|
Re: الى جميع اعضاء سودانيز اون لاين:Google يطلب منكم وضع صورة فى البرو (Re: بكرى ابوبكر)
|
ياباشمندس تحياتى
بس عليك الله أول حاجة خليهم يوقفوا لينا إعلاناتهم الصوتية المملة دى الما دايره تخلينا نسمع لينا أغنية ولا نشوف لينا فيديو بتاع حوار!
ياخى ديل ناس طرش! أشرح ليهم إنو دا موقع تفاعلى ولازم يوقفوا إعلاناتهم الأوتوماتيكية ويخلوها على العند الطلب فقط. والعاوز ممكن يشغلها براه بإختياره.
ياخى الإعلانات الصوتية الرتيبة دى البتجيك فجأة نابلة فى المكتب واللا الناس نايمة وللا أنت فى المكتبة بتقرا فى موضوع مهم تخلعك وتخليك تقفل البراوزر طوالى.
باخى خلاص والله كرهـونا. والله ياخى مرات ثلاثة وأربعة إعلانات شغالة فى نفس الوقت حتى فى الصور مش الفيديوهات بس وإنت قاعد تحاول تسمع فى أغنية أو موسيقى جابها واحد من الزملا والزميلات واللا فيديو بناقش فى أفكار تجيك ناطه موسيقى بتاعة كريسماس واللا ديفيد بيكام كارير أون ذا رايز وكمية من الكلام الفارغ المابهم زول فينا! ياخى دى حاجة سخيفة جدا
تصور والله كتير الحكاية دى بتعكر مزاجى وتخلينى أقفل الموقع ياخى دا موقع بدور فيه حوار ونقاش. مامكن الناس خيط أفكارها ينقطع عشان إعلانات ماحيتجاوبوا معاها أساسا.
ياخى المناسب مناسب والصاح صاح. وفى إعلانات وأساليب أكثر فعالية من السخافات البعملوها دى.
بس صدقنى الحكاية الحاصلة دى غير ماتكره الناس فى المنبر ماماشة تجيب ليهم فايدة.
ولك صادق الود
| |
|
|
|
|
|
|
Re: الى جميع اعضاء سودانيز اون لاين:Google يطلب منكم وضع صورة فى البرو (Re: أسامة خلف الله مصطفى)
|
Quote: ياباشمندس تحياتى
بس عليك الله أول حاجة خليهم يوقفوا لينا إعلاناتهم الصوتية المملة دى الما دايره تخلينا نسمع لينا أغنية ولا نشوف لينا فيديو بتاع حوار!
ياخى ديل ناس طرش! أشرح ليهم إنو دا موقع تفاعلى ولازم يوقفوا إعلاناتهم الأوتوماتيكية ويخلوها على العند الطلب فقط. والعاوز ممكن يشغلها براه بإختياره.
ياخى الإعلانات الصوتية الرتيبة دى البتجيك فجأة نابلة فى المكتب واللا الناس نايمة وللا أنت فى المكتبة بتقرا فى موضوع مهم تخلعك وتخليك تقفل البراوزر طوالى.
باخى خلاص والله كرهـونا. والله ياخى مرات ثلاثة وأربعة إعلانات شغالة فى نفس الوقت حتى فى الصور مش الفيديوهات بس وإنت قاعد تحاول تسمع فى أغنية أو موسيقى جابها واحد من الزملا والزميلات واللا فيديو بناقش فى أفكار تجيك ناطه موسيقى بتاعة كريسماس واللا ديفيد بيكام كارير أون ذا رايز وكمية من الكلام الفارغ المابهم زول فينا! ياخى دى حاجة سخيفة جدا
تصور والله كتير الحكاية دى بتعكر مزاجى وتخلينى أقفل الموقع
ياخى دا موقع بدور فيه حوار ونقاش. مامكن الناس خيط أفكارها ينقطع عشان إعلانات ماحيتجاوبوا معاها أساسا.
ياخى المناسب مناسب والصاح صاح. وفى إعلانات وأساليب أكثر فعالية من السخافات البعملوها دى.
بس صدقنى الحكاية الحاصلة دى غير ماتكره الناس فى المنبر ماماشة تجيب ليهم فايدة.
ولك صادق الود
|
البروف القدير’ حبابك بي مطايبة امهاتنا الحنينات ، بي قلدة محنة وسلام أهلنا إنت يا يابا تتعلا ما تدلا ، شاحدة ليك الله
عبرت عن الكثيرين وعني تماما والله أمس القريبة دي قربت اخبت اللآب توب عشان اعرف اسكت صوت الجن الخلعني مرات زي ما قلت نص الليل ، والله إعلانات سخيفة ومملة وتكرهك في المنتدى كلو إنت يا بكور يا خوي بتلقى فيها فكة ، نحن مالنا في صمة خشمنا نتهجم ! دحين يا بكري اول حاجة عليك الله شوف كلام البروف ده , وركز شدييد ونحن معاه ونردد وراه و نقول وصلنا ؟ قدح الحنة !لامن نصل لي هدفنا ونوقف الإعلان
اما بخصوص ما يتعلق بي التصاوير على قول اهلنا اوافقك في فكرة الزي القومي وكمان نرتاح من حكاية العشرة البصوتو بي فد باسوورد ,
| |
|
|
|
|
|
|
Re: الى جميع اعضاء سودانيز اون لاين:Google يطلب منكم وضع صورة فى البرو (Re: omar altom)
|
بـت أبوى شاعرتنا الشفيفة اسماء الجنيد
الله يديك الفى مرادك ويسعد قلبك ويريح بالك زى ما طيبت لى خاطرى.
