دعواتكم لزميلنا المفكر د.الباقر العفيف بالشفاء العاجل
|
|
 رساله من زوله غلبها الصبر ...
|
ترددت كثيرا فى كتابة هذا البوست
لسببين الاول هو انى عديل كده ما بحب نوع البوستات ده
و التانى :سؤال... هل من فايده ترتجى
المهم انى فى النهاية الصبر غلبنى
ابدأ
انا هنا اتعرض لكتابتك
و طريقة مداخلاتك
ليس بأى حال من الاحوال شخصك
منذ معرفتى بهذا المنبر كنت اتابع بوستاتك
ثم توقفت!!!!! (ممكن يكون ما ضرورى)
ولكننى لم اتوقف عن قرأة مداخلاتك فى البوستات الاخرى
كثير جدا جدا من تلك المداخلات وجدتها لا تهدف لشىء سوى ان تحيد البوست المحدد عن موضوعه
الى موضوعات قد تكون ذات علاقه بموضوع البوست و لكنها دوما مفتعله!!!!
ما المقصود لا يعلم هذا سواك ؟؟!!!!
هل هذا اسلوب كتابه مثلا؟؟؟ !!على الاقل قد يكون هذا ما تعتقده؟!!!!
الادهى و الأمر ...ياريت لو كان تغيير مسار البوست المقصود منه توجيه النقاش لما تظن انه اساسى و مهم ...بل دوما لافتعال جدل و يا حبذا لو كانت شكله عديل... لدرجه اننى اتشكك اذا ما كنت تحمل على ايديك المديده الحاره و انت تبحث عن طرفين فى كل بوست قد يكونو فاعلين فى اذكاء النار ... التى دوما تلد الرماد اذا كنت لا تعلم...
حدثت صديق لى عبر الماسنجر ان يكف عن الرد عليك فى احدى البوستات (و قد كان بوست مهم من وجهة نظرى) لان فى هذا تحقيق لرغبتك فى تغيير موضوع البوست .....
استمع الصديق قليلا فغلبه الصبر فوجدته الوحيد الذى رد عليك فى بوست لم يرد عليك فيه اى من المتداخلين و لا حتى صاحب البوست نفسه (حتى اخر قراءه لى للبوست المذكور) لان هدفك فى اخراج البوست عن مساره كان واضح للكل...ففوتو الفرصه عليك بذكاء....ولكن انا ادرى بصحبى غلبه يشيل الصبر!!!(ذىً كده فى الحاله دى)
لاحظت تطور شكل علاقاتك مع الاعضاء من خلال متعابعتى لبوستات صديقين
وجدتك تبدأ بمحاولات الايحاء بأنك و كاتب البوست على علاقه شخصيه لصيقه و انكم قد تكونو اصدقاء
ثم كان الواقع... فالاثنين لم تكن مناسبا لهم لا فكرا و لا اسلوبا فى الكتابه (وهذا لا يعنى الطعن فى فكرك... فأنا بصراحه ما قدرت اطلع من ما تكتب بفكر !!!!!)
عندما لم تجد منهم غير اجابات متحفظه و فى حدود اللياقه و ضياقة حيشانهم
تململت و صرت تخاشنهم قليلا
عندها صارو يتسألو كمن سبقوهم من انت ؟؟!! و ما مشكلتك؟؟؟
عندها اعلنت الحرب
و اصبحت مخاشناتك ... مطاعنات عديل كده
بالمناسبه اقتراح ممكن تسمى اسلوبك (مطاعنات)
و تحولت الى عدائى
بعض الاعضاء جنح الى تصنيفك سياسيا!!!!
اجد لهم اعذر
فاسلوبك يحمل فى ملامحه ملامح من صنفت منهم
لكن
لدى تفسيرى الخاص لما تقوم به و لكننى لاارى انه من المناسب ان اكتبه هنا...
حتى لا تتحول الرساله الى ما لا احب
رجاء من يجد نفسه مقصود بهذه الرساله
ان يراجع نفسه و قلمه (كي بورده)
ويراجع هدفه من الانضمام لهذا المنبر
الخوف ده يطلع هدفه الذى رسمه لنفسه او رسمه له اخرين!!!!!!!!!!!!!
____________________________________________________
كان ده ما انت ده منو ...
(هووووى الرساله دى جاده و مكتوبه بزهج بعد قرأتى لمداخلتك/ه)
نسيت اقول اهم حاجه فى الرساله..
