|
|
|
 Re: نجوم في الامارات (Re: احمد العربي)
|
الاخوين هما
محمد حسين كسلا اللاعب الذهبي والهلالي الجميل
ومعه اخوة عبد القادر
وهما اخوان الزميل عبد الله كسلا ومحمد حسين احد اعضاء المنبر
مني محبتي
| |
  
|
|
|
|
|
|
|
|
|
Re: نجوم في الامارات (Re: احمد العربي)
|
اخونا احمد العربي وين يا حكمنا الرائع
الصور ولا اجمل يازول انا بديك الإسماء كلها و انت خذ جائزة وضع الاسماء تحت كل صورة
كابتن نجم الدين
كابتن فوزي و كابتن جميل
كابتن اسامة العطا
كابتن الحاج
كابتن عصام
كابتن عوض
كابتن كمال سيد
الكباتن كسلا و قدوره
لكن السؤال وين باقي كباتن الآمارات تعال تمرين الثلاثاء و صور باقي الكباتن
تحياتي لك يا مبدع
| |
|
|
|
|
|
|
|
|
|
Re: نجوم في الامارات (Re: عمر عبد الخالق سعيد)
|
العربي .. تحياتي
نجوم الكرة السودانية في الامارات هم من خيرات الاعبين السودان وكما قال ليك سيد تعال تمرين الثلاثاء بالنادي السوداني دبي وتجد منهم الكثير
كسرة ..
وينك مختفي يا راجل ..
مودتي ...
| |
|
|
|
|
|
|
|
|
|
Re: نجوم في الامارات (Re: احمد العربي)
|
احمد العربي ....
وين الجميل بشارة النضيف
وشواطين
وجكسا
والشيخ طه
واخرين كثر
ما اجمل هؤلاء وفعلا نجوم ولكن هكذا نحن نبعد عن بلدنا كل جميل ليقضوا هم باقي حياتهم خارج بلادهم ونفقد نحن رحيق هؤلاء وكم من نجوم خارج الوطن
وشوف كمين واحد هنا من الجميلين وقدر كم واحد بره السودان ؟
تبا لوطني ....
ومني محبتي
| |
|
|
|
|
|
|
|
|
|
Re: نجوم في الامارات (Re: نعمات حمود)
|
Quote: احمد العربي ....
وين الجميل بشارة النضيف
وشواطين
وجكسا
والشيخ طه
واخرين كثر
ما اجمل هؤلاء وفعلا نجوم ولكن هكذا نحن نبعد عن بلدنا كل جميل ليقضوا هم باقي حياتهم خارج بلادهم ونفقد نحن رحيق هؤلاء وكم من نجوم خارج الوطن
وشوف كمين واحد هنا من الجميلين وقدر كم واحد بره السودان ؟
تبا لوطني ....
ومني محبتي |
كلامك جميل ويثري البوست
يا ريت تواصلي وتمدينا من معينك
كلام جميل في حق هذه القامات
| |
|
|
|
|
|
|
|
|
|
Re: نجوم في الامارات (Re: احمد العربي)
|
يا سلاااااام يا ابو حميد..
تمرين الجمعة الساعة 7 صباحاً والشمس فوووق..
ياخ انا بي تمرين واااحد بس مع القامات دي نجضت ليك ناس الرياض هنا نجاض سنينك ..
صدق أو لا تصدق اخر تمرين كااامل في حياتي الرياضية كان معاكم ومع النجوم ديل؟؟
بعدها مباشرة جيت الرياض وبعد نقة وقشرة وتريقة على الشباب إني في تمرين الجمعة الفاتت كنت مع أفزاز الكورة بالله أسة أجي أتعولق معاكم ؟؟ ومن أووول لمس للكورة حصل لي قطع في الأربطة وانتهى تاريخي الكروي :) :)...
غايتو المصبرني إني كل مرة بقول للناس اخر كورة لعبتها في حياتي كانت ضد فوزي التعايشة ولاميدو وزملائي كانوا حاتم معني وكابتن جميل :)..
