|
|
 الا تكفي هذه باطاحة ود اللمين ...
|
Quote: في عام1995 كنا في جامعة السودان بصدد القيام بحفل خيري وعندما تحدثنا مع ود الامين علي تخفيض استحقاقه من الحفل علي اساس اننا طلبة وأن الحفل خيري رد لنا بكل استهتار: يعني شنو طلبة???
ح تدخلو الناس بنص القيمة انا ما بعرف طلبة ولاّ ما طلبة..
ثم ذهبنا الي ابو عركي فأقام الحفل دو إن يأخذ منه ولو جنيه فقط قال: ادوا العازفين حقهم..
فلك إن تقارن بين الموقفين والرجال مواقف...... |
|
|
 
|
|
|
|
|
|
|
|
Re: الا تكفي هذه باطاحة ود اللمين ... (Re: ود الباوقة)
|
Quote: الفن رسالة انسانية قبل ان يكون وسيلة للطرب
وكنز الفلوس |
عشان كدا ياود الباوقه لم يقولوا الزول دا فنان زي القالو ليهو انت ملاك
وفعلا الفن والتعامل الراقي لايخرج الا من فنان بحق وحقيقي
وبداخل اي انسان فنان وبعدها بتجي الحته بتاعت كيف تخرج هذه الاشياء وتتعامل بها مع البشر
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: وليد عبد اللطيف)
|
Quote: وفعلا الفن والتعامل الراقي لايخرج الا من فنان بحق وحقيقي
وبداخل اي انسان فنان وبعدها بتجي الحته بتاعت كيف تخرج هذه الاشياء وتتعامل بها مع البشر |
كمان ازيدك من الشعر بيتين
فنان جاء الرياض وحلف لو ما ادوه حقو كامل ما يغني ولا اغنية
دا بالله تقول عليهو شنو
اشكرك اخي وليد
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: ود الباوقة)
|
ياود الباوقة سلام
ياخوي الحركة دي في معظم الفنانين في لكن المجاهرة بيها وعلى الملأ هي المشكلة
في العادة الفنان بيمسك في حقو على نطاق المجموعة الجاتو وطلبت منو الحفلة...
كتير جداً الفنانين لمن يجو الحفلة، خصوصاً العامة، بيلقو حقهن ناقص لكن بيغنو
ربما يقصرو الغناء وبي طريقة ما كويسة لكن في النهاية بيغنوا ويحفظوا موية وشيهن أمام الحضور
والبيحصل وراء المسرح بينن والناس الجابوهن داك شي تاني
لكن في حالة ود الأمين الوضع إختلف
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: جلال جبريل)
|
| Quote: لكن في حالة ود الأمين الوضع إختلف |
يعني يا اخ جلال مرات الواحد بيغني لي معجبيه مجانا دون فلوس
ديل طلبة يا اخ وظروفهم المالية قدر حالهم
وارادوا الاستمتاع بفن من يحبونه
يجي بعد دا يقول ليهم طلبة يعني شنو ؟؟
شكرا ابو الجل
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: محمد أبوالعزائم أبوالريش)
|
Quote: إنت كفاية عليك "قيقم" والا إسمو منو داك.
مالك ومال الكلام البتوّر النفس؟ |
ابو الريش
صدقني اسمع اغنية فرسان الكمين من قيقم مرة واحدة
تعادل عندي سماع اغنية الجريدة 500 مرة
.................................
انت رايك شنو في كلام وداللمين للجماعة الطلبة ديل ؟؟؟
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: ود الباوقة)
|
Quote: ابو الريش
صدقني اسمع اغنية فرسان الكمين من قيقم مرة واحدة
تعادل عندي سماع اغنية الجريدة 500 مرة |
عليك نور ........ خليك مع فرسانك وقيقمك.
وخلينا نحن في ضلالنا.
بالنسبة لي سؤالك.
| Quote: الا تكفي هذه باطاحة ود اللمين ... |
لن يكفيه كلامنا إطراءاً .... ولو جئنا بماء البحر مددا.