ان طريقة مداخلاتك/ه مزعجه حد الغضب احيانا
تخريمه بعد تخريمه:
البسعلنى ده منو برضه بكسره؟؟؟
تخريمه بعد تخريمتين
الهدف من رسالتى ان ينتبه اذا لم يكن منتبه
و يعيد تقييم مشاركته فى المنبر
|
|
 
|
|
|
|
|
|
|
|
Re: رساله من زوله غلبها الصبر ... (Re: Siham Elmugammar)
|
Quote:
كنت حاسى بانو فى خرمجة شغالة فى الباك قراوند بتاعى لكن انزلا وين ما عارف وما دايرة ليها بوست براهو..وقلت البوست دا يا ستو روحا رياضية يا روحا محرقاهاوقررت ارمى الخرمجة دى هنا اصلا بزيد فى عدد مشاركاتى داير لغاية نهاية السنة اوصلا الف ..
var var var var var var var var vara
شعب التبت لحكومة الصين زى شعب الجنوب و دارفور لحكومة الانقاذ..
دالاى للصين زى المعارضة للانقاذ...
اذن دالاى زى جيش تحرير السودان....
دالاى لامريكا زى الحركة الشعبية لامريكا...
VAR VAR VAR VAR VAR
دالاى عندو اله.. حتى لو صفيح ..دينيا لا رجا ء منه..راسو قوى سبق عليه الكتاب..
الصين ليس لها اله..امكن الله يهديها..
اذن الصين اقرب لنفوس المؤمنين من دالاى....
دالاى ضد العسكرفى التبت..اذن دالاى ضد العسكر فى الخرطوم
الصين مع العسكر فى االتبت...والصين مع العسكر فى الخرطوم..
دالاى ضد العسكر فى التبت وضد الصين..
VAR VAR VAR VAER
.دالاى ضد العسكرفى التبت..اذن دالاى ضد العسكر فى الخرطوم
فباى الاء ربكما تكذبان.......
اذن دالاي ضد الانقاذ وضد الحركة الاسلامية فى السودان..
اخيرا اميريكا تكرم دالاى..الناقصة تمت عمالة عديل.. |
| |
|
|
|
|
|
|
|
|
|
Re: رساله من زوله غلبها الصبر ... (Re: Ahmed musa)
|
احمد موسى
كل سنه و انت طيب
كتن ده انت كما ده انت
طيب لو قلت ليك ده ما انت القصدته بكلامى
تفتكر يكون منوووووووووووووووووو؟؟؟!!!
لا بالجد كده
يا احمد طريقة هذا العضو اصبحت تسبب لى ازعاج ما عندو حد
قدر ما قلت الزم الصبر قريت ليهو مداخله الليله
رفعت ضغطى....
كل يوم اتعجب اكتر و اكتر من قدرته فى البحث
عن حاجه تتدخلو البوست ويمسك ليك فى كلمه...و احيانا لما يكون محظوظ بلقى ليهو فكره ثانويه
اها بالعشره يجتهد ليفرخ منها مشكله؟؟!!!
___________________________
دحين دى سلامى!!!!!!
زى ما بقولو اهلى
| |
|
|
|
|
|
|
|
|
|
Re: رساله من زوله غلبها الصبر ... (Re: Hussein Mallasi)
|
ملاسى
اذيك
عندك حق القصه ما وصلت للكتل
لكن عاوزين الزول ده كمان ما يكتل بوستات الناس بالمديده الحاره !!!!
لانو ده مستحيل يكون مفيدبأى حال من الاحوال
اشعال المشكله و النقاش المستفز
بالتأكيد ما حى يخلى اى فكره تناقش بهدوء يخلى الناس تجلى افكارها
و الاشنو؟؟؟؟
________________________________________
معا من اجل بوستات ماشه فوق دربها عديل
| |
|
|
|
|
|
|
|
|
|
Re: رساله من زوله غلبها الصبر ... (Re: Nasr)
|
Nasr
سلام
والله ياخوى انا البعد من اخد اى حاجه شخصيه
و القضيه اساسا ما شخصيه
و مافى واحد من بوستاتى او فى مداخلاتى
كتب ما يمسنى شخصيا
و هذا حق!!!
الموضوع انه محاولاته لتحويل مسارات البوستات مزعج جدا
نحن عاوزينو يفيدنا فى النقاش.. و لى ايمان انه قد يكون مفيد
لكن....!!!!!!
| |
|
|
|
|
|
|
|
|
|
Re: رساله من زوله غلبها الصبر ... (Re: Siham Elmugammar)
|
يبدو لي أنو مرض تحويل البوستات قد تحول إلي وباء ولم يسلم منه إلا قلة
ونحن لو بنركز في نقاشاتنا من زمان ما كان حصل لينا الحصل لينا
الحوار مرحلة متقدمة في حياة الشعوب ونحن لسه بدري خالص
نحن يا دوبك في مرحلة التفكير بصوت عالي
(ودي مرحلة متقدمة لأنو علي الأقل في تفكير)
| |
|
|
|
|
|
|
|
|
|
Re: رساله من زوله غلبها الصبر ... (Re: Siham Elmugammar)
|
Quote: كل يوم اتعجب اكتر و اكتر من قدرته فى البحث
عن حاجه تتدخلو البوست ويمسك ليك فى كلمه...و احيانا لما يكون محظوظ بلقى ليهو فكره ثانويه
اها بالعشره يجتهد ليفرخ منها مشكله؟؟!!! |
هو لو بعرف يبحث كان اشتغل فى جهاز الامن والمخابرات؟!
