سؤال من بنت وردني عبر الفيس بوك للرجال فقط .. النبات للمشاهدة فقط

Quote: طبعا ده موضوع شائك ومعقد جدا واكبر بكتير من انك تفتحه بالطريقة الهزلية دي يا معتز مع احترامي ليك

Quote: أكاد أجزم إنو البت دي عمرها لم يتجاوز الـ 18 سنة !!! لأنو بالجد ده سؤال في منتهي البراءة يا بتي أنت لسه صغيرة علي مواضيع زي دي شوفي قرايتكـ وين و أنسي موضوع العرس من الأساس في الوقت الحالي و أبعدي من الفيس بوك ده شوية و لو أضطريت دخلت الفيس صاحبي ناس في عمرك

Quote: كالاتي يكون السؤال بوست للنقاش بصراحة علاقة البنت بالولد رايكم شنو في الولد لو باس البنت وحضنا هل علاقتهم بتستمر للزواج ولا بخليها

Quote: سلام يا مُعتز ... Quote: كالاتي يكون السؤال بوست للنقاش بصراحة علاقة البنت بالولد رايكم شنو في الولد لو باس البنت وحضنا هل علاقتهم بتستمر للزواج ولا بخليها والزواج مُرتبط بالتوفيق من ربنا سبحانه وتعالى مهما كانت الأسباب إيجابية أو سلبية شأنه وشأن أيّ حاجة أخرى في حياتنا ... ولن تجد إجابة شافية على هذا السؤال إلاّ من حبيبها الذي تركها (لو أخلص النّية) .. ما عدا ذلك حتجهجه نفسها بالتنظير من هُنا وهُناك ... كما أنّه من الصعب أن نُحدّد للحب مقاييس معينة .. قد تكون زوجته أقلّ جمالاً منها وأقلّ منها في كل شيء ولكن قانون القلب وما يهوى يطغى على كل شيء بنظرية (الحب أعمى) ... في حياة الحُب يا مُعتز وبعد فشل التجربة يبحث الطرف (المشوكش) عن الأسباب المنطقية التي قد تقنعه بانصراف حبيبه عنه .. والسبب المذكور في السؤال أعلاه يُشكّل بالنسبة لي سبباً لا أراه منطقياً إلاّ في حالات نادرة غالباً ترتبط بالشك في أخلاقيات الفتاة (في ناس كدا عندها نظريات بقطعوها كدا من رأسهم وأعتقد قد مرّت عليك زي نظام لو كانت بتحبك ما كانت خلّتك بُستها أو لو كانت أخلاقها كويسة ما كانت خلّتك بُستها) فهل فات على هؤلاء أنّك أيضاً من أقدمت على تقبيلها وكأنّ التقبيل عيباً في حقها وحق أصيل بالنسبة لك ... أُكرّر قولي: لن تجد إجابة شافية على هذا السؤال إلاّ من حبيبها الذي تركها (لو أخلص النّية) .. ما عدا ذلك حتجهجه نفسها بالتنظير من هُنا وهُناك ... ولكما كل الود والتقدير ،،،

Quote: سؤال من بنت وردني عبر الفيس بوك للرجال فقط .. النبات للمشاهدة فقط

ثم إننا مشتاغوووووووووووووون شديد

Quote: اوع يكون دقســـت بس يا ظلامي! النبات قلت لي يعملوا شنو؟ ثم إننا مشتاغوووووووووووووون شديد

