تمنياتي بفوز الهلال غدا.. لكني كصفوي أتمنى ملاقاة المالي في النهائي!!

Quote: لكني كصفوي أتمنى ملاقاة المالي في النهائي!!

Quote: كصفوي الا تلاقي فريق الجيش الحر

Quote: لكني أتمنى ملاقاة المالي في النهائي!!

Quote: ‎الزعيم السودانى (المريخ)‎ زاكي الدين الصادق عبدالمالك وهج المنبر الاحمر::التوازنمطلوب:: اتي الميعاد ليعبر الاحمر مربع الذهب نحو منصات التتويج القارية التي ظلت هدفآ في كل مشاركات النادي الاحمر وهاهي الفرصة تاتي علي طبق من ذهب لزعيم السودان ليضرب موعدآ مع النهائي من جديد بعد تأهل في 2007وحصد الكأس الغالية في 89. المباراة صعبة ويجب ان تأخذ علي جزئيات وعلي لاعبي الاحمر عدم التسرع لان المريخ يمكنه التأهل بفارق هدف وهذي المباراة حتمآ ستكون معقدة تكتكيآ لان الفريق الكنغولي رغم ضعفه لكنه في النواحي التكتيكية جيد ويمكنه تصعيب كل المهام علي لاعبي الفريق الاحمر. وهج احمر: ريكاردو مطالب بتصحيح وضعية فريقه لان المباراة السابقة مع هذا الفريق ظهر فيها المريخ بلا طعم وظل في حالة توهان طوال زمن لقاء ديولسي وهذا يرجع لطريقة البرازيلي العقيمة التي افقدت فريق بحجم المريخ لشكله. كل الظروف مهيئة للاعبي المريخ ليعبرو الخصم الكنغولي بدأ بتطويق زلزال الملاعب للملعب مرورآ با ان المريخ يلعب علي ارضه وادارة المريخ ظلت تذلل كل الصعاب حتي يعانق الشفق الاحمر سموات المجد لهذا علي لاعبي المريخ التركيز جيدآ في محطة نصف النهائي وعدم الانشغال باالمباراة النهائية لان المريخ مازال بعيدآ عن دائرة احداث لقاء الختام وهذا الطريق يمر با اسقاط ليوبار اولآ. وهج اصفر: التسرع مرفوض وعلي المريخ ان ينوع في اسلوب اللعب طوال زمن اللقاء لان الفريق الكنغولي سيتكتل امام منطقته وهذا التكتل مفتاحه التنويع في اللعب من اطراف الملعب والعمق وخصوصآ طرفي الملعب لان دفاع الفريق الكنغولي يجد صعوبات كبيرة في ايقاف العرضيات وعلي الاحمر استقلالها جيدآ ونرجو ان يعطي البرازيلي مواطنه ليما كامل التفويض الهجومي لان ليما لاعب مميز في رفع الكرات باالمقاس عكس لاعيبنا الذين يسرفون في تطفيش الكرة كما اتفقو في الناحية اليمني وليما يجيد ايضآ صناعة اللعب لهذا نتمني من ريكاردو ان يحرره في هذه المباراة من الادوار الدفاعية ويزج به كلاعب متوسط ميدان ايسر والبرازيلي قادر علي حل معضلة صناعة اللعب. وهج احمر اخير: المريخ مرشح فوق العادة من قبل الخبراء لحصد الذهب وهو الفريق الوحيد من الفرق التي وصلت لمربع الذهب يملك في رصيده كأس قاري لهذا يكون عليه الرك وتقع عليه مسؤلية اللعب في ثوب البطل ونرجو ان يرتدي الاحمر الليلة كامل ثياب البطل ليعم الفرح ارض النيلين. كل التوفيق لمريخ السودان الليلة في ان يعبر خصمه الكنغولي ويعيد سيرة مانديلا وسيرة الكؤوس المحمولة جوآ التي ظلت ماركة تجارية مسجلة با اسم الزعيم. عودة بلة جابر وتصالحه مع مدربه فال حسن ونتمني ان يعالج مجلس المريخ الخلاف في اطار تربوي لان بلة من اللاعبين القلائل الذي يلعبون بحماسة ولايرضون في المريخ لومة لاائم. التشجيع الزئير ضرب الاكف ارهاب الخصم زلزلة الملعب سلاح ماضي سيستخدمه المريخ الليلة لبث كل اطياف الرعب في فريق التونسي نابي. اللهم انصرنا نصرآ مبين في هذي الليلة.

