|
عماد عبدالله...السويتا رقدت (صورة)
|
مدخل (مسابقة):
أين وردت هذه المعايدة وفي أي سنة؟
Quote: هسه مفروض أجاوب اقول شنو يعني ؟؟ .. إنت مش عارف ميلان الحال الهنا و هناك ؟؟ دافننو سوا يا صاحبي .. كلو بقى ما يجيب مريسة تامزين .. البركة في حِبيبة الغنا الفضل .. بقينا عليهو و بس . أمانةً في زمتك دي , إنت ما فترت من العاك عييك و الثقافة و الحصافة و السخافة و القيافة و الرهافة و الهيافة و الهتافة و كترة القُفافة التي يعتلها العالمين في هذا البلد حاصل فاضي ؟؟ بقيت كاين كييف - ما كييف المدينة - .. بتكيف قدام التلفزيون في النشرة الجوية بتاعت العربية .. بيجيبوا ليك عدد من مدن العالم و live عينك عينك .. و لثواني بس . أي و الله , تشوف في التو و اللحظة : زيورخ / دسلدورف / بوسطن / مراكش / بومباي / بروكسل / آسبن .. و و و و .. سبحانك يا رب .. ياخي اتاريها الدنيا بره ماشة كويس شديد مدن في الليل و مدن في النهار و ناس و انوار و غيوم و مطر و سحاب و خضره و جبال و مباني و شوارع و مصايف و مهرجانات و رسم و مزيكة و و و . ياااااااااا جماعة .. !! نحنا بس من دون خلايق الله في هذا الكون الحدادي ده الـ ( خِـريـنا ) في الجامع .. وللا كيف ؟!! طيب و بعدين ؟ .. اي شي ضد الناس السودانيين ؟؟ .. ليه ياخ ؟؟ بداية من الطقس و الجو .. و الحكومة و المعارضة و الليل و النهار .. كلو علينا واحد ؟؟ نحنا أمنياتنا صعبة قدر ده لامن الدنيا و التصاريف و غيرهم يلاوونا فيها كده ؟؟ .. ......... عيدكم سعيد من طرف .. و ياخي يسأل منكم الخير .. و ما تسووني سِبلة .. أيمان رحمن كلكم قاعدين ممحنين زي حالي كده , انتو بس فايتني بالصهينة و : باكر ياني الزارع من هني لهنوووووك !!! .. يا قول حشاش بي دقنو . هسه جابتني النوبة الأمازيغية دي و إتكيفت - كعادتي في أرذل العمر هذا - .. أمانة ما غناييين أهلك ديل يا مرتضى و مليانين حب للدنيا ام قدود دي . أنحنا تحبنا الشكلوتة بركة إلهي و إنت جاهي . أدينا النقه و النقه و النقه .. في الفارغة و مقدودة ننق ننق ننق .. ورثناها من جملة ورثتنا العجيبة , راكبين خشمنا طوااااااااالي و قاعدين قبلنا . ياربي العصرة ورثتنا النضمي و الشكية و السب و اللعن و ضيق الأخلاق ؟؟ .. و كللللو ده و نحنا قاعدين محلك سر .. !! مخير الله ............ كل المنى لينا كلنا . إذا هذا المنى عندو شوية دم .. و إضنين يسمع بيهن . فنحنا ياخي أمة تستاهل كل خير و جميل ,, لكن قالوا التعيس يلاقي العضم في الكبدة .. أو برضو التعيس يعترنلو ......... مودتي يا اصحاب و عيدكم مبارك وين ما كنتوا .. ثم كتير شكري . |
ثم يا كبير؟؟؟
ياتو عيد يا عماد؟؟
هسي في (بنو آدم) بيكتب كدي في الزمن العلينا دا؟؟
ينعاد عليك يا حبيب كما تحب وكما يحب ربنا ويرضى..
..
.
|
|
|
|
|
|
|
|
Re: عماد عبدالله...السويتا رقدت (صورة) (Re: Mahmoud Mustafa Mahmoud)
|
أنا "شخصياً"....ما فاهم...حاجة خـــــالص...!!!
هل هو العيد...و لا السودان...و لا "حجوة أم ضبيبنة"!!!!
أنا شخصياً....بفهم...انو عماد!!!!
هو عماد عبد الله....دها مالو؟؟؟
و لا اقووليكم....
هو منو الكاتب البوست دها.....
شكلى....داخــــــــــــــل غلط!!!
