|
|
 المنبر الحر= المنبر العام؟؟؟؟؟!!!!
|
يا اخوانا الليله جيت ازور المنبر الحر لقيته مافى لكن لقيت فى منبر جديد اسمه المنبر العام!!!! غايتو على قدر فهمى فهمت ان المنبر الحر اتغير اسمو للمنبر العام ...ما فهمت فهمونى؟؟؟؟؟!!!!! انا اعتقد الكلام ده وراهو كلام كتير كتير كتير. كدى قبل ما استرسل خلونا نسمع حاجه منكم .. لانو بصراحه الفتره دى انا مشغوله و ما متابعه الحاصل.... updating سريع كده ما بطال معاى..والا يا جماعه هو اساسا كان اسمه المنبر العام و كنت انا براى مدلعاهو بالمنبر الحر؟؟.. بالجد فقدت الزاكره...
|
|
 
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
That is great
first: you are still alive, despite girayat alkubur
second: after all those years you are still the same old Siham Taha Almujammar, the same tartasha and
kashakasha
keep on like that
and god save the queen
salam
ps: does it make any difference if it is alaam or alhur??? or friend Bakri is also still the same old chaotic fellow
albord bordu wa hu seedu
indik Kalam
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
..
.
..
.
والله ياسهام سبقتنى فى التعليق
وليكن المنبرالعام طالما ان الحرية مفقودة ومخصخصة
ويبدوان الرقيب ارتأى ان يكون عاما بدلا من ان يكون حرا
فيعيث الأحرار فيه فسادا.. فنحن كما تعلمين شعبا ليس له
نصيب من الوعى ولا زلنا لا نستطيع ان نفرق بين الحرية الشخصية وحرية الأخرين
وبين الحرية الفوضوية والديمقراطية الحرة ...
خارج التفاصيل
سلام ياعمو موجة
Miss U walahi
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Tabaldina)
|
الفهم يااختى قسم وزى ماقال عصام الموضوع موضوع طرطشا وكشكشا ساكت وربنا يكون فى عون مجتبى واولاده لان الطرطشة البتكلم عنها عصام هى لسنوات خلت الان الموضوع مضوع خرفنة .
تحياتى لك ولمجتبى والذين من حولكما .
عفيفى
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Afifi Mahamed)
|
Quote: That is great
first: you are still alive, despite girayat alkubur
second: after all those years you are still the same old Siham Taha Almujammar, the same tartasha and
kashakasha |
الاخت العزيزة سهام المجمر
ازيك و كيف حالك‘ واللا زمااااااااااان.
دخلت الى هنا كى ابلغك تحياتى مخلصاً
say hi to Mujtaba
محمد عثمان دريج
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
العزيزة سهام المجمر مشتاقين شديد..
كويس انه الواحد لقاك بي جاي بعد كل هذه السنين .. لا تهتمي لكلام عصام و عفيفي فيما يخص الطرطشة و الكشكشة ديل ناس حاقدين ساي .. و بعدين قراية الكبر دي شنو؟ تحياتي للاخ العزيز مجتبي و قولي ليه وين تلفوناتك؟ وايضا سلامي لصغاركم وكل الاهل.
الاخ ملاسي
صدقت في دي
الصاوي
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: esam gabralla)
|
عصام امسح لى التطبيظ فى وشى والظاهر انا طوالى شايت ضفارى لكن يبدو ان الموضوع سببه احمد ولدى 8 سنوات والذى صدمنى بعبارة افسدت بهجة احتفال زوجتى العزيزة بعيد ميلادى وذلك بعد ان عرف عمر والده الحقيقى فقال موجها حديثه لى (you will die soon daddy) وانا من يومها والدنيا ضايقة بى وما صدقت ولقيت الداف وفضيت فيه مغصتى .
ملاسى مجتبى مهم وانت كذلك وزايد عليهو بالظرافة تحياتى لك ايضا
الصاوى الموضوع ما حقد لكن الحقيقة تنقال كمان .
عفيفى
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
يا عصام جبر الله ده كلام شنو؟
Quote: الصاوى
مالك؟؟ حاقدين و لا خايف القصه تجر رجلينك، صور الثانوى العالى ما بتحلك |
يااخوي انت صورتك بتاعة الروضة دي ما شايفها ولا شنو.. و بعدين صورتي دي ايام السعودية يعني بعد الجامعة بعدة سنوات .. انت ما شايف الجضوم دي؟
يا عفيفي انا لو محلك بعد كلام محمد ولدك ده برجع ودنوباوي
| |
|
|
|
|
|
|
|
|
|
المنبر الحر= المنبر العام؟؟؟؟؟!!!! (Re: Siham Elmugammar)
|
علينا فقط التقيّد مبدئياً بأصول المفردات " الحر - العام "
إنها عملية نقل البورد بطريقة غير ديمقراطية ولا حتى شورية من عهد "الحرية" إلى عهد "العموم" ....
