|
|
 صورة من محضر التحقيق مع صلاح قوش !!!!
|
عاوز اشركك يا صديقى عضوالمنبر ويا صديقى القارئ فى التحقيق مع صلاح قوش وان تذكر له كل المظالم التى قام بها تجاه الشعب السودانى ابان فترة اشتغاله لصالح النظام فى السودان وتدرجه فى اجهزته الامنية
تخيل تنفسك المحقق والان صلاح قوش يجلس ذليلا بين يديك فى وضع كان يجد نفسه فيه عكسيا دائما
سابدا التحقيق لكم على ان تكملوه انتم
المحقق : الاسم : صلاح عبدالله قوش
المحق: قوش دى شنو كمان
قوش : والله الاسم ده لصقو لى استاذ هندى فى جامعة الخرطوم
المحقق : هو بالله انت قريت فى جامعة الخرطوم ايام القراية مجانى على حساب الشعب السودانى وجيت بعداك تعذب اولاد الشعب السودانى التعب عليهم وقراهم جامعة الخرطوم بدم قلبه ( معاها كف فى الخد الشمال )
قوش : يا زول ما تكفت
المحقق: قلت شنو ما اكفت ؟؟ هو انت شفت حاجة نحن لسع بنستفتح بعدين انت زعلان من الكف ومال لمن نصل لااساليبك العلمتنا ليهافى التحقيق حتقول شنو؟
معليش داهمتنى صلاة الجمعة ساكمل بعد الصلاة
|
|
 
|
|
|
|
|
|
|
|
Re: صورة من محضر التحقيق مع صلاح قوش !!!! (Re: محمد زكريا)
|
ونواصل الى حين عودة المحقق او الراوى او اى كان
ويدخل محقق اخر ويقول للمحقق الاول
- يازول ما تتعب يدك بالتكفت انا معاى الكفاتة, الا يا زول انت صليت؟ اجرى حصل صلاة الجمعة
= ااااى ياخ والله يدى فترت , النجرى نحصل صلاة الجمعة
- كويس انا ح استلم الوردية اقصد التحقيق لحدى ما انت ترجع
= اخد راحتك, وما تقصر وانا ما بفسر
- ما فهمتها؟
= شنو الليلة ما قريت فى منبر سودانيز ولا شنو؟ انت بالطريقة دى ح تتخصم منك البدلات بتاعة متابعة المنبر, اصلو كلمة (الجقة ) دى ما طقشت اضانك؟
- اهاااااااااااااا ود البندر, يا الكارثة ده جاب الكلام ده من وين
= يلا بس ركز لينا على الكلمة دى وما تقصّر
- يا سعادتك بس انا ما بتاع النوع ده, شوف سعادتو اب تكّة
= كويس شوفو, انا ماشى احصل صلاة الجمعة
- حااااااااااااضر, (ينادى بصوت عالى) يا عسكرى اندح لسعادتو اب تكّة قول ليهو محتاجين ليك
وهنا يتململ المتهم ويهمهم قائلاً ياخ انا اللى علمتكم ليهو مش عشان تتطبقوه فينى
- المثل بقول الخبز الببعلمك ليهو قوش يوم تانى تاكلو ليهو قرقوش
وهنا يدخل المحقق التالت سعادتو اب تكّة ويخرج المحقق التانى قائلاً
- استلم
ويتخارج المحقق التانى من غرفة التحقيق
وانا زاتى متخارج من البوست ده
=============
مع انه توقيت صلاة الجمعة عندنا لسة ما جاء
| |
|
|
|
|
|
|
|
|
Re: صورة من محضر التحقيق مع صلاح قوش !!!! (Re: محمد زكريا)
|
Quote:
ده كلام المحقق؟
ولا قصدك انت زاتك يا عادل اللى داهمتو صلاة الجمعة؟
|
محمد زكريا ياخ صحصح معانا شوية
عم ديل لوبيصلو كان بيعملو فى الناس كده
انت ما سمعت ان الصلاة تنهى عن الفحشاء والمنكر وديل بيتغدو بالفحشاء وبيحلو بالمنكر
الليلة مالك بقيت لى دقوس كده مع انك معلم كبير
