|
|
 بكل صدق اتمني صعود الهلال الي النهائي
|
فمرارة فقد الكأس وهو قاب هدفين او ادني , امر وانكي من العلقم علي " حلقوم" الهلالاب الكبير
اتمني ان يصعد الهلال الي المباراة النهائية , وان يزيد حماس مشجعيه " المواسير" حتى يظنوا انهم ضمنوا الحصول علي اول كأس قاري لهم منذ تأسيس نادي الهلال للتربية البدنية بدايات القرن الماضي
وان يبدأ جمهورهم " المخزول دائما " الحديث عن التتويج المرتقب وهناك وعند اطراف ذلك الحلم الجميع تقع واقعة الهلال ويفقد الكأس القاري كعادته دائما وابدا ويعود الهلال ذلك الفريق الحسير المهزوم الكسير يد ورا ويد قدام كما عود مشجعيه دائما
واراهن هذه المرة ان احرز الهلال البطولة بحلاقة فردة شاربي الايسر وحلاقة صلعة لي هارون دياب وجنابو البوليص ومشاط شعر فايز ود القاضي " السودان قفل" مثل مشاط صلاح البندر
|
|
  
|
|
|
|
|
|
|
|
Re: بكل صدق اتمني صعود الهلال الي النهائي (Re: nazar hussien)
|
بدون حجاب خالد عزالدين :: الحقوا ليكم اهلي بسرعة
مشكلة المريخ انو (طار) المرة دي متاخر جدا .. يعني ما في فرصة لسيكافا وطبعا مع الظروف الاقتصادية الراهنة الطابق التالت ممنوع !
ولانو اولاد عمنا ديل بكون تفكيرهم مشلول قلنا نفكر ليهم في حل لانو حرام يا ناس لا كونفدرالية لا دوري لا كاس ! والمقترح العملي انو المريخ يركز جهودوا مع واحد من (الاهليين ) الخرطوم او مدني ! المريخ لو عايز كاس السودان يقوم من الصباح يتصل بمعتصم جعفر ويقول ليهو عايزين نلعب كاس السودان بسرعة ! وطبعا معتصم جعفر حيوافق طوالي ويقوم يبرمجة المباراة للمريخ في الوقت العايزوا .. بس لازم كمان يتصلوا بمحمود صالح عشان المباراة نفسها لانو المريخ لو انهزم كمان تبقي مصيبة ! محمود صالح يتصلوا بيهو باعتبارو عضو في مجلس ادارة اتحاد الخرطوم ولازم المباراة تقام علي ملعب المريخ بامدرمان لان لاعبي المريخ غير متعودين علي النجيل الصناعي ! اذا فشل محمود صالح في انتزاع موافقة من الفاتح التوم او خالد هارون او حتي ولدو( صالح محمود صالح) علي اهل المريخ ان لا يضيعوا الوقت ويتجهوا مباشرة لمدني! يشوفوا الاهلي مدني ويركزوا علي الدوري الممتاز ! يحلوا مشاكل لاعبي الاهلي ويحولوا ليهم ريكاردو ويدفعوا ليهم حق المعسكر ويحددوا حافز بالدولار في حال الفوز علي الهلال بس المشكلة انو المريخ تاني حيكون مضطر يتصل بمحمود صالح او الاهلي عشان مباراة الدوري الممتاز !! لانو اهلي مدني لو غلب الهلال لازم المريخ يغلب الاهلي في الدوري الممتاز! ومباراة الاهلي شندي يا خالد ؟؟ لا حوله .. انا نسيت والله اقول ليكم حاجة الناس مشكلتهم دي الامم المتحدة ما بتحلها !
لا في حل يا خالد .. شنو ؟! دورة قرية ودية .. يشوفوا ياسر المنا يكلم ليهم ناس (المسيد) وعبد الباقي يكلم ليهم ناس (الحفير) ومجذوب حميدة يكلم ليهم ناس (ود الماجدي) بس اهم حاجة ما بتجيبوا لا فداسي الحليماب ولا العمراب عشان المنافسة تكون مفتوحة والحكام يقدروا يحكموا براحتهم ما يبقوا زي (جاني)
طبعا الجوائز لازم تكون ضخمة .. يعني الفائز الاول ينال 300 الف دولار ولازم تكون بشيك معتمد وتحذير من اي تلاعب بالدولار في السوق الاسود ..
الفائز الثاني ينال خمسة الف شوال سكر من شركة سكر كنانة اوعة تجيبوا لينا سكر مرطب !
جوائز الحكام المشاركين .. حكم الوسط لاب توب وجلاكسي .. مساعدين الحكام .. ممكن اي تلفون مع شرائح ام تي ان وممكن شاشة سامسونج 32 بوصة شايف فيها تخفيضات اليومين دي !
وعشان الدورة تنجح لازم المريخ يمنع الحضري من السفر ..لكن الزول ده بكون سافر يا خالد؟ يسافر كيف ؟ صديق علي صالح ومصطفي توفيق ديل عايزين يترفدوا تاني ولا شنو !
انت ما سمعت يا خالد بالحصل بعد الكورة !
حصل شنو !