((المنبر العام)) صراحة كدا ذكرني مباشرة بـ"النظام العام" ! للأسف .
ويبدو أن هذا المنبر ليس للمنابرة لذا عليهم أن يتقبلوا اسمه بأي شكل كان .
دمتم،،،
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: saif basheer)
|
الأخ المحترم ..سيف بشير..ازيك..
الاسم ما مشكلة..لكن الحقوق الأدبية لازم نطالب بيها...
البوست الأول كان لي...و متأكدة من الحاجة دي لأني حاولت أفهم الحاصل شنو و أشوف حكاية تغيير الاسم...فتشت البوستات وما لقيت حاجة...عشان كده نزلت البوست...و أرجع لزمن البوستات حتلقى كلامي مثبت بالدليل (قالولو.)..
غايتو جنس صلبطة!
لكن معليش ..مسامحاك..عشان بنتك الحلوة ما شاء الله عليها..و عشان العيش و الملح...!!!
الأخت المحترمة سهام المجمر...أعفي لي عشان دخلت في البوست شمال...لكن لك التحية و العتبى حتى ترضي..
الأخ الكريم بكري...عليك الله أسمح لينا نتمنى عليك فوق ما انت مكرمنا...يعني شوف لينا حكاية ( حشر) بعض البوستات في بوستات أخرى ما ليها علاقة بالموضوع..دحين الباندوث ما بتقلقو الحاجة دي؟!
الرابط هنا...
الموضة دي ما حلوة....!!!!!!!
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Sana Khalid)
|
الأخت العزيزة سناء خالد:
المعذرة أولاً على التعدي على حقوقك الأدبية... كنت أظنني أول من إنتبه إلى التغيير (الواد عامل نبيه يعني!)... لكن يبدو أنه عندما فرغت من كتابة البوست ومراجعته وإلى أن نزل، كنتِ أنتِ قد سبقتيني في إنزال البوست بتاعك.. إحتمال لو كنتُ قمت بالضغط على أيقونة الـ "refresh" لكنت تبينت ذلك..
المعذرة ثانياً لأنني أوردت أسمك "نسرين" والسبب قد يعود دون شك إلى ضعف مهيب في الذاكرة... (إحتما كبير جداً ما يكون عندو علاقة بالسن!!) ... لكن أستوقفتني عبارة "وعشان العيش والملح" ... ذكريني إذا كنت قد تشرفت بمقابلتك من قبل...
قد تلاحظي إنني دخلت على البوست بتاعك حول الموضوع لزيادة الإهتمام بالموضوع "بيني وبينك أنا مافي زول هببو لي في البوست بتاعي"
أعود للموضوع: قرأت الرابط الذي أورده الريس بكري في رده على سهام ووجدت أقرب إجابة في التالي:
Quote: علشان كده يا خردة....يتم تغير اسماء الصفحات وال متا تاغ بصورة دورية للوصول الى اكبر قاعدة بحثة محركية
|
...
تابعت قراءة بوست الريس حتى النهاية ولم أجد أية إشارة إلى جملة من هذا القبيل "لذا فسيتم تغيير إسم المنبر من الحر إلى العام"...
ربما يكون من المناسب إن نكتفي بتعليق عصام في أول دخول له على هذا البوست.
