|
|
|
 Re: البوست الحَسن في منبت المنبر (Re: عبدالله الشقليني)
|
سلامات ياودخليل ـ كل عام وانت بألف الف خير.| Quote: اوووووو عوبد
كل عام وانتم بخير
وينك يا بلد |
كنت بجيب الكورة من بره.
ذكرتني يافيصل واحد بلدياتي كان لما يكون في جنازة في ليل الشتاء الغارس يعمل نايم
والصباح يجي شايل صينية الشاي عادي زي كأنه مشي المقابر ودفن مع الجماعة
مرة جاء كعادته وقال لـ ناس البكا
كيف اصبحتو ـ واحد من ناس البكا كان ناقش ـ قال ليه:
اصبحنا عندنا بكا ـ دحين وِشِيهك ده امس شفتو بالليل؟
| |
 
|
|
|
|
|
|
|
|
Re: البوست الحَسن في منبت المنبر (Re: عماد الشبلي)
|
مرحبا ـ اخويا الشقليني عيد مبارك ان شاء الله
| Quote: في قراءة للعنوان نأتي لذاكرتي ألا أقارن بينه وبين النص المحور من الحديث : ( المرأة الجميلة في منبت ..... |
العنوان ده حمدو في بطنو وكويس انك احسنت الظن وماقارنت
وحسن الظن ده نعمة من نعم الله ـ اغبطك عليها.
وترقب ماهو آت من قطوف ـ حين ميسرة ان شاء الله.
| |
|
|
|
|
|
|
|
|
|
Re: البوست الحَسن في منبت المنبر (Re: وضاحة)
|
| Quote: لسة شباب يعنى يا ود عمى
كان كده ما تبارى فيصل دا بكبرك |
فيسل ده من زمن نوح
بت عمي وضاحة المحيّا ـ مرحبتين
كلامي لي فيسل هليل ده ـ فيهو مافيهو من عتاب الخوة.
تصوري ـ غبت من المنبر ده اكتر من سنة ـ لافيسل
لا ابوحسين لا شيقوق لاشبلي والقائمة تطول ــ
ولا واحد فكر يجدع لي رسالة ساكت في الماسنجر
وهسع جايين في البوست عادي زي التكنهُن كانوا قاعدين يسألو عني
عليك الله يابت عمي ديل ما زي الزول القال لي ناس البكا كيف اصبحتو؟
غايتو ان ضلم الليل أخير شيقوق .. مرة مرة بتونَّس معاي بالاسكايب.
اصبروا ياشبلي وابوحسين نامن اجيكن راجع ـ بالحتة الفيها الحديدة
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
| Quote: اصبروا ياشبلي وابوحسين نامن اجيكن راجع ـ بالحتة الفيها الحديدة |
الفاضلاببي
لو القصة فيها حتة وحديدة
انا حا اعترف
بشرط تعتبرني شاهد ملك
ضد الناس الماسالو منك
خاصة المسنوح
لكن والله انا مرة في بوستك ليك
بذكر قلت ليك
يازول انت مختفي وين ؟؟
المهم تاني ماتختفي
| |
|
|
|
|
|
|
|
 Re: البوست الحَسن في منبت المنبر (Re: عماد الشبلي)
|
| Quote: العنوان ده حمدو في بطنو وكويس انك احسنت الظن وماقارنت |
غايتو الباطن ما بندخل فيهو ... لاكين الظاهر انو "منبت الـ...." بيئة اخلاقية وتربوية ...
فإمّا أنو بوست حسن في بيئة اخلاقية وتربوية حسنة ... ويكون عنوان مسلوق من المعنى والفائدة ...
أو تكون العظة في المفارقة بأنه بوست حسن في بيئة أخلاقية وتربوية غير حسنة ...
فإن كان المراد المعنى القريب الأول ... فهو بوست غير حسن ... من حيث العنوان على الأقل ...
