بخصوص الحور العين والإتنين ما سودانيين بس من جنسية كدا أشكالهم زي ما بيقولوا جميلة واحد قال التاني طيب لمن نحنا بعدين نتزوج الحور العين نسوانا ديل يمشوا وين رد عليهو التاني قال ليهو نسوانا ديل حيتزوجوهم السودانيين لأنهم حيكونوا بالنسبة للسودانين زي الحور العين |
ود فقيـــري يا صديقي ...
قالوا واحد سوداني عايش عمره كلو في السودان
ما مرق ولا شبر ... وما شاف اي جنس حريم ( آخَرْ ) غير الانته عارفهم ديلاك ...
المهم ربنا كتب ليهو يمشي الحج ...
اهااا ... جماعته قالو ليهو كمان كان الله كتب ليك موته في اثناء المشاعر
جنتك مضمونة مية في المية ... وهناك بنات الحور و الخمور ...
المهم صاحبك حاجي في الصيف و الموضوع لافي ليهو في راسو ...
ومع حراية السعودية ديك جاتو ضربة شمس
نقلوهوا اقرب مستشفي بره مكه كانت المستشفي الامريكي
الممرضات الامريكيات حوالينو ... بيفوقوا فيهوا ...
عمك فتّح عينوا شافهم ليك بالشعور الصفرا و العيون الزرق زي موية البحر ...
و قنب يكورك ....
صدق وعده ...صدق وعده ...صدق وعده ...
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: غايتوا يا يحيى الله يديك العافية
النسوان ديل زاتوا بكون زهجانين من ازواجن الفى الدنيا
ان شاء كية فيك ربنا يديهم اولاد حور يملوهم رومانسية |
وضاحة ياخ انتي لسه صغيرونه ...
واعمامك ديل بيهضربوا ساكت ...
عايني عمك ود فقيري قاليك بل رومانسية بلا زفت ....
وانشالله ياخ " الزوجات " ديل ربنا يديهم " اولاد حور " مالو ... يستاهلو ....
بس دي مكافأه و اجر ليهن و لا عقاب لوليدات الحور المساكين ديل ؟؟؟
اما انتي ... فانشالله ربنا يديك ود حور دنيا و اخره عشان تبقي لي في رقبتو ...
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: عام سعيد عليك ياود قبانى
انت مالك علينا ياخوى ؟؟
ما مريحنا لا دنيا ولا آخرة !!!! __________________
فى زيارة قريب دة لدبى لاقانى شاب يشبهك شبه شديد ( طبعا صورتك الكنت خاتيها فى الأول )
لمن افتكرته دة انت، وفى دبى مول ألاقىليك لافتة كبيرة : ( افتتاحفكتوريا سيكرت قريبا ) , اتذكرتك وضحكت
تحياتى |
دكتورة مهيرة
انتي ما معاهم ... بس معقول ..؟
بعدين شفتي كلامي جاب نتيجة ... و قصة فيكتوريا سيكرت ما زالت في البال ....
إذاً جنتك مضمونة .... اعتمدى علي كده ....
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: يحى قباني
تحياتي ،، زمان (قبال بوستك دا) النسوان كانوا حائرات الرجال حيتزوجوا الحور العين حسب وعد ربنا سبحانه وتعالى طيب نحن حنعرس منو(أو كما قالن)؟ واحدة من الناشطات مرة في ندوة قالت: وطيب نحن نعمل شنو؟ أها طيب الما عرست في الدنيا تعمل شنو برضو؟
عندي صاحبي كان لامن يسكر شديد بقول:
نار مضمونه ولا جنه مجهجهة
هسي بوستك دا جهجه باكاتنا ياخ!
دم بخير |
ود البشاري ... لا تخف يا رجل ...
ربنا رحيم بعباده ...
انت قايل تفسير " الرجال قوامون علي النساء " ده شنو ؟؟؟؟
يعني قيامتنا قبال قيامتهم بكتيييير ...
اول شي الرجل السوداني عمره قصير جدا ...
و90 بالمية من الرجال السودانيين بيموت قبال زوجته بي زى 20 سنه كده ....
ال 20 سنه مع طول المده تكون جيهت امورك فوق ...
ولما تحصلك تتغابي فوقها العرفه بس ....
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: والله مشكلة!
نفس الرجال برضو وراهم هناك؟!