هو الموضوع شنــــو؟
آسف.....
صديــق القاعد بعيد
| |
|
|
|
|
|
|
Re: عماد عبدالله...السويتا رقدت (صورة) (Re: Ridhaa)
|
Quote: مرتضى يا ابن خالتي .. هسه مفروض أجاوب اقول شنو يعني ؟؟ .. إنت مش عارف ميلان الحال الهنا و هناك ؟؟ دافننو سوا يا صاحبي .. كلو بقى ما يجيب مريسة تامزين .. البركة في حِبيبة الغنا الفضل .. بقينا عليهو و بس . أمانةً في زمتك دي , إنت ما فترت من العاك عييك و الثقافة و الحصافة و السخافة و القيافة و الرهافة و الهيافة و الهتافة و كترة القُفافة التي يعتلها العالمين في هذا البلد حاصل فاضي ؟؟ بقيت كاين كييف - ما كييف المدينة - .. بتكيف قدام التلفزيون في النشرة الجوية بتاعت العربية .. بيجيبوا ليك عدد من مدن العالم و live عينك عينك .. و لثواني بس . أي و الله , تشوف في التو و اللحظة : زيورخ / دسلدورف / بوسطن / مراكش / بومباي / بروكسل / آسبن .. و و و و .. سبحانك يا رب .. ياخي اتاريها الدنيا بره ماشة كويس شديد مدن في الليل و مدن في النهار و ناس و انوار و غيوم و مطر و سحاب و خضره و جبال و مباني و شوارع و مصايف و مهرجانات و رسم و مزيكة و و و . ياااااااااا جماعة .. !! نحنا بس من دون خلايق الله في هذا الكون الحدادي ده الـ ( خِـريـنا ) في الجامع .. وللا كيف ؟!! طيب و بعدين ؟ .. اي شي ضد الناس السودانيين ؟؟ .. ليه ياخ ؟؟ بداية من الطقس و الجو .. و الحكومة و المعارضة و الليل و النهار .. كلو علينا واحد ؟؟ نحنا أمنياتنا صعبة قدر ده لامن الدنيا و التصاريف و غيرهم يلاوونا فيها كده ؟؟ .. ......... عيدكم سعيد من طرف .. و ياخي يسأل منكم الخير .. و ما تسووني سِبلة .. أيمان رحمن كلكم قاعدين ممحنين زي حالي كده , انتو بس فايتني بالصهينة و : باكر ياني الزارع من هني لهنوووووك !!! .. يا قول حشاش بي دقنو . هسه جابتني النوبة الأمازيغية دي و إتكيفت - كعادتي في أرذل العمر هذا - .. أمانة ما غناييين أهلك ديل يا مرتضى و مليانين حب للدنيا ام قدود دي . أنحنا تحبنا الشكلوتة بركة إلهي و إنت جاهي . أدينا النقه و النقه و النقه .. في الفارغة و مقدودة ننق ننق ننق .. ورثناها من جملة ورثتنا العجيبة , راكبين خشمنا طوااااااااالي و قاعدين قبلنا . ياربي العصرة ورثتنا النضمي و الشكية و السب و اللعن و ضيق الأخلاق ؟؟ .. و كللللو ده و نحنا قاعدين محلك سر .. !! مخير الله ............ كل المنى لينا كلنا . إذا هذا المنى عندو شوية دم .. و إضنين يسمع بيهن . فنحنا ياخي أمة تستاهل كل خير و جميل ,, لكن قالوا التعيس يلاقي العضم في الكبدة .. أو برضو التعيس يعترنلو ......... مودتي يا اصحاب و عيدكم مبارك وين ما كنتوا .. ثم كتير شكري .
|
| |
|
|
|
|
|
|
Re: عماد عبدالله...السويتا رقدت (صورة) (Re: Mahmoud Mustafa Mahmoud)
|
يا محمود ، السلام عليكم ، وعيدك سعيد ..