وإن كان المراد المعنى البعيد الثاني ... فهو بوست غير حسن ... من حيث سوء ظنه بالمنبر وأهله ...
وإن كان غير ذلك ... فنحيا ونشوف ... إما أن يعلمنا فنقبل منه ... أو يتعلم منا ويقبل منا ... أو يهرب هذا البوست إلى الخور فورًا ...
(فنحن لا نهرب في هذا المنبر ...  )
... المهم ...
| |
|
|
|
|
|
|
|
|
|
Re: البوست الحَسن في منبت المنبر (Re: Zakaria Joseph)
|
| Quote: من حيث سوء ظنه بالمنبر وأهله ... |
بالمنبر إخوة واخوات افاضل اكون مشتطاً اذا اسأت الظن بهم
Quote: ود اختنا الفاضلابى,
سلامات.
وينك يا اخوى? |
الخال ابوالزيك ـ كيف حالك
انت برضك تبع القائمة اللي في
الرد علي بت عمي وضاحة
بل راسك للحتة الـ فيها الحديدة
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
Quote: هو يزيد بن هارون بن زاذان السلمي ثقة عابد مات ٢٠٠٦ هــ
محمد بن الربيع بن الحكم قال: سمعت يزيد بن هارون يقول:
من طلب الرئاسة في غير أوانها حرمه الله اياها في اوانها. |
أها ... والله ملتزم بى كلام الراجل دا؟ ... يعني بيحرم الرئاسة ممن يطلبها في غير أوانها؟ ... ولاّ يعطي الملك من يشاء؟
بعدين الراجل دا مات 2006ه كيف؟ ... ولاّ احفاد احفادنا مفروض يرجوهو يتولد حتين يموت 2006ه ... نحن في 1433ه ...
... المهم .....
| |
|
|
|
|
|
|
|
|
|
Re: البوست الحَسن في منبت المنبر (Re: تبارك شيخ الدين جبريل)
|
| Quote: يعني بيحرم الرئاسة ممن يطلبها في غير أوانها؟ ... ولاّ يعطي الملك من يشاء؟ |
هذا عين ماقصده يزيد بن هارون
الله يؤتي الملك لمن يشاء ـ فلا تأمر ولاعدوان لأخذه
ويمكن فهم مقصد يزيد تحت ضؤ:
( قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير)
فالنزع والإذلال يتفق مع ماذهب اليه بن هارون ـ والله تعالي اجل واعلم
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
Quote: بت عمي وضاحة المحيّا ـ مرحبتين
كلامي لي فيسل هليل ده ـ فيهو مافيهو من عتاب الخوة.
تصوري ـ غبت من المنبر ده اكتر من سنة ـ لافيسل
لا ابوحسين لا شيقوق لاشبلي والقائمة تطول ــ
ولا واحد فكر يجدع لي رسالة ساكت في الماسنجر
وهسع جايين في البوست عادي زي التكنهُن كانوا قاعدين يسألو عني
عليك الله يابت عمي ديل ما زي الزول القال لي ناس البكا كيف اصبحتو؟
غايتو ان ضلم الليل أخير شيقوق .. مرة مرة بتونَّس معاي بالاسكايب.