وكان للشوغ والله نتحداك سنين ضوئية


انت تعال مش في مقولة بتقول البنات سكر نبات ؟
وتييييب






الللهم إني اسالك زيادة في المداخلات

Quote: الللهم إني اسالك زيادة في المداخلات

Quote: حبيبنا معتز موضوع اتى في وقته .. ربما تلك السائلة .. تجرأة وسئلة ..ومثلها كثيرات فضلن عدم التحدث .. فالواقع الآن يضج بمثل هذه الأمثلة .. سؤالها .. يفتح لينا ابواب نقاش عريضه حول التناقض الحاد الذي يعيشه الرجل السوداني ( وهنا لا استثنى احد ) .. تناقض بين ما نكتسب من معرفة وثقافة .. وما نمارسه من سلوك اجتماعي تناقض بين الحب كفكرة .. والزواج كواقع .. كلنا يبحث عن حبيبة .. بكل ما تعنيه من كلمة .. ولكن مع الأسف عندما يحين الزواج .. نلبس جلباب ابينا .. ونبحث عن ست بيت .. ماعندها تجارب سابقه .. يتحول الزواج إلى مشروع جماعي .. تشارك فيه كل الأسرة .. ولابد من مباركته .. هنا ينهزم المثقف والمتعلم .. ونصبح كلنا .. بعقلية غطي قدحك .. التي لاتنظر للحب كقيمة انسانيه .. بل الى الزواج كحفظ نسل وتفاخر بالنسب ..وبعض الشكليات المادية في رايي .. اعتقد انو الحوار يجب ان يكون مفتوح .. وليس ماذكرته الأخت فقط .. من نحن؟ ، وكيف ننظر لعلاقتنا بالآخر .. ؟ تحياتي، اخوك/ ألأرباب

Quote: و الله شوف انا داير اقولك كلام بخصوص بوستك بتاع البوسة و كده اول حاجة كان لحق لغاية باس و حضن و بالتأكيد بس و حضن ديل اليدين ما بقعدن ساى اهه هو وكت سوا دا كلو تانى ماخدة فوق ام كم تاخدا العطشة. لكن كمان هو ذاتو لا يقل عنها سوء باتيانه هذه الافعال. و طبعا يا سيد ابوك ليك زويلك ببدأ يتشكك يا ربى انا الاولانى و لا انا واحد فى صف طويل و عريض و يا ربى البت دى موضوعا واقف فى البوسة و الحضن و لا فى حاجات تانية و تالتة و رابعة و عيييييييييك. دا تفريط و على من تفعل ذلك تحمل نتائجه دون جرس و لولوة

Quote: الاخ معتز اولا السلام وعليك ورحمة الله ونشكر لك هذا وراى هو على السائله ان تعيد النظر فى حكاية هو كمان بحبها وبموت فيها لانى ما اعتقد اذا كان بحبها يتركها عشان باسا وحضنها الا اذا ما ذهبوا اكثر من ذلك وكلام عاصم ماتدوهو الواطه

Quote: سلام حبيبنا ود القريش أول تبادي سلام كتير ومتابعينكن غايتو في سودانيز وعن كثب ردي لبنيتنا التي منحت بوسة لحبيبا أولن الأمر ليس عادي أن تعطي البت بوسة لولد هذا على وجه العموم لكن المرأة وبما لديها من صدق وعاطفة رائعة وتكفي بلد بتنسى في لحظات خطورة هكذا تصرف وانعكاسه على علاقة صحية بينها وبين من تحب ألوم البت على تسرعها في مجتمع يخاف جداً من هكذا (فكة آخر) قبل الأوان وعبر قنواته المتعارف عليها وألوم بأمانة الولد لأنه هو من يعرف البنت وهو ملام أيضاً بقدر البت عمومن لا يصح إلا الصحيح شكرن كتيرن شيتن اخر : قول لعاصم فقيري ردك ما رد أولاد شيوخ كلو كلو ههههههههههه أبو لميس - أبها - الزعودية سلام كتير للجميع

Quote: إنت من زمن حاول يخفي نفسو و هل يخفى القمر في سماه البوديك تتناقش مع بنت عمرها 23 سنة شنو ....؟؟؟ لا إنت حا تفهما و لا هي حا تفهمك ..... (40 سنة بينك و بينها ) قوم لف

Quote: بإختصار كده لو قدمت ليهـــو تنــــازلات أي كــان نوعهـــا بوسه حضنــــه كده تكون أفسدت العلاقـه ، مهما كان إحساسها حسب كـــلام فقيـــري الله أعلم يتزوجها لانه بيكون فقد الثقه فيها، طالما إتنـازلت ليهو ومابيربطهــم رباط شرعي وجهت نظر

