|
|
|
 Re: عودة المغتربين لقضاء الإجازة بالوطن ترفع معدل انتحار السودانيات (Re: Asim Fageary)
|
| Quote: علشان يقضى وقت لزيز ويحمل المراة ويرجع ويكون قروشوا كملت |
والله هو مفروض مايحملها مادام هي مريم العذراء .
يخليها تحمل براها وهو يرسل ليها رطبا جنيا
بعدين العيال زاتهم ملوا اسواق بن داود وهايبر بنده الواحد يتعب حيلو ليه !!!
الواحد لو اشترى ليهو اتنين تلاتة من هناك فيها شنو يامغتربين المملكة ؟!!
غايتو ياوضاحة ضغطتي على ناس الرياض شديد ..
| |
  
|
|
|
|
|
|
|
 Re: عودة المغتربين لقضاء الإجازة بالوطن ترفع معدل انتحار السودانيات (Re: فايزودالقاضي)
|
عزيزى الآخ محمد إي سيمان ،، تحية طيبة وبعد ،،
| Quote: لم يسند الأخ الطبيب دعواه إلى أي دراسة أو تقرير إحصائي. |
لقد تابعت البرنامج من بدايته لنهايته وحقيقة كان برنامجا شيقا جداَ حتى
أننى أتصلت مع أولادى بمشاهدة البرنامج لانه يخص نسوة السودان بالدرجة الاولى
ومن ثم من يصبغون شعرهم من الرجال والنساء .
بل هذا الطبيب قال كلامه الذى اقتبسته بالاعلى مستندا على تجاربهم حيث قال بالنص:
بحكم الحالات الواردة إلينا فى السنة فإننا لاحظنا بأن معظم الآنتحارات موسمية تحدث فى فترة
أجازة المغتربين لأن الشواكيش تحصل عند قدومهم هنالك ،، معنى ذلك هذه الانتحارات تحدث
مابين شهر يونيو وسبتمبر .
أهم المعلومات التى خرجت بها من البرنامج هى الاتى :
1- واحدة من كل خمسة حنانات مصابة بفشل كلوى مزمن .
2- إذا لم يراجع الشخص الطبيب فى خلال 6 ساعات من الاصابة بالصبغة فإن الموت محقق
3- الآعراض البائينة للشخص الذى تسمم بالصبغة هى وسع العينين وتخشب اللسان مع البروز
للامام ،، اما أذا وصلت الحالة للتشجنات والغيبوبة فإن الحالة تكون متأخرة .
4- الصبغة ممنوعة من الاستيراد الا انها تاتى عن طريق التهريب من مصر واثيوبيا وتعرض
فى الدكاكين بصورة عادية وبدون اية رقابة او محاسبة .
5- عدد الحالات التى ترد فى المسشتشفى سنويا فى حدود 400 الى 450 شخص .
6- لا ترياق للصبغة على الاطلاق ويترك العلاج حسب اجتهاد الطبيب
7- كان احد الضيوف يعرض حجر من الصبغة اصغر من قبضة اليد فقال أن نصف هذا الحجر يمكن
ان يقتل نصف سكان الخرطوم فى لحظة .
8- يمكن اجراء الحنة والصبغ بمعالجات خالية من الصبغة تماماوعلى المشترى ان يتأكد من خلو
المادة التى يشتريها من مادة الصبغة فى العبوة .
