|
|
|
 Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: صبري طه)
|
صبري سلامات
| Quote: الوداد كان حيكون أفضل لإقصاء المريخ .. والسبب قبل المستوى وقبل كل شيء هو عُقدة فرق شمال إفريقيا .. |
لا لا ...الوداد تعبان وفي أضعف حالاته...لو شفت مباراتي اليوم الوداد كان ممكن يكون معبر سهل
غارزيتو فاهم الوضع تماما...وتوقع تأهل ليوبارد....وقال دجوليبا أفضل..
وبعد أن شاهدت مباراتي اليوم....ليوبارد نادي قوي جدا وعلي فكرة رشاوي الحكام دي ما بتمشي معاهو..
| |
 
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: MOHAMMED ELSHEIKH)
|
عن إذنك يا عباس أشوف الاحمر الفرحان دا
قلت شنو يا محمد الشيخ
Quote: واحد مالي بيشجع ديجوليا كتب في المنبر بتاع مالييز اون لاين بوست( باللغة المالية طبعا) شامتا وقال
"المريخ السوداني يهزم الهلال بثلاثية حارقة ويلاقي ل.....(طبعن لم تتم لانو الجملة كانت طويلة)"
مع التحية للدكتور ياسر ورهطه الكرام |
ليوبارد هزم دجوليبا خدمةيمين و عرق جبين...ماشاف ليهو لاعب محترف من نفس جنسية الحكم وإتفق معاهو
يا راجل عايز أقول ليك خليها مستورة...لكن المشكلة إنها بقت ما مستورة وخبرها عم القري و الحضر
برضو تحاياي
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: MOHAMMED ELSHEIKH)
|
د. ياســـر
سلام وتحية وتقدير + احترام
ياخ الكلام بتاع اشتروا الحكم وما عارف شنو دا القاعد تردد فيهو من امس دا
كلام ما مضبوط ولا يليق بزول دكتور
لو قالوا زول ساي عادي من الرعاع الفي شارع ممكن أعذره
لكن أنت والله ما لاقي ليك عذر
المرة الماضية قصدي المباراة الاولى جاء وفد الهلال والحكام للاجتماع التقليدي سوياً
وماف زول قال حاجة
يعني هســـي داير تفهمنا إنو الحكم دا قبض رشوة عشان الهلال يتغلب
ياخ دا كلام ما مبلوع والله
بالنسبة لبوستك البجينا داك حبابو دجوليبا ، ليوبار ، الهلال ، الجن الأحمر حبابو
أي فريق بطمح يفوز بكأس افريقيا عليه أن يكون مستعداً لملاقاة أي فريق
تحياتي
| |
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: الامين موسى البشاري)
|
كيف مافي زول قال حاجة يا و البشاري
بسبب لواكة الإعلام للحتة دي جمهور المريخ دخل المباراة مشحون وفي حالة طرد قلق التي لا ينكر صحتها احد كسرّوا الكراسي وكادوا يوقفوا المباراة
يا ياسر يبقى غارزيتو حساباتو ما دقيقة لأن لو خايف من ملعب الكنغو بالتالي يتوقع تفوق الفريق الكنغولي على المريخ و بديهي بكون بطمح يتفوق على دجوليبا ف حيلاقي الكنغولي في النهائي و الأسوأ مباراة الكاس ح تتلعب هناك
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: محمد البشرى الخضر)
|
Quote: كيف مافي زول قال حاجة يا و البشاري
بسبب لواكة الإعلام للحتة دي جمهور المريخ دخل المباراة مشحون وفي حالة طرد قلق التي لا ينكر صحتها احد كسرّوا الكراسي وكادوا يوقفوا المباراة |
هنا دا يا ود البشـــرى ماف مريخابي قال حاجة
اما لواكة (كلمة موغلة في السوقية)  الاعلام
ما ياهو اللت والعجن البسو فيهو د. ياســـر دا
والشحن وكسير الكراسي دا تأتي من كتابات الصحافة
والبوستات الزي دي ياخ
الحاجة الأخيرة كلام من النوع دا صعب اثباته بافتراض انو حاصل اصلاً
متلازمة ظلم التحكيم دي صفة دائمة للهلالاب
تحياتي
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: الامين موسى البشاري)
|
هنا تقصد البورد يا ود البشاري ؟ يا زول!!