ما عارف المعايدة دي أتكتبت متين وليه، بس الكلام ده ممكن يكون (جوكر) يركب في أيٍ من الأعياد، لأن لا جديد ، والحال ياهو زاتو الحال .. لكن ما أعرفه إنو الكلام ده صاح ، وسيظل الحال مائلاً هناك فقط !! ده لو ما إتهردم من زمن.. وأقول لصاحبنا كاتب المعايدة أن لن ترضى عنك نفسك حتى تفارق من آلفتَ.. ياخ نحن عندنا بلد تُحفة، بلد تحيّر الفيل .. بلد حيرتنا نحن أهلها ديل، كدي بالله أمسكها من أي جانب ترغب، وسترى العجب العجاب ، سياسة ، إقتصاد إجتماع ، علاقات ، أسعار، أخلاق، خدمات، تعليم علاج، شُغُل، سفر، قضاء حوائج، ونسة، إستهبال موسيقى ،غُنا، مسرح، أعراس، حفلات عامة، طلب فول، مشوار ركشة، مواعيد، سفر داخلي، ووووووو للآخر.. زيد أي مواضيع تانية، وتعال فرتقها، وستعرف ما لايسرك.. هي نفسها العيك عاك المذكورة.. ما في زول بيعرف يتعامل مع الحاجات دي إلا نحن السودانيين ديل (حصري).. غايتو العارفو إنو كتير من المغتربين أول ما يوصلوا السودان طوالي بيكونوا جزء من اللوحة دي ولو كان جايي من السما الأحمر، وأول ما يركب الطيارة بيرجع لشكل حياتو الماشي عليها وتلك من نعم الله علينا.. نحن بقينا بنستمتع بالمعاناة التي كتبها الله علينا، وكلنا راجين الفرج.. عند سكون النيل ، ولمن يكون ما في هواء، محي الدين النوتي، كان بيقول لتحريك مركبه القديم وحاله الواقف ( هبوبك يارب) قولوها عسى الله يفرجها ويحركها علينا شوية، أو يرسل عليهم حاصباً من السماء أم تراهم قد أمِنوا ذلك!! عيدٌ بأية حالٍ عُدت يا عِيدُ.. أو عيد بتاع شنو (كما قال قدورة) !! وأقول له عبرك يا محمود أنه قد صدق في شأن الغُنا الفضل، فهي كجغيمات الوضوء في نهار رمضاني قائظ وأُبشّره بـي ناس ممدوح طاهر فريد وبمحمد الجزار وبقية شباب زي الورد.. ارتحت وأصابني فرح طفولي بهم وأيقنت أن ثمّةَ وعدٍ آت، الناس ديل لو استمروا على ما هم عليه ح نسمع غُنا سمح .. نسأل الله أن يبعد عنهم آفتنا ، آفة التفكك والتشرزم والفرتقة .. يا محمود بلّغه عني أن الدنيا (بخلاف دنيانا) فعلاً ماشة كويس وأن تلك المدن التي يراها في النشرة الجوية فيها ناس عايشين كويس، ومستمتعين بحياتهم، عندهم وظائف برواتب تكفي حاجتهم وThey are saving some money for the rainy days آي والله ، هل تصدق!! بيتعالجوا كويس، وأولادهم بيتعلموا كويس، ناس متحضرين، عرفت كيف، بيحترموا حاجاتهم وحاجات غيرهم، شوارع ما ناقص إلا يكووها، ناس مبتسمين كهربتم ما بتقطع، ومويتهم نضيفة، وشوارعهم نضيفة وبيوتهم نضيفة هم زاتهم في رقبتهم دي نضاف، حقك ما بياكلوه، وعندهم لن تُظلم، بيقشروا ويتهندموا عشان يمشوا يحضروا حفل موسيقي أو عرض مسرحي ما أصدروا فتاوى بتحريم الغُنا، أو إعتبار الرسم والمسرح فسق ومجون، حياتهم مرتبة ومنظمة وكل واحد عارف هو بيعمل في شنو ولشنو، ولمتين الحكومة بتاخد حقها وبتديك حقك، في عقد إجتماعي محترم من الطرفين، جدهم جان جاك روسو رتّب ليهم حياتهم قبل أن ينتقل الى الرفيق الأعلى بالمناسبة الناس ديل عندهم رواتب تقاعد تكفل لهم عيش كريم، يستمتعوا ببقية حياتهم بالسفر والتمتع بمباهج الحياة هذا الاستمتاع يبدأ بعد التقاعد !! وكأنهم لم يستمتعوا بحياتهم قبل التقاعد،، لا تستغرب يا صديقي ، فهذا هو الحاصل والله .. لهم متعتان بل لهم متع الدنيا كلها، وإنتو ليكم الله وعيشة