|
Re: عاجل جدا :: ....... شباب الثورة السودانية .......( غدا يوم الكرام (Re: صلاح جادات)
|
بكرة بنمرق كلنا برة شعر
December 15, 2012 شبكة أحرار هاشم صديق
اتوكلت عليك يا الله بكرة بنمرق كلنا بره من كلِ مدينة من كلِ حواري من كُلْ حِلة . بكره بنمرق كُلْ خلق الله . ما نخلى منافق طار بالزانه ما نخلى معولق داسنا اذانا . ما نخلى الباعو النيل وهوانا ما نخلى العقروا لناقة صالح وحشّوا وريدها وبالجبخانة. ما نخلى السووا الدين تلجين والعرقى مدوّر عن عشمانه . ........... اتوكلت عليك يا الله بكره بنمرق كلنا بره من كّلِ مدينة من كل حواري من كْلِ حِلة . نقوقى نصفق للحرية غُبننا كاسر ميه الميه ندوس الكاتل والف سريه نقلع حقنا بالزنديه ناخد تارنا وتبرد نارنا ونبنى بلدنا
| |
|
|
|
|
|
|
Re: عاجل جدا :: ....... شباب الثورة السودانية .......( غدا يوم الكرام (Re: صلاح جادات)
|
الناشط السياسي محمد الفكي سليمان يوم الاحد 16 ديسمبر تبتدي جولتنا الثانيه في مواجهه النظام- لانرفع سقف امنياتنا ولكننا نعمل بجد من اجل اسقاط النظام- الحركه الطلابيه الباسله وشباب الثوره السودانيه بالتنسيق الكامل في يوم (الكرامه)- كل الجامعات السودانيه وشباب الاحياء- معركتنا مع النظام مستمره ولانقول الا ماقال عمر المختار نحن باقون حتي نهايتهم او نهايتنا
| |
|
|
|
|
|
|
Re: عاجل جدا :: ....... شباب الثورة السودانية .......( غدا يوم الكرام (Re: صلاح جادات)
|
علي الرغم من قلة الذين خرجوا اليوم للتظاهر ضد النظام الا ان كميات الحشود الامنية التي انتشرت في كل مكان تؤكد ان الشباب نجحوا في مسعاهم وكل الثورات بدأت هكذا واقرب مثال مظاهرات يونيو التي سخر النظام واعوانه من بدايتها ثم ارتعبوا بعد ذلك ومازالوا يعيشون في رعبها وحشودهم الامنية اليوم اكبر دليل علي ذلك والشعب اذا لم يتحرك اليوم فسوف يتحرك غدا واذا لم تحركه صيحات الشباب فسوف تحركه الازمات وعندها سوف يخرج غصبا عنه وعليه سوف تكون الطامة اكبر ......
علي الشباب مزيدا من الجهد والابتكار في كيفية تحقيق المطلوب
| |
|
|
|
|
|
|
|