اصبروا ياشبلي وابوحسين نامن اجيكن راجع ـ بالحتة الفيها الحديدة
|
حباب ود الفاضلاب الحنين بركة فى العودة
الناس القلتهم ديل وخاصة المسنوح شيقا بعرفن زى ضل الدوم وماعندهم ضمان وامان هههههه
علشان كده ما تشتغل بيهم
الايام دى شيقا جاب ليه مبارات فنانات يكون عاوز يشتهر ههههه
تصدق يا عزو بقى يداعينى شيقا
خليتوا لى الله هههههه
والله انا سالت منك خالد المنسي بس قال ما عارف ليك درب
العود احمد ما تغيب تانى لانوا كتاباتك مميزة وممتعة
تسلم وربنا يسعدك فى الداريين
وكل عام وانت اسعد البشر
| |
|
|
|
|
|
|
|
|
|
Re: البوست الحَسن في منبت المنبر (Re: وضاحة)
|
Quote: مرحبا حباب بت العم ـ اعاده الله عليك وعلي جميع المسلمين بالنعم ـ
دعوتك دي بالدنيا نقول آمين لينا وليك |
بق بق دى بت عمك ؟
ياخ دي سيارة انجليزية مركبين ليها ماكينة جعليين
| |
|
|
|
|
|
|
|
|
|
Re: البوست الحَسن في منبت المنبر (Re: وضاحة)
|
| Quote: الزول دا ودوا الضل يا جماعة |
اكان جعلية صحي صحي اكان هسه يكون عرقك زبد زبد في المطبخ لزوم تجهيز الغداء لاهلك البجوا يباركوا ليك العيد
نوعك دا باقي لي بيكون حافظ رقم الريسترينت في موبايلو مجرد ما جاهو ضيف بتلهم الهوم دليفري ساااااااااااااى
| |
|
|
|
|
|
|
|
|
|
Re: البوست الحَسن في منبت المنبر (Re: الطيب شيقوق)
|
Quote:
اكان جعلية صحي صحي اكان هسه يكون عرقك زبد زبد في المطبخ لزوم تجهيز الغداء لاهلك البجوا يباركوا ليك العيد
نوعك دا باقي لي بيكون حافظ رقم الريسترينت في موبايلو مجرد ما جاهو ضيف بتلهم الهوم دليفري ساااااااااااااى |
انت فاكرنا في البردانة يا عربي
انا امى ما بتخش المطبخ بدل الخدامة عندها ثلاثة وكان للضيوف عندنا مجلس مفتوح للجميع
انت شن عرفك بكرم الجعليين مسنوح واحد
| |
|
|
|
|
|
|
|
|
|
Re: البوست الحَسن في منبت المنبر (Re: الطيب شيقوق)
|
هوووي ياسجم الرماد بت عمي دي البهبشا بي عنكوليبة بنخلي ضهروا يسيل مجاري بالعنجاوي.
كيفك ياشيقا كل سنة وانت طيب ـ انا حسب ظني انك معيد في البردانةلكن المحيرني انك علي النت ـ اللابتوب ده رابطو في ضرع نعجة ولَّا بتجيب الكهرباء من وين؟
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
Quote: هذا عين ماقصده يزيد بن هارون
الله يؤتي الملك لمن يشاء ـ فلا تأمر ولاعدوان لأخذه
ويمكن فهم مقصد يزيد تحت ضؤ: |
يا راجل؟ ... دي حجوة ام ضبيبينة؟
يزيد بن هارون يقول الله قاصد يحرم زيد وعبيد من الرئاسة ...
وانت تقول يزيد بن هارون قاصد انو الله على كيفو ...
بعد شوية حا يجيني عماد موسى يقول ليّ الفاضلابي قاصد انو يزيد بن هارون قاصد انو الله قاصد انو يعكّر مزاج تبارك شيخ الدين بالكلام الفارغ ...
انتو ما جادّين ولاّ شنو؟ ... اركزوا ... الدنيا قبايل عيد ...
... المهم ....
