|
ياجماعة الجضة شنو,,اخوى واسرته اصبحوا فى ابقوتة
|
عمنا ود عمران من احدى قرى ابقوتة,بجى السوق بلورى الحلة,,يوم داك عندو اجتماع فى المحلية تاخر,,فاتو لورى السوق تانى مافى طريقة يصل بيها القرية,,فقعد للعصر فى قهوة عبد العاطى,,شاف الناس متجمهرة فى ميدان كورة,,مشى عليهم فاجلسه احد الشباب مكانه كلما تحصل محاورة او لعبة حلوة الناس تصفق وتصفر وتكورك,,يسال الجنبو,,آآجنا جابو قون,,يرد الولد ياعمى لا,,اى نان الجضة شنو
اخى الطيب يدير محل تجارى فى الكلاكلة شرق,,عادة بعيد فى البلد ويمشى يوم عرفة,,لكن ليلة امس ومع صوت الانفجار,ركب كرولته مع اسرته وهرب جنوبا ليلا مع الهاربين ,,فوحدت نفسه مع الوالدة فى ابقوتة,,فبادرته ياولادى كان احسن ليكم كدا ,,تسنكوا ليكم فى بلد بوليصها ما قادر يحرسكم ,,نحن هنا الا يجينا قدر الله عديل,,دحين تانى ما تسوق اولادك البندر الجدير بالذكر ان منطقتنا تبعد 110 كبيلو من موقع الانفجار,,فراى القوم الاشعاع وسمعوا صوت الدوى,,,
لكن برضو بسالكم آآناس الجضة شنو
(عدل بواسطة abuguta on 10-24-2012, 06:37 PM)
|
|
|
|
|
|