عندما تقرأ للبوردابي/ة بعض مُشاركاته ثمّ تنظر إلى صورة البروفايل حقيقية كانت أم رمزية تحس من خلالها أنّها تعبّر عن مُشاركاته تماماً وتكشف شيئاً من شخصيته والتي قد تكون مرحة أو صارمة .. إلخ من صفاته ...
Quote: انا كنتا قايل الصورة دي هي الانسة مامي ياسمين عبدالعزيز لكن يا تاها شككتني
Quote: عندما تقرأ للبوردابي/ة بعض مُشاركاته ثمّ تنظر إلى صورة البروفايل حقيقية كانت أم رمزية تحس من خلالها أنّها تعبّر عن مُشاركاته تماماً وتكشف شيئاً من شخصيته والتي قد تكون مرحة أو صارمة .. إلخ من صفاته ...
11-03-2012, 09:48 AM
rummana
rummana
تاريخ التسجيل: 02-05-2002
مجموع المشاركات: 3537
Quote: عندما تقرأ للبوردابي/ة بعض مُشاركاته ثمّ تنظر إلى صورة البروفايل حقيقية كانت أم رمزية تحس من خلالها أنّها تعبّر عن مُشاركاته تماماً وتكشف شيئاً من شخصيته والتي قد تكون مرحة أو صارمة .. إلخ من صفاته ...
سلام صبري: أنا برضو بفتكر انه صورة البروفايل بتعني كتير وبشوفها قبل المداخلة نفسها...وممكن تعبر عن روح وشخصية من يحملها تعرف، الشخص البغير صورة البروفايل باستمرار لما تكون صورته الشخصية بيديني احساس انه (1) روحه عاجــباه (2) أو انه انسان متردد.. ! والله جد..! :) الشخص البكون خاتت صورة بروفايل حلوة (حسب مزاجي) برتاح أكتر وأنا بقرا مداخلاته .. مش حاجة غريبة؟ (الصور الشخصية غير مقصودة هنا) والشخص الما بيستخدم صورة بروفايل خالص بحسه انسان جادي ..!! PS. أنا ما عندي أي مشكلة مع الناس الجادين .. :)
Quote: أنا برضو بفتكر انه صورة البروفايل بتعني كتير وبشوفها قبل المداخلة نفسها...وممكن تعبر عن روح وشخصية من يحملها تعرف، الشخص البغير صورة البروفايل باستمرار لما تكون صورته الشخصية بيديني احساس انه (1) روحه عاجــباه (2) أو انه انسان متردد.. ! والله جد..! :)
يا رُمانة في ناس بربطوها بالمُناسبات وفي ناس كنوع من التغيير .. وبقياس الملل الممكن يحصل أنا شايف من الأفضل تغييرها ...
Quote: الشخص البكون خاتت صورة بروفايل حلوة (حسب مزاجي) برتاح أكتر وأنا بقرا مداخلاته .. مش حاجة غريبة؟ (الصور الشخصية غير مقصودة هنا)
تواضع الناس علي وضع صور رمزية تعبر عنهم وعما يعتقدون كثيرا من الصور الرمزية معبر عن صاحبه ومزاجه وربما إعتقاده أو حبه أو نقيض ذلك ، الأمر غير المعيب أن يتمثل أحدنا رمزه ويعجب به فيندهش به آخرين ليس بالضرورة يتفقون معه .
الرمز شديد التعبير عن الذات وقد يكون مفتاح طلسم الشخصية التي تتواصل معك ، وهو يعكس الحالة المزاجية للشخص وربما أيضاً يعكس الحنين لشيئ يتأمل حدوثه أو إجترار للذكريات السالفة التي يسعد بها .
ليس بالضرورة أن تتماهي الصورة الرمزية مع صاحبها فربما كانت صورة أحدنا بسام الوجه طلق المحيا ترتبط بشخص آخر تماماً لا يقرب الهزل وكل أمره يجري على نهر من الجد لكن صورته الرمزية تخفي كل ذلك .