اسي بنادي صبري و بنجيب ليك الإقتباسات من سنة اسكت :)
بعدين ظلم التحكيم دا للامانة دي حجتكم انتو, ياخي ابو شيبة بين العمود و التاني بجيب سيرة بلنتي ما محسوب لعبد المجيد جعفر سنة كم وتمانين و بلنتي في تسعين لعبو كاريكا في القايم وجاتو الكورة راجعة جابها قون !
وعلى قناعة صمدية انو الاتحاد و لجنة الحكام و الحكومة نفسها إما هلالاب او مريخاب خايفين على اكل عيشهم فبجاملوا الهلال
و يوجد مؤامرة كونية مشترك فيها الإتحادين الكاف و الفيفا مع الإتحاد العام و لجنة التحكيم لبسط سيطرة الهلال على البطولات
اسي بكون من امس راسو ضارب كونو المريخ يتحسب ليه بلنتيين في كورة واحدة ضد الهلال
فرمالة و انجلدت
بعدين لواكة كلمة فصيحة اصلها الفعل الثلاثي لاك و تفيد المضغ :)
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: الامين موسى البشاري)
|
الاخ الامين سلامات
د. ياســـر
Quote: سلام وتحية وتقدير + احترام
ياخ الكلام بتاع اشتروا الحكم وما عارف شنو دا القاعد تردد فيهو من امس دا
كلام ما مضبوط ولا يليق بزول دكتور
لو قالوا زول ساي عادي من الرعاع الفي شارع ممكن أعذره
لكن أنت والله ما لاقي ليك عذر
المرة الماضية قصدي المباراة الاولى جاء وفد الهلال والحكام للاجتماع التقليدي سوياً
وماف زول قال حاجة
يعني هســـي داير تفهمنا إنو الحكم دا قبض رشوة عشان الهلال يتغلب
ياخ دا كلام ما مبلوع والله
بالنسبة لبوستك البجينا داك حبابو دجوليبا ، ليوبار ، الهلال ، الجن الأحمر حبابو
أي فريق بطمح يفوز بكأس افريقيا عليه أن يكون مستعداً لملاقاة أي فريق
تحياتي |
والله يا الامين...الان في الخرطوم الكلام عن تفاصيل التفاصيل..مش الاخبار حاف كدا
بداية من تصريح أحمد أدم عافية وهو رجل ذو مصداقية عندي عن مادار في الاجتماع وعن ما ذكره الحكم وعن رد أحمد عافية...و عن ماشاهدناه في المباراة والانحياز الواضح الفاضح..وعن ماتردد بعد ذلك من أشخاص و صحفيين (حتي وإن كان هناك شك في مصداقيتهم) ولكن ماحدث من أحداث يدل علي صحة ما يتجهون إليه.....إنت عايزنا نتغاضي عن دا كلو عشان نحن ناس متعلمين مثلا ونمرر مرور الكرام ماحدث من أناس غير متعلمين مثلا..
يا سيدي لو كان الانتصار سليما...ومن داخل الملعب والله نبارك لكم بكل أريحية
أما قصة أنو عايز نا نطنش ونلبس نضارة لحام ونغض البصر ....لا والله.....هم يفعلون...ونحن لا نملك إلا أن نقول...هناك شيئ ما غير طبيعي....
نسأل الله أن يتجنب الجميع الطرق الملتوية خاصة في هذه الايام...لأن الله يمهل ولا يهمل
فهل من نقطة مراجعة مع النفس
أتمني أن أبارك للمريخ نتيجة من عرق الجبين
وتحية لك يا الامين
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: محمد البشرى الخضر)
|
شكلك ما تابعت البطوله دي كويس يا دكتور
ما تتغش بكورة الليله دي مباراة جوليبا ما عنده فيهانفقه و أداء واجب بس.
يعني تيم متأهل و متصدر و لاعب بأقل مجهود ما داير إصابات ولا كروت
انا كنت متمني ليوبار يفوز و متأكد معاي مريخاب كتار و بكده بقول ليك مشت معانا باسطه و المريخ بنسبة 80% في النهائي.
