|
دعواتكم لزميلنا المفكر د.الباقر العفيف بالشفاء العاجل
|
|
 Re: سيف الجامعة يحي عموم البورداب ويعتذر (Re: saifalgam3a)
|
يا دفعة يا صديق يا مناضل يا صنديد
بك نرفع هاماتنا وننحنى لك، فانت انت لم تتغير ولم تتبدل..
تعيش التــوحــد الكــامل مذ عرفتك على مدرجات قاعة مندور المهدى ونحن صبية غر الميامين...
تلك ايام يا صديقى جميلة.. ومشى كل فى طريقه، وتشرد من تشرد ومات كمدا من مات...
والتقينا على ميلاد وفى حضرة اشـــرقت وشاركنا فيصل محمد صالح الحبيب افراحه.. وراح كل منا حال سبيله، ممنيا النفس بوطن حر يلم شملنا مرة اخرى... ولكن...
..التقينا فى هذا الظل الوارف وانا فى غاية السعادة لوجودك المبهــر معنا.. والف الف مرحى يا ابا اشـــرقت..
اخوك
عبدالالــه زمـــراوى
| |
 
|
|
|
|
|
|
|
|
Re: سيف الجامعة يحي عموم البورداب ويعتذر (Re: saifalgam3a)
|
اهلا بى سيف الغنا المسلول ،
سيف
اهلا بيك صديق واخ لى لم تلده امى
وبيننا حسن الظن والذكرى الطيبة العبقة والايام الشوارد،
اهلا،
وبس حكاية اخصص ساعة للبورد دى بالغت فيها، فى زول بقدر يخصص ساعة واحدة بس للبورد، كدى خش لى جوة وبتشوف بى عيونك
فيك الرجا...ما بتخذلنا
مراحب
| |
|
|
|
|
|
|
|
|
 Re: سيف الجامعة يحي عموم البورداب ويعتذر (Re: saifalgam3a)
|
اشرقت يا ابو اشرقت .. وضاءت الانوار كل ساحاتنا ..فهنيئا لنا باشراقتك واطلالتك ايها المبدع حد الارواء ..
الاخ الصديق سيف الانسان الفنان .. حين تكتب تطرب الكلمات وترقص الحروف وتتقلقل كلماتك لدواخلنا بمعانيها النبيلة .. وتسعدنا كسعادتنا حين نسمعك تشدو باعذب الالحان ..
التحية لك وانت تحمل فى دواخلك هموم الوطن ..التحية لك ومرحبا بعودتك ومبروووووووووك عليك والف حمد الله على سلامة الباسوورد
التحية عبرك للشاعر . الانسان كتيابى
ومرحب حبابكم
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: soma)
|
صدق ياكتيابي رديت على الناس كلهم ونسيت ارد عليك
المرة الجاية تعيش وتاخد غيرها طبعا اهلنا في بانقا المحطة والكتياب خارج هذه اللعبة الالكترونيةواريح ليهم تماما البعد عن موضوع العولمة ده اصلا خصوصا مع حكاية الاستنساخ اللي ماشة في العالم وموضوع الرائيليين ده لو مشى الكتياب حتقوم الحرب العالمية الثالثة من هناك فاحسن ليك ولي ماتجيب ليهم حكاية الماسنجردي لاهم ولا اهل العوض لانه المسعلة دي بتدخلنا في مشاكل نحن في غنا عنها يازول ونحنا ذاتنا راجعين هناك و انا مقرر اجدع الموبايل ده زاتو خصوصا عشان حكاية المسكولات دي والبنت اللميضة البتجي تقول ان رصيدك صفر ومافي داعي للفضايح اصلا اهلنا لو عرفوا انه رصيدي صفر المسالة دي حا ترضيهم؟
ابو اشرقت
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: يازولyazoalيازول)
|
