|
كتب الكاتب الفاتح جبرا المتوفرة بمعرض الدوحة
|
|
 Re: يامعاوية المدير ..شوف جنس المحن دى. (Re: عبد المنعم سيد احمد)
|
اخونا عبدالمنعم سلامات،
قبل ان يحضر اخونا المدير،
اعتقد ان القعود او الحاشي قد تعرض لعملية (الحفا).
والحفا يحدث نتيجة سحق وسهك الحجارة المسننة لخف البعير، وتمنع هذه الحفاية البعير من السير، وتتم معالجتها من خلال الرقعة، ويتم ذلك من خلال عملية تخييط قطعة جلد سميكة علي خف الجمل بواسطة (المخرز)، هذا معمول به في الصحراء السودانية وبعض جهات البطانة.
| |
 
|
|
|
|
|
|
|
|
Re: يامعاوية المدير ..شوف جنس المحن دى. (Re: Elsanosi Badr)
|
Quote:
اخونا عبدالمنعم سلامات،
قبل ان يحضر اخونا المدير،
اعتقد ان القعود او الحاشي قد تعرض لعملية (الحفا).
والحفا يحدث نتيجة سحق وسهك الحجارة المسننة لخف البعير، وتمنع هذه الحفاية البعير من السير، وتتم معالجتها من خلال الرقعة، ويتم ذلك من خلال عملية تخييط قطعة جلد سميكة علي خف الجمل بواسطة (المخرز)، هذا معمول به في الصحراء السودانية وبعض جهات البطانة. |
مرحبتين حبابك السنوسى
شكرا لان وضعتنا فى الصورة
اثنان يحملان بعيرا فوق الجبال
هنا تكمن الطرفة
ياخى ابو يمن ديل يكون قنتو فنت
اسة يجيك واحد يقول ماهو القنتى هههه
سفينة الصحراء
على اكتاف رجال اعلى جبل
غايتو دى سودانى مااظنو سواها
تسلم عزيزى
| |
|
|
|
|
|
|
|
|
Re: يامعاوية المدير ..شوف جنس المحن دى. (Re: وضاحة)
|
Quote: لذيذة البنوتة دى ياخى ههههه
عارف منعم مرة مشينا البر مع شلة كده من اصحابنا كان عندهم سباق بتاع هجن المهم قالوا لى جربى اطلعى نشوفك بتقدرى ههههه
وحياتك حاولت ولما خلاص قالوا لى الابل قومي صرخت ليك صرخة لما خجلت من نفسى
اصعب لحظة لما يقوم علشان يقيف على رجولوا هههههههههههههههه
بث لذيذ
|
والله ياوضاحة
انتى اظرف زول
دكتورة اد الدنيا البوديكى
جمب الداهى ده شنو
ده دايرلو زول مدردح زى البنية دى
فرتلب تتعنقل لافوق ههههههههه
الله يديك العافية
| |
|
|
|
|
|
|
|
|
 Re: يامعاوية المدير ..شوف جنس المحن دى. (Re: عبد المنعم سيد احمد)
|
تعرف يا عبدالمنعم انا افتكرت الناس الشايلين البعير ده من العفر بالبحر الاحمر، تاري طلعوا ابو يمن!!
بالمناسبة ناس ألبل بيحترموا الابل احترام غير طبيعي ويعتبروه جزء من العائلة.
احكي ليك قصة، مرة انا شفت لي مقطع في اليوتيوب من الهند علي ما اعتقد، ياخ الزول شادي الجمل في كارو، اي والله في كارو، يعلم الله دارع الحدايد في نوايط الجمل. ياخي والله من الزعل عايز اطق، الزول قلب الجمل لحمار يعلم الله.
| |
|
|
|
|
|
|
|
|
 Re: يامعاوية المدير ..شوف جنس المحن دى. (Re: عبد المنعم سيد احمد)
|
Quote: لذيذة البنوتة دى ياخى ههههه
عارف منعم مرة مشينا البر مع شلة كده من اصحابنا كان عندهم سباق بتاع هجن المهم قالوا لى جربى اطلعى نشوفك بتقدرى ههههه
وحياتك حاولت ولما خلاص قالوا لى الابل قومي صرخت ليك صرخة لما خجلت من نفسى
اصعب لحظة لما يقوم علشان يقيف على رجولوا هههههههههههههههه
بث لذيذ |
المفعوصة دي الجابا هنا شنو ؟؟؟
سلآم وتحايا للجميع...
| |
|
|
|
|
|
|
|
|
|
Re: يامعاوية المدير ..شوف جنس المحن دى. (Re: معاوية المدير)
|
Quote: ياخى ابو يمن ديل يكون قنتو فنت
اسة يجيك واحد يقول ماهو القنتى هههه |
يا عبد المنعم خلي بالك (المَرَق) دا فيهو فايدة عظيمة.
والله صحي.
يا اخي عضُم ساق القعود دا ساكت عشان تقِلوا من الوآطة
يلملم فوقك فلآيت الدنيا دي كلها. يبدو إنو القعود ما راضي
في شيلة ابو يمن ليهو، عشان كدي كان بيزبد ويرغي، وشاف
المسعلة دي فيها حقارة ليهو.
تحديداً ومن دون سائر الحيوانات تعرض المولى عزّ وجلّ إلي
خلق البِل منبهاً إليه البشر (أفلآ ينظرون إلي الإبل كيف خلقت ؟).
