|
|
 يا حكامنا جيبوا البينا ولا إنقرعوا وكفوا الشينة
|
Quote: الشرف الباذخ
خليل فرح .
نحن ونحن الشرف الباذخ
دابي الكر شباب النيل
قوم قوم . . كفاك يا نايم
شوف شوف حداك يا لائم
مجدك ولى وشرفك ضل
.. إمتى تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
مابنندس ما بنتوصى ..
نحن نكيل وبرانا نشيل
نحن الطينة ومطر العينة
نحن الوادي برقو يشيل
نحن الصولة سيوف الدولة
ونحن كنانة اسماعيل
بابه العالي وشرفوا الغالى
كان لجدودنا ظل ظليل
يا حكامنا جيبوا البينا
ولا إنقرعوا وكفوا الشينة
دا ود عمي ودا ضريب دمي
وإنت شنو طفيلي دخيل
يا نزلانا أمرقوا الذمة
كيف إنطاق هوان الأمة
شالوا حقوقنا وزردوا حلوقنا
ديل عاوزين دمانا تسيل
من تبينا قمنا ربينا
ما إتفاسلنا قط في قليل
ما فيش تاني مصري سوداني
ونحن الكل أولاد النيل
|
يا حكامنا جيبوا البينا ولا إنقرعوا وكفوا الشينة
الف رحمة ونور على قبر الشاعر خليل فرح
وما نعايشه الان من ظلم وطغيان تيقى قصيدة الخليل اجتهاد المقل مننا لحال السودان الان
|
|
 
|
|
|
|
بلدى يا حبوب
فيس بوك
تويتر
انستقرام
يوتيوب
بنتيريست