تعرفى بكورى أخونا دا ماعنده كتير فى الحاصل دا. لأنه المشكلة من ناس القوقل.
وعشان عضويته معاهم هم بيفرضوا الشى دا ببرامجهم الجاهزة البحملوها أوتوماتيكيا فى مواقع عضويتهم
بس هم ناس طرش سـاهى
والله صحى...
هم ما بيكونوا عارفين طبيعة الموقع. فالمفروض فى بكرى إنه ينبهم للحتة دى.
هم طبعا همهم عدد الناس البيصلهم الإعلان عشان يقبضوا من أصحاب الإعلانات.
أما أخوى بكرى على قولك
Quote: إنت يا بكور يا خوي بتلقى فيها فكة ، نحن مالنا في صمة خشمنا نتهجم ! |
فما بحيهو شى بيذكر قدر البيجى للقوقل. وهنا الخطورة لأنه أغلب الإعلانات دى فيها تراكنج كوكيز عشان يتأكدوا من عدد زوار الموقع.
ودة مسـكلة كبيرة زى ماقلت لى بكرى قبل كدا ووعد إنه حيناقش ناس قوقل فى الموضوع دا.
بس حسع وللا زى قول ناس ود المدير "أسى" لازم يثبتهم لينا فى الإزعاج الكرهنا البورد دا
ومفروض يوريهم إنو العضوية مستاءة من عمايلهم دى وبالتالى حيفقدوا عدد كبير من زوار الموقع
ودا بالـذات الـبهـمهم جـدا.
وتسلمى يا أختنا زينة العقل والقول.
| |
|
|
|
|
|
|
Re: الى جميع اعضاء سودانيز اون لاين:Google يطلب منكم وضع صورة فى البرو (Re: عبدالرحمن إبراهيم محمد)
|
باش مهندس بكر شكرا ليك كتير علي المجهودات الجباره المبزوله من طرفكم في سبيل نشر وتوصيل كل ماهو يتعلق بهذا الوطن المعطا الذي لا يستطيع احدا منا ان يوفي بحق هذا الوطن. سيظل كل مناحاملا هذا الواجب المقدس علي عنقه الا عن تقوم الساعه ويرث الله الارض وما عليها لك التحيه مجددا باشمهندس بكري والله العظيم نحن نكن لك التقدير والاحترام الفائف لان لو لا سودانيس ون لاين لما كان قضايا الهامش السوداني . كل التقدم والازدهار لسودانيس ون لاين ولشخصكم المرابط في سبيل الانسانيه
دمتم زخرا
رمضان يحي ابكر
| |
|
|
|
|
|
|
Re: الى جميع اعضاء سودانيز اون لاين:Google يطلب منكم وضع صورة فى البرو (Re: محمد أحمد الريح)
|
Quote: يقال ان الاديب والدبلوماسي الراحل جمال محمد احمد لم يرتدي مايسمى بالزي الوطني حين قدم اوراق اعتماده كسفير للسودان في المملكة المتحدة وكان له موقف من هذا الزي |
ما يطلق عليه مجازاً (زى قومى) وهو عبارة عن الجلابية والعمة والطاقية، فهو ليست بزى قومى بل واحد من الازياء المتعددة التى يرتديها السودانيين حسب ثقافاتهم المختلفة، وهذا الزى يعبر عن ثقافة واحدة ولا يعبر عن كل الثقافات والقوميات السودانية، وللاستاذ الراحل جمال محمد أحمد المغفرة والرحمة فهو رجل عرف قيمة نفسه وأهله ووطنه، لذا دعونا نعبر عن ثقافاتنا بما نحب ونهوى.. تحياتى للجميع
| |
|
|
|
|
|
|
Re: الى جميع اعضاء سودانيز اون لاين:Google يطلب منكم وضع صورة فى البرو (Re: إحسان عبد العزيز)
|
Quote: ما يطلق عليه مجازاً (زى قومى) وهو عبارة عن الجلابية والعمة والطاقية، فهو ليست بزى قومى بل واحد من الازياء المتعددة التى يرتديها السودانيين حسب ثقافاتهم المختلفة، وهذا الزى يعبر عن ثقافة واحدة ولا يعبر عن كل الثقافات والقوميات السودانية، وللاستاذ الراحل جمال محمد أحمد المغفرة والرحمة فهو رجل عرف قيمة نفسه وأهله ووطنه، لذا دعونا نعبر عن ثقافاتنا بما نحب ونهوى.. تحياتى للجميع |
إحسان عبد العزيز سلام مافى زول ما قعد يلبس عمة وجلابية فى السودان أو بالاصح مافى زول ما جرب العمة والجلابية فى السودان حتى اخوانا الجنوبيين فيهم من لبس الجلابية و99 % من الشعب السودانى البالغ فى العمر لما يمشوا صلاة الجمعة وبالاخص صلاة العيد بيلبسوا الجلابية لا يهم التسمية قومية او عرقية لكن دى الحيقيقة لكن برضو مافى داعى إنو الواحد لازم يخت فى برفايله صورة بالجلابية.. على كل حال الجلابية والعمة بترمز للسودانيين شئنا أم أبينا والدليل لو لبست بنطلون وقميص وحمت فى أوربا او امريكا ما بيعرفوك سودانى من أول وهلة لكن لما يشوفوك لابس عمة وجلابية كتار جدا بيعرفوك إنك سودانى وخاصة فى دول الخليج بس من قولة تيت مع تحياتى
| |
|
|
|
|
|
|
|