|
|
 العيد فى صور .. من امبدة
|
كل عام والجميع بالف خير...
وكل عام والسودان ينعم بالأمن والسلام والرخاء.
رفعنا الأكف صادقين فى هذه الايام أن ربنا ارفع عنا البلاء وارحمنا.
|
|
 
|
|
|
|
|
|
|
|
Re: العيد فى صور .. من امبدة (Re: mutwakil toum)
|
متوكل توم
قلت لى خروف يحنن! ونصدر عفو عام عنه!
ههههههه
لو بيدى لذبحته ألف مرة .. دة قد الجيب عديل كدة..
بالمناسبة دة اقل شئ موجود فى السوق بى 800 الف، اما بى مليونين داك عامل كدة زى العجل.
تشكر على المرور
| |
|
|
|
|
|
|
|
|
|
Re: العيد فى صور .. من امبدة (Re: ombadda)
|
يا دكتور
انا سالت ماما من الشربوت دا شنو بعملوا كيف
قالت لى الشربوت حق الشوايقة والدناقلة الجعليين ما بشربوا انت شايقى ولا دنقلاوى ولا ساكن معاهم هههههه
| |
|
|
|
|
|
|
|
|
 Re: العيد فى صور .. من امبدة (Re: محمد حيدر المشرف)
|
أخونا العزيز د.أمبدة
كل سنة وإنت والأهل بخير وصحة وعافية
والسنة الجاية معيد مع أم العيال إنشاءالله
قلت لي الضباح براهو بياخد 100 ألف ونقدآ  
غايتو بس نقول الحمدلله على كل حال وأضحية مقبولة إنشاءالله ..
| |
|
|
|
|
|
|
|
|
|
Re: العيد فى صور .. من امبدة (Re: Hadeer Alzain)
|
هدير الزين
امين يارب.
وكل عام وكل لحظة وانت بالف خير.
امين لدعوتك حقت "اضحية مقبولة"
اما دعوتك الاولى "ام العيال" هو انحنا كدة قاعدين نضرب اخماس فى اسداس كمان لمن يكون فيها عيال وام عيال نضرب كم فى كم. ههههههههه. غايتو ندعو الله برفع البلاء وان يعم الرخاء ودة لو تم حينها نطلب منك دعوة كاااربة لام العيال. ههههه
تشكرى مرة اخرى للعيدية وللمرور
| |
|
|
|
|
|
|
|
|
|
Re: العيد فى صور .. من امبدة (Re: الجندرية)
|
الجندرية
حمدلله وسلامة العودة للمنبر.. صوت قوى للمرة.
وكل سنة وانت طيبة..
الخرفان منهكة اتعبها المسير والسفر واصحابها ضنو عليها بالعشب لذا شكلها يحنن. الخروف شغال طاحونة بس اليوم كله يمضغ لو اخد فرصة يومين تلاتة كان جيستعدل .. الخروفان الان فى خبر كان، لهما الرحمة.
:-)
| |
|
|
|
|
|
|
|
|
 Re: العيد فى صور .. من امبدة (Re: ombadda)
|
خلف الله كل سنه وانت طيب وزوار البوست بالف خير
الخرفان لحقن امات طه واتهضموا بالشربوت والفرو اللونوا ماروني وصل المدبغه بيكون ؛) عاد ياوضاحه كل سنه وانت بخير ياحبيبة
ظل العيد هذا العام رغم المعاناه جميلا وذو طابع خاص اعاده الله علي الجميع بالخير والبركه وفرج فيه الكرب وحقق الامنيات للجميع
| |
|
|
|
|
|
|
|
|
|
Re: العيد فى صور .. من امبدة (Re: ombadda)
|
كل عام وأنتم بخير
وحقق الله أمانيكم وتقبل طاعاتكم
.............................................
الخروف دا حمري شكلو ..جذع ( جضعة ) أنهكه الملح وقلة الماء ...
