|
|
|
 Re: ابراهيم الشيخ :نقول للامام ... نحن ايضا فى المؤتمر السودانى جنودك (Re: محمد عبدالرحمن)
|
دكتور ابراهيم الامين :
فى الاسلام يجب على الحاكم توفير سبل العيش الكريم
نحنا دايرين تغيير سلمى بقدر الامكان ... وباقل الخسائر يجب ان يذهب النظام بالكامل ..
لن نتخلى عن دارفور ولا عن كردفان ولا عن اى شير فى السودان ، وفى كل شبر من ارضه لنا تاريخ وميراث ...
ما حدث فى ودنوباوى سيتكرر فى كل بقاع السودان و ستستمر ..
اقول للسيد الامام ... نحنا ملزمين بتنفيذ وعدك .. والجماهير ستملأ الميادين ..
نحن من خلفك .. ونحن سندك ... ونحن درعك ... ونحن جندك
| |
 
|
|
|
|
|
|
|
|
Re: ابراهيم الشيخ :نقول للامام ... نحن ايضا فى المؤتمر السودانى جنودك (Re: إحسان عبد العزيز)
|
ابراهيم الشيخ :
نهنئ الاحباب بمناسبة عودة ندوة الاربعاء .. والسيد الامام بسلامة الوصول
نقول للامام ... نحن ايضا فى المؤتمر السودانى ... جنودك
الحكومة تأزم الاوضاع ... لماذا مثلا تغلق الحدود ؟ .... ولماذا لا توقع اتفاق مع قطاع الشمال ؟
حمدين و البرادعى وعمر موسي تماسكت ايديهم ونزلوا الشارع مع الجماهير .. لماذا لا يفعل ذلك الامام والترابى وساطع وينزلوا للجماهير ...؟
| |
|
|
|
|
|
|
|
|
|
Re: ابراهيم الشيخ :نقول للامام ... نحن ايضا فى المؤتمر السودانى جنودك (Re: محمد عبدالرحمن)
|
كمال عمر :
الجماعة ديل نحنا بنعرفهم كويس ما بقدروا يخلوا بيعة الامام ذو الشوكة .. او ذو السونكى ...
هى الشريعة وينها الفساد طال حتى الحج والعمرة
وزير الاعلام مسكين .. اس ام سي بتكتب ليه كل حاجة
تانى ما بنجيب عسكرى قدامنا
الامام الصادق ما محتاج يدعم قوش ولا العطا ولا البشير
ونحنا كلنا متفقين انه لا يمكن اصلاح هذا النظام
الدستور مرفوض من طريقة عملو
اوجه تحية لجليلة حميس وكل الذين فى سجون احمد ه
ارون وكل المعتقلين ... وتحية الى يوسف لبس .. قوش مرة قال لى .. لبس لن يرى النور .. و حتطلعوا من المعتقلات مجانين.. وان والله لا اشمت ...
اشيد بالتاريخ الناصع لحزب الامة وقيادتهم
عندنا ميثاق انتقالى ودستور انتقالى ونحنا معارضة متطورة اكتر من معارضات الربيع العربى
و الجماعة ديل قبلوا .. قبلوا ... ما قبلوا ... ما عندنا غير خيار واحد
| |
|
|
|
|
|
|
|
|
|
Re: ابراهيم الشيخ :نقول للامام ... نحن ايضا فى المؤتمر السودانى جنودك (Re: محمد عبدالرحمن)
|
الامام :
قالوا مشينا لندن تغطية ... صحى اذا ساءت فعل المرء ساءت ظنونه ... انا مشيت لتلاتة محاضرات وندوات ....
واما موضوع مصر ... فالمصريين كسروا حاجز الخوف ... وقام بيناتهم حاجز ثقة ... والطرفين يتكلموا معانا وما بتكلموا مع بعض ... طرف بتكلم معانا بثوب الاسلام وطرف بتكلم معانا بثوب الديموقراطية ...