Quote: عبد العزيز سلااااام إن شاء الله ربنا يمرقكم من دي ديييك ملحوقة وزيتنا في بيتنا بعدين ولكن حلاوتها انو في الحالتين الكأس في امدرمان كدي ما أحسن يا عشاي

Quote: كدي انتو أصلو النهائي أول حاجة وبعدين اختاروا زي ماعاوزين منو الدايرين تقابلوهو فيهو (اقصد النهائي)

Quote: الله يستر عليكم من قاهر الصفاقسي الفهود في كل المقابلات سجل خارج الديار عيدك مبارك عزيز علينا

Quote: وكت قلت كدا .. خليني أحكي ليك قصة الله يمرقكم من دي قال ليك عمك جنو سكر مدمن عديييل كل يومين واقع ليهو في حلة ومجهجه أولادو مرة سكر سكرة من النوع الببهدل داك كرعينو ما شالنو .. برك وغلبو المشي جو أولادو وشالوهو وبيعاتبو فيهو وينصحوهو يابا انت الدكتور ما قال ليك الشراب بالطريقة دي بكتلك يوم قال ليهم : الدكتور دا أنا ما صدقتو .. لكييين الله يمرقني من دي شكلكم ما مصدقين كلام الدكتور القال ليكم سيد البلد اختو دربو لكييييييين الله يمرقكم من دي وتجو لي قسمتكم ونصيبكم والوصافة قسمة ونصيب ياحبيب

Quote: Rahila Abugaria about an hour ago رب انصر ليوبارز وهب له ركلتي جزاء و25 ركنيه و310 فاول .. اللهم اجعل اهدافهم كالمطر .. الله اعط الدلاقين 3 كروت حمرا و16 كرت اصفر .. اللهم اجعل الحضري بوابه عبد القيوم .. وباسكال شارع المطار .. اللهم اعطي كلتشي سرعه ابو القدح

Quote: غايتو نحن الليلة فرحانيين و بكرة فرحانيين!! والله يديم الفرح يا عزو!

Quote: لكني أتمنى ملاقاة المالي في النهائي!!

Quote: خفق فريق المريخ السوداني في بلوغ نهائي بطولة كأس الاتحاد الأفريقي بعد أن تعادل مع ضيفه ليوبار الكنغولي بدون أهداف في المباراة التي جمعت بينهما أمسية اليوم بأمدرمان، ليستفيد الفريق الكنغولي من مباراة الذهاب التي انتهت لصالحه (2/1). ولم يقدم بطل السودان ما يشفع له لبلوغ النهائي. وخيب لاعبو المريخ آمال 45 ألفاً من أنصاره بملعب أمدرمان جاءوا لمؤازرة الفريق وفشلوا في ترجمة الفرص التي تهيأت لهم أمام مرمى الخصم.

Quote: الليلة ليلة العبور ليلة البهجة والسرور نحن بنلعب في أرضنا وبنروض من ينازلنا

Quote: ريكاردو: جماهير المريخ كانت تستحق افضل من ذلك ومسؤولية الخروج جماعية عقب الخروج الحزين إعتذر البرازيلي ريكاردو المدير الفني لفريق كرة القدم بنادي المريخ السوداني لجمهور الفريق الأحمر السوداني على عدم إستمرار مسيرة الفريق بنجاح ببطولة الكونفيدرالية الإفريقية هذا العام وتوقفها عند محطة فريق ليوباردز الكونجولي واصفا عدم الفوز عليه بعدم التوفيق, ورافضا في ذات الوقت تحميل أي لاعب مسؤولية عدم وصول المريخ للمباراة النهائية بالبطولة وقال ريكاردو " أعتذر لجمهور المريخ الذي كان يستحق الأفضل لأنه جمهور عظيم, وعدم تأهل المريخ للنهائي وعدم فوزه في مباراة اليوم لا أرى له سببا غير عدم التوفيق فقد قاتل اللاعبون قتالا شديدا ولم يبخلوا بشئ ولكننا في ذات الوقت لعبنا أمام فريق يمتاز لاعبوه بلياقة بدنية عالية ولعب بأسلوبي هجومي ودفاعي في آن واحد حسب فقدان الكرة والإستحواذ عليها "

