رسالة الي عمر البشير..

Quote: خفف من ألم ضميرك قليلا وأعلن لنا أين دفنت ابنائنا!

Quote: كما ذكر الأخ السفير الحمد لله هي عملية صغيرة ومنذ بدأنا الفحوصات وحتى خروجنا من المستشفى كانت 24 ساعة ونحمد الله على نعمة العافية، والمرض نسأل الله أن يجعله كفارة لأننا في مواقعنا يكون ناس كثيرين اتظلموا وناس حقوقهم راحت وناس يشكونا لله، ومحتاجين لأشياء تطهر برضو، ونسأل الله سبحانه وتعالى أن يتقبل من الجميع

Quote: هو استطاع ان يخفي اجسادهم في الارض ... لكن ارواحهم الطاهرة تنتظره في السماء ......... لامفر

Quote: (رسالة الى رئيس الجمهورية) . . الحاج/عمر حسن احمد البشير رسالتي مليئة بالاسئلة الكثيرة في ذهني وحلمي ان اوجهها لك مباشرة بدون تدخل سياسة الدولة ..هذه محاولة مني لكتابة ارائي ومابداخلي موجه لسيادتك وانا لا انتمي لاي جهة او حزب بل انسانة بسيطة تتمني حال افضل لبلدها... رسالتي مليئة بتحسر الماضي وفوضي الحاضر وطموح المستقبل.. رسالتي هي من حقي ومن حق كل شخص توجيه رسالة مباشرة للرئيس.. . . احنا عارفين انك في حالة صحية صعبة الايام دي وبرغم اي حاجة بنتمني ليك الشفاء وذاتو كفاية عليك عذاب الاخرة..الغريب والمؤسف اني عملت استطلاع بسيط سألت فيهو ناس من(عامة الشعب) انهم يوجهوا ليك كلمة ويدعوا ليك بالشفاء نفسي كان كل العالم يقرا الكلام السمعتو انا...يعني ٩٠% من الناس مابيتمنوا ليك الشفاء وبعضهم قالوا ياخ احسن يموت ونرتاح منو ... وطبعا مافي شماته في الموت والمرض لكن ياها الناس بتطلع الجواها وعلى العموم بنتمني ليك الشفاء ... سيادتك قاعد في الكرسي ٢٣سنة والبلد اتطورت شوييييية يعني ماعملت حاجات مهمة ومفيده غير قروشنا رايحة في الفاضي ولسه العطالة والفساد منتشر وفي ازدياد والله يستر من الجاي علينا.. الجميع عارف انه البلد دي الرئيس حقها ماعندو رأي وشخصيته ماقوية..مع انه صفات الحاكم الناجح انه يكون شجاع وشخصيته قوية والرأي الاول والاخير عنده وليس عند مستشارينه والناس الحواليه.. ومن صفات القائد الناجح برضو عدم التمييز بين المواطنين وخاصه المقربين منه..والوضع الحالي انه كبارات البلد هما اهلك ونسايبك وجيرانك واحبابك واصحابك واصحابهم والناس اللي بيعرفوهم ..اما بقية الشعب هما الماعندهم واسطات وماشين بما يرضي الله .. ومن صفات القائد الناجح هي عدم التهاون في حسم القضايا وهي كل مايتعلق بالفساد المالي والاداري والتجاوزات بالنسبة للقياديين والوزراء والمسؤولين الكبار... . . بعض الاسئلة موجهة لسيادتك.:: -وين العدالة بين الناس والمناطق في السودان يعني في مناطق اسه لسه ماعندهم كهرباء وموية ومستلزمات الحياة الطبيعية واللي لازم يوفرها الحاكم لشعبه وليه عندنا في طبقات اجتماعية واقتصادية ..