دعواتكم لزميلنا المفكر د.الباقر العفيف بالشفاء العاجل
|
|
 الأستاذ محمود محمد طه: كيف داروا في الحضرات؟؟!!
|
إلتقت الشكول بالشكول
((أول مرة سمعت فيها باسم الأستاذ محمود محمد طه ... قلبي ضرب ربربرب ربربرب خفتو ينقلع من محلو))
الأستاذ سعيد الطيب شايب كبير الأخوان الجمهوريين
في أيام رفع فراش الأستاذ سعيد حكى الشيخ الأمين ابو قناية قال كان السعيد بظهر توّله غريب بالأستاذ محمود حتى حسبناه يمثل في ذلك ... قلت اختبرو ... يوم محاضرة للأستاذ مشيت وقف وراهو هو ما شايفني ... والله بديت أوخز فيهو بدبوس ... ما كان بحس ... عرفت انو الزول دة موضوع تاني خالص!!!
سعيد ما كان عندو .. رأيت كثيرين ممن يخالفهم الرأي يختلفون على مجلسه ويجدون ذات ما نجد من البشاشة والترحاب ... رايت في مجالسه بجانب ابوقناية، الواعظ حسن عبدالعزيز حمومة "المحرّض على حريق نادي الخريجين لمعرض الفكر الجمهوري" ورأيت صلاح هاشم "مرشح جبهة الميثاق والذي بيته منزلة للترابي بود مدني" رأيته يأتي بالطعام والشراب وبزوجه لذلك المنزل ... طلب مني مرة السعيد أن أوصله من واشنطون بالكادر الإعلامي الأخواني عمر محمد الحاج – عليه الرحمة وهو طريح الفراش في الأردن .. ومثل هذا كثير ...
إلتقت الشكول بالشكول
|
|
 
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
من يعرف قدره يسلم له قائلا "اعصر خمر وأضرب زمر يأتيك من كل فج زيد وعمرو" كما فعل خليفة الشيخ السمانى، وقد جئناه شايقية وشيوعيين، إسكافية، وأنصاف وجوديين، جآءه الرسامون والمزيكاتية، يمن، وأقباط، استراليين وأمريكان، عمال بناء ومعلمون، طباخون وأساتذة جامعات، بشتون ومناصير وهلالاب، أوزاع القبائل رجالا ونساءا، جآءه بخيت أحمد إدريس والذى كان وهابيا منكرا فى السيد الحسن، فلما رأى ما رأى دلف للجناب وأخذ يعطر المجالس برائعة ود حليب "حرمو أبعنابر من عنا وقام ليهو هابر شوقى لى"، وسلم له العم مجذوب محمد مجذوب الذى كان قياديا بجبهة الميثاق وكتب "انا ومحمود محمد طه أمام الله" فلما ذاق ما ذاق كتب "انا ومحمود محمد طه سويا الى الله"!! قد نظرة منه تفعل ما لا يخطر لك على بال وقد حكى لى دكتور مهدى عبدالله عن رؤياه له يوما يزور مريضا بالقسم الجنوبى ومن "الدخلت ما مرقت"!! من يدرك سره قد يقول له "طبخت لك بنفسى" مثلما فعل الحسن الإدريسى أو يقبله على رأسه مثلما فعل محمد المهدى مجذوب - ليلة مولد ما - قائلا "انت إبن مريم فينا"!! أو يخلع نعليه ويجدّع عمامته مثل حسنا الذى فعلها وأنشده "يا طه وأحمد ومحمّد ... حسن السجمان ومرمّد ختو حملو فوقك وغمّد)!! ومن يجهله فهو أيضا يدعو له "الما عندو حديدة نحنا بنسو ليهو حديدة"، لذلك حلف لى أحمد سليمان المحامى يوما فى واشنطون "على الطلاق تانى مقّنعة بتلد متلو مافى" ولأن ذلك يقيننا فإننا نحس بإنا مقلون فى ابراز ما نحب أن يراه الناس وكأنى به يستحثنا بما كان يردد دائما (ولم أر فى عيوب الناس عيبا كنقص القادرين على التمام)
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
المحاول هنا أن أسجّل لبعض من داروا في حضرات الأستاذ محمود ... لمحات ... متفرقات هنا وهناك ... بعضها اعتمد فيه على الذاكرة وارجو ان يوجد لي العذر إن لم تكن كما هي، ولن تكون!!! هي "نفثات" محب .. ونرجو لها قلوبا محبة
أنا شديد الأمل أن يساهم كذلك القراء الكرام باضافة ما يعن لهم في هذا الباب
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
((جوهرة يا أبني جوهرة))
العم الأستاذ ميرغني حمزة "النصري" ... حكى لي في منزله جوار استاد التحرير بالمزاد بحري (بتصرّف)
((كنت في بورتسودان مدّرس هناك .. معاي أخوة أحباب منهم أونسة سيد الجامع الجنبنا دة ... كنا نقضي وكتنا في صلاة وذكر وعشرة طيبة ... نقلوهم ... تأثرت جدا لنقلهم .. بديت أصلّي وأسأل الله أن يبدلني خيرا منهم ... نقلوني عطبرة ... رسّل لي الجزولي من أهلنا الركابية من رفاعة ... قال لي ولدنا محمود محمد طه متخرّج مهندس من غردون وجاي عليكم .. اتوصوا بيهو ... جا سكن معاي ... دة كان سنة ستو وتلتين الكلام دة .. مما شفتو يا ابني "جوهرة ... جوهرة"!!!)) لا يستطيع أن يقول أكثر من ذلك
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
"دا بيرو يين"!!!
