|
فات الحر قلنا الحمدلله ، جانــا الصقط الليلة ووووب !!
|
الرياض تكشر عن أنيابها وتدينا بالحتة الفيها التلج ... زمان جدي الله يرحمو كان زادو التمر والقراصة - حسبما ذكر الوالد متعه الله بالصحة والعافية - ليلو تمر وصباحو سمنه وعمرو ما قال غطيني يا صفية . .. بلاهي حسي عجوة نجد وقمح شارع غبيرة العام يا الله تحس بالدفو بعد تلاته بطاطين
|
|
|
|
|
|
|
|
Re: فات الحر قلنا الحمدلله ، جانــا الصقط الليلة ووووب !! (Re: حسن مضوي)
|
يا حسن مضوي كيفنكـ طعم حاجات نجد لا يشبه طعم سافل القضارف وجروف مروي الاسم ياهو بس الطعم أجنبي الدخن لونو ما أخدر وبيعيش سنة من غير ما ( يمرِر) >>> برنامج التدفئة بتاعكـ مقنع بس وينو وكت الحاجات دي تصحى الفجر توصل الولد والمدام وتمشي عملكـ ترجع الدنيا غابت وجيعان لو جابو ليكـ ملاح الخميس الماضي تضربو وتشوف درب السرير وين
| |
|
|
|
|
|
|
Re: فات الحر قلنا الحمدلله ، جانــا الصقط الليلة ووووب !! (Re: وضاح عبدالرحمن جابر)
|
Quote: واكتر حاجه الاولاد فى الصقط ده بتعبو شديد من يدخل الشتاء فى الرياض ... الدولاب يتملى ادوية |
مش الحمد لله في أدوية من أصلو ؟ ... بقول ليكـ كده يا وضاح وأنا بتذكر في حته اسمها سما دنقر ( يعني السماء جات نازلة تحت شوية ) ، بين مدينة دوكة والقضارف الحتة دي فعلاً السماء فيها قريبة ولامن يتجمع سحاب زي الفوق داكـ الناس بتعرف انو ما حركة كم يوم لقدام بسبب " الميعات " البتتجمع فيها المياه وتقطع الناس من المدينة لجلب الطعام والدواء - إن وجد - .. نجد صبت فيها شوية غير البرد ما جابت لينا حاجة لكن شوف التقرير ده :
Quote:
أظهرت الإحصائية المرورية في مدينة الرياض أنه خلال فترة هطول الأمطار على مدينة الرياض اليوم الأحد تلقي مركز القيادة والتحكم بمرور الرياض ما مجموعه ( 3802 ) مكالمة وشهدت العاصمة الرياض ( 382 ) حادثاً مرورياً نتج عنها ( 11 ) إصابة وحالة وفاة واحدة وصدم جسم ثابت ما مجموعه ( 13) وحالتا دهس، وبينت عمليات المركز أن عدد المواقع التي شهدت تجمعات مياه ( 41 ) موقعاً، إضافة إلى تقديم خدمات عامة لعدد ( 508 ) متصلين. كما تلقى المركز خدمات بلاغات تجمع مياه وسيارات متعطلة وإشارات مرورية متعطلة وكذلك وجود عوائق على الطريق أشجار وحجارة وغير ذلك من البلاغات التي يتعامل معها المركز. وخدمات خاصة لعدد ( 361 ) طلب مساعدة. وأوضح المقدم حسن الحسن أن المركز شهد تواجد مندوبين عن أمانة منطقة الرياض ووزارة النقل وشركة نجم للمتابعة البلاغات كل حسب اختصاصه، وناشد المقدم الحسن كل من تعرض الى حادث مروري لاقدر الله الى ازاحتها واخراج المركبات عن الطريق ومن ثم الابلاغ عن الحادث. مبيناً أنه تم العمل بذلك اثناء استقبال المكالمات من قبل 993 حيث يتم ابلاغ الاطراف في اخراج المركبات عن الطريق ، ساعد هذا الاجراء في تخفيف الزحام على الطرقات التي عادة ما تحدث نتيجة الحوادث وكثافة في حركة المرور.
|
لكـ الله يا وطن الخير الكِمِل خيرو " ناس سما دنقر "
| |
|
|
|
|
|
|
Re: فات الحر قلنا الحمدلله ، جانــا الصقط الليلة ووووب !! (Re: حيدر حسن ميرغني)
|
الحبيب عمران، تحايا ومحبة،
انتو ما شفتوا البرد الجد جد، في واندهوك وتحت منها علي الساحل، في برد كده قول يا لطيف، اصبعك الكبير جوه البوت بتاع الجلد وتكون لابش شراب بتاع صوف اتخن من جلد القرنتي، اصبعك ينكمش، يا لطيف وايندهوك دي عاصمة ناميبيا. الغريبة الصيف من شهر 12 الي شهر 3و4 والشتاء بيبدأ في شهر 5ويبلغ الذروة في شهر 10
في انجلترا بتكون عادي لابس الجاكيت ، لكن في سواحل ناميبيا لو لبست الجاكت داك يمين يفصدوك ما اطلع منك اي دم. ههههههه
10
| |
|
|
|
|
|
|
Re: فات الحر قلنا الحمدلله ، جانــا الصقط الليلة ووووب !! (Re: Elsanosi Badr)
|
Quote: في انجلترا بتكون عادي لابس الجاكيت ، لكن في سواحل ناميبيا لو لبست الجاكت داك يمين يفصدوك ما اطلع منك اي دم |
ذكرتني غبشة الترابلة في الشمالية عندنا يا دكتور وناسنا هناك ما بعرفو المسوح ، تشوف الواحد تقول ممسح بملح ، ولسه شايلين الحكاية رجالة تلقاهو لابس طاقية فوق وتحت عراقي وسروال عادي ، لا جاكت ولا يحزنون .. وينكـ يا رجل طولنا من صوتكـ ، لمتكـ القصيم واتدسيت فيها
| |
|
|
|
|
|
|
Re: فات الحر قلنا الحمدلله ، جانــا الصقط الليلة ووووب !! (Re: يحي قباني)
|
تحمد ربك يا عمران ( نصيحة من واحد من عجايز الرياض ) اسع دا سقط دا .... لسع انا بهدوم الصيف .... شباب ما عندكم صمغ زماااااااااان لمن جينا الرياض دي كان فيها صقط جد واحد من عجايز ذاك الزمن قام قال ... أسع دا سقط دا حرم زمنا الجينا هنا لو في واحد قدامك فسا طوالي تعرفو بالبوخ مباريهو من وراء ههههههههههه . . . عمران خلاص بقيت فايق رسل لي صوري بدل الصورة الصقطانة الخاتها في البروفايل دي . . مشتاقين ياخي
| |
|
|
|
|
|
|
|