11-03-2012, 12:47 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10383
وأنا أبو حسين عاشرتو في الرياض وإتلاقينا أكثر من مرّة .. والزول دا احتمال يكون عكس ما تتوقع .. زول حبّوب وأخو أخوان ... لو فرّدتو حتلقى فيهو حاجات جميلة غائبة عنك ...
صورتو دي بتعبّر عن زول بحب الجرجرة والمكاواة بقلب أبيض ...
11-03-2012, 03:00 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
تُشكر أخي أبو العزائم على الرابط .. وأستأذنك بوضع ما سُقته أنت هنا:-
Quote: محمد أبوالعزائم أبوالريش كتب: كلنا يلاحظ أن معظم الأعضاء، والذين يضعون صور (تمثلهم) على يمين الشاشة، يضعون صوراً رمزاً، بينما يضع البعض الآخر صورهم الحقيقية.
عندي مشكلة قد تكون شخصية، وقد يكون البعض خبرها، وهي عندما أقرأ مداخلة أو بوست لعضو، فإني أتخيله حسب الصورة الموضوعة، خاصةً إذا كان العضو غير معروف لي بصفة شخصية. فمثلاً كل كتابات هشام هباني أتصورها نابعة من شخص يشبه آرتشي جيفارا ببرنيطته المعروفة، بس جيفارا بتاعنا ده سايق تاكسي.
دكين شخصية كرتونية (Pink Panther) تتوقع منها كل شئ غير معقول.
ناذر محمد الخليفة، ورغم أنه في ظني أنها صورته الحقيقية، فهو يضحك في كل الأحوال، ومهما كان ما يقول، حتى لو كان يعزي أحد الأعضاء، أو يتحدث في موضوع جاد.
القلب النابض يخفي، أو تخفي معالمها باللوحة التي تحملها حتى لا نتعرف عليها.
almulaomar يحاول أن يغيير صورة طالبان في مخيلتنا .. كلنا يعرف الملا عُمر بلحيته الطالبانية الكثة، ولكن الملا بتاعنا ده "حاجة رقيقة كدة" وأظنها بت أثيوبية ... وسواء كان الملا عمر أو "الحاجة الرقيقة" الظاهرة في الصورة ... ما بتشبه الكتابة البتصدر عنه/ عنهم.
منى خوجلي: ما عارف صورتها فعلاً والا مستعارة ... لكنها – رغم جمالها – توحي بالغموض.
طبعاً هناك أعضاء صورهم واضحة وتحدث عنهم، مثل الموصلي، تماضر شيخ الدين، وغيرهم.
يا جماعة المسألة دي طبيعية؟ واللا أنا خيالي بيجنح زيادة عن اللزوم؟ صور أعضاء المنبر]
11-03-2012, 09:29 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: ليس بالضرورة أن تتماهي الصورة الرمزية مع صاحبها فربما كانت صورة أحدنا بسام الوجه طلق المحيا ترتبط بشخص آخر تماماً لا يقرب الهزل وكل أمره يجري على نهر من الجد لكن صورته الرمزية تخفي كل ذلك .
والقصة وما فيها بتربط بين:-
1- الصورة الرمزية ومُشاركات العضو. إذا تطابقت بعدها حتبحث عن نمرة (2) 2- الصورة الرمزية وشخصية العضو على الطبيعة.
قد تتطابق وقد لا تتطابق .. وبعض الأمثلة التي أوردتها تطابقت على الطبيعة تماماً على حسب الصورة التي رسمتها لهم من خلال صورهم الرمزية ومن خلال مُشاركاتهم ...