شكرا سيدي الرئيس على ترحيبك الحار بي من زمن طويل وانا اتوق للتواصل مع اهلي وعشيرتي عبر منبر واسع للحوار المثمر وها قد وفرتم لي هذه الفرصة الثمينة وهذا شرف لي في المفام الاول ان التقي بهذا النفر الجميل من ابناء وبنات السودان الوطن الواحد ماقد كان وما سيكون
ابو اشرقت
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: sentimental)
|
شكرا على تحيتك الرائعة والذي يجمعني بحسين خوجلي علاقة امدرمانية قديمةويجمعنا معه اهتمامه بالشعر والادب والفن وهو يحترم اختلافنا معه ولقدكان وفيا لصداقته معنا في كل سنوات المد والجذر وهو على فكرة يعترف باخطاء التجربةونحمد له هذا المسلك ونختلف معه في اطار الاحترام المتبادل ودمتم
ابو اشرقت
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: Elmosley)
|
استاذي واخي وحبيبي احييك وانت تجد وسط مشاغلك الكثيرة وقتا للتواصل تغمر فيه احبابك بدفئ مشاعرك اخي ابو هديل لك الحب حتى تكتفي وبنا الشوق ولوعة الفراق وبعد الشقة واتمن لو يختفي المحيط الاطلسي لاجيك سيرا على الاقدام
ابو اشرقت
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: saifalgam3a)
|
أيوة خليك كدة ـ وابقى عشرة علي باسووردك ( على طريقة أصدقاء الخيمة ) وعلى الريس بكري ورضا وود الجيلي أن يطرزوا هذه اللوحة من صوتك العجيب وألحانك المغردة ـ
مرحبا بك وما تنقطع بحجة المشاغل ـ إنت لسه يا دوب عندك واحدة ـ ماشايف أستاذالجيل الموصلي ـ متواصل كيف ؟ ـ رغم أعضاء الفرقة ـ الله يخليهم ـ أنا سعيد جدا بعودتك ـ عشان لما يكون موبايلك مغلق ( كالعادة ) يكون الماسنجر مفتوح ـ شفت
الزمن كيف ـ ناس من الكتياب وودبانقا يقولوا موبايل وماسنجر !!ـ
بالله هسه اهلنا لو سمعونا يقولو شنو ؟
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: Badri)
|
شكرا كثيرا يابدري واحي ذكاءك اللماح وانت تقرا بين السطور وفوقها وتحتها والوطن الذي احلم به يحلم به معي كل اهلي الطيبين الذين في بعض الاحيان يجهلون 99%من اسماء اعضاء الحكومة وهم الذين يحلمون بوطن يسع كل الناس وزولا تريدو وتشتهي ما يقلوا ليك ماتمشي لى لا في السجن لا مختفي ويا محمد احمد تطمئن
ابو اشرقت
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: saifalgam3a)
|
تسلم يا سيف وتسلم مشاعرك النبيله يا اصيل
والله ضحكتنى يا استاذ كتيابى .على فكرة استاذ سيف ناوى يعمل فينا مقلب خلى بالك اهو انا كلمتك ههه
سلام يا بدرى ما كلمتك فراشتى ما بقت تطير زى فراشتك لوول
لكن والله لى هسه ما عارفة الطيرها لى منو ..كتر الف خيره غايتو ربنا يديه العافية ما فيش حد احسن من حد وكل سنة وانتو طيبين عذرا استاذ سيف على المداخلة دى مع الاخ بدرى
ولكم التحية
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: soma)
|
بسم الله
لا حوله؟؟؟؟؟
سيف؟؟؟؟؟؟؟؟؟؟؟؟
مبالغه؟؟؟؟؟؟؟؟؟؟؟؟؟؟؟؟؟
ما بصدق؟؟؟؟؟؟؟؟؟؟؟؟؟؟؟؟
المعادى؟؟؟؟؟؟؟؟؟؟؟؟؟
وين الدوحه؟؟؟
لا ابوظبى ؟؟؟؟؟؟؟؟؟؟؟
الشارقه؟؟؟؟؟؟؟؟؟؟؟؟؟
لا كضاب ؟ الله ؟؟؟
جد؟؟؟ ايوه ؟؟؟؟ظ
عليك الله سلم عليهو؟؟؟؟
