كتب الكاتب الفاتح جبرا المتوفرة بمعرض الدوحة
|
|
 السودانيين فى اريزونا لغز يحتاج لحل
|
السودانيين باريزونا فعلا لغز محتاج لحل , غايتو ربنا يكون فى العون . يعنى و الله الواحد ما عارف الحاصل شنو للسودانيين الموجودين
باريزونا ؟ لكن نقول سميناها رضينا .
طبعا الواحد فى حيرة من امره من الشئ البحصل فى اريزونا , بل الواحد ما عارف يتصرف كيف مع ناس من بنى وطنه ؟ يعنى قدر ما تقول ياخ
ياخ انسى و تعامل باصلك , ما اصلو دنيا الغربة محن فيها الطالح و فيها الصالح . المهم السودانيين باريزونا محتاجين لتربية وطنية.
____________________________________________________________________
السؤال الذى يطرح نفسه من اين اتى هؤلاء القوم ؟
|
|
 
|
|
|
|
|
|
|
 Re: السودانيين فى اريزونا لغز يحتاج لحل (Re: صديق مهدى على)
|
إنت عامل فيها مفتح وناقش اي حاجة
اسع امر الناس بقى ليك لغز ؟؟ وين الشطارة بتاعتك؟!
يا اخوي انسى وعيش , ومن راقب الناس مات هماً
إنت مالك ومال الناس الغيرك؟ خليك في حالك ... إنت زاتك لغز , كل يوم تجي تكتب بوسط وتكورك هنا في البورد , وبوستاتك كلها ما مفهومة.
معليش اسمع كلام البيبكيك ما تسمع كلام البيضحكك .
| |
|
|
|
|
|
|
|
 Re: السودانيين فى اريزونا لغز يحتاج لحل (Re: صديق مهدى على)
|
الصديق العزيز/ صديق .. ما مشكلة الطلعة برّة المقال (هو المقال وينو)
لكين انا وجهت ليك رسالة قولتا ليك الزمن ده ابعد من مراقبة الناس وخليك في حالك مع وليداتك ما بتجيك عوجة , السودانيين ديل طالما لغز وما معروفيين جايين من وين إنت واجع دمعاغك معاهم مالك؟؟ ... وبعديمن شتيف بوستاتك كلها بقت استفهامات ومشاكل , الله يسهل ليك ويجيب العواقب سليمة.
| |
|
|
|
|
|
|
|
|
 Re: السودانيين فى اريزونا لغز يحتاج لحل (Re: صديق مهدى على)
|
.
صديق مهدي
وين الحي بيك , بتمني تكون بخير وأتم عافية
بعدين ممكن تفترض السؤ في بعض الناس _ لموقف بينك وبينهم _
إفتراض السؤ في كل الناس !!!! حتقوم طوالي تراجع نفسك عشان تعرف الخطاء وين
لانوا احتمال تكون على خطاء
أكبر بكتير من أنو كل الناس على خطاء
غايتو المنطق بقول كده
ما شائف أنو الاحتمال ده ممكن
أصلوا ما تزعل نفسك أي سوداني تصادفوا في بلدكم ديك
أطرح لي سؤالك من أين أتي هولاء!!!!!!!!
أقيف في الشارع وقول ليهم
من أنتم
من انتم
بعدين يا صديق موقف مع واحد ولا عشره صعب يبقي قاعدة تعممه
وتتصور أنو كل السودانيين كده ........ ياخي أصابعينك ما زي بعض
-----------
فردتك عبد الناصر بتاع الرياض والسفارة والبوكر .......الخ
وقبل ما تسألني من أين أتيت !!!!!!!
الاجابة ببساطة من هناك .........
| |
|
|
|
|
|
|
|
|
 Re: السودانيين فى اريزونا لغز يحتاج لحل (Re: عبد الناصر الخطيب)
|
عبدالناصر اولا السلام عليكم و رحمة الله تعالى و بركاته و انشاء الله كل امورك خير . عزيزى المحترم هذا البوست هو عبارة عن نفرة اجنماعية لكل سودانى يهمه سلامة مجتمعه , لذا انا كتبته اريد من كل
انسان ان يناقش ما طرحته فى هذا البوست عبر الانترنت للفائدة العامة حيث لم اقصد شخص بعينه بل ملاحظة او بالاصح تقول وجهة نظر و ما شرط ان تكون صحيحة مائة فى المائة , لك كل الود و الاحترام .
| |
|
|
|
|
|
|
|
|
 Re: السودانيين فى اريزونا لغز يحتاج لحل (Re: صديق مهدى على)
|
.
صديق مهدى على
الحمد لله يا صديق الحال عال
شكرا للاهتمام والرد :
| Quote: هذا البوست هو عبارة عن نفرة اجنماعية لكل سودانى يهمه سلامة مجتمعه |
بتمني تكتب الظواهر الشائفة محتاجه أنو مجتمعكم السوداني
في أريزونا يتخلص منها ......... الكلام العام يا صديق
بخلي الفهم عائم .......... وأى زول يبدأ يتخيل حاجات من عندو
حيث أنا في مجتمعي السوداني برضوا في ظواهر مزعجة
مرات كتيره الكلام بجيبه في قعدات السودانيين وبتعرضوا ليها
المشكل يا صديق الواحد بتحسس من الناس البتناولوا غيرهم بسلبية
ومن خلال تجربة يا صديق ما عارف كان عندكم أو مختلفة منكم
(( حراس الفضيلة )) ديل ممكن يكونوا أبعد ناس عنها
ياخي الناس عندهم ربهم البحاسبهم
ما تحكم عليهم إلا من خلال تعاملك معاهم
وما تطلق أحكام معّممه لانو تجربة ولا عشرة برضوا ما قاعدة لحكم معّمم
أي مجتمع فيهوا صالح وطالح ده شي بديهي
يبقي الفائدة العامة أنك تقدر تتعامل مع المجتمع ده بصالحوا وطالحوا
وتعرف أنوا الدنيا دي بتلمك في ديل وديل وتقدر تتعامل مع الموقف حسب مقتضياتوا
تقول المجتمع الفلاني ما عاجبني
ما عند غير حلين أبعد عنوا او أصلحوا حسب البتشوفوا الحالة المثالية في ذهنك
لو التانية مستحيلة يبقي ما عند إلا الأولي ودي صعبة يا صديق
أي سوداني ما بقدر يكون بلا تواصل مع السودانيين
ودي طبيعه فينا
ليك كل المودة والاحترام
| |
|
|
|
|
|
|
|
|
|
Re: السودانيين فى اريزونا لغز يحتاج لحل (Re: عبد الناصر الخطيب)
|
الاخ عبدالناصر شكرا على كلامك الجميل الذى يدل على اصلك , على حسب الكلام الذ ورد فى البوست فعلا نحن فى مشكلة حقيقية تحتاج لعلاج لكى نسير فى الطريق الصحيح الذى ابعدنا عنه العساكر
و السياسيين و المؤرخين و الصحفين , حيث ادخلونا فى جحر ضب خرب . لذا ايها الاخ الكريم اطلب منك ان تطيل حبل دلوك لتمدنا بالمفيد و لك جزيل الشكر و التقدير , لاننى شعرت بانك انسان مهتم باصلاح
المجتمع و ربنا يوفقك .
| |
|
|
|
|
|
|
| |
صديق مهدى على
احمد محمد بشير
اسماء الجنيد
فيس بوك
تويتر
انستقرام
يوتيوب
بنتيريست