| |
|
|
|
|
|
|
|
|
|
Re: البوست الحَسن في منبت المنبر (Re: عماد الشبلي)
|
| Quote: هوووي ياسجم الرماد بت عمي دي البهبشا بي عنكوليبة بنخلي ضهروا يسيل مجاري بالعنجاوي. |
خلاص بخيتة عليكم - باقي لي عاجبكم درابها و فرستها الصايتة بيها المنبر يمين وشمال لا عندها في الجمل ولا في الجمالي
| Quote: كيفك ياشيقا كل سنة وانت طيب ـ انا حسب ظني انك معيد في البردانةلكن المحيرني انك علي النت ـ اللابتوب ده رابطو في ضرع نعجة ولَّا بتجيب الكهرباء من وين؟ |
انت من زمن اللابتوب عند ناس البنادر ؟ عييييك والله اللابتوبات بقت عند العرب زي الحجبات
ياخ عتيّد البرمة في السوق قنّب بجيب للعربي لابتوب HP
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
وأبو سنان شهاب الدين ضرار بن مرة الشيباني قاول ابليس في قهوة جي جي؟
ولاّ دا "رأيه" وهو معجب بيهو لى درجة بيقولو كأنو حقيقة؟
بقيتوا تفتروا الكذب على ابليس ذات نفسوا يا السلفية؟ ... الله ما كفّاكم؟
والله أبوسنان ظاطو ما جادي ... 
... المهم ....
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
| Quote: فمرحبا بك في بيتي في اي وقت تكون فيه في نيويورك |
والله يا عبدالعزيز ... رغم أنني نسيت اختلافنا في بوست "أصول الفقه" ... وسعيت لزيارتك في بيتك ومصافاتك ... ولم يتيسر ذلك إلاّ أنني اشكر لك دعوتك المفتوحة هذه ... وسأسعى لتلبيتها في اقرب فرصة ازور فيها نيويورك ... وعفا الله عما سلف ... فقد كان في النفس شيء من حتى ... ولذا لزم العتاب ... وأأسف لنقل الخاص في مكان عام ... وسأقوم بحذفه فورًا ....
... المهم ....
| |
|
|
|
|
|
|
|
|
|
Re: البوست الحَسن في منبت المنبر (Re: تبارك شيخ الدين جبريل)
|
شكرا تبارك شكر عبد العزيز
ونعمة الاخوان انتم وربنا يجمعنا دائما فى الخير والفرح
أيوا كده ياخى انا بتوتر وبحزن لما احس فى مشاكل بين الاخوان
بحبكم والله وتستاهلوا بوسة فى روسينكم المدوقسين ديل هههههههه
وانحنى لكم تقدير واحترام
تحياتى ومحبتى
| |
|
|
|
|
|
|
|
|
|
Re: البوست الحَسن في منبت المنبر (Re: عماد الشبلي)
|
عن مسروق قال: إذا بلغ احدكم اربعين سنة فليأخذ حذره من الله عز وجل
هذا القول يذكرني بقول الله عز وجل:
{وَوَصَّيْنَا الْإِنسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ}
فتكون النتيجة كما قال الله سبحانه وتعالي في الآية التي بعدها:
{ اولئك الذين نتقبل عنهم أحسن ما عملوا ونتجاوز عن سيئاتهم في أصحاب الجنة وعد الصدق الذي كانوا يوعدون} (الأحقاف الآيات: ١٥ـ ١٦ )
ياتبارك ـ ومع ان اعتذارك ناقصاً لانك لم تقل ان موضوع المكالمة هذا من وحي خيالك الا انه يظل علي عيني وراسي وعافي منك لوجه الله ـ بس الكلام اللي ذكرته عني في البوست ده والله ماحصل والله في ناس اساءوا في هذه الحياة اساءات لاتساوي شيئا مقارنة بماجري بيني وبينك ووالله عندما زاروني في بيتي اخذتهم بالأحضان وعفوت عنهم دون ان احوجهم لاعتذار . فمابالك ان الذي جري بيني وبينك لايعدو كونه مناكفة منبر لاتصل لدرجة رفض قبولك في بيتي .
العفو لله
(عدل بواسطة عبدالعزيز الفاضلابى on 10-28-2012, 07:48 PM)
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
عن اسماعيل بن أمية قال: قيل لمسروق لو انك قصرت عن بعض ماتصنع، اي من العبادة، فقال: والله لو أتاني آتٍ فاخبرني ان الله لايعذبني لاجتهدت في العبادة ، قيل: وكيف ذلك؟ قال: حتي تعذرني نفسي ان دخلت جهنم لا الومها ، اما بلغك في قوله عز وجل: (ولا أُقْسِمُ بِالنَّفْسِ اللَّوَّامَةِ) إنما لاموا انفسهم حين صاروا الي جهنم واعتقبتهم الزبانية وحِيلَ بينهم وبين مايشتهون، وانقطعت عنهم الأماني ورُفِعَتْ عنهم الرحمة وأقبل كل امرئ منهم يلوم نفسه.
