|
|
|
 Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
- الميلاد
ولدت في مدينة عطبرة
- وين ؟
في المستشفى
- التسمية والسماية ؟
كان في اقتراح يسموني صفاء
- لو خيروك الان لتبديل الاسم
اختار اسم بيان
- ليه بيان ؟
لانو الاسم الاتعرفت بيه ككاتبة
- اول مدرسة ؟
مدرسة سانت ريتا في في راس بيروت
- متين ؟
1967
- مع من ذهبت ؟
مع ابي
- الزى المدرسي؟
مريول رصاصي
- حالتك النفسية في اول يوم ؟
سعيدة جدا
- أول أستاذة درستك؟
مس انطوانيت
- أول من عاقبك في المدرسة ؟
استاذ عثمان الطاهر
- لماذا ؟
في جداول الضرب
- نتائجك في المرحلة الابتدائية ؟
اكاد اقفل كل المواد ولا احل امتحان الحساب
- وفي الثانوي العام ؟
درجات عالية جدا في كل المواد
وبرضو ما بحل امتحان الحساب
- ميولك في تلك الفترة ؟
القراءة كانت هوايتي الوحيدةلتناسب صحتي حيث لدي ربو حاد
ومشاهدة الافلام الى الان لي اهتمام خاص بالسينما
- صديقات في الذاكرة
عدد كبير من الصديقات مرن علي في حياتي حيث تنقلت كثيرا في السودان لانو درست الابتدائي في ثلاثة مدارس
المتوسطة في ثلاثة مدارس
والثانوي في مدرستين
اذكر صديقتي العزيزه منذ الطفولة والى الان عواطف عثمان عباس حيث التقينا في ثلاثة مدن بحكم عمل والدها كمعلم رحمه الله
نعيمة الفولي رحمها الله وعوضها بشبابها الجنة
ونفيسة قوي
وسناء برهان
وهدى
وتماضر ابو القاسم
وصديقتي التي كانت اختي هي المرحومة نجوي مصطفي محمد علي رحمها الله وعوضها بشبابها الجنة كانت شيقيقة الى الان
احس بلوعة فراقها عرفتها منذ حد تكوين الذاكرة مثل اخواتي .. وكل بنات المعهد
- ماذا قرات في تلك الفترة المبكرة ؟
مجلة ميكي وسمير وسمر و العربي والهلال وشعر
| |
  
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
- كيف عرفت معهد الموسيقى والمسرح ؟
من اختي سعاد التي كانت تدرس في الدراسات الاضافية تمثيل واخراج
وهي كانت طالبة في جامعة الخرطوم كلية البيطرة ولكنها تحب الفنون
ومنها عرفت ان هناك شعبة للنقد .. وقدمت المعهد
وبه تعرفت على ادباء وشعراء وتشرفت بالدراسة تحت فاعلين في الثقافة السودانية
امثال هاشم صديق وزاملت ايضا ادباء وشعراء مثل مجذوب العيدروس حيث كنا في ذات الدفعة .
- ماذا اضاف لك المعهد ؟
معهد الموسيقى والمسرح اجمل فترات حياتي حيث كنت ادرس اشياء احبها جدا
في المعهد تفتحت لي افق كثيرة و اخترت دراسة النقد
كنت اجد متعة عالية في دراسة المواد المرتبطة بالادب
وانا احب التاريخ جدا وقد درست تاريخ كل الفنون
ولذلك كنت احب دراستي جدا وكذلك مواد النقد والتحليل
- هل قمت بالتمثيل في تلك الفترة ؟
شاركت في مسرحية اسمها "رسالة من لورد بايرون " اخرجتها صديقتي زبيدة البساطي وكنت في السنةالثالثة
ونشاطي في التمثيل لا يتعدى الدراسة حيث كما ذكرت سابقا كنت قددخلت المعهد لدراسة النقد
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
- ما العمل الذي تخرجتي به ؟
تخرجت ببحث بعنوان " محاولة دراسة الحكاية الشعبية عند خالد ابو الروس
من خلال مسرحية تاجوج وخراب سوبا "
وقد نلت فيه جيد جدا من المعهد وامتياز من الممتحن الخارجي اشرف عليه بروف على عبد الله عباس
وقد تخرجت بالدرجة الثانية العليا كاول طالبة تتخرج بهذه الدرجةمن هذه الشعبة
و حتى بين الطلاب لا يوجد عدد كبير متخرج بالدرجة الثانيةالعليا
ودي حاجة مشرفاني شديد واسعدت الوالد جدا
حيث كان يحثنا عل ان ندرس ما نريده ونتفوق فيه
- اجمل عمل شاهدتيه في ايام الدراسة ؟
مسرحية اخرجتها نعمات هارون الله يرحمهاالطريق الى ثار
ومسرحية لحاتم محمد صالح نسيت اسمها
ومسرحية حفل على الخازوق لتماضر شيخ الدين
وهناك كثير من المسرحيات الممتازة الاخرى
مر زمن طويل جدا ربع قرن كامل والذاكرة بدأت تضعف
- اجمل عمل قدم على خشبة المسرح القومي؟
المهدي في ضواحي الخرطوم
- اكثر الممثلين / الممثلات لفتو انتباهك
من الممثلين السنى والرشيد احمد عيسى وقرني والشبلي
والممثلات حياة طلسم ممثلة ممتازة ، وزكية محمد عبدالله وندوة حسن ونادية احمد بابكر
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
- نتكلم عن الاسرة .. اولادك وبناتك
لدي ثلاث بنات ولد
- الاسماء وكيف اخترتوها ؟
منذ صغري كنت اقول لو انجبت بنت ساسميها زاريا على قصة قراتها وانا صغيرة
عندما اتت البنت الكبرى كانت هناك اغنية وردي احبك ملاذ فسميتها ملاذ بعض رفض جماعي لاسم زاريا
ثم اتت البنت الثانية اعطينا شرف تسميتها لصديقة امريكية مسلمة فسمتها ضحى على سورة الضحى
و البنت الثالثة سميناها زاريا لانو الاسم علق وكدا!
واخيرا الطفل الرابع ولد سميناه محمد اشرف
لان اخته ضحى اصرت على تسميته اشرف وجده يريد يسميه محمد فجمعنا الاسمين
- هواياتهم
القراءة ومشاهدة الافلام
- ماذا درسوا
ملاذ درست ادارة متخصصة في السياحة والفندقة
وضحى فقد درست العلوم السياسية والعلاقات الدولية ..
الان في نهاية الماجستير في معهد الدراسات الاستراتجية والدفاع تتخصص في الامن المائي
وزاريا تدرس الادارة .. متخصصة في التسويق
وفي نهاية عمل ماجستير في التسويق متخصصة في Green marketing
اما محمد اشرف يريد دراسة الاعلام وهو كوميدي درجة اولى
- في اي شئ يشبهون الام والاب ؟
البنت الثانية والثالثة يتطلعن ان يكن اساتذة في الجامعات
اما الصغيرة فتشبهني في كثير من الاهتمامات
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
طيب نجي لي منبر بكري !
- بوست اتمنيتي لو ما كتبتيه ؟
كل البوستات التي كتبتها لم اندم عليها ابدا
- بوست اتمنيتي لو كتبتيه ؟
اسابيع البورد
- مداخلة تاسفت عليها ؟
لا يوجد
- هل تآذيت من المنبر ؟
ابدا بل طورت اطروحاتي وطرحت خطي الواضح
وامتحنت فيه قدرة تحملي في التعامل مع العامة
كل الاكاذيب التي كتبت عني هنا كل من يعرفني يعرف انها محض اكاذيب
- بوردابي / بوردابية تقراي له بانتظام ؟
عبد المنعم الجزولي كاتبي المفضل وحاتم الياس
- بوردابي / بوردابية لا تقراي له على الاطلاق ؟
اقرأ ما يلفت نظري يعني اقوم بعمل غربلة لما اقرأ
- اسوأ بوردابي / بوردابية ؟
لا اعرفهم شخصيا ولكن البوردابي الكاذب الذي يهبش اعراض الناس وذممهم لا مكان له في قلبي
- اجمل بوردابي / بوردابية ؟
انعام حيمورة ودومة ومنعم الجزولي تعرفت عليهم هنا وسعيدة بذلك وصاروا جزء من الاسرة
واحترم واقدر من يكتب باسم العوض ومحمد البشرى وودالجسين
- اكثر من يثير حنقك
الكذاب المفتري
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
- اكثر ما يستفزك ؟
الجاهل المتعالم
- اكثر شخص لا تتورعين في الكيل له ؟
البذئ الكذاب الدعي
- اكثر من تهابين الرد عليه / عليها ؟
المحترم مثل دكتور عارف الركابي
- شخصية اختفى / اختفت وتمنيت عودته ؟
شنتير ، وسنتمنتال
- لو اتيحت لك فرصة دقيقة واحدة لشطب عضو من البورد من تشطبين ؟!
الكذاب المفتري البهات الافاك
- اكثرهم سخرية ؟
سخرية ذكية وفيها ملاحة جني
- اكثرهم ثقالة ؟
ناس الاتجاه الواحد ناس كان طارت عنزة
- شروطك للتصالح والتصافي مع :
- هنادي فضل
تعتذر وتقر بكذبها الذي لا اساس له من الصحة
- معاوية عبيد
لا صلح ولا شروط
- بنات واولاد المعهد في المنبر ما شغالين بيك ؟!
ما فهمتا السؤال دا !
- اقصد او في المنابر الاسفيرية ما بقيفو معاك ؟
ابدا .. كثير ما يدعمني اصدقاء المعهد ..
السني والموصلي على سبيل المثال
و علاقتي مع الجميع جيدة ونتبادل الرسائل والتعزيةوالمجاملات واذا اعجبني ما يكتبون ا
كتب وجهة نظري
ما عندي مشكلة مع اي زول في المعهد وكما ذكرت احسبها من اجمل الفترات في حياتي .
- اين تضع بيان نفسها سياسيا .. في ياتو حزب ؟
مافي حزب مالي عيني .. انا انسانة مستقلة
- طيب ليه شاركت في مراقبة انتخابات الحكومة في ماليزيا ؟
شوف انا كنت مهتمة جدا انو اجراءات الانتخابات تنتهي بصورة سليمة دون غش او تزوير
- لكن اتضح انها بالصورة والصوت كانت مخجوجة ؟ !
اظنك تقصد ما حدث في بورتسودان ..
والله لو كان اي زول وحزب لعب دورو بي نزاهة
ما كا ن طلعت اي اشاعات بانها مزورة ومخجوجة
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
الحزب الشيوعي
- كيف ترين الحزب الشيوعي ؟
ارى انه بتركيبته الحالية لا يصلح ابدا لحكم السودان
- البعض يقول .. كان مكيسك واحد شيوعي وشوكشك؟ !
هذه كذبة كبيرة حيث علاقتي مع كثير من الشيوعين ممتازة
ومشكلةالمنبر بدأت حينما تمت مهاجمتي من بعض الجهلاء ..
ارجع الى ما قبل 2004 حتلقى مافي اي مشكلة
والى الان اذهب الى الخرطوم التقي بهم واناقشهم
ولم يحدث ابدا اني كنت مكيسة اي شيوعي في حياتي
- ممكن اعرف قصة عداءك الصارخ للشيوعيين وحزبهم ؟
هم بدأوا في شتمي وعدم تحمل وجهات نظري في امر عام
واحيلك لبوست عن يوليو .. وبوست عن لجنة بحري ..
هنا دخلت هنادي التي تستخدم اسمين وشتمتني في كتابة وجهة نظري..
ومن ديك بدا مسلسل التلفيق والاكاذيب
بعدين ياخي المواضيع الخاصة ما المفروض اصلا تتناقش في منبر عام ..
هذه الاكاذيب والتبريرات الفطيرة كانت بمثابة ضرب الصفائح
وقنابل الدخان للتعمية من الموضوع الاساسي ..
- وماهو الموضوع الاساسي ؟
هو عدم صلاحية هذا الحزب للسودان ويجب حله
- لماذا يحل ؟
قلت انه اصبح ما مفيد والفكرة انتهت
- لمن وجهت رسالتك بحل الحزب ؟ الحكومة ؟
لا ليس لاي جهة ولا للحكومة .. رسالتي للناس فقط
قلت ان لك اصدقاء شيوعيين ؟
نعم هنالك كثير من الشيوعين المحترمين
لدي علاقات طيبة جدا وشخصية معهم قد تصل الى الاسر ..
عبدالمنعم الجزولي مثلا
وهسع انت ذاتك بعدك من الاصدقاء ..
----------------------------
شكرا د. نجاة على صبرك معي !
انتهى
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: Muna Khugali)
|
Quote: بالمناسبة الكلام بتاع كان مكيسك زول شيوعي وشوكشك ده كلام عبيط جدا من البعض..
حقو ذاتو ما يتكتب من شدة ماهو كلام ساذج جدا! |
سلام يا منى
الحوار ده اخد فترة طويلة جدا
ارسلت لنجاة الاسئلة المقترحة وطبيعة الحوار
طلبت متها ان تحذف اي اسئلة او موضوع لا تود الخوض فيه
نجاة اجابت على الاسئلة التي قدرت انها جيدة
ثم ارسلت لها الردود للموافقة
وبعد ان ادتني الموافقة النهاية قمت بانزال البوست
بالاضافة انو انا قبل قليل قريت ليها معظم فقرات الحوار
ثم نشرت
تسلمي للمرور
--------------------------
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
| Quote: عارفة أنا الكلام ده كان ليه مده .. |
بالله عارفة من زمان ؟
يا حليلي انا الجعلي البدقسوه الشوايقة !
رقية زااته تكون عارفه وعاملة نايمة
الفيكم اتعرفت يالشوايقة
اها اسمعي دي
واحد من اصحابنا الدينكاما عاجباهو كثرة القبائل الشمالية
قال : مفروض السودان ده يكون فيه قبيلتين بس
الجعلين والدينكا !
قالوا ليه لكن انتو في الجنوب عندكم:
النوير والباريا والشلك و.. و..
قال لهم : ديل كلهم شوايقيين ساي !!
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: محمد كابيلا)
|
Quote: ومن قال لك اننا نتصالح مع من ساهموا فى اذية شعبنا
من امثالك ..واظن ان خالد العبيد يعلم ذلك جيدا!!! |
يا صديقي الذي بيني وبينه اسرار!
نجاة دي انا قرشت ملحتها !
وانت ايام جده انا قرشت طيبتك وانسانيتك
اقول ليك حاجة انا متاكد منها !
يوم من الايام انا بجمعك بي بيان في بيت دكتورة احسان !!
وسيكون لكل حدث حديث
انا متاكد بتتصافو
والله يبعد اولاد الحرام !!!!
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
Quote: يا صديقي الذي بيني وبينه اسرار!
نجاة دي انا قرشت ملحتها !
وانت ايام جده انا قرشت طيبتك وانسانيتك
اقول ليك حاجة انا متاكد منها !
يوم من الايام انا بجمعك بي بيان في بيت دكتورة احسان !!
وسيكون لكل حدث حديث
انا متاكد بتتصافو
والله يبعد اولاد الحرام !!!! |
والله ياود العبيد نحن داخلين حيص وبيص
(من جيهة مشتاق للخلط ... ومن جيهة خلط الشيخ غلط)
زي د.نجاة ربطتنا بيها خوة الأسافير من قبل سودانيز اونلاين والله العظيم
ومعاوية عبيد الراجل الطيب صاحبنا وطلع كمان قريبنا هو ومرتو
بالجد(بالمناسبة"بالجد" دي حصريةتبع الدكتورة) الواحد يكون في غاية الألم عندما يشوف اتنين من أحبابو متخاصمين
والله العظيم عمرنا دا مامضمون.
امنياتي بالشفاء العاجل للأخت نجاة
وامنياتي لود الصايم بعربية جديدة موديل 2013
وتحية لود العبيد
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
عاطف مكاوي
سلام
انا رجعت استراليا قبل خمسة ايام
كنت حاضر احتفال جائزة غادة .. وفرحت جدا لفوز ابنائنا مكاوي ووارف
الحوار مع بيان مهم جدا بالنسبة لي ايضا
اتضح لي انو ما عندها اي عداء للحزب الشيوعي ولا للشيوعيين !!!
وحا افصل كلامي ده بعد الامتهاء من الردود
موبايلي
0061402177588
اتصل في وقت ولو اديتني تلفونك في الخاص بتصل بيك بعدين
هسه انا في المكتب
شكرا يا حبيب
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
هذا البوست موفق فى نظرى حيث أنه يعرض جوانب عن شخصية مثيرة للجدل فى الفضاء الاسفيرى.
وليتك تستمر فى مثل هذه البوستات...
--------------------------------------------------------------------
تشكري على التقريظ
الفكرة اصلا ان يمتد الحوار لشخصيات في البورد وخارج البورد
وفي خاطري حوار ات ناجحة كانت تنظم في جريدة ظلال التي كنت احد محرريها
يان لديها أراء حول المعارضة وآراء حول الحكومة...
بمعنى أنها تبحث عن الآفضل مثل بقية شعب السودان..