وزمان حزب الامة بحاحى مصر من السودان ... لانو كانت الذهنية الخديوية تتحدث عن السيادة المصرية على
السودان ... الان الوضع مختلف .. همنا ومصيرنا واحد ومشترك نحنا وجنوب السودان واثيوبيا ودول حوض النيل ...
بعدين كيفن ما نهتم ؟ دى حلة نحنا شادينها ... ادارة البديل بعد هزيمة الطغاة .. حلة نحنا شادينها ودايرنها تنجض ....
وما نجحنا كتير ... بس عملنا نداء لتغيير مكان التظاهر يوم السبت حتى لا يحدث صدام
فى موضوع قوش ... فى اقلام موتورة دايره تستخدم كلامنا لادانة او اتهام قوش .. والحقيقة انو جانى اخر ايامو فى المستشارية وداير يقول لى كلام يقنعنى يالمشاركة فى الحوار لكن مؤسساتنا رفضت ... ولم يحدث اى اتصال بيتى وبينه بعد المستشارية ، وربط كلامى بمحاولات ادانتو ما موضوعى ...
وحيطلع بيان من المجموعة الاتقال معاها الكلام عشان يوضح الكلام دا......
وقبل كدا جانى نميرى ومن بعده البشير للمشاركة معهم فى الجكم وانا قلت ليهم التالى ..
نظام فيهو حريات .. غفير بشتغل معاكم ... نظام فيهو قمع .. رئيس ما عاوز معاكم ....
طيب السودان الى اين ؟
الى فجر جديد ... ونظام جديد .. حتما باذن الله ..
والدليل ما يحدث الان لهذا النظام ... كلى ماشغالة ... قلب واقف .. شرايين مسدودة ... دا نظام عندو .. سل ...
العجز والفشل عناصر مكتملة لهذا النظام ....
وكل القوى السياسية قاعدة تتفق الان على البديل وهو البوصلة الهادية ...
الاغلبية فى مؤتمرهم الاخير محتجة
وناس الوطنى وناس الجيش مواطنين شايفين الحاصل دا وشايفين بلدهم ماشة وين ... فطبيعى انهم يتحركوا ... ليه ما يتحركوا وهم شايفين الحاصل دا ....
24 مارس 2011 قدمت اقتراح للرئيس ... نتفق على حكومة انتقالية وبرنامج متفق عليه ورئيس وفاقى ....
والحالة الان فى النظام ... كريتية .... من كريت ... التسوى كريت ...
وحيتحقق الاتفاق على البوصلة ... بعداك السفينة دى تمشي ولا سبيل لمنع الحروب المتوقعة الا تغيير هذا النظام بالكااااااامل ...
ونعمل اقتراح ابراهيم الشيخ والقيادات تنزل تعتصم مع الجماهير ....
**********
| |
|
|
|
|
|
|
|
|
|
Re: ابراهيم الشيخ :نقول للامام ... نحن ايضا فى المؤتمر السودانى جنودك (Re: محمد عبدالرحمن)
|
الخرطوم: سوسن محجوب
أمسك المؤتمر الوطني عن الخوض في أي تفاصيل تتعلق بالمحاولة الانقلابية لافتاً إلى أن الموضوع الآن برمته في أيدي الأجهزة الأمنية التي قال إنها لا تنتظر إذناً من أحد لاعتقال من يثبت تورطه فيها، و دعا رئيس حزب الأمة القومي الصادق المهدي بعدم تأليب قواعده وشحنها بقصة اتهامه بالمشاركة فيها.
وطالب الناطق الرسمي باسم المؤتمر الوطني بروفسور بدرالدين أحمد في تصريحات صحفية أمس المهدي بتنوير قواعده وتهدئتهم بما يخدم الوطن وليست شحنهم بقصص غير مهمة.