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
يشهد الله انكما ( تبارك وعزيز) كرام اولاد كرام
اما وضاحة فصارت اكرم منى ومنكما
الاخ عزيز مافي حد بيعرفو زي انا يا مبارك اخوى - عمل معي محاميا بولاية سنار واشهد ان اغلب المحامين الذين يأتون للعمل في محكمة سنجة من الخرطوم او الابيض او اى مدينة بعيدة من سنجة وتقتضي ظروفهم المبيت ليوم او يومين لا يبيتون الا في منزل الاخ الفاضلابي .
بيت الفاضلابي في سنجة كان زى مسيد الشيخ يا تبارك اخوى
التحية لكما وللاخت وضاحة سفيرة النوايا الطيبة في هذا المنتدى
| |
|
|
|
|
|
|
|
|
|
Re: البوست الحَسن في منبت المنبر (Re: الطيب شيقوق)
|
| Quote: الاخ عزيز مافي حد بيعرفو زي انا يا مبارك اخوى |
[B]بارك الله فيك أخي شيقوق ـ اللهم اجعلني احسن ممايظنون
وكان شميط يقول: إن المؤمن اتخذ كتاب الله عز وجل مرآة ، فمرة ينظر الي مانعتَ الله عز وجل به المؤمنين، ومرة ينظر الي مانعت الله عز وجل به المُغْترِّين ، ومرة ينظر الي الجنة وماوعد الله عز وجل فيها، ومرة ينظر الي النار وما اعد الله عز وجل فيها ، تلقاه حزينا كالسهم المرمي به شوقاً الي ماشوَّقه الله عز وجل اليه وهرباً مما خَوَّفَهُ الله عز وجل من.
| |
|
|
|
|
|
|
|
|
|
Re: البوست الحَسن في منبت المنبر (Re: Elawad)
|
| Quote: تحياتي لك وللأسرة وعيد مبارك وتقبل الله منا ومنكم صالح الأعمال. |
أخي الحبيب العوض ـ والله إني احبك في الله ولمَّا اشوفك معاي في بوست بَحِسْ بالرِفقة ، عِلا يالعوض ياخوي مابكضب عليك تستاهل الزول يديك بالحتة الفيها الحديدة زيك وزي ابوحسين وهارون دياب وبقية اخوانا ناس الرياضة ـ هلالاب مريخاب ـ الـ مافيكن زول فقدني. ياخ ناس الكورة ديل اتاريها خوتم تسعين دقيقة بس.
شميط بن عجلان كان يقول: بلغنا ان الله تعالي اوحي الي داود عليه السلام ياداود الا تري الي المنافق كيف يخدعني وانا اخدعه؟ يسَبِّحني ويوقر بلسانه، وقلبه مني بعيد، ياداود قل للملأ من بني اسرائيل لايدعوني والخطايا في اضبانهم ، ليضعوها ثم ليدعوني استجب لهم.
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
| Quote: أخونا و حبيبنا عبدالعزيز سلام
و كل سنة و إنت بألف خير و ربنا إحقق ليك كل أمانيك
تحياتي و إحترامي |
اخونا الحبيب ابوحسين ـ اسمي التبريكات بحلول عيد الاضحي لك والاسرة الكريمة وكل من حوي جمعكم العامر.
مانسيتك يابوحسين لكن كنت بفتش لي في حزام زي بتاع الكاوبوي ليك انت بالذات عشان سويت خوتك معاي زي خوة ناس الكورة ود دياب وخليل وودالبشري والـ يو بتاعه طلحة مافيكن زول فقدني. عِّلا كراع البقر جيِّابة. هاك الهدية دي.