ويشد الله يا ابوحميد ومن زمن دافوري العباسية ما حصل إستمتعت بي تمرين زي بتاع العجايز ديل..وأجمممل ما فيهو الخرخرة والشكل والكوراك .. يا سلاااام ياخ حاجة ترد الروح وانت بتتمرن مع ناس خرخارين ويحلفوا البينتي ما يتشات لو نططتو ويقسم بي اغلظ الأيمان إنو الكورة ما قون وهو عييينو ليها في الشبكة ....ياخ إنتو ناس خرخارين كييف ؟؟موباااالغة ..فوتتووني انا بي هنااااك :)
امانة عليك يا احمد تسلم عليهم فرداً فرداً وتبلغهم تحياتي وتقول ليهم الزول العارض اللغم اللي جا من الرياض برفقة الجميل ادم موسى داك بيسلم عليكم..
وخصص بالسلام الزول الحلو الخرخار الكبيير الخرطومي مدثر والكابتن الأنيق فوزي التعايشة ..وأشكرهم نيابة عني عن التوصيلة من عجمان للشارقة وعشرة الونسة في العربية وسوق السمك ..
| |
|
|
|
|
|
|
|
|
|
Re: نجوم في الامارات (Re: عمر الفاروق)
|
Quote: يا سلاااااام يا ابو حميد..
تمرين الجمعة الساعة 7 صباحاً والشمس فوووق..
ياخ انا بي تمرين واااحد بس مع القامات دي نجضت ليك ناس الرياض هنا نجاض سنينك ..
صدق أو لا تصدق اخر تمرين كااامل في حياتي الرياضية كان معاكم ومع النجوم ديل؟؟
بعدها مباشرة جيت الرياض وبعد نقة وقشرة وتريقة على الشباب إني في تمرين الجمعة الفاتت كنت مع أفزاز الكورة بالله أسة أجي أتعولق معاكم ؟؟ ومن أووول لمس للكورة حصل لي قطع في الأربطة وانتهى تاريخي الكروي :) :)...
غايتو المصبرني إني كل مرة بقول للناس اخر كورة لعبتها في حياتي كانت ضد فوزي التعايشة ولاميدو وزملائي كانوا حاتم معني وكابتن جميل :)..
ويشد الله يا ابوحميد ومن زمن دافوري العباسية ما حصل إستمتعت بي تمرين زي بتاع العجايز ديل..وأجمممل ما فيهو الخرخرة والشكل والكوراك .. يا سلاااام ياخ حاجة ترد الروح وانت بتتمرن مع ناس خرخارين ويحلفوا البينتي ما يتشات لو نططتو ويقسم بي اغلظ الأيمان إنو الكورة ما قون وهو عييينو ليها في الشبكة ....ياخ إنتو ناس خرخارين كييف ؟؟موباااالغة ..فوتتووني انا بي هنااااك :)
امانة عليك يا احمد تسلم عليهم فرداً فرداً وتبلغهم تحياتي وتقول ليهم الزول العارض اللغم اللي جا من الرياض برفقة الجميل ادم موسى داك بيسلم عليكم..
وخصص بالسلام الزول الحلو الخرخار الكبيير الخرطومي مدثر والكابتن الأنيق فوزي التعايشة ..وأشكرهم نيابة عني عن التوصيلة من عجمان للشارقة وعشرة الونسة في العربية وسوق السمك .. |
عمر الفاروق
يا خ انت طلعت لعيب عديل كده بعدين ياخ ما اديتنا معاك اي فرقة وانا اليوم داك جاي من الطيارة للتمرين
مرفع الجفون بي قشايات كبريت . يعني على الاقل ونسة ساكت وقطيعة في البورد ده ما سويناها.
تعرف انا في التمرين داك قشاني زول صنديد كده لي يوم الليله بعالج في الركبة الشمال
والله البلد دي مقعدنا فيها تمرين الجمعة الصباحية ده ..
اما مدثر (دوسا ) كما اللغب وانا اسميه (ديسو) ...... تعرف مع الركبه دي الدكتور كتب لي روشتة تحكيم لمدت سته شهور وتعال شوف مدثر وعصر الحكم عصرتو ليك عصر نضيف بقى يمرق من التمرين بي صمت خشمو .
لكن تعرف بيني وبينك الزول ده لعاب شديد
الكباتن كلهم تمام ويغرونك السلام
وياريت تكرره تاني وتدينا زمنا
| |
|
|
|
|
|
|
|
|
|
Re: نجوم في الامارات (Re: الزنجي)
|
الزنجي ياصديق
مرحب بيك منارة واضافة في هذا الخيط
ولنكرم نجومنا بالامارات في هذه المساحة وبما يستحقوا
من تقدير على ما قدموه للكرة السودانية واستمتعنا به
| |
|
|
|
|
|
|
|
|
|
Re: نجوم في الامارات (Re: احمد العربي)
|
الاخ العربي ....