مع التحية لكم جميعا ،،
ماهر
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: عمار عبدالله عبدالرحمن)
|
Quote: هل المشكله فى
1- رامى مرته سنين او اكثر من سنه
2- قضى وقت لزيز وحمل المراة
3- قروشوا كملت
موضوع التلميح بالتقليل من شأن المعتربين بالسعوديه او رفع شأن المغتربين الاخرين دة ح نفتحوا بعد الاجابه على الاسئله اعلاه |
الأخ محمد E
السـلام عليكم
اخوانا في الهـم ارجـو ان لا تاخدوا كلام الأخت وضاحة بحسـاسـية , فقـد فهمت انها تعني بعض واطلقت الكل
وذي ما قلت يا عاصم فهم خشـــم بيوت وهذا البعض فعلا يرمي مرتوا واولادوا سـنين عددا ( كدي نشـوف الازمة
لدى هؤلاء البعض مهما قلوا او كتروا شـكلوا ظاهرة ام لا , لكنهامشـكلة يعاني منها البعض )
و يكثر هذا البعض بالسـعودية لكبر عدد مغتربي الســعودية و ايضا القيود على اسـتقدام الزوجة و الأولاد
فيجد البعض انه مرغم على الانقطاع عنهم لفترات ( حسـب ظرف كل منهم )
اخي احمد
دا فيما يخص 1 , اما 2 فاترك امرها لعاصم و ولدنا فايز
اما كملان القروش كثير من المغتربين من مختلف الدول بتحصل عليهم و ليس حصرا مغتربي السـعودية
و لا ارى ان هنالك تقليل من شـأن مغتربي السـعودية
لا اجاوب نيابة عن وضاحة و لكني اعكس ما فهمته مما كتبت وقد تكون عايشـت / سـمعت حالات / بحالات من ذلك
كما عايشـناو سـمعنا
وضاحة تريثي
ولكم جميعا التحايا
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: عبدالله احيمر)
|
سلام للجميع
| Quote: هسي وضاحة فرقها شنو من الزول القال الكلام همسلف؟ |
الزول قال بنتحرن
وضاحة قالت بطلَقن
أنا ما حضرت الحلقة
الزول القال الكلام دا لو ما شرح أسباب بيكون رامي بعيد يا مغتربين
لأنو كلامو شكلو كدا مرتبط بوصول العفش وتأخيرو في الجمارك وحاجات زي
غايتو كلو بقى عليكم عدم وطنية وعدم تيار كهربائي وحاجات تانية حامياني
بطلو أكل الجداد وشراب البيبسي
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: حمد عبد الغفار عمر)
|
عزيزي Mohammed E Sulaiman
نوّرت المنبر
مرور سرييع وتحية
السلام عليكم
طبعا بالتأكيد الكلام لم يسنده إحصاء دقيق
ولا إثباتات علمية يكون مجرد افتراض واحتمال
..سقط به الاستدلال
الإنتحار شئ قبيح ومحرّم شرعا، ومسلك العاجز الضعيف
بس ربطه بالمغتربين غريب..ووضاحة الله يسامحها! زولة طيبة بس لكل جواد كبوة..واعذروها..
وأسباب الانتحار متعددة
وأتصور لو رجع المغتربون إلى بلادهم لربما زادت معدلات
الانتحار بسبب ضعف إيمان بعض الناس..!
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: وضاحة)
|
Quote: ديل بكونوا المغتربيين بتاعن السعودية الواحد يرمى مرتوا وعيالوا سنين او اكتر من سنة ويمشى فى الاجازة
علشان يقضى وقت لذيذ ويحمل المراة ويرجع بعد قروشوا تكون كملت
ليهم حق النسوان يطلقوهم |
بس مغتربين السعودية ... المغتربين التانين ما برموا نسوانهم... ما دام سافر منها الى السعودية او اي مكان ياها مرية
تحياتي
الامين
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: أبوعبيدة محمد الأمين)
|
| Quote: عملت على مدى سنوات في وظيفة جعلتني قريباً من مجتمعات السودانيين في جدة وقد لاحظنا مع بعض الأخوة المختصين في الشأن الإجتماعي أن معدلات الطلاق والعديد من المشاكل الأسرية ترتفع في فترة توجه السودانيين لقضاء إجازاتهم. لكننا والحمد لله لم نشهد أي حادثة إنتحار أو حتى الشروع فيه. |
السلام عليكم
يا جماعة يمكن اكون غلطان لكن الشئ الفهمتو من مداخلة اخونا ابوعبيدة المقصود بيهم السودانيين المعاهم اسرهم فى الغربة
وكلنا يعلم تكلفة الاجازة والضغوط وغيرها مما يجعل العلاقة بين الزوجين متوترة نوعا و تحميل رب الاسرة ما هو فوق طاقته والهدايا والدهب وال .. وال..