قروتشو ماركس ، الكوميدى الامريكى المشهور ، له قولة مشهورة:
military intelligence is a contradiction in terms
| |
|
|
|
|
|
|
|
|
|
Re: رساله من زوله غلبها الصبر ... (Re: Adil Osman)
|
العزيزه سهام
كدي يا ختي قولي لي ده منو القدر يزعلك ده
ما دايرين نبقي في قصة wrong identity
نقوم نخش السجن اوانطه ساكت
سهام
الزي ده كتار واي واحد متابع sudaneseonline
عرف من هو المقصود
دحين يالحبيبه الزمي الصبر
والا يكون وصل لهدفهه المقصود
ودابكدوك
| |
|
|
|
|
|
|
|
|
|
Re: رساله من زوله غلبها الصبر ... (Re: Nader Abu Kadouk)
|
العزيزة سهام ... تحياتي لك و لزوارك الكرام
أشكرك علي البوست
بمناسبة الطربقة في البوستات الجادة و محاولات صرفها
عن مسارها الحقيقي و افتعال المشاكل و الفتن شيء لا
يزعجني اطلاقاً لسببين
الأول: ان واقع النسيج الاجتماعي أفرز لنا مثل هؤلاء الاشخاص
و يجب التعامل مع هذا الافراز بعقلانية و موضوعية و مثلاً كل منا
يعرف شخص أو أشخاص يتحدثون عن الطب لدرجة كتابة الروشتات دون
أن يكون لهم علاقة بالطب و كذلك في الهندسة و غيرهاو ظهور هذه
الظاهرة في المنتدي يؤكد ان المنتدي اصبح السودان الصغير الذي
يجمع كل الوان الطيف السياسي و الاجتماعي و الاخلاقي و الا اخلاقي
فالظاهرة موجودة في الاحياء, النوادي ,الجامعات ... الخ
و اي رغبة في اخرس هذه الاصوات هي رغبة غير ديمقراطية و لكن كيفية
التعامل معها يمكن أن يكون هاجس و هذا يقودنا للسبب الثاني
ثانياً: يمكن للباحثين في المجال الاجتماعي دراسة هذه الظاهرة
دراسة علمية عميقة مع دراسة العوامل السياسية و الاجتماعية
و الاقتصادية في زيادة أو انحسار هذة الظاهرة و يمكن أن اقول
ان انتاج المعرفة من عقل نقلي يختلف عن انتاج المعرفة من عقل
نقدي و كل الاسباب التي تكرس سيادة العقل النقلي موجودة في
مجتمعنا علي كل المستويات بما فيها المناهج المدرسية و قد سألت
احد الاصدقاء عن الاحوال في السودان فقال لي بالحرف الواحد ( والله
في السودان شمار ساكت اليوم بتاعك ينتهي)) أرجو ان يهتم الباحثين
في مجال علم الاجتماع دراسة الظاهرة و المنتدي يمكن ان يكون بالنسبة
لهم أحد المراجع الهامة و ياريت لو واحد عمل فيها رسالة ماجستير
أو دكتوراة
تخريمة: بالرغم من خرمجة الناس ديل الا تعتقدي سهام و ضيوفك الكرام
انهم يستحقون أن نقول لهم ( شكراً علي رفع البوست))
| |
|
|
|
|
|
|
|
|
|
Re: رساله من زوله غلبها الصبر ... (Re: Hussein Mallasi)
|
Quote: و للا وصلت يا سهام؛ ما ياهو كلو كلام في الهوا .. ساكت!
|
ملاسى
اذيك
بس كلمة كلو دى المشكله
تحديدا نوع كلام الكتل بالطريقه القالها بيها اخونا كمال ده هزار و كلام فى الهوا ساااااكت
لكن انت ما معاى انو ما اى كلام بتقال هنا هو كلام فى الهوا
الا كان قصدك بالهوا ده الطريقة التى ينقل بهاالكلام
لكن كصفه مطلقه على كل الكلام المدور هنا !!! تكون دى مشكله!!!!!!!!!!!!!!
| |
|
|
|
|
|
|
|
|
|
Re: رساله من زوله غلبها الصبر ... (Re: Hamid Elsawi)
|
ود ابكدوك يا دفعه
Quote: ما دايرين نبقي في قصة wrong identity
نقوم نخش السجن اوانطه ساكت |
السجن ده ما داير ليه سبه؟؟؟
عندك عمك على محمود حسنين وصحبهم .. الا ايدهم لا كراعهم
قول قولك
واتوكل الدايرنها هم بتبقى
| |
|
|
|
|
|
|
|
|
|
Re: رساله من زوله غلبها الصبر ... (Re: Hamid Elsawi)
|
Author: Hamid Elsawi؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!