د. على أحمد ابراهيم رحمة ... من دار السلام "مشروع الجزيرة" ... حكى لي أنه، وهو طالب بالمدرسة الثانوية، تم نقله من عنبر داخلي لعنبر خارج المدرسة بمؤامرة تم فيها ظلم كبير ليهو ((كنت مسكين وود مزراعين .. ما عندي واسطة ولا زول يقيف معاي!!! مغلوب قلت الزارعا الله في الحجر بتقومزز مشيت)) ذهب للسكن في العنبر الخارجي الذي لا يحبه الطلاب ويواصل
((شايل لحافي .. في نص العنبر المدرس قال لي خلاص ختو هنا .. دة محلك ... جنبي في طالب نايم .. مغطي وشو بكتاب ... أخدت الكتاب من وشو ... بديت أقرا فيهو ... كلام غريب غريب لكن بحس بيهو زي نابع من جواي كدة... زي شراب لذيذ كدة ... لمن زولي صحا .. قلت ليهو "دة بيرو يين"؟؟؟ وداني ... ومن ديك وعيك))
انتهت بتصرّف .. بعد مرور ربع قرن تقريبا على تلك الحادثة صار الطالبان د. علي أحمد ابراهيم وجاه النبي يوسف عديلان
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
دكتور مهدي عبدالله عبدالكريم ... كان كادرا أخوانيا ... كان يوما هو الطبيب المناوب بمستشفى الخرطوم ... حدث أن كان في حالة زيارة كطبيب للعم الراحل محمد فضل محمد الصديق ... كان الأستاذ محمود في زيارة للعم فضل ... د. مهدي لا يعرفه ولم يره من قبل .. ارتفعت عيناه فرأي الأستاذ محمود ينظر اليه ... لم يقل له ولا كلمة واحدة ... نظرة واحدة فعلت فيه فعلا عجيبا لا يستطيع د. مهدي أن يصفه بكلمات ... ثم دار في الحضرة))
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
((جابني ليهو السيد علي))
العم حسين حسن حامد، من كبار رجال الخدمة المدنية ولكن بساطة فيه لا توحي بذلك، كنا ليلة 17 يناير 1985 في معتقل بودنوباوي .. كان معظمنا طلابا في الجامعات أو موظفين حديثو التخرّج .. في التحقيق لاحظ ضباط الأمن أن "عم حسين" لا يشبه هؤلاء الصبية الذين يشبهون "الشيوعيين"!! سألوه في تحقيق رسمي ((الناس ديل اللماك فيهم شنو؟؟)) جاءنا ضاحكا وحكى لنا: ((بتصرّف))
((قلت ليهم الناس ديل جابني ليهم السيد علي!!!! أنا أبوي خليفة ختمية وأمي ذاتها خليفة ... ما أدركت السيد علي آخد منو الطريق مكاففة ... روحي بقت متعلقة بيهو .. أشوفو كتير في النوم.. أقول ليهو يا سيدي أديني الطريق!!!! يقول لي طريقك ما عندنا!! طريقك عن محمود محمد طه!!! محمود محمد طه أنا لا بعرفوا لا شفتو لا سمعت بيهو ... يوم جانا وليدن لينا بقرا في المدرسة قعدوا معاي في البيت ... الوليد يجي متأخر .. شفقت عليهو وليد الناس أمانة عندي .. سألتو يا ولد انت بتتأخر وين بعد المذاكرة .. قال لي عند محمود محمد طه!! قلت ليهو وين محمود محمد طه دة ... مشيت ليهو ... آها من ديك أنا لا بعرف رسالة أولى ولا رسالة تانية بعرفوا هو بس!!))