كلها اشياء يمكن تؤثر او تؤدى للطلاق وكله جايز
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: السيد أحمد إبراهيم)
|
يا جماعة والله انا اسفة ما قصدى الفهم الانتوا قصتوا
لكن شلكوا الدرابة رميتها كبيرة هههههههههههههههههههه
انا بقصد بعض المغتربيين الدخلهم بسيط وما بسافروا وما بهتموا بنسائهم والعيال
و ديل بكونوا نسوانن زهجانين منهم يقوموا يطلبوا الطلاق
بالنسبة للانتحار انا ما اتكلمت فيه لكن اهو فسروا ليكم النسوان بتحننوا بصبقة علشانكم المراة راجلها مغترب وجاى اجازه تقوم تتجيه ليه وكده
والواحدة تقوم تموت لانوا بكون عندها حساسية من الصبقة فيحصل ليها تسمم
برضوا انتوا السبب 
عبد الله الاحمير الوحيد الفهمنى يا متوحشين يا اشرار هههههههههه
شكرا عبد الله
الحبشى فايز امشي عيد الحجة بتاعتك ههههههههه
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: احمد التجانى احمد)
|
سلام و تحية محمد اي سليمان و ويلكم باك
تعليقاً على موضوع البوست : قبل سنتين تقريبا في مبنى اذاعة(س) المذيعة قالت في مقدمة البرنامج انو (أمس) عملت استبيان في كذا جامعة و كذا مؤسسة حكومية فيما يخص موضوع الحلقة (و الكلام على الهواء) و بناءاً على تصريحها انهالات التلفونات المشاركة و كلها كانت بتدعم نتيجة استبيانها ... انتهت الحلقة و انا مندهشة.. لانوأمس سيادة المذيعة كانت معانا النهار كلو من 9 ص لحدي 3 ونص ظهراً و من 3 ونص ظهراً في مبنى الإذعة ما طلعت منها الا 11 مساءا... سألتها بعد ما انتهت الحلقة : انت عملتي الاستبيان دا متين وانتى كنتي معانا؟! عملت حركات كدا بوشها و نطقت كفراً \"ما كلام و السلام عشان نسخن الحلقة\" ...!!
الشرح التحت دا لـ الأبلةعشان فهمها بطئ:
علاقة القصة الفوق بي موضوع البوست انو: (الناس بقت بتبيع كلام و السلام)
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: فايزودالقاضي)
|
غايتو مغتربين السعودية ديل حساسين اكتر من اللزوم، وضاحه الشبكة عندها طاشة، اساسا الموضوع
ما بخص المتزوجين لا من قريب لا من بعيد، ود القاضي دا الجابو شنو ما عارف، لووووول، الموضوع بخص
العزابة، الواحد ينزل اجازات ويواعد دي ويواعد ديك ويكون شاري ليهو زي اربعة في الفيس بوك منتظرين
قدوم سيادته لانهاء مراسبم الزواج وخاتي في بالو ح يلقاها زي صوورة دينا خالد ويمشي يلقاها
الصورة ما ياها، ويررد في اغنية لمن الصورة تبقى صورة (اغنية جميلة).
صاحب البوست عميق، وداير يفتح ملفات كبيرة وهي تستحق، زمان الشواكيش كانت حكرا على النساء، الواحد ينزل
اجازة ومرات يكون شايل شيلتو وكلها يومين ويقعد في السمحة قالو مرحلة وهاك يا هاشم ميرغني والبكاء
امو واخواتو يحنسوهو شويه كده، وهي بركه العرست المعصعصة ام ما بعرف شنو والله تلقى ست ستها
ويرجع السعودية يسهي شوية كده وشويتين ينغمس في بلاوي الشغل وما ادراك ما الكفيل. وينسى الموضوع
هسع القصة قلبت، البوتينشيال عريس، اي المعروف عنه مغترب مرطب وبقدر يفتح بيت بكون منتظرينو زي كام واحدة
وفي اولاد بكون رامي شباكه هنا وهناك، شيء جامعات شيء قرايب شي فيس بوك، المهم، القلب وما يريد
البطلعوا من المولد بلا حمص لزيز ولا حمل ديل ما بستحملوا الصدمة، تقوم طوالي في بليع حبوب وصبغات وبلاوي
الشاب قدرته على احتمال الشاكوش اكبر من البنات، دي حقيقة، ليس لانهن في حوجة شديدة للرجل، بل لانهن رقيقات (نعمل حساب الجندريات يا اخوانا)
الكلام الجاي دا يا بنات لمن هن في قدرة تراجي على الحوار، فيا توقفوا القراية لحد او انا ما مسئول ^ــــ^
لكن البخلي بت تحاول الانتحار شنو لان حبيبها تخلى عنها؟؟ الا في قصة كبيرة وراها
للاسف، وحسب ما سمعنا الاولاد بقو جريئين شوية في شكل العلاقات، وفي نوع من التفريط
من جانب البنات (من غير الدخول في شكل وحجم التفريط) في فترة الخطوبة او الحكمبكان، التفريط من جانب البنت وزي في بالها
كده ممكن يقوي العلاقة او بي كده ممكن يكون ود الذين غشاها، لكن الشاب السوداني في نهاية الأمر
ابن بيئته، يقول ليك يا عمك فوق كم، دي ما اصلها ... شنو، ودي عملت معايا انا زاتو كده
وبعدين تربي لي بناتي و اولادي على شنو ... ونبقى في بعد دقيقتين يجيني ليك تبارك ونبقى في درس
عصر او عصر (بكسر الصاد) وعلاقة العذرية بالشرف شنو؟؟ ودا تخلف ..
