|
|
 الزملاء المحاســبون لعلكم تكســبون ( توجد إيرادات أخرى متنوعة)
|
الماهية ممحوقة وهي موضوعة لمقابلة تأكلون وتشربون ولاتكسبون عشان تستمرون تحت اصحاب الاعمال طيلة ما انتم حيون
لكن المشكلة كلما تقدم العمر والعيال كبرت ودخلوا الجامعات بعد كدا الواحد فيكم ابقى في حاو وهش ولاتجدي أئ حاجة فتيلا
فا شنو زمليكم الفقير لله فكر ثم دبر ثم حكك رأسه الملئ شيبا وتزمعطا وسبحانه تعالى اوجد لي فرصة لتحسين الدخل وتقليل الفاقد التربوي ههههههه
ولقيت لي شركة تعاملت معها على البعد اجيب زبائن وآخد نسبة من المبيعات
والخدمة هي برنامج محاسبي ممتاز جدا
فأئ زميل يرغب في برنامج محاسبي ممتاز يخدمه خدمة جيدة يقول عوووووووووك ( التلفون والايميل ) على البروفايل
وبعد أن تشتري البرنامج يكون من حقك تسويقه للغير شفت كيف ومن حقك ان ارتب لك العقد وتاخد حقك على داير المليم
وهكذا آنساتي سيداتي سادتي المحاسبون تكونوا قد كسبتون وحجيتون وبعتون السبح
.
.
ملحوظة : اللغة المعولقة دي عشان الريس ما انط لي في رقبتي واقول دا اعلان ههههههههه
اسع انا اعلنت اسم شركة هنا .... طبعا لا ايها الزملاء المحاسبون والزميلات المحاسبات يا معلمين يا معلمات
وعلى كل حال الموضوع مفيد جدا واللغة اعلاه بغرض تتونسون ولكن حقيقة سوف تكسبون
وللاخوة غير الاعضاء التلفون والايميل في صقيعة البروفايل
|
|
 
|
|
|
|
|
|
|
 Re: الزملاء المحاســبون لعلكم تكســبون ( توجد إيرادات أخرى متنوعة) (Re: عبدالله ود البوش)
|
فرصة لاختصار الغربة والله صحي
طبعا بعد المثابرة والاجتهاد
لكن بالطريقة المملة دي وانتظار آخر الشهر وتوزيع الماهية في اليوم الاول والتاني وتعدي باقي الشهر على العهدة وتوقيع الاوراق الصفراء
ابقى يا ليل ما اطولك
وحبيبي غاب في موضع الجمال بلاقي
غايتو المحاسبين ديل الفقر اصلو ما بمشي منهم بعيد
كالعيس في البيداء يقتلها الفلس والخزنة جنبو ملانة قروش وحق السفة في تلتة ( هو في محاسب مابسف - بعد تزبط الميزانية ح اعمل شنو يعني )
| |
|
|
|
|
|
|
|
|
|
Re: الزملاء المحاســبون لعلكم تكســبون ( توجد إيرادات أخرى متنوعة) (Re: ابراهيم احمد سليمان)
|
الاخ العزيز ابراهيم احمد سليمان
سلام واحترام لكم الزملاء بالسودان المحاسبون الشرفاء القابضون على جمر الامانة والشرف رغم الفلس
ابقوا عشرة على باقي الاقتصاد الفضل حتى يتعافى ونعود ونلتقي
.
.
بمناسبة البروفايل حقك دا والله كان اقوليك النكتة دي واحلي ليك القعدة بخشم خشمين
.
.
صاحبنا شايقي قال جاب امو الخرتوم واول ما دخلت الاصانصير ومرقت منو عاينت ليهو كدي
وقالت لولدها والله كان نلقى الشئ دا في البلد هناك سمح خلاس لحش التمر هههههههههههه
.
.
اها ادناه ايميلي وتلفوني لكم ولكل القراء
[email protected]
00966554009464
شكرا جزيلا اخي ابراهيم
| |
|
|
|
|
|
|
|
|
 Re: الزملاء المحاســبون لعلكم تكســبون ( توجد إيرادات أخرى متنوعة) (Re: عبدالله ود البوش)
|
ايها المحاسبون منها تسوقون ومنها تونسون
.
.
زمان قبل الكمبيوترات والبرامج المحاسبية والكلام دا بعرفوهو قدامى المحاسبين امثال شيخ المحاسبين الزبير بشير
كان زبط الميزان مشكلة
زبط ما زبط فارق كم ؟
اها في منتصف التسعينات هنا في السعودية ( والملقبة بالامراض النفسية ) سجيت في ميزان المراجعة ابى ازبط كلو كلو
وكان عندي خسلة عجيبة خلاس لمن الميزان افرق طوالي بمشي الحمام والغريبة بذكر بعض الفروقات في الحمام
اها كلو شوية بمشي الحمام
المراجع القانوني مصري لسانو سليط كلما اسأل مني اقولو ليهو في الحمام
جاء جنب باب الحمام ودقاهو وقال لي
دا انت ح طلع ميزانية خرا ههههههههههههههههههههههههههههههههههههههههههههههههههههههههههههههههههههه
| |
|
|
|
|
|
|
|
|
|
Re: الزملاء المحاســبون لعلكم تكســبون ( توجد إيرادات أخرى متنوعة) (Re: عبدالله ود البوش)
|
أخي عبدالله ود البوش
تحياتي
بالرغم من التقدم التقني الكبير، توجد شركات ومؤسسات بلا برامج،
ودي فرصة ممتازة لزيادة الدخل بعمل نوعي، علاوة على وجود فرص أخري
لزيادة الدخل مثل قيادة سمنار لبعض القيادات الإدارية وعمل مراجعة
أو مسك دفاتر لبعض الأفراد ذوي الأنشطة المحدودة، والأهم من ذلك ان
يكون هنالك تواصل بين الأحباب اصحاب الصنعة للتعارف وتبادل هذه
المنافع.
| |
|
|
|
|
|
|
|
|
|
Re: الزملاء المحاســبون لعلكم تكســبون ( توجد إيرادات أخرى متنوعة) (Re: حماد الطاهر عبدالله)
|
استاذنا عبد الله ود البوش
ههههههههههههههههههه
الله يجازي محنك
Quote: عزيزنا هيثم التوم يا جميل
اصلو انا نار جهنم هههههههههه
شوية كدي والايميل عندك
مع التحية والتقدير
.