سيف
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: بارعة)
|
ياسلااااااااااااااااااااام ده شنو شنو شنو منو منو منو اكيد فى نعمه نازله على....ود جبرالله بعد غياب طويل... و الصاوى ود الصاوى و لا لا لا كمان السيد الكبير عفيفى...يا خوانا القصه دى كتيره على...انا مش سعيده بس انا مزغططه من الفرح...اي و الله فانتم اجيال سادت و ابت ان تباد...اولا انا اسفه للطعتكم اصلو من كتبت البوست ده ما لقيت اشيل نفسى من العلى..بعيد عنكم زنقة ترزى بس .... وزى ما قال ود جبرالله قراية الكبر وانا بزيد عليها بعاد الاولاد و ابوهم العاجبكم ده .. وانتو وقت مشتاقين ليهو كده لدرجة الملاسى قرر يرسل سلاماته لانو ما ممكن الناس دى كلها مهججه بمجتبى ده ساى ..و كمان ست البوست فى بت ام روحها ما لقت منهم غير طولة اللسان..ما ترسلو ليهو فى ايميلو و بالمره اقنعوه يشترك فى البورد "العام" ده ... تعال يا اولا بتبادى .. يا ود جبرالله انا كويس لازلت محافظه على طرطشتى و كشكشتى لكن كعب........و الله لو ما كان بس البورد ده "عام" كنت قولتها.... و انت يا عفيفى هسه دحين لى كم سنه ما لاقيتك و لا سمعت منك جاى توووش قابض فى كلام ال..... ود جبرالله ده (املا المكان الفارغ بمعرفتك) برضه بقوليك سمح السمح ياخوى انا زى سالف الزكر ما قال.. لكن ما حصل و قعت فى بل.... (برضه املا بجاى براك) و جو غرفونى...لكن بركه طالما ما ولدك ده فى انا حقى بلقاهو.. و الله زمان و الله يا حليلكم.. ود الصاوى خشمك و عندك انت و عثمان حامد جيتو السودان و لاقيتم حبيبكم مجتبى و انا المسكينه دى طناش...مش زى الظريف ود البشير جا اتحفنى بونسه و نسه.. الله يديهو العافيه عندو نظر...
سناء ما تزعلى حقك محفوظ.. وزى ما شايفه البوست ده عاد لى بلمه ما كنت بحلم بيها... الله يديهم العافيه و الواحد الاقيهم فى لمة خير بقهوتها فى الافرويشن... و بعدين ما تصدقى سيف انو القصه عمر..يازوله الزول ده من عرفتو مصاب بالزهايمر...
دررررررررررررررررريج ازيك كيف الدنيا معاك؟؟والله زمان.. بتصدق لو قلت ليك انا رجعت ال AUC تانى عشان اخلص ماستر الهنا ده....سلام مربع لحنان...
بكرى ابوبكر نمره واحد : الله بسألك فى الباص وورد الاديتنى ليها دى...نمره اتنين: النصيحه لسه ما قريت الينك..لكن من هسه ما ح اقتنع... لكن انقلاب المجمراب ما بعيد..بس كتر من وردى... بالمناسبه انا ممكن ابيع القضيه بس عشان المه الحلوه دي... اصلو الواحد بقى "عام"..
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: saadeldin abdelrahman)
|
اختنا سهام:
تفاصيل عن القراية أو مواصلة القراية!!
تعرفي، إنت براك بتدي الفرصة لناس ود جبرالله وعفيفي بعدم تركيزك اللي هم سموهو "طرطشة".. راجعي أنا كتبت شنو عن سبب ضعف الذاكرة | Quote: ضعف مهيب في الذاكرة... (إحتمال كبير جداً ما يكون عندو علاقة بالسن!!) ... |
... وإنتي بدون ما تقري كتبتِ لسناء خالد... (و بعدين ما تصدقى سيف انو القصه عمر.) أنا جبت سيرة عمر في كلامي؟
حاجة تانية ولو إنها إيجابية المرة دي:
| Quote: للاسف برضه فهمى غلبنى |
كلامك هنا بيأكد إنو الطرطشة القالها عصام ما عميقة للحد المزعج إنو إشتركنا أنا وأنت في عدم فهم رابط بكري..
ملاحظة صغيرة قبل ما أقول إلى اللقاء ... بتحسس جداً من إضافة اللام في إسم الوالد (البشير) لأسباب بادية للعيان..
سيف
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: saif basheer)
|
سيف العزيز ...ما خليت لى حاجه اقولها...بعمل فى ماستر فى الجامعه الامريكيه القرايه ماشه كويس و الحمدالله يا خوى الظاهر اختك الامريكان شايفنها شاطره!!!!!... رغم الطرطشه..
هشام يا هشو...سميت البنت منو؟؟؟ ما ضربت لى تانى .. كلامك عن انو الملاسى من حلة الدناقله ح يخلينى اتراجع من طولة اللسان بس عشان خاطر بت باشاب...
الملاسى الله رحمك.. احمد ربك..
يا بت النيل و ين انت يااااااخ
يا بكرى ما نجضتنى ... اها سيف بشير الافهم منى برضه ما فهم يعنى انا مش معزوره ساى انا عدييييل كدى اتعرضت لضغط فكرى اكبر من قدراتى...