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: محمد أبوالعزائم أبوالريش)
|
طيب يا ود الباوقه
ونحن في عام 1972 ونحن تلاميذ بمدرسة بحري الحكوميه
قررنا نحتفل باكتوبر رغم الحظر الذي ضربه نظام مايو علي الاحتفالات حينذاك
ذهبنا ونحن اعضاء بفرقة الموسيقي الي وردي وابو اللمين
والاثنين كانا خارجين من المعتقل
دعك من وردي الان
اما محمد الامين فسالنا ان كان الحفل بي تذاكر
فنفينا.... فرحب ترحيبا حارا بذلك وجاء الحفل وغني بالمجان
لا تعريفه ولا قرش ......
الاخيرات ديل بتتذكرم يا ود الباوقه ....!!!
| |
|
|
|
|
|
|
|
|
Re: الا تكفي هذه باطاحة ود اللمين ... (Re: ود الباوقة)
|
Quote: كمان ازيدك من الشعر بيتين
فنان جاء الرياض وحلف لو ما ادوه حقو كامل ما يغني ولا اغنية
دا بالله تقول عليهو شنو
اشكرك اخي وليد |
هههههههههه ود الباوقة زكرتني مره صاحبنا فرفور قبل ما يظهر ويشتهر
قلت ليهو عندنا مناسبة صغيره في المزاد تعال غني اها حضر وقعد يغني
غناهو ماعجبني قلت ليهو دا شنو يافرفور ماتغني كويس
قال : لكن ياوليد دا ما غناء المجاملات هههههههههه بصلعتوا الكبيره دي
عارف لكن بيني وبينك الناس دي صراحه بتقدم فصول ما حلوه مع الفنانيين لذلك دائما يتمسكون بحقهم
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: ود الباوقة)
|
سؤال شنو يا ود الباوقة ....
شايف جاوبو ليك (شهادة قصاد شهادة)
Quote: طيب يا ود الباوقه
ونحن في عام 1972 ونحن تلاميذ بمدرسة بحري الحكوميه
قررنا نحتفل باكتوبر رغم الحظر الذي ضربه نظام مايو علي الاحتفالات حينذاك
ذهبنا ونحن اعضاء بفرقة الموسيقي الي وردي وابو اللمين
والاثنين كانا خارجين من المعتقل
دعك من وردي الان
اما محمد الامين فسالنا ان كان الحفل بي تذاكر
فنفينا.... فرحب ترحيبا حارا بذلك وجاء الحفل وغني بالمجان
لا تعريفه ولا قرش ......
الاخيرات ديل بتتذكرم يا ود الباوقه ....!!! |
الفرق إن شهادتك ((في طلبة قالوا ليك)) .... وهنا جاك صاحب الشهادة ذاتو.
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: ود الباوقة)
|
Quote: الموسيقار محمد الأمين سيتغنى قريبا بقصيدة الشاعر هاشم صديق
(صعاليك البلد حاكمين) وبالتأكيد ستنال إعجابك. |
عامل رايح ولا ما شايف المداخلة دى ؟!!
بعدين (صعاليك البلد حاكمين) انا غايتو
متأكد مية مية حــ تنال إعجابك !!
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: محمد كابيلا)
|
صعاليك البلد حاكمين
: هاشم صديق
سَكّيتى
السحابة السمرا
من قيسان
ولي قِبلة
سما أمدرمان .
...........
يوم الجمعة
صلّينا
دعينا المطرة
شان تنزل
جات المطرة
بالبمبان .
..........
اتحرّينا لي رؤية
شهر رمضان
اتفاجئنا بي رمضان
كان حاضر .
مَرّ الحول
وما فاتنا
كان واقف
وكان حارِن
تقول حردان .
............
تمام حولاً
ونحنا تملّي
ناس صايمين
وماعارفين .
ما حللنا صوم
بي تمرة
ما بلّينا بي حلومر
حلق نشفان .
............
شن الصوم
وشن الرؤية
يا ( عشمانة )
كان عزّ القِرِش
في اءلايد
واتقدّد
جِلِد جُزلان ؟!
............