كان شميط بن عجلان يقول: بالدراهم والدنانير أزِمَّة المنافقين تقودهم الي السوءات.
وكان يقول: تلقي احدهم عنده فضول يغلق بابه دون جاره وذوي رحمه ، ثم يخرج علي القوم يحدِّثهم بما أكل وشرب ولعل جاره الفقير وذا رحمه المحتاج يكون في القوم يسمع مايقول ، وَيْحَك ماكفاك ان اغلقت بابك دونه فلم تواسِه ولم تذكره حتي قعدت فاخبرته بما أكلت وشربت؟ فإذا انت قد جمعت إساءة بعد إساءة.
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
وكان شميط بن عجلان يقول: إنسانان معذبان في الدنيا: غنيٌ أُعْطِيَ دنيا فهو بها مشغول ، وفقير زُويت عنه فهو يُتْبِعها نفسه فنفسه تَقَطَّع عليها حسرات.
وكان يقول: الناس ثلاثة: فرجل إبتكر الخير في حداثة سِنِّهِ ثم داوم عليه حتي خرج من الدنيا ، فهذا المقَرَّب ، ورجل إبتكر عمره بالذنوب وطول الغفلة ثم راجع توبة ، فهذا صاحب يمين ، ورجل ابتكر الشر في حداثة سِنَّه ثم لم يزل فيه حتي خرج من الدنيا فهذا صاحب شمال.
(عدل بواسطة عبدالعزيز الفاضلابى on 10-29-2012, 09:20 PM)
| |
|
|
|
|
|
|
|
|
|
Re: البوست الحَسن في منبت المنبر (Re: Abdelrahim Mansour)
|
Quote: سلام يا حبيب
بوست رائع، و موافق، و كان بمثابة عيدية لنا |
مرحبا الحبيب عبدالرحيم ـ ايدك معانا وربنا ينفع به ويجعله خالصا لوجهه تعالي.
علقمة بن قيس بن عبدالله بن مالك النخعي
يكني ابا شبل ، ثقة ثبت فقيه عابد ، مات بعد الستين وقيل بعد السبعين.
قيل لعلقمة: افلا تدخل علي السلطان فتنتفع؟
قال: إني لا أصيب من دنياهم شيئاَ إلا أصابوا من ديني مثله.
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
زر بن حبيش الأسدي
هو: زِرٌّ بكسر اوله وتشديد الراء ـ بن حبيش بن حباشة الكوفي ، ابومريم ، ثقة مخضرم مات سنة إحدي او اثنتين او ثلاثة وثمانين ، وهو بن مائة وسبع وعشرين.
عن سويدالــــ كلـ بي ان زر بن حبيش كتب الي عبدالملك بن مروان كتاباً يعظه فيه فكان في آخر كتابه: ولا يطمعنَّك يا أمير المؤمنين في طول الحياة مايظهر من صحة بدنك، فأنت اعلم بنفسك، واذكر ماتكلَّم به الأولون:
إذا الرجالُ ولدت أولادُها ـ ـ ـ وبليت من كبر أجــــــــــســــادُها
وجعلت أسقامها تعتادها ـ ـ ـ فذلك زروع قد دنا حصادُها
فلما قرأ الكتاب بكي حتي بلَّ طرف ثوبه، ثم قال: صدق زر، ولو كتب إلينا بغير هذا كان أرفق.
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
همام بن الحارث النخعي
ثقة عابد ، مات سنة ٦٥ هــ
عن إبراهيم ، عن همام بن الحارث انه كان يدعو: اللهم اشفني من النوم باليسير، وارزقني سهراً في طاعتك، وكان لاينام إلا هنيهة وهو قاعد.