تسلم ،،،
11-03-2012, 03:33 PM
rummana
rummana
تاريخ التسجيل: 02-05-2002
مجموع المشاركات: 3537
طلحة: ياخ مداخلتي كلها تتكلم عن "احاسيس ومشاعر" .. عقل ومنطق أصلو ما فيها .. تقول لي موية نار..؟ قول ماء ورد ، ماء زهر، حاجة كده ... ما تستعدي علي ناس الصور الشخصية :)
11-03-2012, 08:23 PM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: بعض الاحيان صور بعض الاعضاء لاتوحي بشخصياتهم اوتتناسب مع مشاركاتهم
كما ذكر اعلاه اناس يتسمون بالظرف والطيبه والجمال امثال الاخوه الاعزاء
ابوحسين وخالد المحرب " لمن تشوفم تفتكرم بتاعين مشاكل "
لا وبل اكثر بورداب الرياض الذين اعرفهم حق المعرفه
يتسمون بالطيبه والاصاله والمواقف الرجوليه التي عشتها شخصيا
وعبرك اخي صبري تحياتي لهم اجمعين
بالفعل .. الجماعة ديل على الطبيعة عالم تاني ... وكذلك أنت أخي طارق .. البشوف صورتك هنا بهرش عديل كدا ... وعلى الطبيعة يا سلام على الطيبة واللطافة وسماحة النفس ...
Quote: طلحة: ياخ مداخلتي كلها تتكلم عن "احاسيس ومشاعر" .. عقل ومنطق أصلو ما فيها .. تقول لي موية نار..؟ قول ماء ورد ، ماء زهر، حاجة كده ... ما تستعدي علي ناس الصور الشخصية :)
بصراحة يا رُمانة أنا ذاتي إتجهجهت :) رغم إنّي ومُنذ انضمامي للمنبر استخدمت صورتي الحقيقية ثلاث مرّات فقط ... وهذه صورة المرة الأولى:-
ـــــــــ سبب التعديل: إضافة مرّة ثالثة :)
(عدل بواسطة صبري طه on 11-04-2012, 07:37 AM) (عدل بواسطة صبري طه on 11-04-2012, 10:38 AM)
11-04-2012, 08:01 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25113
داير اقول ليك السحلية ده منو لكن لقيت يرقة دي لايفوقها اى تعليق ..
.......
ابوحسين من اوائل الناس الاتعرفت عليهم في المنبر وهو كما قال اخي طارق ميرغني يخالف كتاباته فهو من اطيب الناس واخو اخوان جد والله وعلى المستوى الشخصي وقف معاى هو واسرته في عملية والدتي وكان معانا هو وزوجته (احسن منو طبعا) طوال الايام وجد ماكنت محتاج اسرة وانا في الرياض ابوحسين شخصية مختلفة تماما عن كتاباته في حفل ابوعركي بالرياض عرفته بالاخ الرفاعي حجر حجر قال لي معقولة ده ابوحسين المعانا في المنبر قلت ليهو اى .. قال لي ياخي ده محترم وجميل ..
اليرقة ابوحسين عيبه الكرشة الكبيرة والدخان العادي(لصعوبة الحصول على الماعادي ) التحية له ولاسرته الكريمة وربنا يحفظ ليه عياله ويهديه
ابوحسين من اوائل الناس الاتعرفت عليهم في المنبر وهو كما قال اخي طارق ميرغني يخالف كتاباته فهو من اطيب الناس واخو اخوان جد والله وعلى المستوى الشخصي وقف معاى هو واسرته في عملية والدتي وكان معانا هو وزوجته (احسن منو طبعا) طوال الايام وجد ماكنت محتاج اسرة وانا في الرياض ابوحسين شخصية مختلفة تماما عن كتاباته
انا طبعا يا فايز ما بقدر اقول انو "مرتو احسن منو"
لانو حيتلموا فيني الشوايقه ديل ويبقوا لي في رقبتي
11-04-2012, 11:05 AM
فايزودالقاضي
فايزودالقاضي
تاريخ التسجيل: 11-27-2007
مجموع المشاركات: 10091
Quote: انا طبعا يا فايز ما بقدر اقول انو "مرتو احسن منو"
لانو حيتلموا فيني الشوايقه ديل ويبقوا لي في رقبتي
ابوحسين خلاص نقلت كفالته وبقى شايقي رسمي ؟!! الزول ده اخر مرة قال لي جعلي لكن الشايقية الشفتها دي كسير اصابع ساى بتكون شوقنته او شيقنته .. نسال الله السلامة ..