قال ليك الحضري بعد المريخ طار طوالي مشي المطار !
ايه ده يا عم ! انا حالعب وحدي ولا ايه .. ده انا حارس مرمي ومدافع وصانع لعب .. مش معقول باه
انا بلعب الباص الطويل .. والباص القصير .. ده باسكال كان عايز يقتلني .. لا لا لا مش معقول ! دول ما ينفعوش معايا .. البطولة كانت بين يدينا ! واحد زعلان سمعوا قال ليهو كانت بين ايديك وخليتها دخلت القوون ولا شنو !!
كنا عايزين كورة باسكال دي تدخل قوون عشان نشوف الزول ده برضو غلطاتو مغفورة ولا (القصة علي الحضري محصورة )
بس الليلة حنعرف سعيد السعودي غلطاتو مغفورة ولا حيحاسبوا علي الكورة ؟!
اول يوم ننوم مرتاحين .. والله امبارح شبعنا نوم .. واحد قال لي الجماعة ديل خلوهم لحدي ما كورتنا تنتهي .. قلت ليهو نحن كان طرنا بنجي علي دورينا ده المشكلة في الحمام ما عارف ليهو برج يرجع ليهو !!
يلا يا غارزيتو .. اعمل لينا حركة حركتين خلينا ناخذ راحتنا .. بس ما تكترت الحركات تبقي لينا زي الحضري ..
والله ناس دجوليبا كانو بقوا ثقيلين زي ناس الكنغو ديل تبقي مشكلة !
الرجفة ما راحت لكن الحمى (طارت)... الحمدلله
اللهم انصرنا يا رب ..اللهم امين
| |
|
|
|
|
|
|
|
|
 Re: بكل صدق اتمني صعود الهلال الي النهائي (Re: nazar hussien)
|
| Quote: اتمني ان يصعد الهلال الي المباراة النهائية |
آهـ يا دجــال ..
يعني عامل فيها فاتح البوست دا عشان تشربنــا .. كان ليك ..
مالك ما جبته سيرة اخوك القاليك زعلان منك عشان ما شجعته الاهلي المصري شديد داك ..؟
والله انا ما واجعني اي مريخابي اكتر من اخوك دا ..
انا حلاقتك لي هارون صلعة يا فردة شنبك ومشاط فايز كلو عفيتكم منـو .. لكن اخوك دا .. اصلو ما بخليهو .. حالق ليهو .. حالق ليهو
احي انا ياخ ..
ممتععين لما تترشو .. بتطلعو دررر غوالي
| |
|
|
|
|
|
|
|
|
|
Re: بكل صدق اتمني صعود الهلال الي النهائي (Re: tmbis)
|
الحضري البريدو ..
وأحضر جديدو..
وملص الكوره من إيدو.. يا الله
صبرني..
الحضري فينا سواها..
ما راعي ساكواها..
الكوره فكاها..
وتاني ما لقاها
يا الله صبرني..
أرقص يا حضرينا..
أرقص وبكينا..
سويته جد شينه..
أووب أووب علينا
يا الله صبرني..
الحضري البريدو
وأحضر جديدو
وملص الكوره من إيدو
يا الله صبرني
| |
|
|
|
|
|
|
|
|
|
Re: بكل صدق اتمني صعود الهلال الي النهائي (Re: tmbis)
|
| Quote: وان يبدأ جمهورهم " المخزول دائما " الحديث عن التتويج المرتقب وهناك وعند اطراف ذلك الحلم الجميع تقع واقعة الهلال ويفقد الكأس القاري كعادته دائما |
المشكلة إنو إنتو من هنا لامن يوم المباراة النهائية الحننهزم فيها حيجيكم جفاف من إسهال خوف إننا نفوز
أطوووووووووا يرحمكم الله 
| |
|
|
|
|
|
|
|
|
|
Re: بكل صدق اتمني صعود الهلال الي النهائي (Re: حيدر حسن ميرغني)
|
حتى لو قدر للمريخ أن يفوز بالامس فهل هذا حال فريق نتمناه في المبارة النهائية لا اعتقد
ماشاهدناه بالامس هو (دافوري) او قل مبارة ركبي كل لاعب عليه ان يبعد الكرة لمنتصف ملعب الخصم
مدرب بدون خطة لعب واضحة و الغريبة فاروق جبره دا واقف المبارة كلها عند الخط و يوجه
و المحزن المضحك في الشوط الثاني وفاروق جبره يكورك فتوقف اللعب و نظر خلفه فوجد هناك تغير للمريخ بدخول فيصل موسي وهو لا يعلم من اللاعب المستبدل
حال المريخ يرثي له و لابد من مراجعة لهذا الحال
نتمني حصول الهلال علي الكأس ( لا اظن) بس علي الاقل يكون ما طلع من السودان
| |
|
|
|
|
|
|
| |
اساسي
omer osman
محمد البشرى الخضر
Maawya Hussein
tmbis
saif massad ali
جدو
محمد عبد الماجد الصايم
ismeil abbas
حيدر حسن ميرغني
falcon
فيس بوك
تويتر
انستقرام
يوتيوب
بنتيريست