لا زِرّيعه
لي الآبري
لا عجالي
لي شرموط
لا ( تيبار )
عجيناً مٌر
ولا في عصيدة
بي ملاحاً
لذيذ ويسُر
..........
لا في بليلة
في حلة
ولا تمراً كُبار
في كورة
يتبلا.
........
لا فحماً
ولا ملحاً
ولا قِرشاً
يجيب شيتاً
من الدكان .
..........
اتشققنا
لّما نشفنا
واتقلّينا
لما نجِضنا
واتفتفتنا
لما كملنا
وأسيادنا السُمان
(كيزان ) .
..........
قرصنا الجوع
مرقنا هتفنا
ضد والينا
ضد خانقنا
ضد كاتلنا
كان صوت
الوجع عالي
وكان نقحي الجروح
مسموع
ضحكوا علينا
ناس ( كاكوما )
و ( ود برهوما )
قالوا علينا
أحسن لينا
( لحس الكوع )
سبحان الخلق
أشتات
ديل ناس الشرف
ناصل
وناس أصل الخجل
مجدوع .
...........
صعاليك البلد
حاكمين
أشراف الوطن
صاغرين
يمرقوا غلابة
للبمبان
وتتكندك
سما أمدرمان
والفراجة
و (المهراجا )
بس لابدين .
...........
سمح والِينا
لما يفور
ولما يثور
علي منصة
ويهز الايد
كمان تجديد
في أصل
( العرضة )
والرقصة
يهيج فينا
وكمان يدينا
كم حصة
عشان كوركنا
من جوعنا
كسرنا الخوفة
والرصة
طلعنا هتفنا
مرقنا دفرنا
زي سيلاً نتر
دفَاق
و بقينا وصرنا
عند الوالي
متآمرين
كمان شماسة
ضد الدِين
وناس عُملا
و( شذاذ آفاق ).
...........
مسكينة يا عشمانة
قالوا تقاطعي
حسه اللحمة
كان حمرا
وكان بيضا
تحاربي طماطمة
حُمرة عين
وتبعدي من البيض
حت ءان بيضة
أو بيضتين
دحين
قبال كلامهم ده
كنتي مقاطعة
اسرائيل
أو الكفار ؟
كنتي بتاكلي
يا عشمانة
ديمة سخينة
أو كافيار ؟!
.........
مسكينة
يا عشمانة
يا حيرانه
جاتك حسه
نار كُربه .
حتي الكهربا
شوف عينيك
سماع اضنيك
جن ضَرَبا
ووقدت نار
كمان قَدَلَت
رافعة النخرة
واتنفَشَت
تقول سد مروي
ءاتْلبّش
بجن حبشي
ونازل ظار
.............
شنو الخلوهو
ما زادوهو ؟
غير نَقَص العُمر
والحيل
شنو السابوهو
ما قطعوهو
كان حتي الوطن
قصوهو
من مليون
صبح كم ميل ؟!!
.........
( وا أسفاك (1)
يا عشمانه
من ناس ديك
و ( وآ أسفاي
من ناس
ديل )
ناس ( المؤمن
الطعّان
والفاحش
واللّعان )
تقول ( القُدوة )
ما كانت
( رسول الله )
ولا المسلم
لسانو تُقَا
وحديثو نبيل .
..........
ديل يا زولة
ما قارين
صِحاف خُلفا
ولا عارفين
منو ( العُمَرين )
ولا دارين
شنو ( الأخلاق )
ووين ( موقع )
شتايم الوالي
عندالله
كان الشعب
شحادين
وكوم عُملا
و ( شذاذ آفاق )
والبهتف
في وش الوالي
كان تَشّاهو
جمر الجوع
أحسن ليهو
( لحس الكوع )
وبكون ( مدفوع )
وزول عولاق
.............
يا عشمانه
( رغم السيف )
ورغم القيد
راية العزّه
ما بتندّلا
تظل مرفوعة
زي رأس
الوقف جبار
ولمس النار
ما رمّش
ولا اتذلاّ
............
وكان ألفين
ورا الأسوار
هناك ثوار
بجيبو التار
ويقولوا ( نعم )
لكلمة ( لا ) .