أنا ما مقتنع بقصة البطل ما بخاف دي الواقعية مطلوبه الوداد بدأ البطولة تعبان لكن بعد تغيير المدرب و الفوز في الكورة الفاتت لو إتأهل كان بقى خطر جداً و أصلاً ناس المغرب العربي ديل أفضل مننا بدون كلام لأنهم عندهم التكتيك و التفاصيل الصغيره في الكوره و مستواهم بيرتفع في الأمتار الأخيره عكسنا نحن. ما عارف مدربكم ده داير بجوليبا شنو ولا نظريته شنو لكن جوليبا ده بيتعبكم لأنه بيلعب جوه بره بنفس الطريقه الإستحواذ و الهجوم و ده الما بينفع معاكم.
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: محمد البشرى الخضر)
|
| Quote: متفائلين يا دكتور الكورة الأمس دي كويسة ومع شوية تركيز في الدفاع بتجيب فايدة - بس يوسف محمد دا يختانا كدا ولاّ كدا |
تعرف يا ودالبشري ....يوسف محمد دا عذب غارزيتو عذاب...يمين مانفع ..شمال ما نفع..كنت متوقع غارزيتو يتوكل علي الله ويطلعوا ويدخل مساوي
| Quote: بس كان ختى الرحمن في قلبو ولعب بأربعة مدافعين المور بتتسهل إن شاء الله |
أتوقع بعد إقتناعه أخيرا بهيثم ...حيرجع ل 442
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: د. ياسر عبد القادر)
|
Quote: والله يا الامين...الان في الخرطوم الكلام عن تفاصيل التفاصيل..مش الاخبار حاف كدا
بداية من تصريح أحمد أدم عافية وهو رجل ذو مصداقية عندي عن مادار في الاجتماع وعن ما ذكره الحكم وعن رد أحمد عافية...و عن ماشاهدناه في المباراة والانحياز الواضح الفاضح..وعن ماتردد بعد ذلك من أشخاص و صحفيين (حتي وإن كان هناك شك في مصداقيتهم) ولكن ماحدث من أحداث يدل علي صحة ما يتجهون إليه.....إنت عايزنا نتغاضي عن دا كلو عشان نحن ناس متعلمين مثلا ونمرر مرور الكرام ماحدث من أناس غير متعلمين مثلا..
يا سيدي لو كان الانتصار سليما...ومن داخل الملعب والله نبارك لكم بكل أريحية
أما قصة أنو عايز نا نطنش ونلبس نضارة لحام ونغض البصر ....لا والله.....هم يفعلون...ونحن لا نملك إلا أن نقول...هناك شيئ ما غير طبيعي....
نسأل الله أن يتجنب الجميع الطرق الملتوية خاصة في هذه الايام...لأن الله يمهل ولا يهمل
فهل من نقطة مراجعة مع النفس
أتمني أن أبارك للمريخ نتيجة من عرق الجبين
وتحية لك يا الامين |
خلاص يا د. ياســـر ما دام دا الكلام على العديلة تب يا زول
غايتو بطريقتك دي كان من السنة الفاتت مفروض
نشــــيل كأس الأندية الابطال .... والله صحي
الله لا كســـــبك يا جمال الوالـــي ياخ
وانتوا البرير وصلاح ادريس خليهم يشتروا ليكم بطولة خارجية
احترامي
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: Ahmed musa)
|
| Quote: وغارزيتو أثبت بعد نظره و حصافة رؤيته |
يادكتور ياسر
سلام وكل عام وانت بخير
ياخي اذا كان غارزيتو مقتنع بما قاله انه يريد مواحهة دجوليبا وخطط لذلك ليه منفعل وزعلان ومعترض على قرارات الحكم ويشوت فى الكور لحتى ما تم طرده من الملعب
مش كان عليه ان يجلس مرتاحا ويضع رجل فى رجل ويسعد بالهزبمة التى خطط لها
ياجماعة الله شافوه بالعين ولا عرفوه بالعقل
فى حد يرفض ان يلعب مباريات الاياب فى ملعبه مهما كان المنافس
وبعدين يادكتور الكنغولي لو فيه فائدة ما كان انتظر لاخر جولة حتى يتأهل
ودمت
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: د. ياسر عبد القادر)
|
الدكتور ياسر عبد القادر السلام عليك
صدقني لو واصلت طريقتك دي في ملاحقة المريخ صاح وكضب ح تكج الهلال دا كثير
لا بل أراهن بأية حاجة أنو المريخ ح يشيل الكأس لو إتا تابعت بنفس المنوال .
