|
واااااااا أسفاى صهيل النهر الخالد
|
أسفاي شعر اسماعيل حسن لحن وغناء محمد وردى *************
واا أسفاي .... وحاتكم انتو وا أسفاي إرادة المولى رادتني وبقيت غناي أسوي شنو مع المكتوب أسوي شنو؟ براهو الواهب العطاي منو .. منو البدور يساهر الليل ويسافر فوق جناح الشوق يكوس نجماً بعيد ضواي منو .. إذا وصفولو أرض الحور تلاقي قوافلو طول الليل تشق التيه تجر النم مع الحردلو في الدوباي وا أسفاي ببيع الدنيا كل الدنيا وا أسفاي عشان خاطر عيون حلوين وا أسفاي منابع الطيبة متجاورين وا أسفاي ومتسامحين في السمحين واسافر فوق صُبي العين معاك سلامة يادنياي
بتمدد وبتوسد وسادة شوق وبنوم مرتاح وخالي البال واقالب تاني عهد صباي عشان ما تبكي ببكي أنا واحاكي الطرفة في نص الخريف بكاي حمولي تهد جبال الشيل وفايت في العتامِ الليل ومتوكل عليك يا الله دافر الليل بِريق البسمة إن لاح لي بتتفتح مشاتل الريد واحسك جوا .. زغرد فيها صوت الناي وا أسفاي وحاتكم انتو وا أسفاي أسفاي إذا ماشفت ناس سمحين يتاتو .. زي قدلة جنا الوزين يتاتو تلاقي قليبي يرمح جاي لما يتاتو زي قدلة جنا الوزين يتاتو حليل الكان بهدي الغير صبر محتار يكوس هداي من ناس ديلا وا أسفاي من زي ديلا وا أسفاي إرادة المولي رادتني وبقيت غناي
|
|
|
|
|
|
|
|
Re: واااااااا أسفاى صهيل النهر الخالد (Re: Elmosley)
|
Quote: وانا بجيك احكي ليك عنها باعتباري الموزع الموسيقي لها في القاهرة 1992 تحياتي ومحبتي |
حبيبنا الغالى الموصلى
وا اسفاى بالتوزيع الموصلاوى فعلت فينا فعل السحر وهزتنا من الدواخل بعمق مثلما فعل فينا ( الحزن النبيل )
على ايقاع احساس الموصلى ,,,
ياريت تجينا صاد هنا وتحكى لينا ,,, ففى النفس ينداح عطر شجنٍ مقيم ,,, كلما حركت هذه الدرة من اغنيات وردى
نسيم الامس الحائر فى اعماقنا ,,,
لك الموده والتحيه ,,,وفى انتظارك راكزين هنا
| |
|
|
|
|
|
|
Re: واااااااا أسفاى صهيل النهر الخالد (Re: أيمن التوم حسن)
|
Quote: حبيبنا الغالى الموصلى
وا اسفاى بالتوزيع الموصلاوى فعلت فينا فعل السحر وهزتنا من الدواخل بعمق مثلما فعل فينا ( الحزن النبيل )
على ايقاع احساس الموصلى ,,,
ياريت تجينا صاد هنا وتحكى لينا ,,, ففى النفس ينداح عطر شجنٍ مقيم ,,, كلما حركت هذه الدرة من اغنيات وردى
نسيم الامس الحائر فى اعماقنا ,,,
لك الموده والتحيه ,,,وفى انتظارك راكزين هنا |
حاضر يا ايمن وبما ان الشغل ده سجلناه في مصر 1991-1992 فاقول لك بلغة اولاد بمبه هو احنا في ديك الساعه
(عدل بواسطة Elmosley on 01-05-2013, 12:23 PM)
| |
|
|
|
|
|
|
|