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عادل عبدالعزيز عبد الرحيم)
|
Quote: محمد زكريا ياخ صحصح معانا شوية
عم ديل لوبيصلو كان بيعملو فى الناس كده
انت ما سمعت ان الصلاة تنهى عن الفحشاء والمنكر وديل بيتغدو بالفحشاء وبيحلو بالمنكر
الليلة مالك بقيت لى دقوس كده مع انك معلم كبير |
والله انت اللى طلعت نايم فى العسل
انت ما قريت الخندق ل فتحى الضو؟
تصدق قاليك بيعذبوك ويعملو السبعة وذمتها ويقومو يصلو جماعة وما بفوتو ساعة صلاة
ده كتر خير مساهمتنا تطلعونا دقوسات
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عادل عبدالعزيز عبد الرحيم)
|
قوش : يشيل نفس طويل ويضع راسه بين كفيه ويسكت مسافة طويله لعله يسترجع فيها ذكرياته مع بيوت الاشباح ثم يتنهنه ويتمتم بيوت الاشباح الاشباح الاشباح الاسم ده والله سمعتو لكن بالضبط كده وين ما عارف ... اه عرفت كنت بقراه فى سودانيز اون لاين وفى الراكوبة لكن بالله عليك الله هو صحى الكلام ده ؟
المحقق : اههها ههه اههها اهه ضحكة طويلة ومجلجلة على هامان يا فرعون يا قوش عليك الله ما تهظر مش انت وعمك نافع اسستو بيوت الاشباح مارستو فيها اشرف مهمات التعذيب ضد الخونة والمجرمين من ابناء الشعب السودانى فى نظركم جاى هسسع تدعى عدم معرفتك بيها وطاخ كف بالجنبة اليمين وكف عكسى بالجنبة اليسار
قوش: ياخ عليك الله ما تكفت انت عاجباتنك جضومى المنفخات ديل ولا شنو ؟
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عادل عبدالعزيز عبد الرحيم)
|
المحقق: شايفك فى الشريط القدامى ابان حملنك الانتخابيه وصفت الناس بالعواليق هل هذا صحيح؟
قوش: نعم سعادتك
المحقق: لماذا؟
قوش: انا لكن قايل بجى يوم زى ده؟
المحقق : تفو على وشك ( بصاق بكمية تجارية على وجه المجرم)
قوش: يعنى امسحها ليك فى وشى ؟ ثمح
المحقق: يا عسكرى جيب المكوة
قوش: سعادتك لكن المكوة دى للحريم بس
المحقق: انطم يازول الاستشوار زاتو بقى للرجال ، ونحن لغينا كل الوسائل الابتدعتها فى التعذيب يا مان
قوش: كويس كل شيخ بطريقته
المحقق: الدهن ده كله حا نسيحه الليله
قوش: واااااااااااااااااااااااااااااااااااى
انا ماشى وجاى،،،
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: محمد زكريا)
|
المحقق : اها الخيار التانى داير المحقق يكون منو الحقق مع على فضل ولا الحقق مع ابو خالد ولا لحقق مع طلاب دار فور ولاانا كفاية عليك ؟؟
قوش : انت منو اول حاجة عشان نعرف كرعينا من راسنا
المحقق: كرعينك فى القبر مدلدلات لكن ما بنخليك تصله بيهنه لازم نتلتك هنا شوية وراسك الكبير الملان مخاته ده ختيته مع مبارك الفاضل الخبيث وكسح بيك عكس الموجة ودردقك لينا يا فارة ... انت ماعارف مبارك وود عمه دا جزء من وظيفتهم معانا فى النظام ده .... تفو عليك وقرصة بالزرادية على صدره قصاد الحلمة بالظبط كده
قوش : احى احى قطعت قلبى ياخ
المحقق : اها عرفتنى ولا لسع انا ود حجر العسل عينى نافع وانت اديتنى كورس فى التعذيب النفسى ( نبذ واساءات) والجسدى