تحياتي ياحبيب ..
11-04-2012, 11:22 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
داير اقول ليك السحلية ده منو لكن لقيت يرقة دي لايفوقها اى تعليق ..
.......
ابوحسين من اوائل الناس الاتعرفت عليهم في المنبر وهو كما قال اخي طارق ميرغني يخالف كتاباته فهو من اطيب الناس واخو اخوان جد والله وعلى المستوى الشخصي وقف معاى هو واسرته في عملية والدتي وكان معانا هو وزوجته (احسن منو طبعا) طوال الايام وجد ماكنت محتاج اسرة وانا في الرياض ابوحسين شخصية مختلفة تماما عن كتاباته في حفل ابوعركي بالرياض عرفته بالاخ الرفاعي حجر حجر قال لي معقولة ده ابوحسين المعانا في المنبر قلت ليهو اى .. قال لي ياخي ده محترم وجميل ..
اليرقة ابوحسين عيبه الكرشة الكبيرة والدخان العادي(لصعوبة الحصول على الماعادي ) التحية له ولاسرته الكريمة وربنا يحفظ ليه عياله ويهديه
يا أخونا والله خضر الطيب دا مصيبة ياخي والله ضحكت حتى بان ضرس العقل زاتووو!
ياخي مالك ومال ابوحسيننا بالأنجليزي ياخ
والله "أحسب"انو ابو حسينة ذاتهاماتت من الضحك
مع تحياتي للحاج ابوحسين والأخت اتلزميلة سامية حامد
11-04-2012, 12:39 PM
مهدي صلاح
مهدي صلاح
تاريخ التسجيل: 08-21-2012
مجموع المشاركات: 5092
يا عريس اتلومت مع عبداللطيف بكرى الفرق بقى 11 نقطة وبعد ده صورة برفايله ماعندها ثصنيف حتى الان ؟ ياخى عليك الله اديهو المركز الاول مشترك مع وضاحة مراعاة لحالته النفسيه
Quote: يا عريس اتلومت مع عبداللطيف بكرى الفرق بقى 11 نقطة وبعد ده صورة برفايله ماعندها ثصنيف حتى الان ؟ ياخى عليك الله اديهو المركز الاول مشترك مع وضاحة مراعاة لحالته النفسيه
صورتو دي بتشبه لي صورة مورينيو وهو بفتّش للتبريرات الفطيرة .. زي اللاعبين مرهقين .. والمطرة والحكم وعيييييك ....
لكن تضامناً معه في محنته سأقلّده بالمركز الأول ... وأختنا وضّاحة إلاّ تشوف فجر المشارق ...
ـــــــــــ وكدي سيبني من أخونا عبداللطيف ... هسّي إنت صورتك دي حتعبّر عنّك كيف ؟ :)
Quote: وأنا أبو حسين عاشرتو في الرياض وإتلاقينا أكثر من مرّة .. والزول دا احتمال يكون عكس ما تتوقع .. زول حبّوب وأخو أخوان ... لو فرّدتو حتلقى فيهو حاجات جميلة غائبة عنك ...
صورتو دي بتعبّر عن زول بحب الجرجرة والمكاواة بقلب أبيض ...
شكراً ليك أخونا صبري لي كلماتك الطيبة
11-25-2012, 08:53 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: صورتو دي بتشبه لي صورة مورينيو وهو بفتّش للتبريرات الفطيرة .. زي اللاعبين مرهقين .. والمطرة والحكم وعيييييك ....
لكن تضامناً معه في محنته سأقلّده بالمركز الأول ... وأختنا وضّاحة إلاّ تشوف فجر المشارق ...
والله أخيراً الواحد بقى في المركز الأول في أي حاجة في البورد دا !!