ربعي بن حراش بن جحش الغطفاني
ثقة عابد مخضرم مات سنة مائة وقيل غير ذلك
عبدالله العجلي قال: حدثني أبي قال: إن ربعي بن حراش لم يكذب كذبة قط وكان له إبنان عاصيان علي الحجاج فقيل للحجاج: إن أباهما لم يكذب كذبة قط لو أرسلت اليه فسألته عنهما، قال: أين إبناك؟ قال: هما في البيت، قال: قد عفونا عنهما بصدقك.
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
| Quote: اللهم اجعل القليل من الدنيا يكفينا كما يكفي الكثير اهله ، اللهم ارفع رغبتنا اليك واقطع رجاءنا ممن سواك ، اللهم اجعل طاعتك الذ عندنا من الطعام عند الحوع ، ومن الشراب عند الظمأ ، اللهم اجعل غفلة الناس لنا ذكرا ومرح الناس لنا شكراً ، اللهم إذا تنعم المتنعمون بالدنيا فاجعلنا نتنعم بذكرك. |
اللهم آمين.
| Quote: أخي الحبيب العوض ـ والله إني احبك في الله ولمَّا اشوفك معاي في بوست بَحِسْ بالرِفقة ، عِلا يالعوض ياخوي مابكضب عليك تستاهل الزول يديك بالحتة الفيها الحديدة زيك وزي ابوحسين وهارون دياب وبقية اخوانا ناس الرياضة |
أحبك الله الذي أحببتني له... والله التقصير راكبنا يا عبد العزيز ولا عذر أبدا. لكن أحيانا يختفي بعض الإخوة والأخوات لانشغال مؤقت ثم يعودون لكن برضه دا ما عذر فسامحنا.
| |
|
|
|
|
|
|
|
|
|
Re: البوست الحَسن في منبت المنبر (Re: حمزه بابكر الكوبي)
|
Quote: كل سنة وانت طيب ومرحبا بعودتك مجددا
والتحية عبرك لعبدالرحيم منصور وحسن حماد |
الحبيب حمزة الكوبي ـ كل عام وانت بالف خير
سلامك وصل للشباب وربنا يديم الخوة والموده الي يوم ان نلقاه.
اويس القرني
هو اويس بن عامر القرني ـ بفتح القاف والراء بعدها نون ـ سيد التابعين، روي له مسلم من كلامه ، قتل بصفين وقال علقمة بن مرثد: أويس بن أنيس ، وقيل أويس بن الحليس.
عن أُسَير بن جابر قال: كان عمر بن الخطاب إذا أتت عليه أمداد اليمن سألهم: هل فيكم أويس بن عامر؟ حتي أتي علي أويس فقال: انت أويس بن عامر؟ قال: نعم، قال: من مراد ثم قرن؟ قال نعم، قال: كان بك برص فبرأت منه إلا موضع درهم؟ قال: نعم، قال: لك والدة؟ قال: نعم، قال: سمعت رسول الله صلي الله عليه وسلم يقول: "يأتي عليكم أويس بن عامر مع أمداد أهل اليمن من مراد ثم من قرن، كان به برص فبرأ منه الا موضع درهم، له والدة هو بها بار، لو أقسم علي الله عز وجل لأبرَّه، فإن استطعت أن يستغفر لك فافعل" فاستغفر لي، ففعل.
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
[green]... ثم صلي علي النبي صلي الله عليه وسلم ودعا بدعوات خفاف ثم قال: هذه وصيتي إياك: كتاب الله ونعي المرسلين ونعي صالح المؤمنين، فعليك بذكر الموت ولايفارقن قلبك طرفة عين مابقيت، وانذر قومك إذا رجعت إليهم وانصح للأمة جميعاً، وإياك أن تفارق الجماعة فتفارق دينك وأنت لاتعلم فتدخل النار، وادع لي ولنفسك.
ثم قال: اللهم إن هذا زعم أنه يحبني فيك وزارني من أجلك فعرِّفني وجهه في الجنة وادخله عليَّ دارك، دار السلام، واحفظه مادام حياً، وارضه من الدنيا باليسير، واجعله لما أعطيته من نعمك من الشاكرين واجزه عني خيراً.