والله زمان
البركه فى بكرى و منبره
والله زمان
حاااااامد الصااااووووووى
وين الحى بيك
وكل سنه و انت طيب و اسرتك الكريمه
سنين و سنين
عارفااااك مافى شيتن بزعجك بالهين
امانه ما بالك طويل
اتفق معك كثيرا فى ما قلت
ولكن على ما اعتقد ان هذا اليورد ليس مرايه للسودان فقط
ولكنه ايضا وبفضل النقاش المثمر (اذا ادوهو فرصه)
يساهم فى تطوير افكارنا
وترقية اساليب طرحنا
و غيره من الايجابيات الممكن تخطر على بال اى عضو
لا انادى بأن يرفع اى احد هنا يده من الكي بورد
وليس لى الحق من الاساس فى هذا
ولكن من حقى ان ادعو لما اراه سليم
وما اراه سليم
ان يترك هذا العضو بقية خلق الله يتمو كلامهم الفى خشمهم
وان يبعد عن تزكية نار الخلاف
فالخلاف اصلا موجود ودى سنة الحياه
وسببب وجودنا نحن فيها ذاتو
و من الخلاف يستمر وجودنا و تفكيرنا
فليكن خلاف هادى عشان التفكير يستمر
مش عشان النيران تولع
والعنف الفكرى و اللفظى يدور
والا شنو؟؟؟!!!!!
| |
|
|
|
|
|
|
|
|
|
Re: رساله من زوله غلبها الصبر ... (Re: Nader Abu Kadouk)
|
Quote: تحديدا نوع كلام الكتل بالطريقه القالها بيها
اخونا كمال ده هزار و كلام فى الهوا ساااااكت |
الهزار و الونسة محلها بوستات الطربقة و نطيط الكلام يا سهام؛
أما بوستات المطاعنة و المهاترات فكل كلمة فيها لازم تكون محسوبة.
| |
|
|
|
|
|
|
|
|
|
Re: رساله من زوله غلبها الصبر ... (Re: Siham Elmugammar)
|
الاستاذة سهام / لك التحية
(استاذة دى للضمان - مرة خاطبت احدى الاستاذات فى البورد حاف
كدة فاخذت درسا كنت استحقه)
| Quote: والصادق المهدى كان بدا يجوبك فى الديمقراطيه التالته فى عين العدو |
ده ياهو تحويل مسارات البوستات ذاته
سؤال: هو جوبك الديمقراطيات التلاتة ولا التالتة بس
ودابكدوك
Quote:
ود التجاني
وينك يا راجل يا حلو
|
والله قاااعد ممحن فيكم انت وكيكى
واحد طارح نفسه كاديب والثانى ابوالسياسة
ياربى الحاجات دى ممكن الناس يتعلموها كبار
سلم على القدامك
| |
|
|
|
|
|
|
|
|
|
Re: رساله من زوله غلبها الصبر ... (Re: احمد التجانى احمد)
|
الاخ احمد التجانى
و الا اقول ليك الاستاذ؟؟؟ انا غايتو قول لى يااخت لانها خفيفه على القلب
و حاجز من الكلام ال مافى محله...لانو ما زول ممكن يقول كلام ما ياهو لزوله وضعها مكان اخته؟؟
اها تانيا ح ازوغ عديل كدى من الاجابه على سؤالك ... انا ما دايره اى كلام فى السياسه الايام دى
وخصوصا عن الصادق حفيد محمد احمد
اها جوبك ما جوبك و جوبك كم دى .. الايام دى تلقاها عند الغافل/ه 
_________________________________________________
ما قلت لى رايك شنو فى موضوع البوست
| |
|
|
|
|
|
|
| |
Siham Elmugammar
Motaz Ahmed
حيدر حسن ميرغني
Muna Khugali
Ahmed musa
Kamal Karrar
Nasr
Hussein Mallasi
Adil Osman
Nader Abu Kadouk
Hamid Elsawi
احمد التجانى احمد
فيس بوك
تويتر
انستقرام
يوتيوب
بنتيريست