|
Re: وكمان ضربة من الطيران المصري .. سكتت عليها حكومة الخرطوم..!! (Re: Elbagir Osman)
|
يعني بقينا ملطشة ..
مش أسرائيل براها
مصر تشيل حلايب و .. تضرب
أثيوبيا.. تدخل الفشقة
ووزير دفاعنا الهمام يكون لجنة
حتى الآن لم نسمع بماذا خرجت
والطيران التشادي ضرب قرب الفاشر
وضرب الحبيب ..
بس الله يقدر سوداني يفتح خشمو
أسد عليه ..
وعلى اللي خلفوه
ومن يهن يسهل الهوان عليه
ما لجرح بميت إيلام
لكن من الآن ولي قدام
لن يكن الشعب السوداني هو الحيطة القصيرة
فقد تملك ثوارنا الصواريخ
واستطاعوا إسقاط الطائرات
- التي صنعت قنابلها خصيصا للإلقاء على الشعب السوداني -
الباقر
| |
|
|
|
|
|
|
Re: وكمان ضربة من الطيران المصري .. سكتت عليها حكومة الخرطوم..!! (Re: Elbagir Osman)
|
Quote: اذا وزير الخارجية في لقاء الطاهر توم في برنامج في الواجهة بقول نحن لحد الآن ما عارفين ضربونا بي صاروخ ولا بي طييران تقول مصر ما تضرب |
و الز حاجة قالوا يشتكو للأمم المتحدة. هسع كان واحد ضربك و مشيت القاضي إشتكيت اول حاجة ح يسألك عنها ضربك بي شنو؟ تقوم تقول ليهو : بي عصاية ، لا إمكن بي سكين ، و الله إحتمال يكون أداني أم دلدوم. القاضي طوالي ح يقول ليك: قوم لف لمن تعرف ضربك بي شنو تعال إشتكي.
| |
|
|
|
|
|
|
Re: وكمان ضربة من الطيران المصري .. سكتت عليها حكومة الخرطوم..!! (Re: Elbagir Osman)
|
العزيز زكريا
ما يتسرب من غرف المفاوضات بين الشمال والجنوب أقرب إلى الكوميديا منه إلي أي شئ آخر
يروون أن وزير الدفاع عبد الرحيم قال لأحد المفاوضين الجنوبيين - أظنه فاقان أموم - أنهم يريدون من جيش الجنوب "أن ينزع سلاح الحركة الشعبية في جنوب كردفان"
فرد عليه المفاوض "عاوزنا ندخل جيشنا في دولتكم ؟"
قال "آي"
قال له " طيب .. النوبة ديل 30 ألف .. وهم مقاتلين صعبين.. لو عاوزين ننزع سلاحهم دايرين نرسل لكل واحد ثلاثة .. يعني نرسل جيش قرابة المائة ألف"
قال عبد الرحيم "أيوه"
قال الجنوبي" طيب إذا سكينا النوبة ديل .. ودخلوا الخرطوم.. نرسل جيشنا وراهم .. يدخل الخرطوم؟"
" "
حضر ذلك الحوار عديدون
وكانوا يكتمون ضحكاتهم صونا للبروتوكول
الباقر موسى
| |
|
|
|
|
|
|
|