فالبنت بتكون محصورة في حتة ضيقة انها كيف تواجه مستقبلها مع رجل آخر؟؟ وفي احايين كتيرة المجتمع
ما عنده ادوات ليحمل الفتاة على مواجهة ظروف تفترض العذرية الكاملة، فخياراتها بتضيق جدا
لدرجة لا يبقى الا الانتحار والعياذ بالله
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: كمال ادريس)
|
| Quote: أتمنى إنو ربنا يعمي ود جبريل و حبيب هناية داك من البوست دا عسى و لعل ربنا إرحم وضاحة ... |
غايتو يا أبو الحسين الحبشي دة ما مضمون ياخي
بوستاته كلها ملغمة شديد وفيها استعارات
لكن للضمان كدة:
العشرة شهور الفاتت حسب احصائية وزارة الأسرة في المغرب
2000 سوداني اكملو إجراءات زواجهم من مغربيات
الواحد فيهم بالله يلقى الحلا المدفقة دي واللحم الأبيض المتوسط من غير فياغرا تلقى أي حتة في جسمه «قامت»
تلقاهو ماسك مكنكش فيها ويتضاير
وبي مناسبة «اجازة لذيذة» حقت وضاحة دي
حبوبتي لقت فتيل الخومرة حق مرت عمي مرمي قامت قالت ليها:
باقيلي جنيتي فتيلك دة ليه شهرين مرمي... أصلو ولدي قاعد يجي طاشم ماهو فارز ريحة الصُماح من الخومرة
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: Mohamed E. Seliaman)
|
الأخ/ Mohamed E. Seliaman
حمداً لله على السلامة وبعودتكم عاد بعض الألق
| Quote: أظن أن أمرا مثل معدل طلاق أو معدل انتحار/محاولة انتحارذو طبيعة موضوعية، وأن ربطه بعوامل أو أسباب أو ظروف محددة يحتاج إلى برهنة علمية‘ خاصة إذا جاء الحكم بالربط من ذوي التخصص. |
أتفق مع ماسقته من حديث وضرورة اتخاذ النهج العلمي في التعاطي مع مثل هذه القضايا.
عن نفسي لم أتابع الحلقة ولا السياق الذي ذكرت فيه المعلومة - لكن - من واقع تجربتي العملية في جدة (مدعموماً بإحصائيات من واقع سجل المعاملات)أؤكد ن معدل المشاكل الأسرية كان يشهد إرتفاعاً ملحوظاً مع بدء الإجازة الصيفية.
ولك ودي وتقديري،،،،،
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: طاهر بدر)
|
Quote:
والله هو مفروض مايحملها مادام هي مريم العذراء .
يخليها تحمل براها وهو يرسل ليها رطبا جنيا
|
الليلة ووووب
-------------
يا وضاحة هو الموضوع عن انتحار غير المتزوجات (قليك فك تسجيلات) جيتي غمتي ديل كربون سااااي...
الحمل حمل في صمة اجازتو .. والقضّت وكت لذيذ، كمّلت قروشا ساي!!