أديها صنة شوية لو ما عايز المريخ يجر البطولة دي من إضنينا الكبار ديل ويجيبا ليكم تاني مقلبا عليكم المواجع
وناكئا جرحكم القديم .
نصيحتي ليك ولأخوانك الهلالاب المساكين :
أصبروا في صمت عسى ولعل المريخ يجليها كما تشتهون وتأملون ..
وبهذه المناسبة السعيدة أحب أهدي أغنية (مسكين البدأ يأمل) لحماد الكالو الرماد .
...............
ملحوظة:
الكلام الفوق دا ح أحتفظ بيهو أذكرك بيهو في كل بوست مشابه ليك يا دكتور لغاية ما يحصل الشين الماعايزنو.
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: د. ياسر عبد القادر)
|
Quote: كيف مافي زول قال حاجة يا و البشاري
بسبب لواكة الإعلام للحتة دي جمهور المريخ دخل المباراة مشحون وفي حالة طرد قلق التي لا ينكر صحتها احد كسرّوا الكراسي وكادوا يوقفوا المباراة
يا ياسر يبقى غارزيتو حساباتو ما دقيقة لأن لو خايف من ملعب الكنغو بالتالي يتوقع تفوق الفريق الكنغولي على المريخ و بديهي بكون بطمح يتفوق على دجوليبا ف حيلاقي الكنغولي في النهائي و الأسوأ مباراة الكاس ح تتلعب هناك |
اها يا دوك رايك شنو في المعادلة دي؟
| |
|
|
|
|
|
|
|
|
|
Re: لأن دولة الظلم ساعة...ليوبارد يهزم دجوليبا بثلاثية حارقة ويلاقي ال (Re: الحاج حمد الحاج)
|
.
السلام عليكم يا دكتور
مشتاقين كتير
معليش خليني أجمع ليك الملاحظات على بوستاتك وبوستات الهلالاب كلها في المداخلة دي.
أولاً اقول ليك حاجة وما طالبني حليفة زي ما بقولوا انا قبل الكورة كنت متحير أنو بوستات فقه المؤامرة المتعودين عليها من الهلالاب دي مختفية ليه.
بعدين فكرت شوية لقيت انو دقسة الصحفي بتاعكم (بدون ذكر اسماء) المرة الفاتت الجاب قصة حمادة مدغشقر قبل يومها وبعد داك الناس شافت الحاصل في الميدان وعرفت الفولة زي ما بقولوا خلتكم تغيرو التاكتيك شوية. بدل قبل الكورة تجيبوا النقة دي بعد الكورة في حال الخسارة وفي حال الفوز ما كانت فارقة طبعاً. وياها واحدة من فرمالات صحافة الفول زي ما قال سيدا وسيدي وسيدك الله. يا اما الحكم يا اما الاناطين يا سوء الملعب. والحمد لله المرة دي مافي سيرة عصير مخدر.
يعني حسع انت وصبري محتجين على شنو بالضبط؟ وعشان أوضح ليك سؤالي راجع الاسئلة الجاية دي:
1/ ضربة الجزاء الأولى هل تجزم بأن مدافع الهلال لم يقم بتحريك قدمه اليسرى لاعتراض مهاجم المريخ؟ هل الفيديو بوضح الكلام ده؟ خاصة وانو الحكم كان اقرب الناس للحالة بل ومواجه المدافع وجهاً لوجه. ولعلمك راجعت الفيديو والصور الجابوها الهلالاب اصحابك ديل زاتم واقتنعت بانو المهاجم حاول تفادي المدافع وليس العكس. وأن المدافع حاول أن يخفي اعاقة المهاجم بس ما لفقت.
