|
حنين للبلد
|
غياب من البورد مثلها يفتقد
يقولون اسباب الغياب شوية مرض ولكن نحس انه القرف من البورد
نسال الله العلي القدير لها عاجل الشفاء
حنين للبلد رمز من رموز العقلانيه و الاحترام بهذا البورد
و قلم وروح سودانيه نموذج
في الانتظار
|
|
|
|
|
|
|
|
Re: حنين للبلد (Re: osman righeem)
|
هل جاءكَ الخبرُ اليقينْ؟ الليل عاتب نجمةً .. فضحت بطلعتها الظلام ! عبرت تخومَ الكونِ .. شاهدةً على فجرٍ يحنُ إلى الطلوع فاضممْ لقلبك بذرةَ الأملِ الطريٌ خريدةً بيْن الضلوعْ ! وكُنْ تميمةَ مَنْ توسّلَ .. فيكَ عافيةَ الحروفِ وحرّضوكَ على الغناءْ ! واهتفْ بوجهِ الرّيح : إنّ الخوفَ يزحفُ في الشوارعِ .. حيّةً رقطاءَ تُمعِن في الأذى ! فاحملْ يقينك– زادَ عمرِك – لا تخفْ! عبثاً تناطح ظلَها الاشجارُ والساعاتُ تهربُ للوراءْ وانشدْ إذا هبط المساءْ: ياأيها الوطنُ المدوزنُ في القصيدِ.. وفي دمي ، خذنى إليك .. فتىً يعافُ موائدَ اللؤماءِ والساعين باسمكَ ينهبون ويقتلونْ ! بالأمسِ أمطرتِ القنابلُ فجْر قريتنا .. هُرِعنا ! كان رهطٌ من تلاميذِ المدارسِ يرسُمونَ على دفاترهم مزارعَ أو حدائقَ كانت البنتُ الصغيرة والجميلةُ ترسمُ الحلمَ الجديدَ لعالمٍ حلوٍ تفتّق في الخيالْ فكان في كراسة التلوينِ.. أجملَ من فراديسِ الجمالْ ! حلماً بعالمها السعيدْ حلماً بعالمنا الجديدْ فإذا الرّعاعُ الجنجويد.. يحاصرون حدائقَ الوردِ النضيرِ ويشعلون النار باسمِ الله ، في فجرٍ يحنّ إلى الطلوعْ ! هل جاءك الخبر اليقين ؟ مرّتْ خيولُ الغزْوِ فوق جماجم الأطفالِ كان الفاتحونَ بلا حياءٍ.. يرتقونَ رداءَ محنتِهم بضوضاءِ الطبولِ.. وضجّةِ التكْبير !! لا تحزنْ! فهذا العصر أكبرُ من خلافتِهم! وأجمل منه.. أن براعمَ النوّار تُزهِرُ كلما داستْ خيولُ الجنْجويد.. عظامَ قتلانا !!
فضيلي جماع - لندن ديسمبر 2005
| |
|
|
|
|
|
|
Re: حنين للبلد (Re: osman righeem)
|
العزيز عثمان رغيم تحياتي وإحترامي الأكيد
حنين بخير أعتقد أنها ستعود حالما يتوفر لها الوقت لإنشغالها بالدراسة (البنية نجيضة وماعايزة تضيع زمن) ضف لذلك أظنها أيضاً قرفانة للغاية من حاصل ما يحصل هنا كل صباح ، كان في مساعي جادة لعمل كول لها من قبل العزيزة إشراقة مصطفي لكن للأسف هي أيضاً أظنها الآن تحتاج لكول كبير غايتو ربك يهون يا عثمان !!
حنين بالإضافة لكونها رمز للعقلانية وكل ما ذكرته سليم يا عثمان فهي أصدق من رأيتهم هنا علي الإطلاق !! طيبتها وأخلاقها وجديتها وتفاصيلها كلام أمثال حنين من الصعب عليهن إحتمال الأذية لأنهن غير مؤذيات علي الإطلاق .
ولحنين أقول !!!
وتر الكمنجات أترخي وسكب الاغاني علي الارض وليل المغنين أنهزم وياداك صباح المشتهين مشرور علي قيف الامل والنيل موهط في الجبين لا أتبل شوقنا من الهتاف لارجعت قوافل الكلمة لي هادي الدروب لا صابو الدوار حرفي ونلقاك داخر الموج يقين يا متوهط نجم الليل سايق شمش أيامنا وراحل هل كلمتك قبال دة أنو النيل مستني حضورك وإنو القيف راجيك بي صبرو حتي الغيم الكان منشري ومالي بلدنا خدار وسقاية حلف يستني الصبح الجاي ويعيش الإلفة مع العاشقين
هل كلمتك قبال دة
قبل أيام رحلت غيمة قالت تمرق يمكن تلقي هناك أحلامها في ذات اللحظة ضوت نجمة ضوت عسس الليل من حولك وفجت سكك الشوق لي خاطرك أقيف إستني يمكن تلقي ما العيينين الشافن شوقك حلفن تاني بضي عينهن إنو الشوق الشب وحاتك وضي عينيك ما منو بديل
ـــــــــ
خضر
| |
|
|
|
|
|
|
Re: حنين للبلد (Re: خضر حسين خليل)
|
Quote: حنين بالإضافة لكونها رمز للعقلانية وكل ما ذكرته سليم يا عثمان فهي أصدق من رأيتهم هنا علي الإطلاق !! طيبتها وأخلاقها وجديتها وتفاصيلها كلام أمثال حنين من الصعب عليهن إحتمال الأذية لأنهن غير مؤذيات علي الإطلاق .
|
و اكثر و اكثر
| |
|
|
|
|
|
|
Re: حنين للبلد (Re: osman righeem)
|
أخي النقي عثمان رغيم ...
عام سعيد وكل سنة وانت طيب .....
Quote: حنين للبلد رمز من رموز العقلانيه و الاحترام بهذا البورد |
مهما قلنا عن حنين فلن نستطيع أن نوفيها حقها لانها قامه نعجز النظر إليها .. حقيقي نفتقدها ولكن حسب علمي بأنها تحضر للدكتوارة وهو عذر يجعلنا نضع أيادينا على أفواهنا ولا نطالب بعودتها حالياً... لذا نسأل الله لها التوفيق والسداد وأن يحقق لها أمنياتها الطيبة وتنال الدكتوراه بإمتياز فهي أهل لذلك ..... حقيقي يادكتورة ( باعتبار ما سيكون إنشاء الله ) .. نفتقدك كثيراً .. ولكن عزاؤنا الوحيد بأن نراك تحققي ما تصبي إليه . لك الاحترام والتقدير يادكتورة .... وكوني بخير ...
شكراً عثمان ... أها جيت ولا لسه ؟
| |
|
|
|
|
|
|
Re: حنين للبلد (Re: عماد محمود علي)
|
اخي الحبيب عماد لك التحية والشكر
Quote: مهما قلنا عن حنين فلن نستطيع أن نوفيها حقها لانها قامه نعجز النظر إليها |
كان قاصد من السودان جيت
لك شكري و تقديري
| |
|
|
|
|
|
|
Re: حنين للبلد (Re: osman righeem)
|
على الرغم من حزني على قلم بلد و روحها الأنيقة إلا أني لا اكتم إعجابي بأنها عندما اختارت الإبتعاد فعلتها دون ضجيج و إعلانات كما جرت العادة هنا نتمنى قراءة إسمها و مساهماتها مرة اخرى
| |
|
|
|
|
|
|
Re: حنين للبلد (Re: محمد البشرى الخضر)
|
Quote: على الرغم من حزني على قلم بلد و روحها الأنيقة إلا أني لا اكتم إعجابي بأنها عندما اختارت الإبتعاد فعلتها دون ضجيج و إعلانات كما جرت العادة هنا نتمنى قراءة إسمها و مساهماتها مرة اخرى |
نتمني ذلك قريبا
| |
|
|
|
|
|
|
Re: حنين للبلد (Re: سارة علي)
|
سروره
كيفك
(اربع يوم)* وكم تيام خايف يكبرن يبقن سنين ودنين وكمين عام وحاتك يا نجيمة الحي بفتشليك في المجهول واتاريك انت في (بوستي)*
اللهم ارحم ود حد الزين
ورجع لينا حنين
* تصرف
| |
|
|
|
|
|
|
Re: حنين للبلد (Re: osman righeem)
|
اهديها كلمات الشاعر نصار الصادق الحاج
هاجر كى ينسى ان العالم مثقوبا وخطاه مسجونه ورفقة هذا الشارع مضيعة للوقت غادر حيث الميناء الكبرى مأهولة بالركاب قبض الماء كعفور منسى فى الغابة وتوكأ باخرة من اسطول البحر هاجر حيث الارض مغارته المنشودة ليلته الاولى كانت مدخنة لحنين الداخل
ح ن ي ن البلد كل الود .....
شكرا اخ رغيم وانت تتنفس اوكسجين المنبر
| |
|
|
|
|
|
|
Re: حنين للبلد (Re: ناهد بشير الطيب)
|
اختنا الغالية ناهد
سلام ليك ولي المعاك في العوضه قاعدين
Quote: غادر حيث الميناء الكبرى مأهولة بالركاب قبض الماء كعفور منسى فى الغابة وتوكأ باخرة من اسطول البحر
|
وهل من أوكسجين ولقد غابت حنين
| |
|
|
|
|
|
|
Re: حنين للبلد (Re: osman righeem)
|
الخدود الشاربة من لون الشفق عند المغارب ديل خدودك سيدي وسيد الناس يا سيد الحبايب العيون طرتني زول من أهلو غايب والشعر في كتيفو يتهادل سبايب
والله مشتاقيـــــــــــن
| |
|
|
|
|
|
|
Re: حنين للبلد (Re: محمد عبد الماجد الصايم)
|
الاخت الفاضلة حنين للبلد ... تقديري وإحترامي سيدتي ... نعلم أن الدراسة واخدة جل وقتك ... بس هنا أخوتك ينتظرون مرورك الكريم لو على سبيل القاء التحية ولكي يطمئنوا أنك بخير ... فهل تفضلتي سيدتي ؟ نتمنى ذلك ...
شكراً يارغيم شايف صاحبك بقي يقول شعر كماااان ، الظاهر قرب يرجع صفوي ... ماشاء الله .
| |
|
|
|
|
|
|
Re: حنين للبلد (Re: خضر حسين خليل)
|
Quote: ود الصايم شنو ياخ اتصلح معانا شوية وأسمع كلام كوستاوي دة |
خدر حسين يا عمكـ اليومين ديل المنبر بقى ما فيهو غاووون باللاي الشعر دا من زمن بوست البتتوني داكـ ما شفناهو تاني!
أها قلنا نستعرض مقدراتنا القوقلية شوية وكــــــــــدا
| |
|
|
|
|
|
|
Re: حنين للبلد (Re: خضر حسين خليل)
|
Quote: ولا أنكت لي البتتوني نفسوا |
البتتوني ما بسمع الكلام يا عمكـ حذرناهو وما اشتغل بالموضوع!
