|
|
 بشرى لبورداب السعودية .. بخصوص ساهر السماح بـ 10% «هامش سرعة»
|
السماح بـ 10% «هامش سرعة» دون مخالفة من ساهر 12 - 1 - 1434
صحيفة المرصد: كشف الدكتور سعود السبيعي رئيس اللجنة الأمنية في مجلس الشورى، أن نظام ساهر استجاب إلى بعض الملحوظات التي تناولتها وسائل الإعلام، حيث تم رفع السرعات في 50 طريقا داخل وخارج المدن المأهولة، ووضع نسبة 10% هامشا بين السرعة المقررة على الطرق والسرعة المبرمجة للضبط الآلي، بحيث إذا كانت السرعة المحددة 100كم في الساعة لا يتم رصد المخالفة إلا بعد 110كم في الساعة). وأوضح وفقا لصحيفة عكاظ أن ساهر نشر أكثر من 8500 لوحة إرشادية منذ بدء تطبيق النظام.
وبين أن هناك دراسة بشأن مضاعفة المخالفات تأخذ في الاعتبار المنظور الشرعي والاجتماعي لمضاعفة المخالفات.
وأضاف: إن المخالفة تكمن بخطورة السرعة ومدى تأثيرها على السلامة المرورية، على أساس نسبة وتناسب أي أنه كلما ارتفعت السرعة يجب أن تكون العقوبة أشد، ولا يتم ربطها بالمدة والنظر في إجراءات أخرى تضمن الحث على سرعة التسوية مثل حجب الخدمات وحجز المركبة عند تكرار المخالفة فوراً والعرض على المحكمة المختصة عند ضبط القيادة بسرعات عالية .
|
|
  
|
|
|
|
|
|
|
 Re: بشرى لبورداب السعودية .. بخصوص ساهر السماح بـ 10% «هامش سرعة» (Re: جمال الباقر)
|
الواحد بقى ناقش مبالاحساس بس محلات الكاميرات خاتنها .. قبلما يدخل في المدى حق الكاميرا جسمو ينمل ويقوم شوك شوك بعد شوية العربية براها تهدي من روعـة ورجلينك تترفع تلقائيا من العدة التحتك دي 
بس عندي مشكلة مع الاشارات الفيها كاميرات ساهر وما فيها عداد ضوئي يحسب ليك الدقائق
الاسبوع الفات على شارع الامير تركي مع تقاطع شارع ام الحمام المؤدي إلى التخصصي الدنيا ليل .. والاشارة خدراء ويظهر انها في الحركرك كانت .. جيت داخل لما بقيت لي النص .. ولعت لي اصفر .. دخلته فيها لي نصي .. قلت الحي الله والكاتل الله .. وهاك يا وليع فلاشات وانوار .. قلت خلاص دي حلاقة بي خمسمية ريال .. وبقيت احسب الراتب باقي منو كم ؟ الايامات دي اخوكم محمول
وكالعادة لو ما نزلت ليك الرسالة بتاعت الحلاقة في الجوال في الحال .. انتظر بعد تلاتة ايام .. انتظرته تلاتة ايام .. ما نزلت .. دخلته موقع المرور .. ودخلته ارقامي .. برضو ما نزلت .. والله قربته امشي اقطعه ليهم تاااني فنجرية مني ساااكت
يتبع
| |
|
|
|
|
|
|
|
|
 Re: بشرى لبورداب السعودية .. بخصوص ساهر السماح بـ 10% «هامش سرعة» (Re: عبدالمجيد الكونت)
|
Quote: الحكاية شنو ؟ سايق مغمض
كفارة ياحبيب |
لا والله ولا مغمض ولا حاجة
عملوا خدعة ورطونا كلنا
طريق الرياض الدمام طريق مغرى فعلا الواحد بياخد راحتو فى السواقة
ولاننا ناقشين محل الكاميرات بنعرف نسرع متين ونهدى متين
لكن فى فترة العيد جابوا عربيتين اضافيتين ختوهم بطريقة خادعة
عاكسين موقع العربيتين يعنى مستحيل تتخيل انو دا ساهر
والمخالفة فى الطريق السريع بيتضاعف حسب ما عرفت اخيرا
يعنى السرعة عادة المخالفة ب 300 ريال فى الطريق السريع بيرتفع ل400 و500 حسب سرعتك
حلفت بالله تانى ما اسافر بعربية اخير نشوف القطر
| |
|
|
|
|
|
|
|
|
|
Re: بشرى لبورداب السعودية .. بخصوص ساهر السماح بـ 10% «هامش سرعة» (Re: هشام عباس)
|
أعتقد إنو نظام ساهر من أفضل ما أنجزته إدارة المرور بالمملكة
لكن صاحب تطبيقه بعض الخلل والأخطاء في تقديري ...
أولها أن تكون للشركة المنفذة للبرنامج نسبة من قيمة المخالفات ...
مرات بيتخيل لي إنو ببوظوا عدادات الإشارات قاصدين ...
وبعدين حكاية مضاعفة المخالفة عند تأخير السداد .. وأعتقد دي ألغوها ... لأنها ربا عديييييييييل ...
بعدين يا تمبس تقصد ياتو إشارة دي ...
تقاطع الأمير تركي مع أم الحمام المؤدي للتخصصي؟؟ ... يعني اللي بيوصل لليورو مارشيه من الخلف؟
ياخي ده أنا بمشي فيهو كل يوم .. ما فيهو كاميرا .. مالك علينا ...
| |
|
|
|
|
|
|
|
|
 Re: بشرى لبورداب السعودية .. بخصوص ساهر السماح بـ 10% «هامش سرعة» (Re: عبد الباقي الجيلي)
|
Quote: تقاطع الأمير تركي مع أم الحمام المؤدي للتخصصي؟؟ ... يعني اللي بيوصل لليورو مارشيه من الخلف؟
ياخي ده أنا بمشي فيهو كل يوم .. ما فيهو كاميرا .. مالك علينا ... |
ههههههههههههههه .