تخصص قريص بالزرديات وعليق فى المراوح
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عادل عبدالعزيز عبد الرحيم)
|
شباب زى الورد
صلاة الجمعة انتهت ونواصل من حيث انتهينا
Quote: هنا يتململ المتهم ويهمهم قائلاً ياخ انا اللى علمتكم ليهو مش عشان تتطبقوه فينى
- المثل بقول الخبز الببعلمك ليهو قوش يوم تانى تاكلو ليهو قرقوش
وهنا يدخل المحقق التالت سعادتو اب تكّة ويخرج المحقق التانى قائلاً
- استلم
ويتخارج المحقق التانى من غرفة التحقيق
|
اها نواصل ولا الباقى تتمو خيال
واصلو العرس بالفاتحة يا ناس ما حلال
وتسمع الحفلة كلها وعلى قلب وصوت رجل واحد
حلال
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عادل عبدالعزيز عبد الرحيم)
|
اللهم نعلم ان قلبوبهم شتى وان قتالهم على ما تبقى من سلطة وفتات ثروة
اللهم جنب اهلنا آثار معاركهم واوردهم ابواب المهالك عن بكرة مفسديهم
دعاء الجمعة
بمناسبة الجمعة يا حبيبنا عادل بكونو سمعو قوش وصحبه المارقين الفاسقين مقطع من خطبة الكاروري اليوم
ان من يخرج عن نظام الانقاذ الرسالي فهو اما كافر او يهودي ( يهودي دي كنت قايها جنس زي النوبي والقحطاني )
تحياتي وواصل يا جميل
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عادل عبدالعزيز عبد الرحيم)
|
Quote:
بمناسبة الجمعة يا حبيبنا عادل بكونو سمعو قوش وصحبه المارقين الفاسقين مقطع من خطبة الكاروري اليوم
ان من يخرج عن نظام الانقاذ الرسالي فهو اما كافر او يهودي ( يهودي دي كنت قايها جنس زي النوبي والقحطاني )
تحياتي وواصل يا جميل |
شقدى حبابك عشرة
عمك الكاروكى ده مطوفش ساى وانا لمن اكون عايز اضحك شوية بفتح النشرة اقصد الخطبة بتاعته دى
هو ماعارف سيرة اليهود دى زاتها بتوديه التوج لانو الجماعة خلاص بقو عسل على سمن مع اليهود بعد هبتتة اليرموك
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عمران حسن صالح)
|
حتتكلم ولا ,,,,,,
اقول شنو ,,,
ماعارف تقول شنو ,,
يا عسكري جيب القزازة ..
قزازة شنو ..
قزازة البيبسي الحجم العائلي ,,
لا لا لا خلاص بقول بقول ..
كلو إلا القزاز دا ..
يلا قول ,,,,,,,,,,,,,,,
| |
|
|
|
|
|
|
|
|
 Re: صورة من محضر التحقيق مع صلاح قوش !!!! (Re: محمد ميرغني شاطر)
|
.
يدخل صلاح قوش مكتب المحقق وهو غاضب ... فينهض المحقق ويودي له التحية العسكرية
- أخرته ترسلوا لى ولادكم كان عطا يديني تلفون وكنت جيتكم بنفسي
- معليش سعادتك دي مجرد إجراءات , ويضغط على الجرس ليدخل العسكري
- بسرعة قهوه سعادة الفريق
- ياحسين في شنو يعني مالكم ........ الحاصل شنو !!!
- أبدا سعادتك دردشة بسيطة عن المحاولة الحصلت أمبارح
- والدردشة دي إلا تجيبوني عندكم كان تزورني انت ولا أي واحد من الشباب
- معليش سعادتك الجماعة متشددين شوية في الموضوع ده
- طيب هات العندك انا ما عندي وقت ليكم
تدخل القهوة ويبدأ التحقيق بين الضابط ورئيسة السابق .........