كلامكـ في بوست ليلى ما ياهو يا خدر كان ما متابع البورد في فترة إيقافكـ ما تناقش في فكرة إنت شغال عشان تنهيها من أخلاقيات البورد!
| |
|
|
|
|
|
|
Re: حنين للبلد (Re: محمد عبد الماجد الصايم)
|
طبعاً أنا فاهم ياود الصايم إنو أكتر بوست ممكن ننضم فيهو بي راحتنا بوست صاحبنا عثمان دة عشان كدة خليني أوريك وجهة نظري في موضوع ليلي !!! تصدق لو قلت ليك موش قصة ليلي براها الانا ما تابعتها أنا في أفلام كتيرة هنا ما بعرفا ولافاهم فيها حاجة لأنو ما بحب أدخل في لغاويس في النهاية الواحد ما بمرق منها الا بي إحباط هو ما ناقصو !! عارف أنا بتخيل لي انو المنبر دة ماشي يبقي أضيق من السودان الـ للمفارقة أكبر قطر وما قادر يلم الناس !!! المنبر دة أنا ما عندي فيهو خلاف بالمعني السيئ بتاع الخلاف مع زول الحاجة البشوف انو من المفروض الواحد يتضامن معاه او يكون عندو موقف وراي واضح أهو بنعمل العلينا وبنمش !!! المنبر دة عشان يكتمل ويبقي ماشي دوغري زي السراط المستقيم بحتاج في الأساس إنو صاحب الأمانة نفسوا يكون جاد في إنو يعيد للمنبر ما افتقده من جماليات !!! العضوية بباسطة ممكن يكون في قانون يردعهم (يردعهم دي طبعاً لأنو البرجوازية الصغيرة بحبو المفردات والآليات دي) في ناس بيعملو جاهدين لتدمير القصة دي !! شخصياً سأبذل كل مافي جهدي للمحافظة علي ما تبقي من منبر مع العمل الجاد والصادق لاستعادة المنبر لبريقه وعودة كل المفصولين بلا استثناء وبعد داك !!! اليجيبو قانون يفصلوهو عراقي وسروال ويلبسوه للناس والبشرط ملابسوا بعد داك يبقي هو الغلطان
ولا كيف ياعمك ؟
سلمت علي النصيحة والله
| |
|
|
|
|
|
|
Re: حنين للبلد (Re: خضر حسين خليل)
|
جيتني في حناني يا عمكـ
ولا كيييييييف!
خدر يا حبيب! كلامكـ دا كلو كويس وما بناباهو يا عمكـ لكن الكلام على الشخص المفصول نفسو ما ممكن في أي حال من الأحوال أنا أقارن إيقاف قدورة فاملي بإيقاف هشام هباني! وحتى هشام أنا ما بعارض رجوعوا .. لكن كمان يحترم عقولنا وآراءنا قبل عقولنا كمان! أي اختلاف رأي لمن يصل لمرحلة شخصنة الأمور وتطلع القصة من خلاف في الرأي لخلاف في الشخصية نفسها تكون الأمور جاطت، والرأي زاتو استحمى خلاس!
إنت عارف هباني وقفوهوا عشان شنو؟ سؤال جـــــادي دا يا عمكـ!
نقطة مهمة: شهيد دا حقوا برااااهــــــو! قعد لي أساسي في حلقوا لمن عمل ليكـ بوست المتصفح داكـ ياخ نفهموا كيف زاتو أنو في روابط بين الناس وفي حاجة اسمها مكاواة وفي حاجة اسمها (غنماية دقيق) يمين ما قدرنا .. في النهاية خليناهو مندرع في رقبة أساسي ومشينا
| |
|
|
|
|
|
|
Re: حنين للبلد (Re: محمد عبد الماجد الصايم)
|
Quote: الخدود الشاربة من لون الشفق عند المغارب ديل خدودك سيدي وسيد الناس يا سيد الحبايب العيون طرتني زول من أهلو غايب والشعر في كتيفو يتهادل سبايب
والله مشتاقيـــــــــــن |
ظاهرة يا عمك
لكن قدر ده
| |
|
|
|
|
|
|
Re: حنين للبلد (Re: osman righeem)
|
ايوااااااااااااااااااااااااااا.. قلبتوها ونسة.. اصلا دة طبعكم..فلان ما خاتي عليكم.. رغيم الجماعة ديل اديهم الكرت الاحمر؟؟؟ ما تقول يدي ماكلاني..