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Sana Khalid)
|
الأخت سناء خالد:
لا أصدق.. أها طلعنا أكتر من أهل.. عشان تعرفي البورد دا ضيق كيف..
أنا في غاية السعادة أن أتعرف على زوجة العزيز الغالي خالد ... فرغم طول المدة التي لم يحالفنا فيها الحظ باللقاء، يظل خالد متربعاً في حيز كبير جداً من البال.. ربما أتحمل بعض التقصير في عدم الإتصال به فقد أخذت رقم هاتفه من صلاح عندما جاء يقدم واجب العزاء في شقيقتي الكبرى "سميه" بودمدني في يوليو الماضي، ومنذ ذلك الوقت ظللت في حالة تأجيل متواصل للإتصال بخالد.. وها هو الحظ يتحفني بالإتصال به عبرك... فهنيئاً له بكِ وهنيئاً لكِ به، ودون شك ستكونا ملتقيان في أكثر من الأسم "خالد".. بريدي الإلكتروني في الرد السابق.. يا ريت لو ابو حسن لقى فرقة وكتب إن شاء الله كلمة واحدة..
أما سيف "الفار" فدا موضوع تاني... شفتي المقولة "حضارات سادت ثم بادت" (إستعملتها سهام "بتصرف")... فهذا هو سيف الفار ... باد.. ليس المعني لفظ الكلة الإنجليزية "bad" لكن المقصود؛ إنقرض!!
توقعي سلام من عصام جبرالله أيضاً.. إذا كان لايعرفك من قبل..
المعذرة يا سهام إنو أطلت في السلام على بتنا سناء في البوست بتاعك... لكن يسبق المعذرة الشكر لك في جعل هذا ممكناً...
سيف
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: saif basheer)
|
و انا برضو .......
| Quote: ملاحظة صغيرة قبل ما أقول إلى اللقاء ... بتحسس جداً من إضافة اللام في إسم الوالد |
| Quote: كلامك عن انو الملاسى من حلة الدناقله |
| Quote: الملاسى الله رحمك.. احمد ربك.. |
و الحمد لله من قبل و من بعد.
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
صاحبنا جبرونا (احد الثرى جيز: جبرونا و جاليلو وجبرالله كما سمانا احمد عبدالرحمن ود القانون اللطيف) كان يقول عن الناس المطرطشه انهم عندهم جراده فى راسهم، اختنا سهام دى عندها سرب جراد و بتاع خلا كمان !!!! الله يكون فى عون صاحبنا والوليدات والامريكان كمان
| Quote: بعمل فى ماستر فى الجامعه الامريكيه القرايه ماشه كويس و الحمدالله يا خوى الظاهر اختك الامريكان شايفنها شاطره |
يكون الامريكان حسبوها غلط زى مبررات احتلال العراق و لا يكونو عاوزين يتخارجو من المصيبه الجاتم دى ويخرجوها !!!!!!
فى ابحاث جديده بتقول انه من علامات الخرف المبكر نشاط مفاجئ لبعض خلايا المخ "البايظه" والقديمه مما يساعد على ظهور علامات ذكاء عابره و مؤقته (لحدى الماستر ما ينتهى) بعدها يحدث تدهور مريع فى الحاله العامه لل"شخصه" المعنيه و بلا بلا بلا المصدر:
جامعة العفاض لدراسات الخرف و فقر الدم
http://http:www.uniafad.com
ما علينا دة الله و دى قسمة الاصحاب والصاحبات القسما لينا نصبر بس و الواقعه من السما تحملا الواطه
اخت سناء سلام
| Quote: أنا بصحبة زوجي..(خالد حسن حسين) |
شوف ليك جنس كلام، خالد حسن حسين مره واحده ، كتر خير سهام الجابتك لينا
سيف الفار ده قصه كبيره و خالد قصه اكبر منها، زمن و زمن .... طالما سيف عندو الرقم حانسق معاهو و اتلفن لابو حسن لانو دى ونسة سنين ما عندها غير التلفون
سلام ليهو وللعيال لحين ان نتحدث
يا سيف ملاسي ضامن انو ال "ال" بتاعتو دى ما بتجيب هوا، لكن يا صاحب انت احسن تتضاير ، بى كلوتك الواحده دى ما بتتحمل العصر الجاى ده!!!!!!
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: esam gabralla)
|
قرأت رد سهام المجمر؛ بتاعت الله رحمك تلاتة مرات؛
و في كل مرة يزداد اقتناعي بعدم صحة ما ورد
في مداخلة عصام جبر الله الاخيرة بتاعت جراد الخلا .
