|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: طلحة عبدالله)
|
عين المريخ العوراء أصلا لا تتحمل مزيدا من التطبيز يا هولاء ... أحيانا كثيرة أشك والله في صدق إنتماء البعض إلى المريخ وأكاد أجزم بأنهم مجرد سوس ينخر في جسد هذا الكيان العظيم أفعالا وأقوالا .. إلى وقت قريب وقبل يسجل المريخ أكبر كارثتين مرتا على الكرة السودانية هيثم وعلاء الدين كان المريخ بلا كورة فقط ولكنه أصبح الآن لا كورة ولا أخلاق . والله إنه لإبتلاء عظيم نسأله أن يثيبنا على صبرنا عليه أجرا أعظم ... خربانة أم بنايا قش .. يتبع إن الله هون .
| |
|
|
|
|
|
|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: طلحة عبدالله)
|
سلام وجمعة مباركة ...
اسئلة ياطلحة تحتاج الى إجابات (الليلة بقيت ليك زي صبري طه) ههههه
1- هيثم هل من الممكن ان يفيد المريخ فنياًأو على الاقل كقائد ميداني (يفتقده المريخ) ؟ 2- هل هيثم مفتعل للمشاكل اماانه يكون على صواب في بعض الاحيان ؟ 3- هل هيثم (متفلت وغير منضبط) ام انه لم يجد الادارة التى تتفهمه وتفهم نفسياته وتلجمه في نفس الوقت ؟
| |
|
|
|
|
|
|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: طارق زروق)
|
يا زروق كاتب البوست طلحة تنظير وصيفابي ليه ضل الفرق في انه مستقل بي رأيه وما بياكل من لقيمات المرشد البعوسها ليكم
اختلف معاك يا تنظير في انه هيثم سبعطاشر سنة ما قدم شي بل قدم كل شيء للهلال و شطبه بالطريقة دي خطأ عظيم وجلل لكن تسجيلكم ليه و بالطريقة التي تم بها خطأ اعظم وح يتسبب في مشاكل لا اول لها ولا اخر ليكم
| |
|
|
|
|
|
|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: محمد البشرى الخضر)
|
Quote: اختلف معاك يا تنظير في انه هيثم سبعطاشر سنة ما قدم شي بل قدم كل شيء للهلال و شطبه بالطريقة دي خطأ عظيم وجلل لكن تسجيلكم ليه و بالطريقة التي تم بها خطأ اعظم وح يتسبب في مشاكل لا اول لها ولا اخر ليكم |
سلام يامحمد والله انتو ناس عاطفين بدرجه...يااخى هيثم غير منضبط فى الميدان من الله خلقهو...اسأل كل من دربه فى الهلال وقبل اسبوع او اسبوعين كان فى لقاء مع المدرب السابق للهلال العراقى الجنسيه اسمو طار منى عن معاناته مع هيثم وقرار الطيب عبد الله بشطبه لولا الاجاويد...كم من المرات شاهدنا هيثم يحتج على التغيير....هل يعقل ان يجتمع لاعب بمدرب ويقول ليهو انا البحدد متين العب؟ ارجع لمعظم الجرايد عن اول لقاء لهيثم مع غارزيتو....هيثم نصف الموسم الماضى كان متمرد على الهلال ويرفض الذهاب للاقاليم بجحه الاصابه... اما حديثه الاخير لحبيب البلد ومقابله الشروق دى تشطبو من الاتحاد ككل ....والله لو كان الطيب عبدالله حى شطبو من زمان اسوه ب الدحيش عندما اساء الادب لادراه الهلال...او بالشطب الجماعى لتمرد هلال 92 وتمردهم فى السعوديه..... ابوتريكه معبود 80 مليون مصرى تخلف عن مباراه السوبر المصرى شهر 9 الماضى وتمت مقاقبته من قبل المدرب ناهيك عن الاداره وتقبل العقوبه بروح رياضيه وقدم اعتذاره لزملائه...اما عالميا فدى قصه فاقل شئ يتم توقيفه وفرض غرامه كبيره عليه...