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
الأستاذ على عبدالعزيز ... بعد عودته من الأمارت العربية التي كان يعمل بها، زرته في منزله بالحلفاية مجاورا للمحامي كمال شانير الذي كتب له الأستاذ محمود في (رسائل ومقالات – الثاني) عن ((الخير والشر والفضيلة والرذيلة ))... في تلك الزيارة حكي لنا الأستاذ علي عبدالعزيز عن كيف جاء للأستاذ محمود .. يقول أن الأمر كان مقارنة بما كان عليه أمر الدكتور حسن عبدالله الترابي كزعيم له في تنظيم الأخوان المسلمين الذي كان ينتمي له علي عبدالعزيز أيام ثورة أكتوبر ... يقول بتصرف:
((كنت ضابطا للإتصالات في تنظيم الأخوان المسلمين.. طول الليل كنت أنقل في الجرحى للمستشفى ومشاوير مكوكية بين داخليات الجامعة والمشرحة والبمبان ... كنت آتساءل: أين قادتنا؟؟!! لماذا لا يكونون معنا؟؟!! ... الصباح ذهبت للترابي في قصر نسابتو بالملازمين ... كان قد عاد من فترة قصيرة من فرنسا .. وجدته في الحديقة خارجا لتوه من الحمام وبـ "الروب دو شامبخ" ... شاي وكيك و... و.. بعد حديث قصير معه اصبت باحباط لا مثيل له ... قلت لنفسي ما ممكن ديل يكونو قادتنا فخرجت ولم أعد))
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
الأخ المهندس الناجي محمد أحمد رمضان من أبناء ود هاشم على طريق سنار سنجة ... درس بعطبرة الصناعية وكان أقرب لتنظيم الأخوان المسلمين .. في عطبرة الصناعية كان العم الراحل حمد محمود عبد الكريم فراشا بالمدرسة لاحظ الناجي أن عم حمد عندو كفتيرة شاي ما بحرسها بخليها على النار وبخلي كباية جنبها ويذهب ليباشر بقية مهامه.. البشرب يخت قرش قرشين زي ما يتفق ولا ما خت ما في حد سآلو ... الناجي أحس بأن هذا أمر عجاب ولا بد أن يكون له ما بعده وقد كان له ما بعده
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
د. الباقر العفيف مختار (ود قريش) ... جاء من قرية حوش أبكر من أعمال مشروع الجزيرة لكورس أثناء الخدمة بمعهد معلمي رفاعة ... لفت نظره العم الأمين عبدالغفار ابراهيم ... غفير المعهد ... رجل ناحل الجسم ولكن ينطوي على عقل كبير كبير كما لاحظ باقرا ... لاحظ باقر أن شيخ الأمين، وهو غفير المعهد، يدخل في نقاشات حامية مع مدير المعهد من آل كشة ويهزمه هزيمة بينة .. تعلّق بعم الأمين وأخذ يسأله عن هذا الأمر"الغريب" حتى صار من "غربائه"
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
عوض الهادي النور – من أبناء الهجليج – ريفي الجنيد – سألته ونحن بالقاهرة تسعينات القرن المنصرم: الجابك شنو؟؟
((جونا الجمهوريين يوم في الهجليج .. كلمونا .. بعد داك أنا داخل ومارق أجيب في الأكل والشاي وأبكي .. كنت قايلهم ح يقعدوا معانا طوالي .. بعد شوية قالو ماشين .. ماشين وين؟؟ قالوا: رفاعة ... أقرب زول جنبي سلمتو صينية الشاي الشايلا وتلبت في البوكسي))
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
((الكرم "بضم الكاف" دة بتجيبو من وين يا سعيد؟؟))
الشيخ سليمان حمد عنّان من أبكار الشيخ صالح فضل بمورة ... كان متوّلها بحب الأستاذ وعندما يدخل في أحوال يقول عن نفسه (أنا أحمدي إدريسي إنصاري جمهوري ابن كلب!!!) حكى لي العم الراحل محمد الحسن الطاهر أنه بكى لأول مرة بكاءا حااااااااارا أمام الأستاذ محمود عندما جاء ووجد شيخ سليمان ينشد للأستاذ ويبكي ويدخل في أحوال حتى يزحف على بطنه !! فاعداه الحال وأخذ يبكي
عن (الكرم) بضم الكاف حكى لي الاستاذ سعيد أن عم سليمان أنشدهم يوما قصيدة يقول بيت من ابياتها
شربنا من كؤوس الحب صافية يا سعدى من ذاق صافيه
كان بالمجلس شاب (غير جمهوري) علّق ان الإنشاد طيب ولكن كان على المنشد أن يقول كؤوس بالجر وليس بالضم كما أنشد ... يقول السعيد أن عم سليمان انتفض وقال يا سعيد انتو الكرم بتجيبو من وين ... نحنا سمعناها من شيوخنا كؤوس نقولها كدة الجار والمجرور دة ما بنعرفو!!!