يا بقة بترجف مالك ..؟
خلاص ارجع وراء شوية .. تقريبا التقاطع القبليها والله اخوك بقى ما قادر يركز زاتوو .. القبليها تقاطع شنو ما ممتذكرو المهم بتجيبك تقريبا طالع من الجهة بتاعت الدانوووب .. في كايمرا كاااربة جدا في الحتة دي .. وزي ما قلت العداد بتاعه مش معطل لكن اتفاجأته وانا داخل عليهو كان في رقم خمسة وماشي على الناقص .. فجاة لقيت اللون اصفر .. كيف ما عارف .. ؟؟
..
يوم الجمعة الفاتت دي برضو بالمساء ..:
انا طالع من شارع التخصصي بعد اليورو ممارشية ماشي على مجمع الاتصالات في الاشارة الفوق .. يمينك بتوديك على العروبة .. ويسارك بتوديك على امتداد العروبة وبيقع على يمينك مجمع الاتصالات ..
داخل على الاشارة وشايفه من بعيد شكلها مطمن بتدخلني .. قام يتلكلك قدامي واحد من الشوام ديل سايق اسرتو في عربية جيب كبيرة .. اتلكلك مرتين قدامي وقعد يتماطل ما بين خايف يدخل وخايف ما يدخل قام رخا العربية في حتة عجيبة جدا .. وانا شادي العربية لاني مستعجل وموقت تماما اني ح اتعداها وح اتعداهو هو زاتو .. قام الزول دا رخى لي عربيتو في مدخل الاشارة بالضبط يعني بعدما اتعديت الطريق الاختياري البرجعك لليورو مارشية مع اليوتيرن ..
قام تاني دخل في الاشارة .. وكانت الوكت داك (برتغاليه) زي ما قال المصري  بقى ما عندي حل غير الحلاقة بي خمسمية ريال او ادخل في الزول دا من الخلف يا اواصل الجري والطيران على امتداد الطريق ودا الكلام الما عايزو لانو بيكلفني زمن واحتمال اعمل حادث مع العربات الداخله من الجهة اليمين .. اتوكلته على الله (وكردته) السوري .. وقومي يا الفلاشات ولعي قدامي .. والسوري قام شدا العربية حقتو وكسح .. وزميلة البورد بتقنع فيني انو اللمبات والكشاافات دي ما حلقت ليك انت .. وانا كلامه دا سامعة ليك رهاب .. رهاااب .. انا كان همي كلو اللحق السوري عشان اخلص منو حق الحلاقة دا وابرد بطني .. ضغطته العربية ولما وصلته قصادو طلعته ليهو يدي اليمين والشمال بعدما فتحته القزاز .. ولوحت بيهم والله عمل اضان الحامل طرشا ولا اشتغل بي ..
من يوم الجمعة الفاتت كلما تدخل لي رسالة انا اجفل وانط .. مرت فترة التلاتة ايام وما جاتني رسالة .. قمت لما لقيت البوست دا فاتح قلته ادخل موقع المرور اشوف الحاصل شنـو ..؟
تصوروا ماذا حدث ..؟
اترك الاجابة لخيال عزيز بشاشا القارئ .. والبخمن الاجابة الصحيحة .. ليهو هدية
| |
|
|
|
|
|
|
|
|
 Re: بشرى لبورداب السعودية .. بخصوص ساهر السماح بـ 10% «هامش سرعة» (Re: tmbis)
|
Quote: ياخي ده أنا بمشي فيهو كل يوم .. ما فيهو كاميرا .. مالك علينا ...
|
الباشمهندس علاء الدين
لك التحية
سعدت جداً بمرورك الكريم لكن قطعت قلب اخونا عبد الباقى
اكيد هسه بمشط الشارع ذهابا وايابا للتاكد من الرادار
عندنا هنا فى الامارات مخالفة الرادار 600 درهم وكل زيادة عشرة كيلومتر فى السرعة بمائة درهم
يعنى لو الشارع سرعته 60 هنالك هامش سرعة 20 كيلو يعنى 81 كيلو بى 600 درهم 91 كيلو بى 700 وهكذا
غايتو الرادار ميزانية منفصلة
مودتى
| |
|
|
|
|
|
|
|
|
|
Re: بشرى لبورداب السعودية .. بخصوص ساهر السماح بـ 10% «هامش سرعة» (Re: هشام عباس)
|
Quote: يخرب بيت ساهر ويخرب بيت الابتكرو
الاسبوع الفات انا دافع 800 ريال
واسبوع العيد دافع 900 ريال
يعنى خلال اقل من شهر 1700 ريال قرضم ساهر الله يقرضهم
شكرا للخبر يا جمال |
الاخ هشام عباس
لك التحية
اولا اعتذر عن اى اسلوب خشن معاك
واجدد اعتذارى لانو فى الاخر نحنا اولاد بلد
الله يعينكم فى ساهر وعلى العموم عشان تكون فى السيف سايد التزم بالسرعة المحدده
نحنا برضو عندنا فى الامارات الرادارات المتحركة مشكلة كبيرة لكن بالنسبة للثابتة عادى جدا جهاز ال GPS يحذرك قبل الوصول اليه بمسافة
مودتى
| |
|
|
|
|
|
|
| |
جمال محمود
هشام عباس
وضاح عبدالرحمن جابر
جمال الباقر
tmbis
عبد الباقي الجيلي
فيس بوك
تويتر
انستقرام
يوتيوب
بنتيريست