| |
|
|
|
|
|
|
Re: حنين للبلد (Re: osman righeem)
|
فاحملْ يقينك– زادَ عمرِك – لا تخفْ! عبثاً تناطح ظلَها الاشجارُ والساعاتُ تهربُ للوراءْ وانشدْ إذا هبط المساءْ: ياأيها الوطنُ المدوزنُ في القصيدِ.. وفي دمي ، خذنى إليك ..
| |
|
|
|
|
|
|
Re: حنين للبلد (Re: سارة علي)
|
Quote: وتقول لي مااااااا (.......).. النقاط دي ليك انتا يا حمودي..تمها بي راحتك.. بس الكلام ما ليك.. |
مااااااااااا (لي والهوا) .. أنا .. أنا
أها .. الكلام لي منو؟
| |
|
|
|
|
|
|
Re: حنين للبلد (Re: osman righeem)
|
Quote: حنين للبلد رمز من رموز العقلانيه و الاحترام بهذا البورد
و قلم وروح سودانيه نموذج
في الانتظار |
كلنــــا حنين _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: حنين للبلد (Re: osman righeem)
|
Quote: غياب من البورد مثلها يفتقد
يقولون اسباب الغياب شوية مرض ولكن نحس انه القرف من البورد
نسال الله العلي القدير لها عاجل الشفاء |
انشــالله مايكون فيها الا الخيـر وبس الشقيق عثمان عنك طيب .. تســلم يارب من كل شـــر ...
| |
|
|
|
|
|
|
Re: حنين للبلد (Re: osman righeem)
|
الاخ رغيم الاخوة المتداخلين جميعكم اعزاء واحبة لي اشكركم لسؤالكم عني..وتفقدكم لي فنحن في غربة احوج ان نسأل عن بعضنا البعض.. الوفاة الأكذوبة للأخ ياسر بيناوي قذفت بي من عل في المنبر لنكتشف ان الخبر عار من الصحة نتمنى له دوام الصحة والعافية والعمر المديد... وجدت انني لابد ان ادخل لأشكركم كلكم من دون فرز... وارجو ان تتقبلوا عذري في تغيبي عنكم..وبعدي من المنبر ساكون متصفحة...اقراكم واشاطركم افراحكم واحزانكم و "غيره"
شكرا أخو الخير osman righeem
شكرا للاخوة
محمد البشرى الخضر
Yassir Tayfour
خضر حسين خليل
عماد محمود علي
ALGARADABI
كمال علي الزين
طارق جبريل
ASHRAF MUSTAFA
سناء عبد السيد
الشفيع عوض شوشتا
محمد عثمان
ناهد بشير الطيب
أسامة الفضل
نادية عثمان
Maawya Hussein
انعام حيمورة
محمد عبد الماجد الصايم
Kostawi
خدر
عبدالله كع
سارة علي
شهاب الفاتح عثمان
ماجدة عوض خوجلى
والتحية لكل من لم يسال عني ايضا...
وادوني رضاكم
| |
|
|
|
|
|
|
Re: حنين للبلد (Re: حنين للبلد)
|
حنين .. وصفك علي عِرِزْ وكوكاب غيابك تَرَزْ الجوف تَرِزْ.. يا شجرة محنتنا التي شبت في وادينا الاسفيري.. وبََتَّقْت في قلوبنا وفتحت اكمامها.. مالى اراك مغادرة..؟ (الله يكضب الشينة).. سلام اليك في حلك وترحالك..
| |
|
|
|
|
|
|
Re: حنين للبلد (Re: خضر حسين خليل)
|
حنين للبلد ...
قالو كنتي في حفلة انيس ... امسية الكريسماس ..
كنت اتمني اكون عارف شكلك بس عشان اسلم عليكي ...
خضر رجع وانتي بقيتي متصفحة برضاكي (حلمتك يا رب )
...............................