مع انه العدل بين الرعية هو اساس الحكم!! -ليه في عيد الضحية الفات ده الاسعار كانت فوق استطاعة الشعب والناس استلفوا وعملوا المستحيل وضحوا وغيرهم ماقدر ..والمسؤول عن الحصل ده منو وليه للان ما شلتو من منصبو وليه الشعب يتحمل فوق طاقتو مع انه ياريس للصبر حدووود والحاصل ده حرااام!! -ليه لما مصنع اليرموك اتضرب وحصلت الكارثة دي والمسؤولين كانوا ماعارفين حاجة يعني للدرجة دي بلدنا بقت ساهلة وغير آمنة وممكن غيرنا يضربنا عااادي وبقوة عين..وليه ليه ليه وزير الدفاع للان قاعد !!! -ليه كل الدول عندهم مجانية التعليم والعلاج والرعاية والعمل الا نحنا مع انه في عهد نميري كانوا الناس مرتاحين وانت في عهدك الشعب ماشاف راحة!!! . . والله عندي اسئلة وتعجبات كتييييرة نفسي القي ليها اجابات وحلول بس بديت اتشائم وفعلا احنا في مشكلة كبيرة والشعب مستحمل وساكت ماعارفه لحدي متين ..اسه الزول يكتب ويقول شنو من الحاصل حاجات تملا كتب وكتب من الفساد وعدم المصداقية والظلم الحاصل وحاجات في الدين الاسلامي مافي...!! نفسي اعرف ياريس انت لما تجي تنوم بتفكر في شنو هل بيجي في بالك انه في ناس بتدعي عليك وناس عايشة تحت الفقر ووووو حاجات مؤسفة والله وانت مرتاح وبتاكل وتشرب وبتصرف اخر الشهر اكبر مرتب وعايش انت واللي معاك على نفقة الدولة !! -نفسي اعرف هل المسؤولين بداية بالرئيس وهما بيسرقوا في البلد هل بيتذكروا يوم الحساب وانه ربنا مابينسي المظلوم وهل بيجي على بالكم انه سيدنا عمر بن الخطاب كان بيحكم كيف ولا انتو احسن منو ولا بتفكروا كيف !! ليه ياريس الناس بتخاف تكتب وتشتكي منك عشان عارفين انه اي زول بيشتكي او بيشتم الرئيس زي كانوا ارتد عن الدين..طيب وين الحرية ..مع انه ده من حق اي زول لانه ده العدل في الحكم المكتوب في الدين الاسلامي!! سؤاااال اخيييير هل من الممكن كلامي ده يصل ليك وياربي هل انت بتفكر في حال شعبك -على ما اظن الناس المعاك ديل بيقولوا ليك انه الشعب مرتاح وبيحبك كتير والله اعلم- والله تعبت من الكلام وده جزء بسيط من رسالتي للسيد الرئيس اللي من المفترض في وضع تاني وفي بلد تاني وفي حال تاني اكون برسل ليهو رسالة شكر كلها حب وفرح وامان بس ده الحااااال الحااااصل والله اعلم بحالك الان ولكل ظالم يوووم .. مع تمنياتي لك بالشفاء فقط.. . . تركت للجمييييييييييع حرية التعليق واضافة اي سؤال موجه للرئيس او الناس اللي معاه ... . , الجزء الاول من الرسالة.. تحياتي