ثم هو كل المغتربين في السعودية وزوجاتهم بفصلهم بحر المالح!؟
| |
|
|
|
|
|
|
|
|
|
Re: عودة المغتربين لقضاء الإجازة بالوطن ترفع معدل انتحار السودانيات (Re: طارق جبريل)
|
Quote: غايتو مغتربين السعودية ديل حساسين اكتر من اللزوم، وضاحه الشبكة عندها طاشة، اساسا الموضوع
ما بخص المتزوجين لا من قريب لا من بعيد، ود القاضي دا الجابو شنو ما عارف، لووووول، الموضوع بخص
العزابة، الواحد ينزل اجازات ويواعد دي ويواعد ديك ويكون شاري ليهو زي اربعة في الفيس بوك منتظرين
قدوم سيادته لانهاء مراسبم الزواج وخاتي في بالو ح يلقاها زي صوورة دينا خالد ويمشي يلقاها
الصورة ما ياها، ويررد في اغنية لمن الصورة تبقى صورة (اغنية جميلة).
صاحب البوست عميق، وداير يفتح ملفات كبيرة وهي تستحق، زمان الشواكيش كانت حكرا على النساء، الواحد ينزل
اجازة ومرات يكون شايل شيلتو وكلها يومين ويقعد في السمحة قالو مرحلة وهاك يا هاشم ميرغني والبكاء
امو واخواتو يحنسوهو شويه كده، وهي بركه العرست المعصعصة ام ما بعرف شنو والله تلقى ست ستها
ويرجع السعودية يسهي شوية كده وشويتين ينغمس في بلاوي الشغل وما ادراك ما الكفيل. وينسى الموضوع
هسع القصة قلبت، البوتينشيال عريس، اي المعروف عنه مغترب مرطب وبقدر يفتح بيت بكون منتظرينو زي كام واحدة
وفي اولاد بكون رامي شباكه هنا وهناك، شيء جامعات شيء قرايب شي فيس بوك، المهم، القلب وما يريد
البطلعوا من المولد بلا حمص لزيز ولا حمل ديل ما بستحملوا الصدمة، تقوم طوالي في بليع حبوب وصبغات وبلاوي
الشاب قدرته على احتمال الشاكوش اكبر من البنات، دي حقيقة، ليس لانهن في حوجة شديدة للرجل، بل لانهن رقيقات (نعمل حساب الجندريات يا اخوانا)
الكلام الجاي دا يا بنات لمن هن في قدرة تراجي على الحوار، فيا توقفوا القراية لحد او انا ما مسئول ^ــــ^
لكن البخلي بت تحاول الانتحار شنو لان حبيبها تخلى عنها؟؟ الا في قصة كبيرة وراها
للاسف، وحسب ما سمعنا الاولاد بقو جريئين شوية في شكل العلاقات، وفي نوع من التفريط
من جانب البنات (من غير الدخول في شكل وحجم التفريط) في فترة الخطوبة او الحكمبكان، التفريط من جانب البنت وزي في بالها
كده ممكن يقوي العلاقة او بي كده ممكن يكون ود الذين غشاها، لكن الشاب السوداني في نهاية الأمر
ابن بيئته، يقول ليك يا عمك فوق كم، دي ما اصلها ... شنو، ودي عملت معايا انا زاتو كده
وبعدين تربي لي بناتي و اولادي على شنو ... ونبقى في بعد دقيقتين يجيني ليك تبارك ونبقى في درس
عصر او عصر (بكسر الصاد) وعلاقة العذرية بالشرف شنو؟؟ ودا تخلف ..
فالبنت بتكون محصورة في حتة ضيقة انها كيف تواجه مستقبلها مع رجل آخر؟؟ وفي احايين كتيرة المجتمع
ما عنده ادوات ليحمل الفتاة على مواجهة ظروف تفترض العذرية الكاملة، فخياراتها بتضيق جدا
لدرجة لا يبقى الا الانتحار والعياذ بالله |
| |
|
|
|
|
|
|
| |
Mohamed E. Seliaman
أبوعبيدة محمد الأمين
وضاحة
Asim Fageary
محمد عبد الماجد الصايم
فايزودالقاضي
الزبير بشير
عصام علي أحمد
احمد التجانى احمد
عبدالرحمن الحلاوي
طارق عبد اللطيف نقد
سمير شيخ ادريس
عمار عبدالله عبدالرحمن
حمد عبد الغفار عمر
الامين جبارة الله التوم
السيد أحمد إبراهيم
رشا احمد
ABUHUSSEIN
أحمد ابن عوف
omer osman
كمال ادريس
طارق جبريل
طاهر بدر
قيقراوي
خالد عبد الله محمود
معتز القريش
MOHAMMED ELSHEIKH
فيس بوك
تويتر
انستقرام
يوتيوب
بنتيريست