السوداني
| |
|
|
|
|
|
|
|
|
|
Re: ابراهيم الشيخ :نقول للامام ... نحن ايضا فى المؤتمر السودانى جنودك (Re: محمد عبدالرحمن)
|
سلام محمد عبدالرحمن
من المؤسف حقاً ان يصدر مثل هذا التصريح من سياسي كأبراهيم والمزعج حقا الزج بالمؤتمر السوداني في سلك جندية الامام
ولكن المحصلة ان هذا كلام في الهواء ساي فالمؤتمرجية الذين اعرفهم لن يكونوا جنود للامام ولا جنود لابراهيم الشيخ وليس لهم قائد سوي الفكرة
ووجود رئيس في حزب كالمؤتمر السوداني هوامر تنظيم وحسن ادارة ليس الا
ان قالها فقد كذب وحان له ان يترجل عن فرس ليس له
| |
|
|
|
|
|
|
|
|
 Re: ابراهيم الشيخ :نقول للامام ... نحن ايضا فى المؤتمر السودانى جنودك (Re: د.أسامة عبدالحليم)
|
Quote: من المؤسف حقاً ان يصدر مثل هذا التصريح من سياسي كأبراهيم والمزعج حقا الزج بالمؤتمر السوداني في سلك جندية الامام
ولكن المحصلة ان هذا كلام في الهواء ساي فالمؤتمرجية الذين اعرفهم لن يكونوا جنود للامام ولا جنود لابراهيم الشيخ وليس لهم قائد سوي الفكرة
ووجود رئيس في حزب كالمؤتمر السوداني هوامر تنظيم وحسن ادارة ليس الا
ان قالها فقد كذب وحان له ان يترجل عن فرس ليس له |
سبحان اللله ..!!
تستاهل يا محمد ..
| |
|
|
|
|
|
|
|
|
Re: ابراهيم الشيخ :نقول للامام ... نحن ايضا فى المؤتمر السودانى جنودك (Re: نيازي مصطفى)
|
Quote: سبحان اللله ..!!
تستاهل يا محمد .. |
الاخ نيازي
فيم التعجب ولماذا يستاهل اخونا محمد
أولا بيني ومحمد الود موصول وهنالك مساحة للحوار بيننا تسمح لي بذلك رغم انني لم اتجاوز في حقه ولا حق الامام
ثانيا تربطني بالاخ ابراهيم الشيخ روابط كثيره اهمها اننا خريجي مدرسة فكرية واحدة . حقيقة كلام ابراهيم دا
لايمثلنا لا فكرا ولا لغة يعني حتي الجندية دي ما من الجارقون بتاعنا
ونحن اذا كنا دايرين نبقي جنود للامام ماكان اسهل لينا نخش في حزبوا ونكفي انفسناعناء تأسيس حزب جديد
| |
|
|
|
|
|
|
|
|
|
Re: ابراهيم الشيخ :نقول للامام ... نحن ايضا فى المؤتمر السودانى جنودك (Re: د.فاروق ابوكساوي)
|
ياحبيب نيازى ...سلام ...
حديث دكتور اسامه يجب ان يفهم فى اطار انها قناعاته
وافكاره ...وعلينا احترام قناعات الاخرين مهما اختلفنا معهم ...
اعتقد ان جوهر الفكرة التى كتبها واضح ...ولم افهم منها
استخفاف بالامام او منى او من حزب الامة ...فقد فهمتها فى اطارها
المقصود...واعرف لاسامه كثير من المواقف المتجردة ...والزول
حقانى لم يبخسنا او يبخس غيرنا فى الصف الوطنى جهدا بذلوه
يوما من الايام ..اعرفه عن قرب الرجل يتجاوز الانتماء الضيق
لفضاء الوطن الكبير فى كل كتاباته ومواقفه المشرفة ...
واهلنا قالوا (المابعرفك بجهلك) ...والدكتور معروف لدينا
وحسن الظن به وبتقديراته واحترامه للاخرين ليس محل شك
من جانبى ...على الاطلاق ...
تحياتى ...
| |
|
|
|
|
|
|
| |
محمد عبدالرحمن
إحسان عبد العزيز
نيازي مصطفى
د.فاروق ابوكساوي
Mohamed Doudi
Abdel Aati
فيس بوك
تويتر
انستقرام
يوتيوب
بنتيريست