2/ ضربة الجزاء الثانية : هل تجزم بأن مدافع الهلال لم يغير وضع يده أبداً؟ بعدين هل وضع يد المهاجم ملامسة لجسمه أم بعيدة من الجسم بغرض قفل الطريق على الكرة؟ بمعنى انو تعمد لمسها ..
النجيضة: مهاجم المريخ حاول تمرير الكرة لزميله من تحت المدافع والمدافع فطن لذلك فحاول منع المرير بالسقوط واعتراض الكرة باليد. راجع الفيديو بالبطئ ينوبك ثواب في هذه العواشر المباركات.
3/ ضربة الجزاء المزعومة: نشرحها ليك بالحالة الفاتت دي زاتها. يعني لو الكرة لم تلامس يد مدافع الهلال وتعسر مهاجم المريخ المندفع في المدافع هل كان طبيعي ان تحسب ضربة جزاء؟ لا طبعاً.. لأنو مهاجم المريخ لما وصل المدافع كان الثاني أصلا في الارض. فطبق الحالة دي على حالة كاريكا..
بالمناسبة كون المدافع أصلاً في الارض أو هل ذهبت يده للكرة أم الكرة ذهبت اليها لا تنفي عنه تعمد اعاقة الكرة من عدمها.
بعد ده كلو يا دكتور الحالات دي كلها فيها سلطة تقديرية لحكم المباراة. والحمد لله في الحالات دي كلها الحكم كان قريب جداً من الكرة.
لو قبلت بالكلام ده كده بنسكت عن الباقي. وإن ما قبلت هاك ظلم الحكم للمريخ:
1/ كان عليه أن ينذر مدافع الهلال في الحالة الاولى إما بالأصفر أو بالطرد.
2/ كان عليه انذار كاريكا بالأصفر بسبب التمثيل. وللأسف كاريكا لاعب قدير ويرجى منه الكثير ولكنه تعود مثل هذه الهدايا المجانية من التحكيم المحلي. وكذلك سادومبا وهذا الأمر ربما يجلب لهما الكروت الصفراء في المباريات الدولية. وصحي دي برضها حالات تقديرية للحكام ديل. لكن التساهل المحلي مضر قطعاً باللاعبين على المستوى الدولي. وعشان كده الحكمين الطاهر وسيحة طوالي بينبهو الناس للموضوع ده.
3/ تعمد لاعبو الهلال العنف في بداية المباراة لإخافة مهاجمي المريخ ولم ينذر الحكم أي منهم.
بعدين يا دكتور ياسر هو في تيم في الدنيا دي ما بتغلب؟
يعني لما تقول يوجد طريق واحد للفوز على الهلال معناتو شنو الكلام ده؟ المريخ ده غلب الهلال بالطن عديل كده.. الغلب الفات ده كلو كان بطريقك الواحد ده؟
النجيضة أنا متعاطف مع حالتكم جداً. لأنو زي ما قال بابكر سلك رأسية بالضفر دي ما سمعنا بيها قبل كده. رأسية ولا منيكير هي؟ .. هاهاهاها ..
موضوع جوليبا واضح جداً .. هم ذاتم متجرسين من الوداد .. وعشان كده واضح انو تساهلو مع الفهود الكنغولي. وكان سألتني أنا ذاتي قلت للمريخاب اخير لينا دفاع الهلال ده من دفاع اهلي شندي.
وحامدين شاكرين ربنا أدانا الفي مرادنا كلو.
وما داير أقول القول المأثور " والله صحي" لأني بصراحة ما متأكد شديد ... هاهاهاها ....
أخيراً دايرين نسمع أخبارك في الخاص يا دكتور.
| |
|
|
|
|
|
|
| |
د. ياسر عبد القادر
abas
محمد البشرى الخضر
MOHAMMED ELSHEIKH
الامين موسى البشاري
الزبير صالح الزبير
Yassir Mahgoub
omar altom
Ahmed musa
معاوية محمد الحسن
الحاج حمد الحاج
khaleel
walid taha
صديق عيسى صالح
إدريس البدري
فايزودالقاضي
mekki
Dr.Elsadig Abdalla
فيس بوك
تويتر
انستقرام
يوتيوب
بنتيريست