Quote: الأخ / معتز القريش ... والأخت الكريمة / صاحبة الرسالة .... تحية الود والتقدير والتجلة .... أولاً أختي العزيزة مسألة الزواج دي طبعاً أقسام ... وطالما أن هذا الرجل قد تزوج فعلاً بأخرى فأرجو أن تحاولي نسيانه وتبدأي حياتك من جديد ... ولا أحد يعرف ربما أن هذا الرجل قد تعرض لضغوط شديدة من قبل أهله أدت به إلى ِأن يتزوج من أخرى غير حبيبة عمره .... صراحة رغم أن القبلة حرام شرعاً ... لكني أراها أمراً عادياً بين المحبين خاصة في زمان الناس هذا ... وما أظن أن صاحبنا قد غيّر رأيه وتزوج بأخرى غير التي أحبها وأحبته من مجرد قبلة ... إلا - وأعذريني في التعبير - إلا إذا رأى إستعداداً وتجاوباً من الطرف الآخر للذهاب أبعد ذلك ... عندها حتماً سيتوقف ويسأل نفسه ألف سؤال قبل أن يتقدم ليخطب من يحب ويكمل مشوار الحب الجميل هذا بالنهاية الطبيعية السعيده .... إصبري واحتسبي أختاه ......مع خالص أمنياتي بأن يبدلك الله خيراً منه ...... وخالص ودي وتقديري ؛؛؛؛؛

Quote: معتز القريش سلام غايتو انا كان شوفت اوختي المتزوجه راجلها ببوسه بمسكم الاتنين بكسرم تقول لي بوسه وحضن قبل الزواج

Quote: رد من الأخ الحسين الحسين (بالانجليزي) Quote: بإختصار كده لو قدمت ليهـــو تنــــازلات أي كــان نوعهـــا بوسه حضنــــه كده تكون أفسدت العلاقـه ، مهما كان إحساسها حسب كـــلام فقيـــري الله أعلم يتزوجها لانه بيكون فقد الثقه فيها، طالما إتنـازلت ليهو ومابيربطهــم رباط شرعي وجهت نظر

Quote: يا معتز يا شقيقي سلام في زمنا نحن لو حصل ما ذكرته هذه البنت لن يكون هناك زواج ولا احترام حتي ... اما اولاد هذا الزمن فلا اعتقد انهم يمانعون

Quote: قمّة الأخلاق والإنسانية أن تتزوج من أغويتها لمُمارسة الرذيلة باسم الحُب .. فإنهن ضعيفات وعاطفيات ...

Quote: ود القريش قال ما بنات يكتبوا... انا ما نبات غايتو مافي زول يقول لي اطلعي! غايته بشكل عام، البوست ده كان eye opener! غايته عمكم قبّاني ولا عمّكم تبارك جو، واطاتكم اصبحت..... اقروا وجعلنا من بين أيدهم سدّاً... بالنسبة للأخت... يا حبيبة، ده لا بحبك ولا راجل زاتو (بالتعريف بتاع مجتمعنا للراجل العندو كلمة)... الحب ما انه يقول ليك كلام حلو اليوم كله، الحب ده فعل، ومسؤولية وإيثار... بعرف شخص احب واحده اول ما دخل الجامعة، بعد فترة حسّ انه عليه مسؤوليات اسرية كتيرة وما حيقدر يلتزم بالزواج مباشرة بعد التخرج، ففسخ العلاقة ووضح للفتاة الاسباب وانها حتتنظر كتير جدا... وفعلا اتزوج بعد التخرج بزمن بعيد... ده هو الحُب... حتى لو ما كان حبه ناضج وقتها، لكن تصرفه تصرف نبيل وتصرف زول محترم ومربّى... زولك ده بايع من البداية وما بستاهل انك تسأليه زاتو... ربنا يقسم ليك اليقدّر قيمتك ومشاعرك ويعزّك ويكرمك... فما أكرمهن إلا كريم... بس ما عايزاك تخلي التجربة دي تسوقك لإنك تتناسي المشاعر في اي خطوة قادمة في حياتك.. ما في اجمل من انه الواحدة تتزوج عن حب.. حب عاقل وواعي ومسؤول... الله يوفّقك