كما ان هناك
الفاضل سانتو ....الذي قضى زمنا جميلا بالامارت
نتمنى ان نلقي الضوء عليه
وبرضو ناس ديم الصغير والكبير وغيرهم
ومني محبتي لهم
| |
|
|
|
|
|
|
|
|
 Re: نجوم في الامارات (Re: نعمات حمود)
|
*** شكرا كتير وجهد يستحق التقدير
ملاحظة سـغيييييرة
حقو البوست يكون جادي شوية_ لأنو توثيقي _ وتظهر فية صور النجوم
ونبذة مفصلة عن كل نجم تضم ماضية وحاضر حياتة الحالية .
والاشارة الى أهم أنجازاته ضمن مسيرتة الرياضية، وما شابه.
| |
|
|
|
|
|
|
|
|
|
Re: نجوم في الامارات (Re: الطيب عثمان يوسف)
|
Quote: *** شكرا كتير وجهد يستحق التقدير
ملاحظة سـغيييييرة
حقو البوست يكون جادي شوية_ لأنو توثيقي _ وتظهر فية صور النجوم
ونبذة مفصلة عن كل نجم تضم ماضية وحاضر حياتة الحالية .
والاشارة الى أهم أنجازاته ضمن مسيرتة الرياضية، وما شابه. |
الطيب عثمان الرجل الجميل
تحياتي وشكرا جميلا على المشاركة القييمه وطبعا البوست
في مقام التوثيق واشكرك مرة تانيه على التنبيه لذلك ..
اما بخصوص المزاح والمواقف الطريفة .. فهؤلاء الكباتن
هم اصحاب مقام رفيع ويحبون النكات ودائما يتذكرون المواقف
الطريفة من بعض اللعيبه القدامى ويضحكون بعمق ...
ودائما في مجالسهم اهل مرح وجمال وكانت ملاحظاتهم على المداخلات
السابقة ايجابية ..... ولك كل الود
وارجو ان تواصل معنا الكتابه لانو ده بوست عايز مجموعة
كل التقدير
| |
|
|
|
|
|
|
|
|
|
Re: نجوم في الامارات (Re: نعمات حمود)
|
Quote: الاخ العربي ....
كما ان هناك
الفاضل سانتو ....الذي قضى زمنا جميلا بالامارت
نتمنى ان نلقي الضوء عليه
وبرضو ناس ديم الصغير والكبير وغيرهم
ومني محبتي لهم |
نعمات وجودك مضئ
تشكرات على التواصل وارجو المواصله
ومدنا بما لديك من معلومات عن اي لاعب
موجود حاليا او كان سابقا بالامارات
كل التقدير
| |
|
|
|
|
|
|
|
|
|
Re: نجوم في الامارات (Re: احمد العربي)
|
اها النسعلك؟
وانا جاى اعرس سنة 98 وفى هيلتون ابو ظبى وفى عشرينيات شهر تمانيه
جونى ناس مبارك سلمان وصبحى عبد المعز ومحمد خليفه وود الهادى صيام الصحفى؟
اها وين النجوم دى؟ حليلك يا بلدى؟
| |
|
|
|
|
|
|
|
|
|
Re: نجوم في الامارات (Re: anwar abu gaidaa)
|
العربي ..شكرا لاضاءاتك ...
فهؤلاء فعلا نجوم اضاءت لنا السيرة السودانية بالمهجر
اها هناك
محجوب الضب
ومحمد الجاك (شواطين وبالمناسبة هو مريض كان بالمستشفى خلونا نسجل ليهو زيارات ....