فيا جماعه فكونا من هيثم...انه موهوب ولكنه غير منضبط وقل عطاءه لتقدم العمر
| |
|
|
|
|
|
|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: Mohamed Doudi)
|
عمر جنابو السلام عليك .. هيثم مصطفي لن يفيد المريخ فنيا لأن عمره الإفتراضي كلاعب كرة قدم انتهى أولا.. ولأنه نفسيا لن يكون مهيأ للدفاع عن الشعار الأحمر.. ولأن التجارب المشابهة كلها فشلت تماما بداية من الدحيش وعبده الشيخ وليس نهاية بباكمبا وأدوارد.. أما مسألة سلوكه وأخلاقه فهي لا تحتاج لشاهدين فهيثم لم يترك إداري أو لاعب زميل أو حكم أو اعلامي أو حتي المشجع المسكين لم يستعديه ويمارس معه سوء السلوك وقلة الأدب، بل حتي الذين هم خارح منظومة العمل الرياضي لم يسلموا من عنجهية هيثم كما في المطارات والطائرات وغيرها ... هيثم مثال سىء ليس فقط للاعب الكرة بل حتي للسوداني .
طارق زروق السلام عليك وشكرا للمرور يا حبيب .
جرجير السلام عليك قلنا ليك بطولات الدافوري المحلية دي ما إضافات فالهلال حققها قبل حتي أن يولد هيثم مصطفي.
| |
|
|
|
|
|
|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: طلحة عبدالله)
|
(قرار تسجيل هيثم وعلاء إنما هو قرار بهدم قيم ومبادىء مريخيه أرساها بقوة رجاله الأقوياء من لدن شاخور وأبو العائلة وغيرهما من الأفذاذ..)
---------------------------------
سلامات أيها الوصيفابي طلحة ..
اتفق مع عبارتك و اتساءل .... هي بالله الكورة دي ما عندها قيم ومبادئ في حد زاتها؟ لأنو العبارة كان حتكون مختلفة شوية لو كانت: (قرار تسجيل هيثم وعلاء إنما هو قرار بهدم قيم ومبادىء كروية ... لكلا الناديين) حقيقي تسجيل هيثم مصطفى في فريق المريخ رفع ضغطنا و طمم بطنا و خلانا نفقد الثقة في الكرة السودانية و اللعيبة السودانيين لانها زيرووووو مبادئ و فالصووو اخلاق و قيم ... هيثم مصطفى أثبت أنه لا يتسحق ان يكون في نادي المريخ او أي نادي سوداني آخر ولا يستحق ان يرثى لحاله أو ان يتعاطف معه محبوه فهو لم يضع لهم أدنى اعتبارو كان الهلال بالنسبة إليه (تي شيرت ازرق يخلعه بكل سهولة و يسر ليرتدي غيره ) ... و نادي المريخ أثبت انه ليس بعملاقاً و إنما مراهقاً طائشاً ....الواحد جاهو احساس انو بتفرج على اسبيس توون والا ام بي سي 3 ....
ما احترمتو على الاطلاق هذا الهيثم :-(
لعن الله إبليسهم أجمعين
| |
|
|
|
|
|
|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: رشا احمد)
|
Quote: إلى وقت قريب وقبل يسجل المريخ أكبر كارثتين مرتا على الكرة السودانية هيثم وعلاء الدين كان المريخ بلا كورة |
والله صدقت يا طلحة
بعدين يا رشا ... نقول شنو بس.. دى ادارتنا .. فى الزمن دا .. والله ابو العائلة وشاخور يخيل الى انهم يتململون فى قبورهم من البيحصل دا
والله هاتين الكارثتين لا يشرفنا ان ينتميان الينا .. ويا دوب المشاكل بدت وحتشوفوا قريب
الله فى
| |
|
|
|
|
|
|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: فيصل نوبي)
|