.
عاين جاي
ياخي لاحظت حاجة اصلو كلو كلو ما لاقاني محاسب كوز مش حاجة غريبة
بشتغلو كيري وخم وصر بدون قيود محاسبية |
ياخي كتر خيرك فشيت غبينتى
لي كم يوم نااااااري مشعللة من بنى جرذ ديل !
الله يقطع طاريهم ياخ
هم بعرفو شيتا غير اللفحي والنصبي 
ماشي على الايميل اشوف
تشكرات يا زعيم
| |
|
|
|
|
|
|
|
|
Re: الزملاء المحاســبون لعلكم تكســبون ( توجد إيرادات أخرى متنوعة) (Re: انعام حيمورة)
|
أووووووووو نعومة طوالي بتذكريني
مبروك عليك الليلة يا نعومة
ويا حليل ناس ديل الزمان بجونا
سلام واحترام استاذة انعام حيمورة الناس العزاز وكرام آل حيمورة
ومبروك الشركة تبقى ام الشركات يا رب وست الشركات لي حدهن
برنامجنا لسع ما قطع المالح ولكنه قريبا سوف يكون هناك لكن ليس بالسرعة التي تجعلك تنظرين
فأحسن ان تشترون ( الليام دي ماسكني عرق اللنصار ) الله اكبر ولله الحمد حقت الامام الهادي
والبرامج المحاسبية في السودان متوفرة جدا واسعارها هادئة ولو احتجت مساعدة قولي عوووووووووك ارسل ليك برنامج سوداني
وخليك سودانية ههههههههه
ايميلك لم يصل بعد برضو بالبروبكسي هههههههههه
شكرا نعومة لمرورك الكريم الذي اسعدني وفي انتظار مراسلتك
مع تحياتي
| |
|
|
|
|
|
|
|
|
|
Re: الزملاء المحاســبون لعلكم تكســبون ( توجد إيرادات أخرى متنوعة) (Re: موسي عيسي)
|
يعني كلام سر يا اخونا عيسى موسى
قاليك يا عيسى امام جامع في نص الصلاة بالناس وهو راكع رعف ( جاهو رعاف )
وهو مدنقر والدم انقط من نخرتو جر الزول الوراهو ( المؤذن ) عشان اكمل الصلاة ومشى على الماسورة ينضف الدم
وبعد ما نضف الدم رفع راسو لقى الزول الجراهو اكمل الصلاة لقاهو جنبو
استغرب وقاليهو جاي هنا معاي لشنو ؟
قاليهو قايل عندك معاي كلام سر ههههههههه
.
.
نشوف رايك يا ايها المحاسب عيسى موسى ... ياخي اسمك شَكَل شَكَل
شكرا جزيلا ياخي وبيننا اكيد تعاون
| |
|
|
|
|
|
|
|
|
 Re: الزملاء المحاســبون لعلكم تكســبون ( توجد إيرادات أخرى متنوعة) (Re: حمزه بابكر الكوبي)
|
حمزة الكوبي يا صديقي الجميل
تحياتي لكم والعيال
| Quote: يازول القروش كترت ولا شنو قمت تهضرب بالحسابات |
كالعيس في البيداء يقتلها الظماء والماء فوق رؤوسها محمول
أقوليك حكاية حقيقية حصلت معاي عارفك بتحب الوناسة والقصص
أول ما اشتغلت في البنك كنت شغال صراف وفي تاجر كبير جاب لينا قروش خمة وكانت كلها فئة الخمسين جنيه الحمراء الفيها الحربة
لو بتذكرها الكلام دا في الديمقراطية التانية
شفت كيف
جاني واحد من جماعتنا تووووووش وقف قدامي قال لي اديني القروش الطالبن امك
قروش شنو يا زول الطالبني امي ؟
قال لي حق تلاتة دورات كارو حطب قطن هههههههههه
وفي كلامو معاي جاهو العسكري خارجو مني
قال حق تلاتة دورات حطب قطن قال ههههههههههه
طلع زعلان وركب عربية السوق ومشى الحلة طوالي نزل في بيتنا وقال لامي
ولدك شوف عيني القروش قدامو قدر دورة الطوب اللحمر
واتي جنيه ونص حق التلاتة دورات ما دايرة تديني ليهن كان ما العسكري طردني كنت خمشت لي ربطة شلت حقي وجبت ليك الباقي
هههههههههههههههههههههههههههههه
قال القروش كترت قال
الله املا عبك قروش يا الكوبي قول آمين
| |
|
|
|
|
|
|
| |
عبدالله ود البوش
بشير حسـن بشـير
ابراهيم احمد سليمان
هيثم التوم
حماد الطاهر عبدالله
عبد الباقي الجيلي
انعام حيمورة
ahmed haneen
موسي عيسي
حمزه بابكر الكوبي
عبد الحكم ابراهيم الحاج
فيس بوك
تويتر
انستقرام
يوتيوب
بنتيريست