موضوع تاني:
سلامات يا سناء خالد؛
باللاهي بلغي تحياتي لخالد حسن حسين؛
و عليكي الله ما تقولي لي بتعرفو من وين.
موضوع تالت:
كيفك يا سيف بشير؛
ما تضمن يا خوي الالف و اللام دي تجيب لينا شنو في المستقبل؛
عشان كدا احسن خلينا في السليم.
موضوع اول:
تحياتي - و لو انها متأخرة شوية - لعفيفي و الصاوي و هشام المجمر.
موضوع مهم:
يا عصام جبر الله؛ عليك الله كلم سهام و قول ليها الملاسي دا تبعنا و كدا.
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Hussein Mallasi)
|
نبدأ من تحت من ملاسى يااخى انا اخذت الموضوع شخصى شنو الفتح دا وانا اشيل واشكر فيك يااخو انت لا ظريف ولا حاجة وكلامى سحبتو وبعد ما عرفت انت من بحرى كلامى مسحتو عديل ونحن اولاد امدرمان جنننا وجن اولاد بحرى وسهام دى بالعنها بموية وبرضو خانقانا.
سهام قلتى بتعملى فى master فى الجامعة الامريكية انا لما خلصت master وبرضو فى الجامعة الامريكية بعد استلام الشهادة مرقت اقدل فى شوارع واشنطون واتكلت فى حيطة البيت الابيض ولسان حالى يلهج بشطارة الامريكان الذين عرفو يقدروا النوابغ ويمنحوهم فرص الدراسة مثل المرحوم اسماعيل الازهرى والان عفيفى عوض الكريم ولكن بعد حالتك هذه وكما قال عصام يبدو ان الامريكان راح ليهم الدليل وبقو يتخبطو ودايرين ليهم زول غير بوش يستعدل ليهم الدرب .
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: saif basheer)
|
يا عفيفى الرسول فيك عاد كما خليت الطرطشه دى بالجنبه شويه كده و سلمت على سمح... و الله و الله والله مشتاقين...ياخ شنو الغتاته دى..و رينا الخبر بيك شنو و الدنيا عامله معاك شنو ... عاد انا حالفه و قاسمه كما فطرت و شربت القهوه معاى ما تمرق.. باقى لسه عندى عقاب قهوه مع محمد و عبدالله بتاعين الافرويشن... تستاهل ونستك ... بعداك ممكن نرجع نتشاكل تانى...ايميلك الم فيهو كيف؟؟؟ انو غايتو بتاعى مع الداف و ود جبرالله...عشان الونسه تبقى بمزاج...
يا سيف عمرك اطول انا غيرت الايميل بتاعى و رسلتو ليك لكن الواضح انك عملت نفس الحكايه فى نفس الوقت عشان كده رسالتى ليك رجعت.. فيك الخير كتبت ايميلك....
يا اخوانا دحين بكرى ده ما طول علينا فى الرد... ما فى مشكله نحن فى النهايه ما سودانيين و لسه عيشين بطريقة العجله من الشيطان... اها كدى شيلو الصبر معاى و نواصل و نستنا فى رجاهو... دحين الصاوى طار و ين؟؟
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
Quote: فى ابحاث جديده بتقول انه من علامات الخرف المبكر نشاط مفاجئ لبعض خلايا المخ "البايظه" والقديمه مما يساعد على ظهور علامات ذكاء عابره و مؤقته (لحدى الماستر ما ينتهى) بعدها يحدث تدهور مريع فى الحاله العامه لل"شخصه" المعنيه و بلا بلا بلا المصدر:
جامعة العفاض لدراسات الخرف و فقر الدم |
عارف يا عصام انا فرحانه شديد بكلامك ده لانو معناها انا عندى مخ.. و كمان خلاياهو نشطه مع الخرف.. كعب انت الشوفنا خرفك من زمااااان و يا كافى البلا ما شفنا اى نشاط لخلايا ان كان قديمه و الا جديده...جامعة العفاض دى بصراحه عجبتنى شديد...
رسلت ليك على الايميل بتاعك ارجو مراجعته...
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Hussein Mallasi)
|
Quote: .
لا يا عفيفي ياخي؛
تقدر تعتبرني تلتين بحري و تلتين امدرمان |
ملاسى دى رياضيات بحرى ولا بورتسودان على العموم ما تخاف اذ انك تنحدر من آل ملاسى ومازلت اذكر ونحن طلبة بكلية القانون مساهمات احد ال ملاسى بمجلة الاحكام القضائية وهو قانونى ضليع كان يشغل منصب قضائى ببورتسودان ورياضياته كانت قوية والواحد عنده ذو ثلاثة اثلاث .