السوق.. استحمل ياخ، فأنت سوداني.. في سنغافورة وعند إستقبالنا بالمطار، طلب مني مُضيفي بكل أدب وإحترام أن أتخلص من اللبانة، لأنها ممنوعة في بلدهم عشان بتوسـخ البلد!!! لبانة بتوسـخ البلد، ضحكت وأنا أتذكر قعدتي في سوق الديم، وصديقتنا ست الشاي التي اجتهدت في فرش الرملة الحمراء في الأرض ورشها بالموية وإطلاق البخور عشان الضبان التـافه ده ما يقع في كباية الشاي بتاعتي !! لم تشفع الرملة الحمراء أو تمنع ( التمباكة) من ممارسة طقسهم العادي في تشكيل الرملة بدوائر من الوان بنية صلبة وسائلة ،، قال لبان قال .. إنت ما شايف سكان تلك المدن بيستغربوا من حاجاتكم كيف !! الحاجات دي في السودان بالنسبة لينا طبيعية، لأنها جزء من اللوحة الكبيرة، ولا نرى فيها ما يضايق، ولكن نراها غير ذلك بره بلدنا.. العيب ما في بلدنا، والله بلدنا بريئة مما أحدثوه بها براءة الذئب من دم إبن يعقوب، ولا تستحق منا الذم والشتيمة، العيب في الناس المكنكشين فيها ديل !! تخيل بلد زي السودان دي لو حكموها ناس كويسين ، والله لو حصل ، مانا سائلين في أي من مدن النشرة الجوية.. ثم أننا لم نعمل (زي الناس) في الجامع ،، نحن دخّلونا الجامع وقفلونا جواهو بإسم الرب !!! وأوهمونا أن ما يفعلون هو باسمه وبمشيئته، لا تُخالف، فينزل عليك غضبه بل هو غضبهم هم.. عليكم النبي يا جماعة الفرق شنو بين البيحصل هسي ده، وبين ما كان يحصل في القرون الوسطى إبان سيطرة الكنيسة باسم الرب على الامور الدينية والدنيوية ، ياخي نحن في غيبوبة ما عارفين ح نطلع منها متين!!
يا محمود هذا ردي على مسابقتك، وعلى أخونا عماد عبدالله الذي لن ترضى عنه نفسه حتى يفارق من آلف، وهي فضفضة ممغوس، والجاية من السما، بتتحملها الواطـة، فتحمل ولك أجر ذلك..
| |
|
|
|
|
|
|
Re: عماد عبدالله...السويتا رقدت (صورة) (Re: Salah Abdulla)
|
الحبيب صلاح عبدالله..عيدك سعيد ود أمي...
Quote: يا محمود هذا ردي على مسابقتك، وعلى أخونا عماد عبدالله الذي لن ترضى عنه نفسه حتى يفارق من آلف، وهي فضفضة ممغوس، والجاية من السما، بتتحملها الواطـة، فتحمل ولك أجر ذلك.. |
والإجابة صحيحة وعندنا جوائز عينية ليس أقلها الدموع...إي والله..دموع عديل...
هو عماد المسنوح دا...شن طعمو ؟؟؟ غايتو بس لو ما "الإدمان" قاتله الله..كان رمينا طوبتو من زمااااااااااان....
ياخ إنتو ناس جميلين خالس خالس...حاجة من أروع ما يكون..
بعدين كان عندي بوست بمداخلة يتيمة عن أبيات منسوبة للإمام الشافعي....تنفع معاك في محاولة تصدير النيل العاجباك دي..
Quote: ما فى المقـام لذي عقـل وذي أدب .. من راحـة فـدع الأوطـان واغـترب سـافـر تجـد عوضا عـمن تفـارقه .. وانصب فإن لذيذ العيش في النصب إني رأيت وقـوف الـمـاء يفـسـده .. إن سال طـاب وإن لم يجر لم يطب والأسد لولا فراق الغاب ماافترست .. والسهم لولا فـراق القوس لم يصب والشمس لو وقفت في الفلك دائمة .. لملها النـاس من عجـم ومن عـرب والتـبر كالترب ملقى في أماكنه .. والعود في أرضـه نـوع من الحطـب فـإن تـغـرب هــذا عـز مـطلـبه .. وإن تـغــرب ذاك عـز كالذهـب |
صلاح...عيدك سعيد وبخيت تب...وليت عماد يعرف إنه القصة Never Too Late..
ولا يغرنه الوضع حتى لو كتبوا ليهو سيقا وكورال ومدرسة KICS بإسمو ومعاها 100 ألف دولار...
..
.
| |
|
|
|
|
|
|
|