-------------------------------------------------------------
اتفق معك جدا
بيان ظلمت حين قيل انها كوزة
استطيع ان اشهد بان لا علاقة لها بتنظيم الجبهة الاسلامية او الكيزان
لك الاحترام
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
بالله ما شاء الله بيان حلاتا انا كنت قايله اكبر من كدا كتير وكنت قايله خريجة الستنات هى بالله الستينات يا داب دخلت المدرسه حكمتك يارب الزوله دى اى زول يقرالا شكله يقول شريره يقرالا او اتعامل معاها فى حاجات جاده والله ارجل من ناااس كتار عرفناهم فى المنبر وبرا زول ناس كتار عرفتهم بعتزوا بمعرفتا لكن بقولو انها حادة شويه المهم انا بيرسونلى عرفتها اخو اخوان ومالى دعوة بالناس التانين بتمنى ليها الشفاء العاجل شفاءا لا يغادر سقما فهو ولي ذلك والقادر عليه
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: WAD ELGAALI#4)
|
Quote: أتمنى أن نرتقى بخلافاتنا السياسية..
وأن نتعلم قبول الآخر أو رفضه بأدب.
وأن يكون هدف الكتابة فى المنبر هو السودان وليست لمواقف وقضايا فطرية تصرف القارئ عن الشأن العام..
|
إديك العافية, أستاذه نور تاور.
فكلامك مباشر وعميق ونحتاج تمثله بشدة ... والآن.
وتسلم صديقي خالد العبيد,
عساك والأسرة الكريمة بخير, على أعتاب العام الجديد.
الحوار إنساني وتكتنفه تفاصيل حياتيه تجعله أكثر إثارة
وتشويقا. ووضح أن لبيان القدرة على البيان وبشكل طبيعي
وفي حوار مرتاح ومتداعي ... بعيد عن الغلواء والتوتر
والصفع الراتب المتبادل لحسب ما يشي الإنطباع الأولي.
فهنا نقلة نوعية طيبة, فرحت لها لما لها من تأثير مباشر
في تضميد جراحات سابقة, وفي إعادة أنساق إنسان مجبول على
التواجد في محط العام مثل بيان. بل وفي اللقاء حيثيات
البداهة في الحضور إنسانيا وفكري, لإعتمار لوحة جمعية
أكبر وأفضل لمقيدنا الإجتماعي ومنظورنا الإنساني.
فقط أخالك أخي خالد, أن لم توفق في إستظهار عنوان صالح
وجاذب لهذا البوست. فقد إخترت من كنانتك سهما تقليديا
يضع بيان في خانة العداء للحزب الشيوعي, فيما رحاب الحوار
كانت أدفع بمعلومات ومشاعر جديدة, وكان من الممكن أن يتناسب
العنوان مع كون صفحة جديدة قد حلت في قيد التبادل الجمعي مع
بيان. فبيان وأنت وأنا وغيرنا نعلم ألا يمكن أن يكون { حل }
تنظيم هو الحل, فقد جرب هذا ولم يفلح. لهذا فمبلغ علمي بالمقصود
من كلمة الحل, هو دعوتها للإنصراف وفي إطار {فهمها} بإضمحلال
رسالة الحزب وفقدانه لناصية المبادرة. وإن صح زعمي هذا, فهذا
أيضا ما يعتقده حزبكم حيال الآخرين. بمعنى أن أي حزب يرى نفسه
هو الأصوب وهو الأجدر بثقة الناس. وما عندي مشكلة في توقيع هذا
الأمر في سياق التعددية والديمقراطية. أما لو كان مقصدها الحل
{الرسمي} للحزب فتكون غلطانه, وتكون ما إطلعت أو ما إستفادت
من التاريخ السياسي السوداني المتعلق بهذا المضمار.
عبارة { لن أتصالح مع هؤلاء } أيضا أراها غير موفقة في عنوان
البوست. لأنها ذات طابع عدواني غير متسامح, بل وتبتعث مرارات
وحنقيات قديمة, كان من الأفضل مساعدة بيان وأطراف الشجار الآخرين,
لبلوغ فضاء جديد ولإعلاء راية التسامح, وإحتمال العبور لخانة الصفح
والتعافي وليس العكس.
شكرا مجددا أخي خالد وتحياتي لضيوفك الكرام
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: HAYDER GASIM)
|
خالد العبيد..سلام..
وأزعل منك ليه؟
صدقنى أننى معافاة من الزعل تماما , خاصة حينما يأتى نتاج تضارب فى الاراء..
فالمسألة أولا وأخيرا هى السودان..
ولو كنا نزعل لآنفجرنا منذ المرحلة الابتدائية.
مرة أخرى كل عام وأنت وبيان والسودان بخير..
يذكرنى كلامك بأحد الآطباء السودانيين حينما بحث عنى فى الخرطوم حتى أهتدى الى..
لا اعرفة ولا يعرفنى...