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: جمال المنصوري)
|
إلتقت الشكول بالشكول
((شراب!!! شراب!!! شراب!!!)
ذكرتني يا جمال بعمن الراحل عبدالرحمن الله جابو والد عيشة ومحمدو والفاتح ... منزلهم في ود مدني "أم سويقو" قبالة قبة الشيخ ود مدني السني .. كان قادريا هائما ثم أصبح هو وابناؤه جمهوريين .. كان عندما يأتي في هذه الحضرات لا يسلم مكاففة ... يرفع يديه شأن رفعك لهما لتكبيرة الاحرام وينادي ((شراب!!! شراب!!! شراب!!!))
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
((شفتها في كتفو))
العم ابراهيم كمبال يحكي:
((كنا في نادي السكة حديد في جبيت .. جا قطر بورتسودان .. دخل علينا الأستاذ محمود يسلم على اصحابو كان يعمل معاهم زمان في جبيت ... قلنا ليهو يا أستاذ ما تكلمنا شوية ... قال لينا كلامنا كتير ومرتبطين الآن بمواعيد في بورتسودان ... من هناك بنرسل ليكم واحد من أخوانا ... أستدار بكليته ليعود .. في اللحظة دي شفت شيء في كتفو ما بقدر اعرف هو شنو ... خلاص!! لقيت نفسي معاهو))
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
((قلنا ليهو انحنا لقينا زولنا خلاص))
يحكي الشيخ ابراهيم يوسف فضل الله – من أهالي سعادة العقليين – قال أنهم كانوا طلابا بالمعهد العلمي أم درمان بداية ستينات القرن الماضي ... جاء بهم الشيخ محمد المبارك عبدالله ليؤازره في مناظرة له مع الأستاذ محمود محمد طه .. قال كانت حجة الأستاذ واضحة ناصعة وكان الشيخ لا ينهض بحجة ... بعد المناظرة قلنا أها!! انحنا لقينا زولنا ففصلنا وسمانا المغفلين!!!
إلتقت الشكول بالشكول
| |
|
|
|
|
|
|
|
|
|
Re: الأستاذ محمود محمد طه: كيف داروا في الحضرات؟؟!! (Re: عبدالله عثمان)
|
إلتقت الشكول بالشكول
قال الأستاذ أحمد عبدالرحمن العجب – من أهالي سعادة العقليين ايضا – وهو أحد الثلاثة الذين فصلوا من المعهد العلمي (بتصرّف)
((لمن جيت للأستاذ محمود، ورغم صغر سني، ورغم خلفيتي المعهدية لكن أصلو موضوع "صلاة الأصالة" دة ما شغلني .... مع ذلك شفت رؤيا شديدة الوضوح .. شفت الأستاذ بصلي في صلاة تقيلة خالص لمن في الرؤيا اشفقت عليهو .. كان لابس بالطو طويل ... مقدود من ورا .. أول ما صحيت من النوم طالعتني الآية "إن كان قميصه قدّ من دبر فكذبت وهو من الصادقين"))
إلتقت الشكول بالشكول
| |
|
|
|
|
|
|
| |
عبدالله عثمان
سارة علي
جمال المنصوري
فيس بوك
تويتر
انستقرام
يوتيوب
بنتيريست