فعلاً يا عبد المنعم البِل خلقها عجيب، ولا ينبئك بعد خبير
والسنوسي ود بدر معانا هنا.
| |
|
|
|
|
|
|
|
|
 Re: يامعاوية المدير ..شوف جنس المحن دى. (Re: معاوية المدير)
|
Quote: اعتقد ان القعود او الحاشي قد تعرض لعملية (الحفا).
والحفا يحدث نتيجة سحق وسهك الحجارة المسننة لخف البعير، وتمنع هذه الحفاية البعير من السير،
وتتم معالجتها من خلال الرقعة، ويتم ذلك من خلال عملية تخييط قطعة جلد سميكة علي خف الجمل
بواسطة (المخرز)، هذا معمول به في الصحراء السودانية وبعض جهات البطانة. |
ود بدر نعلّك طيّب ؟.
الرقعة للبعير تبدو لي بمثابة الحِدوة للحصان. سبحان الله يا السنوسي،
عارف مسألة كرعين الدوآب دي زي لساتك العربات، منها ما خُلِق
لقهر رمال الصحراء، ومنها ما خُلِق لدك صخور الجبال.
Quote: والصَّدَفُ عَوَجٌ في اليدين، وقيل: مَيَلٌ في الحافر إلى الجانب الوحْشِيِّ،
وقيل: هو أَن يَمِيل خُفُّ البعير من اليد أَو الرجل إلى الجانب الوحشي، وقيل: الصَّدَفُ
مَيل في القدم؛ قال الأَصمعي: لا أَدري أَعن يمين أَو شمال، وقيل: هو إقْبالُ إحدى الرُّكْبَتين على الأُخرى، |
Quote: الصاد والدال والفاء أصلان: [الأوَّل] يدلُّ على المَيْلِ، والثاني عَرَضٌ من الأعراض.
فالأوَّلُ قولهم: صَدَفَ عن الشيء، إِذا مال* عنه وولى ذاهباً. قال الله تعالى: سَنَجْزِي الَّذِينَ يَصْدِفونَ
عَنْ آياتِنَا [الأنعام 158. منالبعير: أَنْ يميل خُفُّهُ من اليد أو الرِّجْل إلى الجانب الوَحْشيّ؛ وقد صَدِفَ. |
يبدو أنّ البعير قد صدف يا السنوسي، فقد قرأت في بعض كتب التفاسير
كلآم أقرب لوصفك في شرح معني يصدفون.
غايتو حكاية أبو يمين يشيلوهوا دي بالحيل وجعتو.
والله صحي.
| |
|
|
|
|
|
|
|
|
|
Re: يامعاوية المدير ..شوف جنس المحن دى. (Re: صديق الموج)
|
Quote: يا عبد المنعم خلي بالك (المَرَق) دا فيهو فايدة عظيمة.
والله صحي.
يا اخي عضُم ساق القعود دا ساكت عشان تقِلوا من الوآطة
يلملم فوقك فلآيت الدنيا دي كلها. يبدو إنو القعود ما راضي
في شيلة ابو يمن ليهو، عشان كدي كان بيزبد ويرغي، وشاف
المسعلة دي فيها حقارة ليهو.
تحديداً ومن دون سائر الحيوانات تعرض المولى عزّ وجلّ إلي
خلق البِل منبهاً إليه البشر (أفلآ ينظرون إلي الإبل كيف خلقت ؟).
فعلاً يا عبد المنعم البِل خلقها عجيب، ولا ينبئك بعد خبير
والسنوسي ود بدر معانا هنا. |
الجميل ودالمدير مرحبتين حبابك
ياخى ابو يمن ديل حنينين خلاص
يكون قعودن ده ميرود وله شى
قاموا شايلنو وطلعوبو الجبل يضبوهو
شكلوا كدى كان متحير بالحيل
وماهو رضى الشيلة دى ضمة ضمة
الليلة نضمنالن نضم الشوايقة
وبدون ترجمة على الشريط هههه
السنوسى ده الله يديه العافية ..الزول زول البل
ويعرف قدرها
لكن ابو يمن ديل محنونا نحن ديل
قبل مايمحنو القعود الحيران هههه
تسلم عزيزى
| |
|
|
|
|
|
|
|
|
|
Re: يامعاوية المدير ..شوف جنس المحن دى. (Re: عبد المنعم سيد احمد)
|
Quote: طول عمرنا العارفنو الجمل بركبو
لكن جمل يشيلو دى جديدة لنج
معاويه وعبد المنعم عندكم المحن غايتو
اقول قولى هذا واستغفر الله لى و لكم
عموماً دى شهادتى لكن الله لا جاب ناس
حبيب نورة و طارق جبريل بى جاى !!! |
انت ياود الموج
المحن تفوتك وين آشقى
هههههه
وعند ابويمن كل شيئا جايز
القعود يشيلوهوا ويطلعوبو الجبل كمان
زى ماقال ودالمدير
ليلن كلو يكون يتقلبوا من الفلايت
عاد دى حالة دى
قت لى الله لا جاب ودجبريل وحبيب نورة
حوالينا ماعلينا هههههه
والله مرحبتين حبابن
على كمان مايبقوا .. ممسوخين زيك كده ههههه
الموضوع .. ابويمن وقعود...قعووووووود
تسلم عزيزى ومرحبتين حبابك
| |
|
|
|
|
|
|
| |
عبد المنعم سيد احمد
Elsanosi Badr
وضاحة
معاوية المدير
صديق الموج
فيس بوك
تويتر
انستقرام
يوتيوب
بنتيريست