وبذأ حديثه قائلا: أنا آسف أن أتعرف عليك بهذا الشكل..
قلت: وأى شكل.؟
قال: بدون مقدمات..
قلت خير أن شاء الله..
قال: عندى لك سؤال وآحد فقط..
قلت وما هو؟
قال: بتستحملى شتيمة سودانيز أونلاين كيف؟
قلت. هم لا يعرفوننى شخصيا. بمعنى أن كل هذا السب بسبب الاختلاف فى الرأى .وهذا المسلك هو أحد أهم أسباب أزماتنا السياسية.
أدى المسألة بكل بساطة يا خالد..
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
حيدر قاسم
يا صديق تلك الايام
ملاحظاتك ممتازة ساضعها في بالي دائما
وان كنت اعتقد ان العنوان ركز على ثلاثة نقاط دائما ما تشغل بال نجاة
الاولى اتهامها بالكوزنة لذا حرصت ان اثبن نفيها في اول سطر
الثانية عداءها الصارخ للحزب وهي اول مرة - ان كنت مصيبا - تصرح بقمة العداء وهي الحل !
وعندما فاجئتها لمن توجه طلبها بحل الحزب ..
قالت وبراءة الاطفال في عينيها .. للناس !!
هكذا فقط للناس
عرفت لحظتها - وهذا احساسي الخاص - ان لا عداء مؤسس بيننا وبين نجاة
كأنما تقول لشخص : لماذا لم تات الى الحفل
فيقول لك : ساي !!
اما قصة - الفكرة انتهت - التي جاءت بها نجاة فاجزم انها لا تؤمن بها كناقدة
لان الافكار لا تنتهي
لابد ان اذكر بانني حين سالتها هذا السؤال كانت طريحة الفراش في المستشفى !
لذا فقد تكون في وضع وحالة لا يمكنها ات ترسل في الحديث
امس ليلا وانا افكر في بعض تفاصيل الحوار تذكرت شيئا في غاية الاهمي
بل قد يكون اكبر خطأ ارتكبته في هذا الحوار
فانا لم اسالها .. ولم اتطرق ابدا لاهم جانب في حياتها
الا وهو نصفها الحلو زوجها الدكتور ابراهيم محمد زين
له التحية راجيا منه ان يغفر لي هذا الخطأ
وان كنت اعلم مسبقا انه عالم قليل الكلام لا يحب الاضواء على الاطلاق
| |
|
|
|
|
|
|
|
|
|
Re: بيان في حوار ساخن انا مستقلة ويجب حل الحزب الشيوعي ولن اتصالح مع ه (Re: خالد العبيد)
|
ود العبيد خالدا باذن المولي
انا لم اكن يوما شيوعي قد اكون اشتراكي بالقريحة
وقد ساني تحامل خطاب القوم وسيدة العالم
عليكم انتم
ولم يقنع عقلي البسيط يوما
ان سيدة العالم تحاربكم من اجل دين
فانا المغرم بدنياهم وهامبيرغرهم وعسلهم
ودنيانا الفانية لا علم لدني فالغد او الغيب لا يعنيني كثيرا
ولم اكن يوما ملحدا لم اسب حتي الهندوز ولا هندوذيين بالمنبر
ولكن اليوم مصدوم ان تكون انت من تدافع عن بيان
فانت لن تستطع عن الدفاع عن خطاب المحترمة بيان
وعن ما كتبت واهرقت بيان من حبر
وقد تخاشنت معها في مرة او مرتين وعافت الرد علي
فلك اخي خالد ان تنور بعض رعاع المنبر ان بيان ليس عدو
واولي بك ان تدرسهم عن الخطاب خطاب العدو
فكيف لحسن الترابي ان ياتي بالانقاذ فكرة وحكما عنوة
ان يتوب يوما عن الانقاذ
فلك خالد وبيان الدفاع عن اطروحاتكم
وعندها الحق ان نتبع احدكمو
ولكن محال الجمع بين ضدين
مالم تكن هناك مسرحية او كاميرا خفية او قوم جهاليل
وشكرا
| |
|
|
|
|
|
|
| |
خالد العبيد
Muna Khugali
معاوية عبيد الصائم
محمد كابيلا
محمد عبد الماجد الصايم
Elawad
حيدر حسن ميرغني
عبد العظيم احمد
Hisham Osman
Elmosley
MOHAMMED ELSHEIKH
عاطف مكاوى
nour tawir
WAD ELGAALI#4
HAYDER GASIM
فيس بوك
تويتر
انستقرام
يوتيوب
بنتيريست