وكمان في عصام يا سين
والهادي صيام
ومحسن جكسا
ونواصل
| |
|
|
|
|
|
|
|
|
|
Re: نجوم في الامارات (Re: anwar abu gaidaa)
|
Quote: اها النسعلك؟
وانا جاى اعرس سنة 98 وفى هيلتون ابو ظبى وفى عشرينيات شهر تمانيه
جونى ناس مبارك سلمان وصبحى عبد المعز ومحمد خليفه وود الهادى صيام الصحفى؟
اها وين النجوم دى؟ حليلك يا بلدى؟ |
انور يا صديق
ايدكم معانا حتى نخرج هذا البوست كما يستحق
من احتفاء بنجومنا العظام
| |
|
|
|
|
|
|
|
|
|
Re: نجوم في الامارات (Re: احمد العربي)
|
اها يا حلاوي قوقل العدين يا احمد العربي :
اصلا نحن اشتغلنا صحافة رياضية زماان :
نواصل :
عصبة (المريخ )
الناير
صلاح عباس
سيماوي كبير وصغير
سعد زكريا
ابو العز
التوم العاتي واخوه عز الدين
كابتن عادل ام القوين (حارس الهلال سابقا
كابتن عطية
شاويش
يور
لرشيد المهدية
اسامة طه
فريد مله (الهلال )
كباش (التحرير )
ماهر
مجدي (نصر دبي مدرب )
يوسف عثمان
سعد زكريا
حموري
ديفيد (ابوظبي )
اها يا احمد بلدنا ديك فضلت فيها كوره
قلبي عليك يا وطني
| |
|
|
|
|
|
|
|
|
|
Re: نجوم في الامارات (Re: احمد العربي)
|
أقمار مضيئة في تاريخ الهلال ::: الكابتن فـــوزي التعايشة
أول لقاء خاص بمنتدي الهلال
الكابتن فوزي التعايشة
الأسم :-أسمان:-
1-معتصم محمد عثمان(فى المستندات الرسمية)
2-فوزى.أما التعايشة فهو نسبة للفريق الذى انتقلت منه للهلال واطلقه على مدرب الهلال فى ذلك الوقت الراحل سليمان فارس
للتفريق بينى وبين زميلى الكابتن فوزى المرضى والذى سبقنى باللعب فى الهلال.
مكان وتاريخ الميلاد:-الخرطوم 17/12/1954
الحالة الأجتماعية:-
أب لمحمد(أدارة أعمال-خريج الجامعة الأمريكية بالشارقة)
أحمد(أدارة أعمال-خريج جامعة الرباط بالسودان)
هبة(طب اسنان-أمريكية الشارقة-الفصل الثالث)
ثم عمر فى مرحلة الألتحاق بامريكية الشارقة.
المراحل التعليمية:-
الأساس:- الديم غرب الأبتدائيةبالسجانة بالخرطوم.
الأوسط :-الأهلية الخرطوم المتوسطة.
الثانوى :-الخرطوم الثانوية الجديدة.
الألتحاق بكلية الشرطة السودانيةوتخرجت فيها بملازم واستقلت من الشرطة برتبة النقيب عام 1979
بكالريوس تربية رياضية من جامعة كييف باوكرانيا1997
ماجستير تربية رياضية من الجامعة الأمريكية بلندن 2005
العمل الحالى:- محاضر بالاتحاد الافريقى لكرة القدم-المدير الفنى السابق للفريق الأول بالنادى الأهلى دبى ثم المدير الفنى السابق لقطاع الشباب والناشئين.
مكان الأقامة:-الأمارات العربية المتحدة -دبى.
التعايشة لمن لايعرفه فى سطور:-
البعض يعتقد بأننى من قبيلة التعايشة تلك القبيلة الرائعة ولكننى دنقلاوى -محسى ولكن كلنا فى غاية الامر سودانيون ويبقى حى التعايشة الذى نشأت فيه
من أعز الأشياء إلي قلبى بأهله الطيبين وانما قصدت التفاعل مع السؤال المطروح خاصة مع اعتقادى التام بأن هذا الامر هو الوحيد الذى لايعرفه الكثيرون عنى.
البداية مع كرة القدم :-مرحلة الطفولة والمراهقة بالسجانة فريق الترسانة -وايضآ مع منتخب المدارس الأبتدائية،الوسطى،الثانوى ومنتخب
الشرطة-فريق التعايشة بالدرجة الثالثة ثم الهلال مواسم 72-73-74.
لماذا فريق الهلال:-
حب الهلال منذ الصغر رغم مريخية الوالد عليه رحمة الله.
-ونحن فى المرحلة الوسطى كنا نعجب بنجوم الهلال(سبت دودو-أمين زكى-جكسا ثم قاقرين والدحيش وكسلا وغيرهم من النجوم)وقدارتبط
ذلك بأستعادة الهلال لحالات الفوز على المريخ لذلك لم نكن نرى امامنا سوى الهلال وبالتالى كان حلم اللعب للهلال أو مجرد الانضمام له غاية لاتدرك!