Quote: يا عزيز، ياخ الصياح كلمتك وقلت كاساتكم الزمالات دي ما بتأهلكم لكن انت مصر وملح

Quote: أها ان شاء تكونوا لاقيتو المالي

Quote: لكن السويتها رقدت ياعزوز .. تانى ما بتجى مقاطع فى المنبر العام الشلاقة ليك شنو ..كان تخلى الكورة تبدأ ياخى شفته عشان حسادتكم دى ربنا طيركم

Quote: يا عزنا ولا يهمك ياخي .. الكورة مدورة .. فوز وخسااااااااارة ياخي الهلال الاسمو سيد البلد مراات بيتغلب خلي ناس الحضري المافي زول دقا .. دقا نفسو برا لكن يعلم الله امس وجعتو قلبي .. والله ما رضيناها ليييييك وعلى قول سيدي .. مريخ السودان جلدنا وما بنجر فوقو الشوك كنا دايرين النهائي سوداني وزيتنا في بيتنا لكن الله أداكم قدر نيتكم قال ملاقاة المالي في النهائي قااااال

Quote: رغم الحمى ورغم الاسى والواحد حردان أكل وشراب من غداء أمس وهسي الساعة 2 ظهر الاحد!!

Quote: سلامتك من الحمي وهاردلك والحمي والخسارة هينين المشكلة في الهضربة.. بتنقلب إندراوة بشويش علي روحك يا صديق... قلنا ليك الا تلاقي فريق الجيش الحر سدرت في غيك ياخي ألذ شي المكاواة البعد الكورة.. ياخي ألذ شي المكاواة البعد الكورة

Quote: تانى ما بتجى مقاطع فى المنبر العام

يلالالا بره ياخ تراكم ابلشتونا ووجعتوا راسنـا بالكواريك ونحن ساكتين ليكم

Quote: مسكين ياخ ..

Quote: الغلب حار صح للمتعود على الانتصار طلعنا مرفوعي الراس..

Quote: عليك اشرح البأحمر دي لو سمحت كيف يعني مرفوعي الرأس

Quote: رغم تمنياتي بفوز الهلال غدا بمالي..

Quote: طلعنا مرفوعي الراس..

Quote: لالا نحن ما عايزينك تتمنى لينـا نحن برانا بنتمنى ، وبنعمل حاجاتنا .. انت تساعدنا بالموية الباردة في الصيوان بتاعك دا .. انت اترشيت من امس وبي الحسابات تمشي تقعد بره هنااااك .. وتلتزم الصمت .. يا لو ما عايز تصمت اقعد ابكي بس ..

Quote: طلعتو مرفوعي الراس كيف يعني ..؟ كنتو يعني مصنقعين لا فوووق .. واللا الحنك شنـو..؟ .. عليك الله نقطنا بالنشيد بتاع نحن في المريخ .. وإلخ .. كلامك البتقول فوقو دا كلوووو كلام ساااي ، ما بياكلني .. كلام زول الرش حارقو شديد

Quote: الصفوى المتميز عبد العزيز تحية طيبة يا خى براحة على الجماعة .. برضو حافظوا على السجل التاريخى الصفر الدولى ، وهو عمل وطنى لو يعلمون عظيم المريخ زح ليهم عديل لأنه بتكون بايخة شديد يكسر خاطرهم فى النهائى ويقولو ليهو الأنانية والحسادة شنو حب لأخيك ما أحببت ونلت لنفسك من قبل 23 سنة .. وقنطرا ليهم نهائى فى الكنغو عشان يكملو المحاكاة كاس محمول جواً الجماعة خافو من المسؤولية .. وقال ليك ما بطيروا براكم !! .. أنا فى محلهم أستقبل االبعثه إستقبال المنتصرين بأى سبوبة .. العمر دا فيهو قدر شنو عشان ينتظرو محمولة جواً ! هسة أحسن ياتو طيران .. بيدى (المريخ) ، أم بيد غيرى (الهلال)