وزى ماقال الشاعر جنى وجن الكلام الكتير
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
| Quote: دحين الصاوى طار و ين؟؟ |
قاااااعد يا بت المجمر لكن شايف القصة جابت ليها فقدان ذاكرة ومبادىء شيخوخة خلايا و مخ بايظه و جامعة العفاض لدراسات الخرف قلت احسن الواحد يتضاير قبال ما ناس جامعة العفاض يقوموا يرسلوا لي قبول.. وبعدين نحن نقعد وين مع ناس حسين ملاسي ده الدخل هنا ضهب وشايفة قعد اتحكر و عمل فيها سيد بيت.
الصاوي
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
الأخوة المحترمين سيف بشير و عصام جبر الله...
لكم التحايا و الأشواق من أبو حسن...و هو يعد بالمراسلة بمجرد عودته من رحلة العمل التي يقوم بها الآن...
العمالمحترم حسين ملاسي...
سلامك وصل و مردود ليك...
لأ..مش مرجع ليك...
يعني أبو حسن من هنا يقرؤك السلام...رداً على سلامك..
و ما بسألك...
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Sana Khalid)
|
الصاوى ما تخاف من جامعة العفاض دى لانو بعد قبولهم حالة ود جبرالله قفلوا..
سيف بشير الصور فعلا صوره كشه... لكن كلو كوم و عفيفى ده لابس لنسس و الا عمل كوركشن بالليزر.. اذا قالع النظاره لزوم القيافه نحمدالله انو امريكا مافيها بلاعات
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
العزيزبكرى... رغم سماعى لانتقادات كتيره للمنبر الكان حر الا اننى اعتقد ان التجربه جديره بالاحترام والتقدير الموصول بالعمل الجماعى الغير مطلوب فيهو ان يكون متجانس.. لست بصدد تقييم التجربه فى الوقت ده... كعضو فى هذا البورد الذى لا انكر هو ملكيه خاصه لكنه ليس مملكه و لا اعتقد انك باى حال من الاحوال تود تحويله للملكه.. ما ارجوه هو توضيح لماذا غيرت اسم المنبر..اخوى بكرى لا يخفى عليك ماقد يحتويه هذا التغيير من معانى و اشارات تهدد ركازات البيت الكبير الذى لك فضل تشييده "على الاقل بالنسبه لشخصى" فبالنسبه لى هناك فرق كبير فى معنى التسميه..ح اتونس مع اصحابى ديل فى انتظارك و لا يفوتنى ان اشكرك على اللمه دى
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Siham Elmugammar)
|
سيف و سهام ومن لف معهم
معليش للتاخير، كنت بتعابط لى مع كيزان وهم كده بي هناك، اتذكرت الاركان والقصص ديك.
تعرف ياسيف انا ذاتى قريت الكلمه دى و ما فهمتها، عملت نايم قلت البت بتقرا فى جامعه امريكيه وعفيفي فى امريكا يكون ده رندوق بيناتم.
العجيبه انا لابس النضاره طوالى ؟؟؟
اها يا البشير اشرح
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: esam gabralla)
|
سهام طالما حلفتنى بالرسول الرسول بعزو وسوف اضع الطرطشة جانبا وشاكلاتها من الاوصاف والنعوت ومع الايام ازداد قناعة بمقولة امك (الكلام على الاخلاق) ، تتبعت اخبارك فى اخر زيارة لى للسودان وعلمت انكم باحدى دول الخليج وما خلتى توب( اب قجيجة ) حايم وونستك بقت بالايدى لزوم الدهب وهنا الطرطشة بقت مكلفة وفيها صرف قروش وربنا يجعل صبر مجتبى خير . احاول هنا ارجاع رقبتى لوضعها الطبيعى اذ اصبحت (بقصدى رقبتى) تحمل بعض صفات الزرافة لانى من ختيت كراعى فى أمريكا وانا راخى اضانى لقناعتى بان رخى الاضان اقصر الطرق لفهم انجليزى الامريكان وطبعا لترخى اضانك يلزم ان تتنى رقبتك وتصورى عصام جبر الله الان وعلاقته بالزرافة لان سوسيرا تتعدد بها اللغات وربنا يعوض الخالة ام الحسن ،نعم هنا مافى بلاعات لكن تلتلت الاولاد اخير منها ازقة ودنوباوى ومطبات المزاد لانو الاولاد عاوزين اى نقاش بالمنطق وكلامهم كــلـو you promise me و you always say that وحسك عينك تمد يدك عليهم تلقى البوليس فى خشم الباب وانا واخيانى الصاوى وصلاح تمساح المقصة مقطعنها فى مصارينا .