قصة وتاريخ التسجيل:-
فى ليلة من الليالى التى لن أنساها عقب التدريب فى نادى التعايشة حيث كنا نتجمع ونتسامر بعد التدريب ،فأذا بالسيارة الفلكسواجن ذات اللون السماوى تقف أمام مدخل النادى
على مرأى منا لأن تلك السيارة معروفة للادارى الرائع والذى قل ان يجود الزمان بمثله الباشمهندس عبد الله السمانى،فقد بدات التكهنات بيننا كلاعبين فى ترشيح أينا المطلوب للهلال
-أقول ذلك لأن التعايشة فى ذلك الوقت كان يعج بالنجوم أمثال كتم وحمودة وغيرهم وكلهم لعبوا فيما بعد بالهلال أوبأندية كبرى-كان برفقة الباشمهندس عبد الله السمانىكل
من الباشمهندس البدرى الهادى والأستاذ دياب أدريس وبعد أجتماعهم بعشرة دقائق فقط ،تم أستدعائى لمعرفة رايى فى الأنضمام للهلال ! واعتقد أنهم لم يكونوا فى حاجة الى ذلك،
فكان الحلم الذى تحقق واستمريت لاعبآ للهلال لموسمين حتى كانت المفاضلة بين الأستمرارية كلاعب أو تأمين مستقبلى فكان الخيار الثانى رغم محاولات الاهلى بأقناعى بتوظيفى
فى بنك الشعب التعاونى كما كان يسمى آنذاك ولكن كان قرارآ صعبا على وكنت بين أمرين أحلاهما مر ولكنى فى كل الأحوال بالفترة التى قضيتها بالهلال ومشاركتى فى تحقيق بطولة
الدورى والدورى الممتاز وكاس الذهب وكاس البلدية وضمن الفريق الذى لعب ضد سانتوس (أحتياط) ثم التمثيل الخارجي فى كاس الاندية الأفريقية بليبيا ثم بالزيارات والمباريات الخارجية
بلبنان ودول الخليج كل هذا مصدر فخرى واعتزازى حيث أتيح لى اللعب مع نجوم كنت أحبهم كجكسا -قاقا-الدحيش -كسلا-شوقى-فوزى -كورى-زغبير...الخ.
فى الذاكرة:
مباراة:-هلال مريخ موسم 73-74حيث كانت أول مباراة لى ضد المريخ.
هدف:-
هدف قاقارين فى تلك المباراة(هلال -مريخ)لأنه كان هدف تعادل فى الثوانى الأخيرة للمباراة بينما كان يحتفل الجمهور المريخى بالفوز !.
والهدف الثانى هو هدف كسلا فى فريق الموردة بعد مراوغته لثلاثة من لاعبى الموردة بطريقة واحدة.
مدرب:- سليمان فارس.
لاعب:-نصر الدين عباس جكسا.
أدارى:-عمر على حسن-عبد الله السمانى.
حكم:-المرحوم أحمد قنديل.
فريق:-فريق النيل الخرطوم موسم 1978.
رئيس نادى:-حسن عبد القادر.
رئيس اتحاد عام :- د.كمال شداد.
وزير:- طلعت فريد.
عالميا:-
فريق:- توتنهام
مباراة:- مان يونايتد ضد بايرن ميونيخ نهائى دورى الأبطال 1999
هدف:- هدف ماركو فان باستن فى الأتحاد السوفيتى (سابقا) نهائى أبطال أوروبا
جيل التعايشة والجيل الحالي مقارنة في سطور:
طبعآ جيلنا يختلف عن جيل اليوم باختلاف الحياة وظروفها المتباينة ما بين هذه وتلك، أيضا باختلاف طبيعة
اللعبة من حيث الأداء البدنى والتكتيكى فمتطلبات كرة اليوم أكبر من كرة الأمس
-فى الماضى كانت هنالك مساحات كبيرة لاستخدام المهارة ولكن اليوم التنظيمات الدفاعية تجعل المهاجم
المستحوذ على الكرة محاصر مابين لاعبين ألى ثلاثة وبالتالى ضاقت المساحات والزمن المتاح.
فى كلمات:-
القراءة:-
يكفى للتدليل على أهميتها وفائدتها أنها أول ما أمر به المصطفى عليه السلام وأول ما أنزل عليه،(أقرأ بأسم ربك الذى خلق...خلق الأنسان من علق ...الخ الآية الكريمة).