Quote: قضينا السنوات الطوال نبحث سلميا عن قبور ابنائنا ونطالبكم بتسليمنا وصاياهم, تظاهرنا في الشوارع, عقدنا المؤتمرات , كتبنا مذكرات لوزراء عدل في نظامك لم يعرف العدل من قبل طريقا لقلوبهم, قابلت أنت ونظامك الدكتاتوري الحاكم كل مطالبناالمشروعة بالقسوة والتعذيب في بيوت اشباحكم وأمنكم وفي سجننا نحن أيضا بدون محاكمة توضح ماهي تهمتنا!

Quote: كامل التضامن في كل ما كتبتي الظلم ظلمات يوم القيامة تحياتي و إحترامي

Quote: هذا البوست مكانه عالياً في صدر المنبر يا هندسة

Quote: مرت السنوات الطويلة وانت ترأس سلطة الدم, سلطة ليس لها من هم الا قتل وتشريد وتجويع ابناء الوطن الواحد حتي وصل الوطن الي ماهو عليه الآن من إنشقاقات وعداوات وحروب. إستوليتم علي الحكم في يونيو 1989 بعد إنقلاب علي حكومة شرعية منتخبة وحكمتم الوطن بقسوة لم يعرف لها مثيل من قبل. في أبريل 1990 أعدمت ونظامك دون محاكمات ثمانية وعشرون ضابطا من القوات المسلحة بتهمة محاولة إنقلابية علي نظامك الذي لم يصل في الاساس للسلطةإلا بعد إنقلاب علي الشرعية وعلي الحكومة التي إنتخبها الشعب السوداني بإرادنه الحرة. أعدمتهم بعد محاكمة غير عادلة أستمرت دقائق قليلة,أطلقت علي أجسادهم الرصاص بعد أن ربطتهم مجموعات , وتركتهم يسقطون في حفرة كنت قد أعددتها سريعا لهم,أهلت عليهم التراب وبعضهم مازال حيا ولم يكفيك ونظامك التفشي في إعدامهم فرفضت في قسوة شنيعة حتي أن تسلم اسرهم وصاياهم. لم ينته أمر الإنتقام عندك ونظامك ذلك الحد, فأعلنت بإعدامهم في المذياع دون رحمة بأهلهم ورفضت في قسوة شديدة أن تكشف محل قبرهم الجماعي لأسرهم! منذ ذلك الحين, تغير معني الحياة عندنا نحن أسرهم, تيتم أبنائنا وبعضهم كان قد وصل للدنيا ساعات فقط بعد إعدام آبائهم, أبنائنا لم يعرفوا ملامح آبائهم, لم يحظوا بلحظة سعيدة واحدة في أحضانهم ولم يبلغونهم بحبهم, كبروا وكل مايعرفونه أنك أعدمتهم دون خوف من الخالق وأنك مضيت أكثر في ظلمك وحرمتهم من معرفة مكان قبر آبائهم. قضينا السنوات الطوال نبحث سلميا عن قبور ابنائنا ونطالبكم بتسليمنا وصاياهم, تظاهرنا في الشوارع, عقدنا المؤتمرات , كتبنا مذكرات لوزراء عدل في نظامك لم يعرف العدل من قبل طريقا لقلوبهم, قابلت أنت ونظامك الدكتاتوري الحاكم كل مطالبناالمشروعة بالقسوة والتعذيب في بيوت اشباحكم وأمنكم وفي سجننا نحن أيضا بدون محاكمة توضح ماهي تهمتنا! طوال سنوات حكمك , ومنذ إعدامات ابريل رمضان 1990 رقضت والرحمة منزوعة من قلبك علي الأمهات والآباء والابناء والزوجات والأخوات معرفة مكان قبر أبنائهم وآبائهم وأزواجهم وأخوانهم حتي يتمكنوا من زيارته فترتاح قليلا قلوبهم! وبمرور الأعوام, قتلت الحسرة كبارنا بعد حزن طال أمده وهم يسعون في كل لحظة لمعرفة مكان قبور أبنائهم, قتلهم الهم وغادروا الدنيا وقلوبهم منكسرة , إرتاحت أكفهم المرفوعة بعد كل صلاة ومع كل نفس خارج منهم بالدعاء عليك وعلي من معك , كل ذلك وأنت مشغول مع من معك في ظلم آخر. تبعثرنا نحن في أنحاء العالم وفي قلب كل منا جرح لا يلتئم, بينما انت تستمتع بالحياة التي سلبتها من أبناءنا ناسيا أن دولة الظلم لا تستمر الي الأبد وأن عذاب الله لابد من أن ينالك. الآن تتحدث الانباء عن مرضك وأنت أيضا لا تنفيه, اليوم سمعنا في لقاء لك إعترافك بأن المظلومين قد لاحقوك بالدعاء عليك حتي اصابك ما أصابك, ولك حق في ذلك فدعوة المظلوم لا حاجب بينها وبين الله, فإن إستيقظ ضميرك قليل كما تتدعي, فإنني أطالبك وقبل أن تبلغ روحك الحلقوم بان تريح قلوب ما تبقي من الاسر وتعلمهم بمكان مقبرة أبنائهم ضباط أبريل- رمضان 1990! خفف من ألم ضميرك قليلا وأعلن لنا أين دفنت ابنائنا! ......... ......... مني عوض خوجلي شقيقة نقيب طيار مصطفي عوض خوجلي

Quote: الآن تتحدث الانباء عن مرضك وأنت أيضا لا تنفيه, اليوم سمعنا في لقاء لك إعترافك بأن المظلومين قد لاحقوك بالدعاء عليك حتي اصابك ما أصابك, ولك حق في ذلك فدعوة المظلوم لا حاجب بينها وبين الله, فإن إستيقظ ضميرك قليل كما تتدعي, فإنني أطالبك وقبل أن تبلغ روحك الحلقوم بان تريح قلوب ما تبقي من الاسر وتعلمهم بمكان مقبرة أبنائهم ضباط أبريل- رمضان 1990! خفف من ألم ضميرك قليلا وأعلن لنا أين دفنت ابنائنا! ......... ......... مني عوض خوجلي شقيقة نقيب طيار مصطفي عوض خوجلي

Quote: هو استطاع ان يخفي اجسادهم في الارض ... لكن ارواحهم الطاهرة تنتظره في السماء

Quote: مني عوض خوجلي شقيقة نقيب طيار مصطفي عوض خوجلي

Quote: خفف من ألم ضميرك قليلا وأعلن لنا أين دفنت ابنائنا!

Quote: لاحول ولا قوة إلا بالله .. من حقك شرعا وحق كل أولياء الشهداء معرفة مدافنهم.. تقبلهم الله في الفردوس الأعلى وآجرك وآجر الوطن في شهدائه.