الاخبار الكذابة بقت سمة من سمات المنبر منذ عملية الهكر (البقي ساكن معانا) بس الله يصبرنا علي الموقع دة
محمد
| |
|
|
|
|
|
|
Re: حنين للبلد (Re: hanouf56)
|
اختي العزيزة الحنونة حنين
والله فرحت جدا بحضورك الرائع اليوم واحسست بالامان وانت حاضرة معنا اثناء استقبالنا للخبر الاكذوبة
وكنا جميعا في غاية الالم والصدمة..لكن حضورك خفف عنا الكثير لوجودك الضروري معنا في مثل هذه الحالات
التي نحتاج وقوفك معنا فيها بشدة..
اتمني ان تواصلي يا اختي العزيزة والا تنقطعي فبدونك المنبر ليس بامان.
جدك دائما
اشرف
| |
|
|
|
|
|
|
Re: حنين للبلد (Re: osman righeem)
|
الحبيبة حنين
بركة الشوفناك في عزى ياسر بناوي و قولي لي كلامك ده معناه شنو
يعني ما حتجي داخلة الا للتعزية لمن واحد فينا يموت؟؟
زي ما قال اشرف مصطفى بنحس بالامان لمن تكوني بيناتنا
خليكي معانا اوكي ؟
| |
|
|
|
|
|
|
Re: حنين للبلد (Re: osman righeem)
|
الي حنين للبلد نواحي البلاد الأمريكية : ثلج هو الحكايا صديقتي الجزلة :
قال أبوذر النضيف وهو شايقي قح وشيوعي مكتمل المداد والمزاج في نعيه الميمون لشاعرناالفذ محمد عبد الحي :
نلقاك متوضي وهادي البال عينيك بيرتلو سورة الوجد ووجهك صافي ومحبوب همباتي يكوس لي ستر الحال من جلدو يلتق في الغنيات والبال بيردد سورة الوجد مديت للدنيا سبف من ضو والعتمة تكابس في الطرقات والغنية تخت لي مدها حد والضو بيخش في جفير السيف والسيف بيراهن قايم الحد لي حد الطير ماينقد بعض والكل بيعانق غيماً شال همباتـــــي صحيــــح والدنـــــيا وحيـح وحبيبة بتعـــــصر في المنـــديل
ـــــــــــــــــــ
في قصيدأسماه هتافية لمحمد عبد الحي !!! إحتفيت بنصه ذات مساء من أمسيات السعودية (بنين) ثم أودعته في أقصي أقاصي القلب !! لما تحمله من معانٍ ومفردات ما أنزل الله بها من سلطان لكنه أبوذر النضيف وحده أدرك حجم الفقد وهتافيته تشهد!! ما سأقوله هو إنني أهديك القصيد أعلاه والأمل أن يكون عربوناً لنقول لك يا زولة يادوغرية الحال والممشي (الرسول كان ما رجعتي!!) هي لغة بسيطة لكنها عميقة وأنا أكتبها جاءتني (مريم) وأخريات من نساء حينا نواحي جنوب الخراتيم !!! سأعود آخر اليوم لأحكي
| |
|
|
|
|
|
|
Re: حنين للبلد (Re: osman righeem)
|
حنين، شنو يابت أمى، قصايد و شعر و نداءات، ما تحنى علينا شوية، و إنتى إسمك الحنان كلو،،،،
فقط نتمنى أن تكونى بالف خير ،،،
عذرا يا جماعة، إحنا طبعا كنا مهكرين دوليا،، أقصد، مغيببين جبريا،،
ولا اقول ليكم، ما مشكلة، قلبنا كان معاكم،،،،
شكرا ليك يا رغيم، و لكل أصدقاء حنين، هى فعلا تستاهل كل خير،،
___________________ صديقنا بيناوى، معليش ما حصلنا بوست العزاء،،
البركة بالسلامة،، و خلى بالك من روحك، الاسافير بقت خطر،،،
| |
|
|
|
|
|
|
| |