............
بكره قريبه
يا عشمانه
نتماسك
نقيف في وش
لصوص الدين
ربيعنا العربي
ما مخنوق
ولا مسروق
ولا تلجين
ولا تلحين
ربيعنا العربي
من ابداع
شباب مغبون
حمم طالع
جحيم فارع
من بركان
غضب مجنون
..........
نشوف بكره
منو البلحس
عديل الكوع
ومنو الواقف
وراس مرفوع
..........
منو الشعب
الهتف طالع
ملا الآفاق
منو الخايين
منو الخايبين
ومعروفين
( شذاذ آفاق )
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: محمد كابيلا)
|
Quote: يا اخوان ما يعميكم حبكم لود اللمين من قول الحق
الراجل متلوم متلوم |
الاخ ود الباوقة
لك التحية
أتمنى أن تطبق الكلام على ما ظللت تصك به آذاننا بخصوص البشير
رجل إبتلانا الله به حاكما على السودان على مدى 23 عاما يكاد يعود
بالسودان الى فترة العصور الوسطى دمار لكل المرافق والمشاريع
فساد لم يسبق له مثيل ويكفينا فيه شهادة شيخ صادق عبد الماجد
وحضرتك تهلل له وتنزهه عن الأخطاء ولم يتبق لك الا أن تعلن أنه ولى
من أولياء الله الصالحين .
وفق الرؤية التى طرحتها فى المقتبس أعلاه أن تبرز لنا الجانب الآخر من
سيدك الرئيس ( يعنى سلبياته) أكون لك من الشاكرين.
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: Dr.Elsadig Abdalla)
|
Quote: اغنية حبايبي الحلوين اهلا جوني
صدقوني لا استبدلها باغنية الشباك
يا اخ حب الناس مذاهب
كمان انتو ما تفرضوا علي حاجة لا تتناسب وذوقي الفني |
ليك علينا ..... ما نفرض عليك أي شئ ...
ولو جابوهو في الراديو أقفل الراديو أو غيّر المحطّة
بس كمان إنت ما تفرض علينا حاجاتك العجيبة العارفا ديك !!!! 
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: ود الباوقة)
|
هس عليكم الله يا جماعة استمع لي اغنية
بنية في فتوار موقدة في النار
من لهيب الشوق ببكي ليل ونهار
احسن لي من استمع لي اغنية ماهو باين في العيون
يا جماعة عليكم الله الكلام الاعوج ما تقولوه
وما تجبروني على شيء نفسي مابياهو
وشكرا
| |
|
|
|
|
|
|
|
|
|
Re: الا تكفي هذه باطاحة ود اللمين ... (Re: ود الباوقة)
|
Quote: انا شخصيا عكسكم تماما
كل اغاني ود اللمين بالنسبة لي كش وادي البحر
مع كيف خفيف لاغنية العيون النوركن بجهرا
الواضح ما فاضح يا جماعة |
عداك العيب يا ود الباوقة...
طالما اصلا الثقافة قيقمية فلا ضير أن لا تطرب له
وبعدين:::
يا راجل:؟
http://www.youtube.com/watch?v=R9R48cosbtA
رجل يتغني ب: كلمات تاجر السر كنه
يا نديمي دعك من عثرات قولي واترع الكأس تناجي الكون مثلي
لا تظنني ابيد العمر لهواً اذ انا جسم به البركان يغلي
سوف يأتي باسم الثغر يلوح بالأماني....
تقارنو بي بنية من فتوار...ثغر زاتو ما عندها؟؟؟
| |
|
|
|
|
|
|
| |
وليد عبد اللطيف
جلال جبريل
محمد أبوالعزائم أبوالريش
Emad Ahmed
محمد علي شقدي
دبس
محمد كابيلا
جمال خضر
حبيب نورة
Dr.Elsadig Abdalla
وضاحة
nazar hussien
حاتم تاج السر المبارك
MOHAMMED ELSHEIKH
فيس بوك
تويتر
انستقرام
يوتيوب
بنتيريست