ثم قال: السلام عليك ورحمة الله وبركاته، لا أراك بعد اليوم إن شاء الله تعالي رحمك الله فإني أكره الشهرة، والوحدة أحب إليَّ لأني كثير الغم مادمت مع هؤلاء الناس، فلا تسأل عني ولا تطلبني، واعلم أنك مني علي بال وإن لم أرك وتراني، واذكرني وادع لي فإني سأعود لك وأذكرك إن شاء الله، فانطلق أنت ههنا حتي آخذ أنا ههنا.
فحرصت علي أن أمشي معه ساعة فأبي عليَّ ففارقته أبكي ويبكي، فجعلت أنظر اليه حتي دخل بعض السكك,
(عدل بواسطة عبدالعزيز الفاضلابى on 11-02-2012, 00:38 AM)
| |
|
|
|
|
|
|
|
|
|
Re: البوست الحَسن في منبت المنبر (Re: سيف الدولة كامل)
|
Quote: الف حمدا لله علي السلامة يا ابن عمي وان شاء الله ما تشوف شر.
والله سعيدين بالعودة والكتابة الطاعمة يا الفاضلابي ,, المسانيح
اتلوموا كان ما فقدوك ,,, تفقدك العافية يا ابو خالد ,, عيدك مبارك . |
الحبيب سيف كامل ..
حبابك ماغريب الدار وبلاك سودا ـ ياكا البتفقد الاخوان
عِلا المسانيح الـ سَوّْوها رقدت ـ كبير المسانيح ماقصّر
رسَّل لي رسالة يطمئن علينا بعد الاعصار ساندي ـ ربنا
يطمِّنو علي عنكوليبو من الآفات القارضة. هاك الهدية دي يا ودالكامل.
وباللون الأزرق عشان إنت الليلة غالب
رُوِي عن الربيع بن خثيم انه كان عمله كله سراً، إن كان ليجئ الرجل وقد نشر المصحف فيغطيه بثوبه.
عن منذر، عن الربيع بن خثيم قال: كل ما لايُبْتَغَي به وجه الله عز وجل يضمَحِل
| |
|
|
|
|
|
|
|
|
|
Re: البوست الحَسن في منبت المنبر (Re: عبدالعزيز الفاضلابى)
|
لك التحية والتقدير أخي الفاضل / عبد العزيز الفاضلابي
مشكور على البوست الرائع وأنت تنقل هذه الدرر النفيسة
عن مبدع زمانه ابن الجوزي ...... وقد اقتطعت جزءاً
مقدراً من وقتي لقراءة البوست بما في ذلك مناطحات
الأعضاء ...... أرجو أن لا تضمني إلى قائمة أصحاب
حتة الحديدة لأني كنت غائباً مثلك عن المنبر ..... بل
إنت أحسن حالاً مني ..... على الأقل بدخلوا بوستاتك
.... لكن نحن ولا حد بيعبرك ما في لأنو ما في بورداب
تربطني بيهم علاقة مباشرة ....... على العموم إنت من
القلائل الذين أذكر بأن لي معك مداخلات في بوستات
سابقة .... فبقي حبل الود متصلاً ...... فلك مني عاطر
التحايا ...... ومتابعين
| |
|
|
|
|
|
|
| |
عبدالعزيز الفاضلابى
وضاحة
محمد الكامل عبد الحليم
فيصل محمد خليل
عبدالله الشقليني
عماد الشبلي
ABUHUSSEIN
تبارك شيخ الدين جبريل
Zakaria Joseph
الطيب شيقوق
Elawad
Abdelrahim Mansour
حمزه بابكر الكوبي
سيف الدولة كامل
د.يوسف محمد طاهر
حسن حماد محمد
فيس بوك
تويتر
انستقرام
يوتيوب
بنتيريست