وقول ليهو
انور ود بتول بغريك السلام
وقال ليك من ايام مصر
انا مصطرم ليك شديد؟؟؟؟؟
طبعا دى غير مصطرم الجعيلى....؟؟؟؟؟
ابدا اخوك انور الجلاد؟؟؟
عبد الرحمن
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: saifalgam3a)
|
يديك العافية ياسيف وشكرا ليك كتير
العزيزة سوما ليك الف تحية
والله بعد ماكنت عايز اسألك من فراشتك دى طارت بتين وكيف
تانى قلت اسكت واطلع لكن انا خايف الطير ليك فراشتك دا يقصقص جنحين فراشتى ياسوما لووووووووووووول
ــــــــــــــــــــ
أنا بلدى بلد الخير والطيبة
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: saifalgam3a)
|
سلام يا بدرى فى دار سيف ..كيفكم يا جماعة
تعرف يا بدرى يا خوى ده اظنو الاستنساخ البقولوه ده. استنسخوا لى جنحين لى فراشتى من جنحين فراشتك لووووول ..عشان كده يا خوى ما تخاف على جنحين فراشتك ..ان شاء الله ديمة مرفرفه ..الكلام انا الاستنساخ ده ما اظنو يمشى لى قدام ..خايفة بكرة اجى القاها ركت بلا طيران لووول
يديك العافية
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: soma)
|
سوما وبدري ازيكم دي اظرف حاجة والله انتو الاتنين قاعدين في البيت عندي وبتناقشوا في موضوعات خاصة وانا ماناقش حاجة وبعمل ليكم في الشاي باللقيمات اولا الفراش يكون كيف فراش لو ماطار؟ نحن اولاد القرى نعرف الفرق تماما بين الفراش وابو الدقيق وانت ياسوما لانك شاعرة ماخدة مقلب والفراش العندك غالبا مايكون ابو الدقيق لان ابو الدقيق يطير ليلا فقط والفراش ينام ليلا ويطير في الصباح الباكر ويقيل مثله ومثل البشر ويطير مرة اخرى عند الاصيل حتى مغيب الشمس اما ابو الدقيق لانه عنده مشاكل نفسية خاصة بشكله ودايما مشوكش فحالات الانتحار مرتفعة جدا في صفوف هذه الفئة والله اعلم انتهت محاضرة اليوم عشان انت وبدري تاني ما تفتحوا مواضيع بدون ما ترجعوا لي خصوصا فيما يتعلق بالفراش او ابو الدقيق لاني انا المستشار القانوني بتاعهم
ابو اشرقت
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: saifalgam3a)
|
لووووووووووووووووول يااستاذ والله لكن الشاى جميل
اها ياسوما الطير ابو الدقيق بتاعك خلى يقلبو ليك فراش
لكن الغريبة ياسوما هو لما طيرها ليك طيرها ليك عكس اتجاه فراشتى
ياربى الحكمة شنو وبعدين بينى وبينك صاحب البيت دا ادانا الشاى واكرمنا بعد دا حيطردنا يااختى
لوووووووووووووووووووول
ـــــــــــــــــــــ
أنا بلدى بلد الخير والطيبة
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: Badri)
|
عزيزنا وعزيز دنيا
الاستاذ سيف الجامعة
لا اله الا الله
استعير هذا التعبير من مبدعنا
يحى فضل الله
عارف الواحد من قبيل بقراء فى ردودك
اكتشفت انك فنان فى الكتابه امكن اكتر
من الغناء وحتشكل خطورة على ناس القلم
حمد لسالمتك وسالمت البسورد
ومرحب بيك فى دارك
| |
|
|
|
|
|
|
|
|
 Re: سيف الجامعة يحي عموم البورداب ويعتذر (Re: almohndis)