Quote: سلام يامحمد والله انتو ناس عاطفين بدرجه...يااخى هيثم غير منضبط فى الميدان من الله خلقهو...اسأل كل من دربه فى الهلال وقبل اسبوع او اسبوعين كان فى لقاء مع المدرب السابق للهلال العراقى الجنسيه اسمو طار منى عن معاناته مع هيثم وقرار الطيب عبد الله بشطبه لولا الاجاويد...كم من المرات شاهدنا هيثم يحتج على التغيير....هل يعقل ان يجتمع لاعب بمدرب ويقول ليهو انا البحدد متين العب؟ ارجع لمعظم الجرايد عن اول لقاء لهيثم مع غارزيتو....هيثم نصف الموسم الماضى كان متمرد على الهلال ويرفض الذهاب للاقاليم بجحه الاصابه... اما حديثه الاخير لحبيب البلد ومقابله الشروق دى تشطبو من الاتحاد ككل ....والله لو كان الطيب عبدالله حى شطبو من زمان اسوه ب الدحيش عندما اساء الادب لادراه الهلال...او بالشطب الجماعى لتمرد هلال 92 وتمردهم فى السعوديه..... ابوتريكه معبود 80 مليون مصرى تخلف عن مباراه السوبر المصرى شهر 9 الماضى وتمت مقاقبته من قبل المدرب ناهيك عن الاداره وتقبل العقوبه بروح رياضيه وقدم اعتذاره لزملائه...اما عالميا فدى قصه فاقل شئ يتم توقيفه وفرض غرامه كبيره عليه... فيا جماعه فكونا من هيثم...انه موهوب ولكنه غير منضبط وقل عطاءه لتقدم العمر |
وعليكم السلام والرحمة يا محمد ومالو عاطفيين نعم و البنحمله لهيثم المحبة الواحدة دي ومحبتنا ليه كدا زي ما هو ببشريته وأخطاؤه وعيوبه وعدم كماله لهيثم عيوب زي ما لي و ليك ولتنظير وللبرير و لغيرهم, نظير المتعة المنحنا ليها و كل صرخة فرح بهدف صنعه من مافي عليك الله الباص الجدعه لأمبيلي من لمسة واحدة في زنقة أوّل اغسطس ما بغفر ليه الباص دا كفل لينا الصعود لدور المجموعات لو اراد الله كان ممكن باص زي دا يكفل لينا البطولة في رقبتها و حديثك عن الإنضباط نعم انا معاك فيه لكن لما الهلال كباره بدقّو الرق المانع شنو لو رقص هيثم !! حديث الإنضباط دا لو كان في انضباط أو ادارة حقيقية في الهلال او السودان عموما, لكن الحصل لهيثم استهداف و السنة الكاملة القلت ما لعب فيها مقصودة كانت و الدقايق اللعبها اتسبب في حسم الدوري للهلال فيها شطب هيثم و بالطريقة دي خطأ, لكن وقت البقت بقت ما نعيد الخطأ تاني وننكر على هيثم تاريخه وما قدمه للهلال
| |
|
|
|
|
|
|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: Mohamed Doudi)
|
سلام طلحة وضيوفة
أتفق مع الأخ طلحة 100 % لولا ضعف الإدارات بالهلال. ولولا لغوسة إتحاد الكرة وحكامه لما واصل هذا الثنائى لعب كرة القدم حتى اليوم
الفرق الأساسى الموسم المنصرم الهلال مدربه من أوربا الغربية (فرنسى) ، هؤلاء شخصياتهم وإحترافيتهم فوق المكسب المادى، لم يكن ذلك فى صالج هيثم وتابعه. .بينما فى المواسم الأسبق درب الهلال ثلاث برازيلين، وصربى، غلبانين الفلوس جعلتهم يتغاضون ويسايرون أوضاع خطأ .
مدرب المريخ الكوكى الذى جاء للمريخ ليصنع لنفسه إسماً ومجداً فى مجال التدريب وتسويق نفسه بصورة أفضل وضع فى إمتحان كبير ، كيف يتعامل مع الثنائى، ويخلق الضبط والربط ...
| |
|
|
|
|
|
|
Re: المريخ يضيف سوءا إلى سيئاته .. أبشروا بطول وكسة يا مريخاب (Re: Emad Mohamed)
|
رشا السلام عليك .. زي ما قلتي بالضبط هيثم مصطفي ( الهلال بالنسبة إليه (تي شيرت ازرق يخلعه بكل سهولة و يسر ليرتدي غيره ) لو الجماعة بتاعين العاطفة المتعصبين لهيثم ديل حسبوها بالعقل ح يلقوا أنو خروج هذا اللاعب من الفريق يعتبر أحد أكبر المكاسب .
ساتي السلام عليك وشكرا لمرورك وسندك ياخ ..
نوبي تحياتي ونلتقي قريب إن الله هون .
الفضلي سلامات والحمدلله الذي أذهب عنك بعض غشاوة حبك للمريخ وجعلك تتفق معي (لأول مرة) في موضوع يخص الأحمر الوهيج ..
العمدة تحياتي يا حبيب وبراحة على الباشمهندس ياخ .
| |
|
|
|
|
|
|
|