طيب في حالة التعددية هايحصل شنو؟؟ وكمان الواحدة الإتزوجت أكتر من مرة..هاتكون لياتو زوج؟؟
لازم يا يحي وكل الرجال هنا تردوا لينا.. مش علشان نعرف بس.. لكن كمان علشان نجتهد أكتر نخش الجنة! |
تعرفي يا مني ...
المتعدد الزوجات ده بالذات يستاهل يودو ليهو كل " حريم السلطان " الاتعددو ديل
يكونو كلهم ( حور عينه ) عشان يطلعوا عينه ...
لانو حمار ... ما فهم من اول مره ... و قام عرس تاني ....
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: ويضا لعلمك ان الحور العين اللائي يقسمن لك لا يرهن بالعين احد الا لك انت الزوج فقط ، مع ان سكان الارض يتزاورون في الجنان نساء و رجال . و من اعجب ما يكون ان اهل الجنه يسمعون اصوات الحور عند الكلام و لكن لا يروهن بالعين ( كلام من بيت الكلاوي ) |
الناس العينها طايره حقها راح ...
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: يحي قباني)
|
Quote: حيلقي ( مرته ) الفي الدنيا هي زاتها ( الحور العين ) حقته ... |
ده شنو يا هندسة؟
يعني ما حيكون في فك تسجيلات؟
ذكرتني واحد صاحبنا طشمنجي درجة أولى. في بداية التمانينات تاب ووقف الشراب. قام عمك نميري لما اكتشف الإسلام ومنع الخمور، لقيت زولك واقف (لط) .... سألتو بدهشة ... قام قال لي: شوف .. أوقف الشراب بي مزاجي ... لكن بي أوامر من نميري لأ.
فدحين .... ما تمرقنا من الجنة وصقطا.
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: محمد أبوالعزائم أبوالريش)
|
Quote: أبن أفصح يا هذا ______________
إنت أصلك ما بتوب ؟؟ |
اتوب من شنو يا دفعه ؟
انت بس اتذكر فلم ( Papillon) سنة 73
Steve McQueen &, Dustin Hoffman
محكوم عليهم مؤبد مدي الحياه ...
عمك دستن هوفمان بعد 25 سنة بقي بيعمل الدايره في السجن و السجانين ما شغالين بيهو الشغله
اها انحنا قضينا الخدمة الاجبارية ... و الاعمال الشاقة ... ووصلنا مرحلة دستن هوفمان ده ...
نقزل الدايرنه و مافي زول يقول كلمة ...
وعارفين لو نقنقنوا ...
بنعمل زى ستيف ماكويين ... ونشوف طريقة الهروب كيفن ...
| |
|
|
|
|
|
|
Re: (الحور العين) و أزواج و زوجات سودانيز اون لاين (Re: محمد أبوالعزائم أبوالريش)
|
Quote: طيب عملت شنو؟ ما ياهم زاتهم .... العندك والعندي والعند زيد وعند عبيد.
أنا كنت قايل موعودين بي حاجة كده زي عروس البحر (Mermaid) |
دي صدقت فوقها يا ابوررريش
تعرف مره من كم سنه كده ... كنا بنتعشي سوا في مطعم ...
مجموعة اصدقاء اعمارنا متقاربه ووقتها كنا خلاص علي مشارف الخمسين
في نص الاكل كده قام واحد من المجموعة سألنا ...قال لينا ياخوانا ممكن اسالكم سؤال ؟
قمت انا قلت ليهو اتفضل ...
قال لينا يا جماعه لو في واحد فيكم زوجته ماتت ... حيتزوج تاني ؟؟؟
قلت ليهو ده شنو حسي ؟ ده سؤال تسأله و الناس بتاكل ؟؟؟
قال لا ... بس لانو في موقف امس مع زوجتي و ما عرفت اتصرف كيف ؟؟
قال ...زوجته سالته ..يا فلان انا لو ( اتوفيت ) انت حتتزوج من بعدي ؟
قال بسرعة شديدة جدا قلت ليها ...
لأ طبعاً ...
اها المدام قامت تنطط ... وقالت ليهو انا كنت متأكده من كده ...وعشان كده انا بحبك ....
قمت سالته طيب المشكله وين ؟
قال ...هي ما خلتني اكمل كلامي ...
انا لما قلت ليها لا طبعاً ... كنت قاصد اني ما ممكن اعمل عمليه زي دي تاني ...
لأنه اصلا بعد العمر ده ما ينفع اجيب لي واحدة ...وتااااني اتعود علي رزالتها و تتعود علي رزالتي ؟؟!!!!
| |
|
|
|
|
|
|
|