عصام وسيف حركات أولاد مدني دى بطلوها والكلام كلام اولاد وبنات عاصمة OK.
سهام اميلى [email protected]
عفيفى
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Hussein Mallasi)
|
كيفك يا عفيفي؛
Quote: ومازلت اذكر ونحن طلبة بكلية القانون مساهمات
احد ال ملاسى بمجلة الاحكام القضائية |
دا اسمو عبدالرؤوف ملاسي؛
و لو قريت بوست اساسي الكتبو عن تراجي مصطفي؛
حتلقاها كاتبا لي:
حقو تخليك زول تمام زي عمك؛ و تبطل الحركات البتعمل فيها دي.
"غايتو حاجة بالمعتى دا"
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Hussein Mallasi)
|
سهام إزيك:
| Quote: ح اتونس مع اصحابى ديل فى انتظارك ولا يفوتنى ان اشكرك على اللمه دى |
وتضمني كيف إنو بكري حا يرد ليك اثناء ونستك؟ مش ممكن تعجبو الونسة هو زاتو ويعمل نايم اكترّ!!
يا عصام:
وانت قايل الباقي هيِّن؟ كدي عاين جنس الكلام دا..| Quote: الا عمل كوركشن بالليزر.. اذا قالع النظاره |
... طبعاً دي مقصود بيها تصحيح لكن أنا في البداية إتخيلتها واحدة من الحاجات البتتعمل في العيون في امريكا لسع ما وصلت انجلترا... الشيء المحير والداعي للإستغراب انو بت المجمر إستعملت كلمة النظارة العربية لفظاً ونطقاً يعني ما كتبت النضارة زي ما بنقول بالعامية.. لكن منطق خطابها كان يفترض ان تكتب "جلاسس" على نفس نسق ""لنسس"... عموماً سبقنا د.صلاح الزين زمان لما قال لينا إنو اللغة دي عندها ديناميكية تتغير بتغير الأحداث والأزمان لما كان بيكتب كلام زي (محايس يتماهى بكل ما هو بدهي .. كوني في تميزه .. متميز في كونيته... الخ)... هل في رابط بين الإتنين ولا انا بخرف؟ وبعدين في داعي تاني تجيب سيرة البحر | Quote: اها يا البشير اشرح |
!!! انا خايف الحكاية تمشي ليها على بشاكير وكدا..
عفيفي:
وما عندكم this is unfair؟... عجبني لي اولاد امدرمان القدرو عليهم اولاد امريكا..
واخيراً يا ملاسي:
اعتقد إنو البوست بقى بتاعك بدون منازع... دا إنت منزل خمسة ردود ورا بعض ... وست البوست نايمة نوم الهنا... وطبعاً لسع بكري ما رد.. مبروك يازول البوست
سلام للجميع
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: saif basheer)
|
ياشباب بنت المجمر وقعت وين و دى مرادف لتعبير طارت وين لان طرطشتا دايما راميها وبالتالى يستحيل مع حالتها الطيران .
ود البشير وطبعا ياشباب دا سيف وماعندهم لا هو ولا احد من اسرته اى علاقة بلاهاى او (فان باستن) قلت وما عندكم this is unfair؟
طبعا عندنا جنس الكلام دا لكن سياستى الكلام البحرقنى بعمل فيها ما فاهمو وبعدين صلاح الزين خليهو ولا انت ماقريت بوست عدلان ( البسبوسة ام شعيرات ) والتى يقصد بها الكنافة حاجة تحير فيكم ياناس الجزيرة .
عصام يا اخوى اعفى لى لله والرسول وطوالى انا حاشر اسمك فى محل ضيق وزى ماقلت ليك من قبل الموضوع موضع صراع باطنى واحاول توسيع الدائرة مرة انت ومرة الداف اها المرة دى المسكينة دى (سهام ) جات براها بكرعينا.
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Afifi Mahamed)
|
العزيزة سهام بت الراجل الفاضل الاصيل ( مديري السابق الله يرحمه كثيرا):
ماهو أعجب ـ يا عزيزتي ـ من كل ذلك هو أن معركة كاد غبارها يعمي
العيون كانت قد اندلعت حول القوانين أو اللوائح التي تحكم العمل والتعامل
مع هذا المنبر !!!.
