كتب الكاتب الفاتح جبرا المتوفرة بمعرض الدوحة
|
الـحـركـة دي مـا كـويـّسـة ... والله صـحـي ...
|
مسطول وقّف بتاع الحركة. قال ليهو، أسمع يا جنابو، حسن جلكسات دا أنا دينتو مِيّة جنيه وابا يرجعا لي، وعايز أفتح فيهو بلآغ. البوليس قال ليهو، طيّب بلآغك دا ما تمشي تفتحو في قسم الشرطة، جاي تفتحو عندنا نحن بتاعين الحركة ليّه ؟؟؟ المسطول قال ليهو، عشان الزول دا حركتو العملآ دي ما كويسة...
|
|
|
|
|
|
|
|
Re: الـحـركـة دي مـا كـويـّسـة ... والله صـحـي ... (Re: معاوية المدير)
|
اولاً نطالب بتغيير الإسم. يعني الأسامي إتعدمت واللآ شنو ؟؟؟ في مليون إسم لآيقات عليها، في داعي يسموها إسم هي في الريف، والإسم في عبد اللطيف ؟؟؟
إقتراحات: ممكن يسموها حركة العصبجية. حركة اللومنجية. حركة النهب والنصب. حركة ..... إلخ من الأسامي اللآيقة معاها.
غايتو اللسم دا ما لآيق معاها، وأنا حدستكم. مخيريييييييين...
| |
|
|
|
|
|
|
Re: الـحـركـة دي مـا كـويـّسـة ... والله صـحـي ... (Re: ود الباوقة)
|
Quote: أضاف طه "ان الحرية التي نتمتع بها في بلداننا يجب ان لا تدفعنا الي الغرور والعلو والوصاية علي علي الناس" مشيرا الي ان ما أدي الي ضرر الاستبداد والظلم في كثير من بلدان العالم هو احساس الحكام بان ما نالوه من الحكم هو اجتهاد منهم ولا يرجعون الأمر لله، وقال إن قضية السلطة والحاكمية والدولة يجب ان يرجع فيها الي مقاصد الشرع. |
Quote: المرض نسأل الله أن يجعله كفارة لأننا في مواقعنا يكون ناس كثيرين اتظلموا وناس حقوقهم راحت وناس يشكونا لله، ومحتاجين لأشياء تطهر برضو، ونسأل الله سبحانه وتعالى أن يتقبل من الجميع. |
يا جماعة عليكم الله بطلو حركات محمد عاورة البتعملوا فيها دي. حركتكم بايخة. والله صحي...
| |
|
|
|
|
|
|
Re: الـحـركـة دي مـا كـويـّسـة ... والله صـحـي ... (Re: طارق جبريل)
|
Quote: انت فايق ورايق
وانا بالي مشغول
بقيت ما بتتصل مالك يا الظربون |
كمان، انت البتتصل عليهو. سجمنا معاوية المدير طلع كيسو فااااااااااااضي ساكت. . . . النبي فيك كان ما مسحت رقمي من تليفونك...
وبالمناسبة اسي عليك الله نوع ود الباوقة دا تتصل عليهو عشان تقول ليهو شنو..
طارق جبريل، هو الخرف دا كيفنهو؟
| |
|
|
|
|
|
|
Re: الـحـركـة دي مـا كـويـّسـة ... والله صـحـي ... (Re: معاوية المدير)
|
أها يا Ashraf el-Halabi تعرف في شباب بتاعين رآبطة عندهم دورة رياضية، وبيجمعوا في تبرعات. أها، قاموا مشو لعمّك راجل كبير، قالوا ليهو، يا عمو دايرين مِنّك تبرُع عشان عندنا دورة. عمّك طوالي قال ليهم، أنا التبرُع بديكم ليهو، لكن الشي دي غيرو أسِما .
الفرق بين ناس الدورة وناس الحركة. ناس الدورة هدفهم نبيل، وأسمهم كعب، وناس الحركة أسمهم جميل، وهدفهم كعب.
عشان كدا نحن بنطالب بتغيير إسم الحركة. يعني بدل الحركة الإسلآمية، يسموها الحركة القِرديّة، الحركة الإكروباتية، ولو سموها حركة في شكل وردة برضو بتخارج معانا. المهم يغيرو الإسم لأنوا ما لآيق...
| |
|
|
|
|
|
|
Re: الـحـركـة دي مـا كـويـّسـة ... والله صـحـي ... (Re: معاوية المدير)
|
Quote: كمان، انت البتتصل عليهو. سجمنا معاوية المدير طلع كيسو فااااااااااااضي ساكت. النبي فيك كان ما مسحت رقمي من تليفونك...
وبالمناسبة اسي عليك الله نوع ود الباوقة دا تتصل عليهو عشان تقول ليهو شنو..
طارق جبريل، هو الخرف دا كيفنهو؟ |
Quote: والله يا راني صحبك دة اظنو بقى فاطي سطرين |
طارق جبرين وراني !!! يهوووووون ما يقسي. يا قول حبوبتي. كمان بتدوروني أقاطع الأرحام ؟؟؟ ليكم ولي زمانكم، ود الباوقة دا ود اعمي تب، وهسسسسع أكان عمر البشير إعتدى علي ود الباوقة بيخلي الحركة الماكويسة ويقيف في صفي. كمان أسعلوهو، تراهو ما بعيد بيسمع في هوايلكم.
حركتكم دي زي حركة الجماعة، بايخة. دحين تاني لا تكرروها.
يمسح دقنوسك يا راني...
| |
|
|
|
|
|
|
Re: الـحـركـة دي مـا كـويـّسـة ... والله صـحـي ... (Re: Ashraf el-Halabi)
|
ههههههههههههه،،،،،،،
يا الحلبي قال ليك، الشايقي جا لِقى نسوان الحِلة مسوياتلهِن كرآمة، والشفع يدقوا في الصفايح وعاملين زيطة. سألِن: مالكِن، في شنو ؟ قالنلو: القمرا خسفت ! قالهِن: ما من عمايِلكِن السودا. قالنلو: عمايلنا السودا شِني كمان ؟ قالهن: قاعدات تزيدِن المريسِي موية.
نجيهة شنو البنجهن ليها أنا، المصيبة دي من حركتن السودا، وعمايلن الأسود منها. لا ترموها فوقي ساكت، الله بيحاسبكم أنا يتيم. والله صحي...
| |
|
|
|
|
|
|
|