|
الأسباب الحقيقية لطيران الوصيف من الكونفيدرالية ...
|
1- الهدف التاني للفريق الكنغولي و الإتسبب فيه الحضري - وإن كان الحضري نفسه انقذ أهداف محققة غيره
2- تنفيذ سعيد السعودي الأرعن للضربة الرأسية امام مرمى ليوبارد الخالي , وضياع هدف اكثر من مضمون
3- زميل البورد abas !! عباس اتسبب كيف في طيران المريخ .. دي حنجي ليها المداخلة الجاية
|
|
|
|
|
|
|
|
Re: الأسباب الحقيقية لطيران الوصيف من الكونفيدرالية ... (Re: Hussein Mallasi)
|
وعبد العزيز بالانجليزي برضو اتسبب في خروجهم لأنو قال بتمنى فوز الهلال لكن عاوز يقابل دجلويبا المالي وأنا كانتو ياود البشرى وقلت ليهو اول حاجة اضمن الفوز والتأهل بعدين اختار زي ماعاوز لكن رفض وقال نحن أصحاب الكاسات المحمولة بالطيارات والنكتة القديمة بتاعتهم دي. معليش والسنة الجاية تعالوا بدري يا مواهب بت ادريس وكيجا حبيبي أبو مصطفى
| |
|
|
|
|
|
|
Re: الأسباب الحقيقية لطيران الوصيف من الكونفيدرالية ... (Re: محمد البشرى الخضر)
|
كل ما المريخ يتزر في كورة بكتب بوست للشماتة و القصة دي اتكررت مرتين في كور في الدوري المحلي آآآآآهليييي ... آآآهليييي وهناك في ستاد الخرطوم ... !!! و تشاء إرادة المولى أن يلحق المريخ نفسه و يعدل النتيجة واضطر لبلع البوست مناشدا بكري ان " شيل يا بكري .. شيل و تكرر الموضوع في هلال مريخ بعد ما الهلال جاب القون الأول وكان المريخ متقدم حينها اتنين فكتبت البوست ادناه بتقة ان الهلال سيتعادل وكدا قدّم الكيشة ... و أيضا بلعت البوست حتى بقى الوصيفاب بتفاءلوا بي بوستاتي الزي دي و يتشاءم اسياد البلد اها الليلة بعد نهاية الشوط الأول فتحت موضوع جديد بعنوان one half time down, one to go نظام شماتة وتهيئة و كدا وقلت كان المريخ فاز و بلعت البوست ما مشكلة اهو نقابلو في النهائي اخير لينا من التيم العامل كيف كيف دا بلا يضرب لي عباس ويخسّمني بالنبي ما اكتب بوست اسي. يا عباس الكلام دا كيف ؟, كدا يا زول خليهم بترشوا اول بعدين اكتب, هي لكن ما عايز اشمت فيهم من اسي لا ياخ بتكجنا ساي و الناس ديل بغلبوا, سمح خلاص وقت قلت كدا اها ..لغيت البوست, و حصل اللي حصل فا أعتقد واحد من أسباب طيران الوصيفاب عباس دا
| |
|
|
|
|
|
|
Re: الأسباب الحقيقية لطيران الوصيف من الكونفيدرالية ... (Re: Maawya Hussein)
|
ادارة المريخ في سبيل الكونفدراليه ضربة بعرض الحائط برمجة الاتحاد العام للدوري الممتاز وكاس السودان ..فرفض المريخ اداء مباراة هلال كادوقلي لاكثر من مرة وتبعها ببرمجة من راسه ان تلعب المباراة في كوستي ..ثم عادت ادارة المريخ ورفضت اداء مباراة الاهلي في كاس السودان رغم برمجتها وتاجيلها لاكثر من مرة .. الان خرج المريخ من الكونفدراليه والممتاز وكاس السودان خالي الوفاض الا من اعلام سيتوجه بكل قواه للتاليب والحفر للهلال لاخراجه خالي الوفاض ايضا من الكونفدراليه
| |
|
|
|
|
|
|
|