ثم بدأ العمل بها .. ولكن السؤال : ما جدوى مثل تلك القوانين واللوائح
طالما لا يلتزم بها أحد حتى لو كان سيد البيت الكبير العزيز بكري والذي
كما هو واضح أصبح منفردا بادارةالمنبر ولا شريك له !!!.. ورغم أني أحد الذين
يحترمون هذا الـ ( بكري ) كثيرا ويقدر له أفضاله في فتح هذا الوطن المفترض
لنا جميعا ..الا أنني كثيرا ما أعتب عليه في مثل هذه التصرفات التي ربما تمس روح
التعاون بين أفراد أسرة واحدة جعلت هذا المنبر شراكة وليس حكرا !!!!.
اذ كان الأجدر بالفعل : أما أن يبرر العزيز بكري سبب تحويل المنبر من (حر!!!)
الى ( عام!!!) أو أن يطرح ذلك على الأعضاء/ العضوات هنا ليستمع
لما يقولون فلربما يقنع أحد طرفي المعادلة الآخر ..ذلكم هو من أبجديات
العمل العام في هكذا ظرف ..حسب رأيي المتواضع ..فهل أنتفت عن هذا المنبر
صفة الحرية أم أصبح ساحة عامة للردحي والرداحين دون ضابط أو رابط ؟؟؟
وهنا ربما تختلط المفاهيم وتتداخل !!!!!!!!!!!!!!!.
لك شوقي ياسهام وللأسرة الكريمة سلامي .
خضرعطا المنان
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: خضر عطا المنان)
|
كيفك يا سيف بشير؛
ياخي الويك اند و معاهو اجازة المولد انتهوا؛
و سهام ما قالت دايرا تأجر البوست و للا لا.
______
بمناسبة اجازة المولد دي؛ بتي الصغيرة؛
قبل يومين شابكانا:
انا دايرا امشي المولود ..... انا دايرا امشي المولود.
______
يا سهام بالمناسبة؛
لو انتي ما بتعرفيني انا بعرفك؛
و الدليل انو حقول ليكي سلمي لي على ناس الاسد؛
و تقبلي سلام ناس الاوضة المجاورة ..... 
ناس ال Pure
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: بكرى ابوبكر)
|
| Quote: وهذه هى الرسالة التى يقدمها الموقع للباحثين و خلافه اى توفير المعلومة و الخبر |
ولا حتى توفير الخبر والمعلومه يكفى!
أى خبر وأى معلومه؟
الأخبار والمعلومات ليست "رساله فى ذاتهما"
لابد ومن رساله ليقدمها المنبر عبر الخبر وعبر المعلومه.
| |
|
|
|
|
|
|
|
|
|
Re: المنبر الحر= المنبر العام؟؟؟؟؟!!!! (Re: Khalid Kodi)
|
ليكم جميعا:
بعد يوم غايه من الارهاق و التعب جيت امنى النفس برد من بكرى وونسه مع الاصحاب لقيت خبر الخاتم .. افتكر اعذرونى.. كل شى هسه جايط عندى ..شى عجيب.. اقول ليكم انا بالجد حزينه جدا جدا جدا هسه.. انذكرت كلام واحد من المعزين عند و فاة الحبيب حاج طه عشان يصبرنا قال "كل حاجه بتبدا صغيره و بتكبر الا الحزن بيبدا كبير و بعدين بيصغر" بالتجربه الكلام ده فاضى...فلازال الحزن على كل حبيب هو نفسه.. ممكن البكاهو البيقل لكن الحزن لا.. لا زال حزنى على الحاج كما هو هو و زاد عليهو الشوق الشديد المافى امل انو يتبلا .. الحاج..الاعمام الاصحاب الله الله من الاصحاب ابتسام .. مجدى سيد قاسم و امانى حسن تلك الجميله... حزن فوقه حزن ظلمات بعضها فوق بعض.. البركه فيكم جميعا فى الخاتم
| |
|
|
|
|
|
|
| |
Siham Elmugammar
صديق الموج
Afifi Mahamed
Mohamed osman Deraij
Hussein Mallasi
elsawi
Husam Hilali
بكرى ابوبكر
saif basheer
بارعة
هشام المجمر
saadeldin abdelrahman
خضر عطا المنان
Khalid Kodi
فيس بوك
تويتر
انستقرام
يوتيوب
بنتيريست