الكتابة:-
مما تقدم يبدو أن الكتابة تقدمت على القراءة_ولكن فى تقديرى أنه يجب توفر عدة شروط فى الكاتب وهى:-
1-المعلومات الكافية عن الموضوع المطروح.
2-المهارات المطلوبة للكتابة.
3-القيم التي يحملها الكاتب.
الموسيقى:-
هى ترياق يتخلل لروح وجسم الأنسان دون أن يحدث ثقبا أو أثرا ليزيل كل معاناة ويهدىء النفس والروح.
فنان:-
سودانى- عثمان مصطفى.
عربى-لايوجد
أجنبى- لايوجد
شاعر:-
سودانى-عوض أحمد خليفة
عربى-محمود درويش
أجنبى-شكسبير
كاتب:-
سودانى-الطيب صالح
عربى-الطيب صالح
أجنبى-شارلز ديكينس
أعلامى:-
-سودانى-بروفيسور على شمو-حسين خوجلى
-عربى-محمد الكوارى
-أجنبى-جارى لينيكر
قناة تليفزيونية:-
-سودانية-النيل الأزرق-أمدرمان
-عربية-لاتوجد
-أجنبية-البى بى سى
مسلسل:-
-سودانى-لايوجد
-عربى-لايوجد
-أجنبى-لايوجد
فيلم:-
-سودانى-لايوجد
-عربى-لايوجد
-أجنبى-لايوجد
أكثرما:-
يعجبك-مزاولة نشاطى الرياضى بانتظام
يجذبك-الجمال
يضحكك-شر البلية!
يغضبك-عدم التعامل بالمثل
يزعجك-الحسد
يفرحك-سماع أنباء طيبة عن صديق
المفضل لك:-
أكلة-فطير القمح بعسل النحل
مشروب بارد-ثمر التبلدى(قنقليس)-عصير الجوافة باللبن
مشروب ساخن-شاى الحليب بعد صلاة المغرب
فاكهة-الكيوى
التعايشة و....
-السفر...أحب الأسفار ولكن أفتقد أسرتى عندما يكون السفر فى مهمة رسمية تستدعى سفرى لوحدى.
-التسوق...استمتع به عندما أكون وحدى، وأهرب منه عندما يكون بصحبة الأسرة!
-الطبخ ...لا أجيد منه سوى سلق البيض!
-الأطفال...هم كل شىء بالنسبة لنا،أطفالنا أو أطفال غيرنا-هم اشبه بالموسيقى التى تهدىء النفوس وتبعث البهجة إلينا -برائتهم تشعرنا بأن الدنيا لازالت بخير.
-الألعاب الرياضية الأخرى ...احب مشاهدة التنس الأرضى ،كرة الطائرة،الملاكمة وأكره المصارعة!
-ألعاب الكمبيوتر...لا استخدمها إلا فى حدود العمل،حيث أقوم بتصميم التدريبات والتجهيز للمباريات من خلال برامج متخصصة.
-الأنترنت...نعم أستخدمه لفترات طويلة لدرجة الأدمان.
ماذا يعنى لك:
-الأمل-مهما تضاءلت نسبته لابد من التمسك به وهو كحزمة الضوء من خلال ظلام دامس.
-الزمن-ان لم تقطعه قطعك_لذلك نشأ علم إدارة الزمن وكيفية الأستفادة منه.
-الألتزام-نحتاج كثيرا لهذه الصفة القيمة فى الحياة عامة وبصفة خاصة فى ممارسة لعبة كرة القدم بدءا من الاجهزة الفنية والأدارية واللاعبين-الألتزام خارج الملعب من خلال
الحياة التى يعيشها اللاعب أضافة للألتزام داخل الملعب-كل الاعمال الجماعية تحتاج للألتزام وأخلال أى فرد فى المجموعة بمبدأ الالتزام يؤدى لفشل العمل.
-الصديق-الصديق وقت الضيق-
-الأخلاص-ما أحوجنا إليه فى هذا الزمن!
-الصدق-الصدق شر أذا ألقاك فى الكرب العظام-هكذا قال المتنبى فى وصفه للحمى التى لازمته فى فراشه وكانت صادقة فى معاودته فى الأمسيات
-الكذب-فى نظر المتنبى وقتها كانت صفة جيدة !حتى لا تعاوده الحمى.