الشاربوت والكجومورو والحسوة والمريسة والعسلية من طقووس السودان في عيد الاضحى ..واستبدلها اقوام بالسفن اب والببسي وقديما كان بعضهم يأتي بالاندروس مع الببسي لزوم الكسرة ....
...........................................
التحية عبرك لكل الأسرة وسلم علي على العريبي أمجد الهادي
| |
|
|
|
|
|
|
|
|
Re: العيد فى صور .. من امبدة (Re: عبدالرحمن الحلاوي)
|
هلا ابو النسب عبدالرحمن الحلاوى.
كل عام انت والاسرة بالف خير.
لقيتك خبرة فى الخرفان. الخروف فعلا جضع وأشتريناه من امبدة يعنى جاى من الغرب وفعلا كان مليان ملح هههههه بدليل لحمته كملت فى يوم واحد فقط ههههه.
يخصوص شيخ العرب امجد عيد علينا اول يوم فى العيد هو واسرته ونسة حلوة امتدت الى منتصف الليل. وتانى يوم فى العيد يمم نحو الجزيرة هو واسرته الكريمة لحضور مناسبة زواج ولكى يعيد على الاهل.
اتوقعت زيارتك لينا فى اجازتك الفائتة لكن يبدو اجازتك كانت قصيرة.
سلامى للجميع
| |
|
|
|
|
|
|
|
|
|
Re: العيد فى صور .. من امبدة (Re: ياسر مكاوي)
|
د. ياسر مكاوى
كل عام وانت بالف خير وربنا يحقق جميع الامانى الطيبة. (صامد جوة البلد ولا اتخارجت؟)
حقيقة كنت مخصص البوست لانزال صور ومقطع فيديو لصلاة العيد، الا ان الناس الحلوة- جميع من مر بهذا البوست- ومعايدتهم وتهانيهم الصادقة انستنى موضوع البوست. سعدت جدا بالمداخلات واندمجت معها.
اما جك الشربوت فلقد فعل الافاعيل والعجب اليوم التانى ههههه.
شكرا لمرورك ياسر.
| |
|
|
|
|
|
|
|
|
|
Re: العيد فى صور .. من امبدة (Re: ombadda)
|
إن شاء الله ال########م لنتأنيكم ...بين الرقم الوطني والتقديم والتسجيل لابن أختك محمد في كلية القانون -جامعة الخرطوم والجزيرة وتشطيبات قصر بكينغهام ورمضان كل هذه في علبة الزمن الذي ننتظر قدومه لنحضر والوطن قاااامة ههههه وليس قزما قسمة بين البغاث...تقبل التحيات .
| |
|
|
|
|
|
|
|
|
|
Re: العيد فى صور .. من امبدة (Re: ombadda)
|
اشتهر أسلافي بطولهم الفارع وبياضهم الشديد الذي تعلوه حمرة وترى أحدهم جالساً وتكاد الركب تحاذي فك الحنك ..وأما من عاصرتهم عليهم الرحمة من أخوالنا فتح الله وحسن وعباس والرشيد ، فجميعهم مربوعي القامة ، وأما أخواله فلا أجد من الأبناء إلا سعيداً (كروم ) وهو شبيه خاله بدر الدين في قامته وقد قرأت في الأثر ( تكاد المرأة أن تلد أخاها أو أباها ) ...ولا أفتي في الجينيسيوم فالمايك معك هههههه ,, تحياتي للعائلة على امتدادها
| |
|
|
|
|
|
|
| |
ombadda
وضاحة
الزبير صالح الزبير
ناذر محمد الخليفة
حامد محمد حامد
ALGARADABI
Nagat Sid Ahmed Elshiekh
الجندرية
محمد حيدر المشرف
Hadeer Alzain
عبدالرحمن الحلاوي
ياسر مكاوي
فيس بوك
تويتر
انستقرام
يوتيوب
بنتيريست