|
ششكرا ياعثمان على ترحيبك الحار بي وانا هنا من اجل التواصل مع كل احبابي واحس انني وسط عشيرتي وهلي ومن هو في مثل حظي بكل هذا الدفء الانساني الذي احسه بينكم انت تعلم ياعثمان ان اهل الطبشيرة قوم كتابون وسبعة صنايع والبخت ضايع والى الملتقى ابدا
ابو اشرقت
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: الأمدرمانية)
|
ام درمان ماعادت شجرة الهجليج محطا للطيور الموسمية
فالخريف عنها لاينقطع وفي صدرها رحابة تتسع لاطفال ياتون
ينسفون المحكمة بقضاتها ويصدرون على الموت حكما بالاعدام
لك التحية يا امدرمانية يا اصيلة وكل سنة وانت طيبة وشكرا على حضورك الرائع
ابو الفعل اشرقت فعل مضارع مجزوم وممنوع من الصرف للعلمية والعجمة وتاء الفعل
ابو اشرقت
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: saifalgam3a)
|
ألف أهلا ومرحبابالناسك في محراب الفن و المتعبد في صومعة الأبداع بذلك الصوت الملائكي المعمد بالشوق و الحنين والذي لطالما أشجانا وأطربناوسرى بنامن أرض الغناء محلقا بنا في ملكوت الفن الجميل معرجا بنا الي عوالم الطرب الشفيف حيث لا حيث و عند لا عند.
جني
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: zumrawi)
|
العزيز سيف ابو اشرقت
شفت كنت ظالم الناس ديل كيف ؟
....................
سيدي
اسمح لي ان استدرجك الي عناقي ..وارفع عقيرتي عاليا بهذه الاستغاثات لالتقف منك اطواقا للنجاة
اولا: ماذا فعل البلبل لكي يقوي علي العيش في صحراء لا غصن فيها ولا ماء
ثانيا : ما هي العبرة التي خلص اليها صقر الجديان في فترة عزوفه عن التحليق كما يجب لإمتلاء السماء بالبغاث
ثالثا : متي يتسني للزرزور العودة للتعشيش في سقفه المفضل و ممارسة هوايته في ايقاظ اطفال المدارس بلحن الصباح
رابعا : هل سمعت ما قاله الطاؤوس عندما استغرب المارة من احتفاظه بكبريائه رغم صيرورة ريشه الي لون واحد
...................
دمت سيدي
ولنا عودة
...
..
.
| |
|
|
|
|
|
|
|
|
|
Re: سيف الجامعة يحي عموم البورداب ويعتذر (Re: ba7ar)
|
ايها السائل عنا في مجالات الجمال
كلما جئناك كنا نجد المحبوب سال
يابحر===يابحر يايايايايا يابحر
مقطع من بواكير اغاني بعنوان هدأ البحر
لم اجد ردا يابحر عليك الا ان ابدا بهذا النص عرفاني لا يمكن التعبير عنه لان الكلمات تموت حين تقال ولكن دعني من الطاؤوس واتركني مع باقي الكائنات الاخرى لاني بعيد عن جمال الطاؤوس وخيلاه انا اقرب الى النواضع والبساطة وعلى اى انت فتحت بسخاء امامي نافذة للتواصل بددت وحدتي واذهبت الكثير من معاناتي وسامحني على التاخير ولك حبي
ابو اشرقت
| |
|
|
|
|
|
|
| |
saifalgam3a
AbuAla
Tumadir
garjah
Ahlalawad
ود العجمى
يازولyazoalيازول
الجندرية
Elmosley
بكرى ابوبكر
عبدالقادر الكتيابي
moniem2002
Badri
altahir_2
almohndis
يحي ابن عوف
doma
jini
degna
فيس بوك
تويتر
انستقرام
يوتيوب
بنتيريست