-الصراحة-يجب التفريق بين الصراحة كصفة محمودة وبين كيفية البوح بها-فهى لاتعنى الفظاعة أو اللؤم فى الطرح-وهذا ما يجعلها غير مقبولة خاصة عندنا فى السودان.
-النجاح-له آباء كثر.
-الأخفاق-له أب واحد دائمآ.
-الماضى-لا فائدة منه أذا أتخذناه كذكريات فقط !ولكن تعظم قيمته أذا توقفنا عنده فى عمليات التقييم (أين كنا وأين نحن الآن؟)
-الحاضر-هو مؤشر حقيقى لمقدراتنا فى كل مناحى الحياة وعلى ضوئه يتحدد موقعنا بين الدول.وحسبما نرى فأننا نتقهقر
بصورة سريعة والمتهم فى كل ذلك هو الفرد السودانى لأن الأنسان هو الذى يجمل ويفسد الحياة.
-المستقبل-دائمآ هو مجهول وفى علم الغيب ولكن تظل بعض المؤشرات التى قد تحدد بوصلة
الأتجاه-فيا ترى ألى اين؟ أيضآ أقول أن الأمر بيدنا ولا يغير الله ما بقوم حتى يغيروا ما بأنفسهم.
فى سطور:
الحياة:
دقات قلب المرء قائلة له...ان الحياة دقائق وثوانى.
الأسرة:
احمد الله الذى هدانى على التبكير بالزواج فى عمر مبكر ليجعل لى أبناء أتعامل معهم كأخوة وأصدقاء ويشاركونى في
أتخاذ القرارات الى تتعلق بالأسرة وبدنيا (ماشاء الله هم أطول منى) أنا أشكر الله كثيرا على
ذلك_وهذه دعوة لكم أخوتى بالمنتدى لولوج باب الزواج فهو أستثمار نتائجه مضمونة...مع كامل شكرى وتقديرى لكم...
التعايشة...اذا:
-وزير رياضة:-
اسعى لجعل الرياضة من أولويات الدولة-بالعدم أتنحى.
-رئيس الاتحاد العام:-
افرض الهيمنة على الأندية خاصة هلال ومريخ.
-رئيس الهلال:-
عمل ملاعب أضافية(3) عمل أكاديمية للنادى.
رسائل الى:-
الدولة-أنتم الحكومة،المعارضة والشعب -الوطن مسئولية على أعناقكم
أدارة نادى الهلال-الادارة علم وفن.
الجهاز الفنى-التدريب مهنة شاقةووظيفة قد تنتهى فى أى لحظة (يقولون أن شنطة المدرب يجب ان تكون جاهزة للمغادرة)-لذلك يجب دائما أن تنتصروا لخياراتكم الفنية مهما كان الثمن.
اللاعبون-اللعب فترته محددة وعندما يعتزل اللاعب يفقد نجوميته التى تتحول لآخرين وعدم التكيف مع الوضع الجديد قد تكون له أنعكاسات على حياة اللاعب المعتزل-لذلك
لابد من الأستفادة من فترة النجومية باستثمار الأموال التى يتقاضاها فى مشاريع تعود عليه وعلى أسرته بالنفع_أيضا بتطوير المقدرات الذاتية كألألتحاق بالمؤسسات التعليمية لتجويد
اللغات او خلافه.وهنالك أمثلة مؤلمة لكثير من النجوم الذين كانوا ملء السمع والبصر اليوم يعانون من قسوة الحياة ولم تشفع لهم نجوميتهم السابقة.
جماهير الهلال-لقد صبرتم طويلا وحقا تحتاجون لبطولة قارية.
منتدى الهلال-يقوم بعمل قيم فى مختلف الإتجاهات ولكن هنالك بعض الهنات فى طرح البعض لأفكارهم ونتمنى أن تزول.
كلمة أخيرة-هنالك خط رفيع بين التنافس والعداء مع الغريم وأتمنى أن تكون المبادرة منكم قبل الطرف الآخر فى عدم تجاوز ذلك الخط
| |
|
|
|
|
|
|
|
| |
احمد العربي
نعمات حمود
محمد علي البصير
عمر عبد الخالق سعيد
Sayed Bekab
عمر الفاروق
الزنجي
الطيب عثمان يوسف
عبدالرحمن الحلاوي
فيس بوك
تويتر
انستقرام
يوتيوب
بنتيريست