- عندك تاني حاجة عوز تضيفة سعادتك
- لا .......... بس المره الجاية لو عندكم أى كلام معاى تعالوا لى انا ما فاضي ليكم
- تمام سعادتك
ثم يضغط على الجرس ويدخل العسكري خلي السواق يجيب عربية سعادة الفريق جم الباب
- سعادتك نحنه متأسفين شديد
- ولا يهمك ياحسين , كمال وينوا ما شائفوا
- أترقي واتنقل أنا في حتتو حاليا
- شد حيلكم ياشباب الشغل ده مسؤلية كبيرة وانتوا بتحموا الوطن
- نحنه تلاميذ سعادتك
يخرج الرجل ومعه المحقق يوصله لعربته وفي الخلفية أغنية قديمة لعقد الجلاد ( لا تحلموا بعالم سعيد )
--------------------------------
سيد البوست ومتداخلية الاكارم صباحكم زين
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عبد الناصر الخطيب)
|
Quote:
يخرج الرجل ومعه المحقق يوصله لعربته وفي الخلفية أغنية قديمة لعقد الجلاد ( لا تحلموا بعالم سعيد )
--------------------------------
سيد البوست ومتداخلية الاكارم صباحكم زين |
كتلت لينا الدش ودفنتو ونفّست فرحة الحزانى الما لاقين مطرح
لو ما نحلم ما مشكلة بس خيال صحو ساى وسرحان ما نسرح
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: محمد زكريا)
|
.
محمد زكريا
Quote: كتلت لينا الدش ودفنتو ونفّست فرحة الحزانى الما لاقين مطرح
لو ما نحلم ما مشكلة بس خيال صحو ساى وسرحان ما نسرح |
تصدق السناريو الخيالي الكتبتو فوق ده أكتر سناريو محتمل ........... ما قلته الناس ما تحلم
بس تخلى أحلامه معقولة .......... الرجل كان كبيرهم الذي علمهم السحر وسيجد لديهم كل احترام وتقدير
ما تتصور للحظة أن تساء معاملتوا او يقلل من أحتراموا
تحياتي
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عبد الناصر الخطيب)
|
Quote: قوش:جنابو دقيقة بس ما تضربني
بكلمك بالحقيقة. |
تصدق ياذو اليد الحقيقة معانا نحن لكن نحن ما قادرين نعرف انو الحقيقة معانا
متين نصحى ياخ ونعرف الحقيقة انو الناس ديل نمر من ورق وانهم اضعف من ان يحكمونا كل هذه الفترة
واخرتا عايزين يتشكلو فينا ونحن ذى الهبل مستسلمين ليهم
| |
|
|
|
|
|
|
|
|
|
Re: صورة من محضر التحقيق مع صلاح قوش !!!! (Re: عادل عبدالعزيز عبد الرحيم)
|
Quote: حتتكلم ولا ,,,,,,
اقول شنو ,,,
ماعارف تقول شنو ,,
يا عسكري جيب القزازة ..
قزازة شنو ..
قزازة البيبسي الحجم العائلي ,,
لا لا لا خلاص بقول بقول ..
كلو إلا القزاز دا ..
يلا قول ,,,,,,,,,,,,,,, |
حبيبنا الشاطر
طبعا التعذيب بالقزاز ده واحدة من الاساليب التى استحدثها الجهاز ابان حكم سيادته للجهاز
لذلك اهلنا بيقولو البسوى السم لازم يضوقو
| |
|
|
|
|
|
|
| |
عادل عبدالعزيز عبد الرحيم
محمد زكريا
صديق الموج
وضاحة
حافظ انقابو
محمد علي شقدي
ذواليد سليمان مصطفى
عماد شمت
عمران حسن صالح
محمد ميرغني شاطر
فيس بوك
تويتر
انستقرام
يوتيوب
بنتيريست