شكرا يا بت الحسين يا (نبات)

Quote: نشـــيد بالتزام النبات بالفرجة بس لغاية هسي

Quote: بعد ما تخلص من حكاية البوس دي أدينا رأيك في المقالدة باللاي عارف في المطار ابرد ســـلام حقنا نحن السودانيين ديل مرة مشيت استقبل المدام و ولما وصلت على الايمان سلمت عليها وبيننا مسافة مترين هههههههههههه جنبي سوريين وفلسطنيين ومصريين كانوا برضوا بستقبلوا في زوجاتهم ياخ يكيفوووووووووك عديييييييييل كدا والله شـــئ مقالدة وشـــئ بوس وشـــئ بكي عدييييييييييييييل كدا وتجي تقول لي باسها وكمان حضنها

شعب متخلف رومانسيا
في بوست بهناك أنصحك تمر عليه
اسمو (الرومانسية عند المرأة السودانية ) أو شئ من هذا القبيل
بس ما تقرا كلام نعمات
وحاة اسم الله طلّعت ليك السودانيات ديل باكات عديييل كدا

Quote: معتز البوست دا تبيـــع؟

لا ما تبيع

Quote: يا معتز يا شقيقي سلام في زمنا نحن لو حصل ما ذكرته هذه البنت لن يكون هناك زواج ولا احترام حتي ... اما اولاد هذا الزمن فلا اعتقد انهم يمانعون

في رسالة يا شيخ العوض جاتني في الايميل بنفس المضمون دا

الرسالة من الأخ سامي بقول

Quote: تحياتي معتز مع احترامي ليك وللعواجيز الفي المنبر ديل لكن الزمن اتغير شديد..مافي حاجه حسي اسمها حب عذري..اكتر من 90% من العلاقات العاطفية الفي الجامعات وبعد الجامعات فيها بوس واحضان!! واكتر من نص ال90% دي فيها اكتر من كده.. دي ما النقطة المهمة..النقطة انو شباب الايام دي متجاوز الحاجات دي بصورة الاجيال الاكبر مننا ما بستوعبوها..يعني الناس بتعرس بنات عارفين تاريخهم مع شباب غيرو..خليك من عملو حاجات معاهو هو !! يا عزيزي نحنا في زمن تشترى فيهو البكارة ب 300 جنيه..تقولي بوس واحضان.. النقطة التانية..ما في زول حيقول ليك انا ما عندي مشكله اتزوج بنت عملت وسوت..لانو الناس حتوصمو بحاجات ما كويسه..يعني الموضوع دا مسكوت عنو..واي زول عامل رايح..والبقعد يبحت ويحفر ورا البنت الدايرها حيتعب شديد بالنسبه لي البنت البتسال..صاحبها دا يا بتسبب..يا اصلا ما زول عرس وعرف انها ما بتديو اكتر من كده وشتت !! ..شكرا لمنحي فرصة المشاركة مع رجاء عدم نشر الايميل سامي

Quote: يا معتز الحكاية شنو الإقتباسات التلاتة الفوق دي كلها مركزة على مداخلتي وفيهم واحد سواني شيخ كمان قال دا ما رد شيوخ أو ما إلى ذلك لكن في واحد قال ليك ولصاحبة السؤال "كلام عاصم ما تدوه واطة" أها قول ليها راجعي البوست كويس

Quote: لماذا هذا الاستوساخ يا معتز يا صاحب البوست ... تردوا على ناس بعدنا ... وكأنا لم نمر من هنا .... عبرونا ياخ .....

Quote: استاذ القريش لك التحيه طبعا زى مازكر الاخ سابقا على حسب البوسه واستجابتا ليها اذا كانت مستسهله الحكايه اكيد حايفكر ممكن تعمل معاهو اى حاجه