وأهم حاجة إنو المركز تم منحنا إياه من إثنين عدلين ثقاة لا عيب فيهم سوى أنهما إنفصاليون حتى النخاع، عصام وصبري،،
أجمل ما يجعلني أحتفي بهذا المركز المستحق أنه إنتزع إنتزاعا من (وضاحة) (الفصاحة) العنصرية والتي ليس في عرفها غير الجعلية،، قال إيه ود عمي مين كدا ماعارف : أهو ولا سيرتهم ساي هنا مافي ،،
Quote: أجمل ما يجعلني أحتفي بهذا المركز المستحق أنه إنتزع إنتزاعا من (وضاحة) (الفصاحة) العنصرية والتي ليس في عرفها غير الجعلية،، قال إيه ود عمي مين كدا ماعارف : أهو ولا سيرتهم ساي هنا مافي ،،
توفى يا قلب
مبروك عليك المركز الاول انا متنازلة ليك عنوا والله تستحقوا هههههههههههههههه
وضاحة احلى واجمل من الصورة دى بكتييييييييييييييييير
وضاحة العمرابية الجعلية بتفتخر باهلها العمراب ودا من حق كل انسان ان يعتز باهلوا وقبيلتوا
بطل غيرة من اولاد عمى وشخبطة هههههههههههههههههههههههههه
صبري العريس سلام واحترام ذكرتني مدارس البلد دي اللهو أئ واحد الاول طبعا هنا مافي اول وتاني وتالت كل واحد بياخد واحد واحد واحد يعني كلو اللول حسن ولدي لمن كان هنا في الابتدائي كل شوية اجيب هدية من المدرسة مرة علبة هندسة ومرات اقلام الخ الخ وطوالي يطالب بهدية الشطارة التي من اجلها جاب الهدايا وانا مصدق يا مؤمن أها يوم المدرسة عملت دعوة للاباء ومشيت لقيت كل واحد مياخد هدية وفي الاخر والشفع طالعين ناداهم المدرس وقاليهم ترى المستودع ملان خدوا معاكم لاخوانكم الصغار اللي في البيوت هههههههههههه . . تحياتي
وعليكم السلام ود البوش يا أصالة الماضي ونورها الحالي ...
Quote: ذكرتني مدارس البلد دي اللهو أئ واحد الاول طبعا هنا مافي اول وتاني وتالت كل واحد بياخد واحد واحد واحد يعني كلو اللول حسن ولدي لمن كان هنا في الابتدائي كل شوية اجيب هدية من المدرسة مرة علبة هندسة ومرات اقلام الخ الخ وطوالي يطالب بهدية الشطارة التي من اجلها جاب الهدايا وانا مصدق يا مؤمن أها يوم المدرسة عملت دعوة للاباء ومشيت لقيت كل واحد مياخد هدية وفي الاخر والشفع طالعين ناداهم المدرس وقاليهم ترى المستودع ملان خدوا معاكم لاخوانكم الصغار اللي في البيوت هههههههههههه
11-26-2012, 05:27 PM
مها عبد الله
مها عبد الله
تاريخ التسجيل: 07-13-2008
مجموع المشاركات: 2271
لالا يا عريس ...مفروض يكون مش الصور بس حتى على مستوى الشخصية كتير من الناس كتاباتهم ما بتعبر عن شخصيتهم ... هسي وضاحة ودينا خالد ديل ...ما تعدهم لانهم خاتين صور بنات من الاخر ...ومثاليات
11-26-2012, 02:57 PM
haroon diyab
haroon diyab
تاريخ التسجيل: 06-20-2007
مجموع المشاركات: 23215
صبرى أخوى كيفنك ياغالى قلت أخير أعمل كده ناس البرير وهيثم مصطفى لخبطوا أفكارك المخير الله غايتو لو كنت معانا فى جدة كنا نشيل معاك الفاتحه فى المراحيم تحياتى ياغالى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة